Markus 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Daikin to’ dakalibakang taukin kole’a asanku’. Poangsi intainkin ona’ yang ikule’en panaat sampai mondok lo’a katuntunganna, dinen ona’ dakatio’en,” ingka kenang i Yesus lo’da’.

Jaji daikin jaga ikin, kole’a na’an itamu ikin bayana.

Jaji daawakin ona’ idurusi, jarumin dinen, ada’kin kalangganganen. Ai poang yang andianen ilalam pikirannin, yang mainso’en di baba’in, din poang ijarumangen. Kole’a okan lagi’ jarumin, jaruma Sumangat Bareseen,” ingka kenang i Yesus lo’da’.

Suanen di’en ona’ to’ talalo inyap. Duniaanpi ka’ kenanga. Poangsi gulungan jarumku’ di’en na’an mainya’ inyap. Tetap adari kausana,” ingka kenang i Yesus lo’da’.

“Asona adarina jalu kujarumangen dinen, kosan tau manamu. Malaikatenpi di Surga na’an manamu. Daiak di’en, Anaka Alatala na’an bea kutamu. Suma poang yang manamuun, Amaku’ yang manamuun to’ adarina.

Andian ona’ dongo tau suno’en, sapa dua mainso’, sapa dua bajao’, ada’kin atakuten. Arung adari lalo, poangsi nampi mondok lo’a katuntunganna,” ingka kenang i Yesus lo’da’.

Daikinpi ka’ kenanga. Jagai ikin kole’a na’an itamu ikin bayana to’ mole’a toa saoen. Na’an itamu makapen. Na’an itamu lalo tanga’ malam atau malam-malam. Ada’ sampai sadinga poang mondoka patanga’an tindo’in. Jarumku’ di’en yang kujarumangen lo’in, kujarumi kausanin. Bajagakin kausanin,” ingka kenang i Yesus lo’da’.

“Kole’a arung banua siuno’anen nanna banua bokanen. Arung kangkaman siuno’an nanna kangkaman bokanen. To’ tatagar tana’en kole’a gempa bumiin lo’din-lo’din. Kenang bea ona’ karaparanen di duniaan. Poangsi di’en mulakata poang lo’a parinsa’en awan lalo apadisa batanga babainyeen yang to’ aranaken,” ingka kenang i Yesus lo’da’.

Dongo Maamen dinen arung ijarumang ijolo lo’a tauen kira tatak banuaan nampina katuntunganna.

Kole’a bayu’ ona’ to’ mondok mala asanku’. Iak lalo tau dabayaangen, ingka bua ona’. Bayu’ ona’ daawa alingoon kole’da’.

“Poangsi daikin maam-maam kole’a ona’kin datingkam, daawa idurusi di arona ambata paurus Yahudiin. Datiangkin ona’ di ambata sao sambayangen. Daawakin ona’ di arona ambata gubernur, di arona ambata rajaan kole’a jarum iawana ikin atas asanku’. Ratina kenanga, datiang panyaksi dinen lo’ku’.

Pasti ona’ to’ andian kristusen, andian panjarumen yang okanen tapat. To’ dapayoang ona’ tanda panyunyuana bua to’ datiang mawa alingo lo’a tauen. Kamainya’anda’ dinen, gulungan tau daile’iinpi to’ daawa alingo ati’en dakule’,” ingka kenang i Yesus lo’da’.

“Maminna dinen, maminna gulungan parinsa’en dinen, Matasoon to’ araun, bulanenpi na’an to’ manyalang. Gulungan bintangen, to’ alao’ dari suanen, gulungan kuasa suanen to’ akaru, ingka kenang Jaruma Alatala yang datulisangenjo dinen.