Iuwãu 11-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

-Mana e Uito ti meiũ ikuꞌuro rakaria moieineꞌen hat sese e. Uwe uwe ikuꞌuro uimohey hatno turan miꞌi miit meiũran aru toineꞌen i raꞌyn wuatꞌi eꞌat pe. Iꞌewyte uwe uwe uimohey hatno topyhuꞌat toineꞌen ne hap turan miꞌi miit yt karãpe i ikuꞌuro sese hamuat aru maꞌato topyhuꞌat wuatꞌi eꞌat pe e. Mana e etimohey apo mio tã uiꞌe hap e.

Maꞌato Iesui toꞌe -Mana Mata etiwaure raꞌyn apo muap upiat uiꞌe hap epiat e. Uimohey pote ti aru eraꞌakasa Tupana ẽtyhot hap iminug wakuap sese mesup areꞌe hap.

Miꞌi hawyi Iesui tuwak taꞌyn.

Iesui tikuap taꞌyn iꞌatuwehaypoꞌoro hap hawyi toꞌe topotmuꞌeria pe -Aiwy Irasaru wyti iꞌahuu kahato paĩ e maꞌato yt ikuꞌuro hamuat i e. Taꞌi iꞌahuu ti wen maꞌato meiũran Tupana motypot hap topyhuꞌat irane e.

Miꞌi hawyi Iesui toꞌe tehay pirik wo -Irasaru erẽtem no e. Mio tã e pote tuwẽtem meremo guꞌuro pyi Irasaru nu kaꞌa pyi topoꞌi poꞌi hap tesokpe wywo topiit etiat topo etiat topy etiat toꞌakag etiat tosuwy hap sokpe wywo tuwẽtem. Miꞌi hawyi Iesui toꞌe -Eweipoꞌi poꞌi hap porap to hewyry mono e. Miꞌi hawyi Irasaru toineꞌen i itote waku pe ipiit tuwẽtem naꞌyn guꞌuro pyi.

Miꞌi hawyi tohatyꞌu kahato hap wywo putꞌok e aikope towy Irasaru taꞌatupag nu kaꞌa pe hap kape. Mekewat yi py hotꞌi piat nu kaꞌa pe taꞌatusyp Irasaru hawyi taꞌatuꞌokenhyp nu wato wo.

Mio tã tohenoi hawyi toꞌe topotmuꞌeria pe -Uiwyriaꞌin e aiwy Irasaru ti toket raꞌyn miꞌi pote areto raꞌyn mesup ihymut hamo e.