Lukas 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Maminna dinen barik, akaus pangajaranna, manjarum i Yesus lo’a i Simon, “Awajo parau di’en lo’a jalu bajalamen. Amborang inang dinen jalanu,” ingka kenang i Yesus lo’a i Simon.

Jaji manjarum i Simon lo’a, “Pa’ Guru,” ingka, “samalam-malam mamin karajanam manyari lauken. Na’ankam mandua’ang lauk, na’ankam kule’,” ingka kenang manjaruma i Simon. “Poangsi asi poang lo’a. Pa’ Guru manyuro’ mamborang jalako,” ingka kenang manjaruma i Simon dinen. Jaji daamborang barik di jalu bajalamen malola’ani jaruma i Yesus, bayu’ tapat kule’a, tabakak. Mulai to’ atatas jalada’ dinen.

Poangsi daia dinen biasa bea kapi’ang kalena lo’a kosan ateengen laloang bado’a inang.

“Daiak pamondokku’ di’en okanak mondok mangampitang tau maminen tapat di arona Alatala kalo’aan. Okan bea pamondokku’ lo’a tau maminen manamu ratina. Pamondokku’ di’en lo’a tau yang badosaan, lo’a tau ajau’en. Kenang pamondokku’ di’en,” ingka kenang i Yesus manyautina.

Dakita awan dinen kole’a i Simon, daiapi malingkutut ungge’-ungge’ dinen ijolona i Yesus. “Babajao’ko lo’ku’ Paraampuane,” ingka, “kole’a iak di’en tau yang badosaanak,” ingka kenang.

Jaji dabalas barik kole’a i Yesus mamakai sama’ jaruma, “Ai lo’a, intain tau yang paruluun lo’a dokteren? Okan tau parulu dokteren, tau babago’en, tau bangasen. Yang parulu lo’a dokter, dinen tau apadisen, tau ajau’en,” ingka kenang.

Laloang barik datarik parauna kole’da’ tatunduk lo’a tana’en. Darantang unjang kausana laloang malola’ lo’a i Yesus.

Jaji barik waktu nanga andianna i Yesus di banua seraan, mondok bea babakaan yang tau dadua’ kudungen. Akudung kausa mantuarina tau dinen. Jaji dakita barik i Yesus kole’a tau dinen, saja ungge’-ungge’ ijolona. Jaji barik manjarum, “O Paraampuane, kamase’i iak. Kutamuko, ikule’ iko bua mamarese lo’ku’ ati’enko mainya’ to’ mangamase’i lo’ku’,” ingka kenang tau dinen lo’a i Yesus. Jaji datanggeang barik tanganna i Yesus, dajalaang lo’a tau dinen de’i. “Mainya’ak,” ingka kenang. “Maamko barik, bareseko,” ingka kenang manjaruma i Yesus. Sikadang kayana rabarik anyapa kudunga tau dinen.

Poangsi insang kaya rabarik tadongona asanna i Yesus. Tauenpi bayu’ yang babangkulungen to’ mandalinga lo’a, to’ suro’ pamaam padisa.