1 कुरिन्थी 1-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

बकिर जाहें होड़ परमेसर मड़ांग रे आलकु घमंड के लःअय, परमेसर बुधीमनकु के ला-लाज ची लःअय, बे-बुधी कु के चुनाव तदकुआय, आउर जे दुनिया रिनकु समारथी कु के ला-लाज ची लःअय, नरजोर होड़कु के चुनाव तदकुआय। जे होड़ अपन के बड़े समझाआकु, हुंकू के एतान होः कनोआँ लकान ब-बनाव लःअय समाज रिनकु छोटे होड़कु के आउर जेके घींड़ उकुआकु आउर, जे एतान होः कनिकुआ, हिंकु के परमेसर निबाड़ लिकुआय।

एता लःअय ची जेके परमेसर नास कुआय, हुंकू लःअय ख्रीस्त कुरूस तेंग रे गोएःग उनी आला संदेस, मुरखाई रेनअः बात लेकाना, बकिर आबु लःअय जे परमेसर तरअः बंचाव उनकु हेके, नोःआँ संदेस परमेसर आला समरथ हेके।

एता लःअय ची परमेसर आला मुरुखता मनवा आला बुधी तरअः बुधीमन एदनाआ, आउर परमेसर आला नरजोर मनवा आला सवांग तरअः बलवान एदनाआ।

परमेसर जरूर हेंकान गी दोहो केपेआय, एता लःअय ची हुनी बि-बिसवास लकान इदानियाँ, हुनी अपन होपोन परभु ईसु ख्रीस्त रअः संगति रे राअः तदपेआय।

ए बोकोकु, आबु आली परभु ईसु ख्रीस्त आला नुमू रे ईङ आपे तरअः गोहराअ तनिङ ची आपे मि बरन बातेपे, आउर आपे तलारे अनबन आलु हुयाव कोअ। बकिर मि बरन सोंच आउर मि मत रे मिजुट ताहिनपे।

ओकाःड़े एदान कुआ गेयानी होड़? ओकाःड़े इदानकुआ धरम पुथी सि-सिखावकु? ओकाःड़े एदान कुआ नोःआँ जुग रिनकु रेना-टेटा वाला? एता लःअय ची दुनिया रेनअः बुधी के परमेसर निरबुधी ठहराव तदाय।