SAM 23

എന്റെ ഇടയൻ

ദാവീദിന്റെ ഒരു സങ്കീർത്തനം

1സർവേശ്വരൻ എന്റെ ഇടയൻ;

എനിക്ക് ഒരു കുറവും വരികയില്ല.

2പച്ചപ്പുൽപ്പുറത്ത് അവിടുന്ന് എന്നെ കിടത്തുന്നു,

പ്രശാന്തമായ അരുവികളിലേക്ക് അവിടുന്ന് എന്നെ നയിക്കുന്നു.

3അവിടുന്ന് എനിക്കു നവോന്മേഷം നല്‌കുന്നു;

അവിടുത്തെ സ്വഭാവത്തിനു ചേർന്നവിധം

അവിടുന്ന് എന്നെ നേർവഴികളിൽ നയിക്കുന്നു.

4കൂരിരുൾനിറഞ്ഞ താഴ്‌വരയിലൂടെ നടക്കേണ്ടിവന്നാലും;

ഞാൻ ഭയപ്പെടുകയില്ല;

അവിടുന്ന് എന്റെ കൂടെയുണ്ടല്ലോ;

അവിടുത്തെ വടിയും കോലും എനിക്കു ധൈര്യം നല്‌കുന്നു.

5എന്റെ ശത്രുക്കൾ ലജ്ജിക്കുംവിധം

അവിടുന്ന് എനിക്കു വിരുന്നൊരുക്കുന്നു;

എന്റെ തല #23:5 എണ്ണ = എണ്ണ പൂശി അതിഥിയെ സ്വീകരിക്കുന്ന പതിവ് പുരാതന പശ്ചിമേഷ്യയിലുണ്ടായിരുന്നു.എണ്ണകൊണ്ട് അഭിഷേകം ചെയ്യുന്നു;

എന്റെ പാനപാത്രം നിറഞ്ഞു കവിയുന്നു.

6അവിടുത്തെ നന്മയും കരുണയും

ആയുഷ്കാലം മുഴുവൻ എന്നെ പിന്തുടരും;

സർവേശ്വരന്റെ ആലയത്തിൽ ഞാൻ എന്നേക്കും വസിക്കും.

നിലവിൽ തിരഞ്ഞെടുത്തിരിക്കുന്നു:

SAM 23: malclBSI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Malayalam C.L. Bible, - സത്യവേദപുസ്തകം C.L.

സത്യവേദപുസ്തകം C.L. (BSI) നെക്കുറിച്ച് കൂടുതലറിയുക