JAKOBA മുഖവുര

മുഖവുര

സാർവത്രിക ലേഖനങ്ങൾ

യാക്കോബ്, പത്രോസ്, യോഹന്നാൻ, യൂദാ എന്നിവർ എഴുതിയ ഏഴു ലേഖനങ്ങൾ സാർവത്രിക ലേഖനങ്ങൾ എന്ന പേരിൽ അറിയപ്പെടുന്നു. ലോകമെങ്ങും അഥവാ റോമാസാമ്രാജ്യത്തിലെങ്ങും ചിതറിപ്പാർത്തിരുന്ന ക്രിസ്ത്യാനികൾക്കുള്ള ഉപദേശങ്ങളാണ് ഈ ലേഖനങ്ങളുടെ ഉള്ളടക്കം.

യോഹന്നാന്റെ രണ്ടും മൂന്നും ലേഖനങ്ങൾ സാർവജനീന സ്വഭാവമുള്ളവയാണെങ്കിലും ചില വ്യക്തികളെ അഭിസംബോധന ചെയ്തുകൊണ്ടാണ് ആരംഭിക്കുന്നത്.

അങ്ങുമിങ്ങും ചിതറിപ്പാർത്തിരുന്ന യെഹൂദക്രിസ്ത്യാനികൾക്കുവേണ്ടിയുള്ള പ്രബോധനങ്ങളാണ് ഈ കത്തിൽ അടങ്ങിയിരിക്കുന്നത്. ഏതു സാഹചര്യത്തിലായാലും ക്രൈസ്തവർ അവലംബിക്കേണ്ട മനോഭാവം എന്തായിരിക്കണമെന്നു യാക്കോബ് ചൂണ്ടിക്കാണിക്കുന്നു. സമ്പന്നതയും ദാരിദ്ര്യവും, പരീക്ഷണങ്ങളും സൽകർമങ്ങളും, വിശ്വാസവും പ്രവൃത്തികളും, നാവിന്റെ ദുരുപയോഗം, ദൈവികമായ ജ്ഞാനം, അഹങ്കാരം, മാത്സര്യം, വിനയം, അന്യരെ വിധിക്കുക, ആത്മപ്രശംസ, രോഗശാന്തിക്കുവേണ്ടിയുള്ള പ്രാർഥന മുതലായ വിഷയങ്ങളെപ്പറ്റി ഈ ലേഖനത്തിൽ പ്രതിപാദിച്ചിട്ടുണ്ട്. പ്രവൃത്തികൂടാതെയുള്ള വിശ്വാസം നിർജീവമാണെന്നു ഗ്രന്ഥകർത്താവു സമർഥിച്ചിരിക്കുന്നു.

പ്രതിപാദ്യക്രമം

മുഖവുര 1:1

വിശ്വാസവും ജ്ഞാനവും 1:2-8

ദാരിദ്ര്യവും സമ്പത്തും 1:9-11

പരീക്ഷണങ്ങൾ 1:12-18

ശ്രവണവും പ്രവൃത്തിയും 1:19-27

പക്ഷപാതം-ഒരു മുന്നറിയിപ്പ് 2:1-13

വിശ്വാസവും പ്രവൃത്തിയും 2:14-26

നാവിന്റെ ധർമം 3:1-18

ക്രിസ്ത്യാനിയും ലോകവും 4:1-5:6

വിവിധ ഉപദേശങ്ങൾ 5:7-20

നിലവിൽ തിരഞ്ഞെടുത്തിരിക്കുന്നു:

JAKOBA മുഖവുര: malclBSI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Malayalam C.L. Bible, - സത്യവേദപുസ്തകം C.L.

സത്യവേദപുസ്തകം C.L. (BSI) നെക്കുറിച്ച് കൂടുതലറിയുക