लूका 7-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

मोपतीके एको के शुश पाप नेल्‍ल क्‍याम्‍साक्‍व। मारदे हना एकोमी शुश आ दाक्‍तीके कोंइताक्‍व। सु के पाप इच्‍का ला क्‍याम्‍से, मेकोमी इच्‍का ला दाक्‍ब” दे मदा बाक्‍त। मिनु मीश मुर कली “इ पाप क्‍याम्‍साक्‍व” दे मदा बाक्‍त।

मिनु येसुमी मीश मुर कली “इ थमा सुइश्‍शोमी पाप रे ब्रोंइते। इ थुं नाइश्‍शा ग्‍येरशा बाक्‍को” देंशा सोइक्‍ता बाक्‍त। लूका ८:४८; लूका १७:१९; लूका १८:४२

मेको येसु आ खोइलीम बाक्‍शा ङाक्‍माक्‍त। मिनु आ प्रेक्‍कुम येसु आ खोइल जिप्‍‍पाइश्‍शा, आ चांमी फिक्‍गा बाक्‍त। मिनु आ खोइल पुक्‍पु पा मेको तेल ख्रेक्‍ता बाक्‍त।

मोपतीके गो इन कली ग्रुम्‍थ मपिङ। गे सापाइक्‍तीक लोव़ का ला पने। मिनु आं वाइल साब। गो यो अधिकार पाइश्‍शो मुर बाक्‍नुङ। लडाइ पाइबपुकीम आं कली टी‍नीम। गो का कली ‘लावो’ देंती हना, मेको लाइब। मिनु अर्को कली ‘पिवो’ देंती हना, पीब। आं वाइल कली ‘मेको गेय पावो’ देंती हना, मेकोमी पाइब” दे माइक्‍थ सोइक्‍ता बाक्‍त। मिनु येसुमी मेको लोव़ नेंशा छक लाक्‍माक्‍त। मिनु आ नोले खोइक्‍ब आन कली हिरशा कोव़शा “गो इस्राएली आन दातेमी मेको कप्‍तान खोदेंशो थमा सुइक्‍ब मुर सुइ मतङमी” देंमाक्‍त।

मेको निक्‍शी जाक्‍सानु, येसुमी शुश रोइ पाइब मुर आन कली सापाइक्‍ना पाइक्‍न बाक्‍शो बाक्‍माक्‍त। बेक्‍चा ङा रोइ पशो, वोलम सुम्‍शो मुर आन वोल खेरना खेरन बाक्‍माक्‍त। मिक्‍च मताइब आन कली मिक्‍च तपाइक्‍ना पाइक्‍न बाक्‍माक्‍त। मिनु येसुमी यूहन्‍ना आ शेंसीब आस कली “मार मार तसी, मार मार नेंसी, मेको नेल्‍ल यूहन्‍ना कली मतीसे। मिक्‍च मताइब मिक्‍च ताइबाक्‍तेक्‍म। खोइल मदुक्‍ब गाक्‍बाक्‍तेक्‍म। कोव़र पाइब साबाक्‍तेक्‍म। नोफा मनेंबम नेंबाक्‍तेक्‍म। बेक्‍शो मुर बेक्‍शो रे सेंसीशा ब्रोंइबाक्‍तेक्‍म। मिनु महिक्‍सीशो मुरपुकी ग्‍येरपाइक्‍ब लोव़ नेंपांइ‍सीबाक्‍तेक्‍म।