Iuwãu 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Einapin pakup hap i ahenoi ehepe eiwoꞌokyꞌe uhemiitꞌin worohoꞌokyꞌe hap ewy. Eiwoꞌokyꞌe uhemiitꞌin worohoꞌokyꞌe hap ewy e. Miꞌi tã ewetunug pote iraniaꞌin eikuap taꞌyn eipe uhemiitꞌin sese hap e 11 ok takaria pe.

Taꞌi Uito ti Eiporekuat sese Eimuꞌe hat sese maꞌato ti worohoꞌopysei semiit poꞌog yi kape hat ewy Uito e. Miꞌi tupono aikotã Uito ewy waku eweikupteꞌen wuatꞌi eropat hanuaria ewy e. Uiminug ehetiat ewy woꞌoeropat haria ewy ro eweikupteꞌen Uito ewy e.

Maꞌato Iesui tiwesat -Woropysei raꞌyn Peteru e mio maꞌato yt etikuap i te kan hamo woropysei hap e. Meiũran ti aru maꞌato etikuap taꞌyn uhyt e.

Pywo pe ti areꞌe woꞌoeropat hat wyti yt karãpe i poꞌog tokaꞌiwat kai toineꞌen. Iꞌewyte yt karãpe i miitꞌin mipoꞌoro poꞌog toineꞌen topoꞌoro hat kai e. Yt naku i watuwemowato hap watikyꞌesat e. Waku iraniaꞌin eropat haria wo yn watopyhuꞌat e.

Miꞌi tupono eweikuap taꞌyn aikotã waku woꞌoꞌeropat haria uiꞌewy eweikupteꞌen hap e. Miꞌi ewetunug pote Tupana mowepiit kahato haria wo eweikupteꞌen e Iesui iꞌatuepe.

Toikuap hawyi tenuk kahu raꞌyn hawyi Iesui ipoĩꞌam naꞌyn miꞌi hawyi tuwekamisa wato hep hawyi tuweꞌokpoꞌi toꞌokhakpo wepotip hamo. Miꞌi te soꞌosatꞌe yꞌy kuiꞌa pe hawyi toiꞌatupysei raꞌyn temiitꞌin. Waku hawyi toiꞌatupymogag tomipoꞌi toꞌokhak puat wo.