SAM 67

വിളവെടുപ്പിനു ശേഷമുള്ള സ്തോത്രഗാനം

ഗായകസംഘനേതാവിന്; ദാവീദിന്റെ സങ്കീർത്തനം

1ദൈവം നമ്മോടു കരുണ കാണിക്കുകയും

നമ്മെ അനുഗ്രഹിക്കുകയും ചെയ്യട്ടെ.

2തിരുഹിതം സർവഭൂവാസികളും അറിയട്ടെ.

അവിടുന്നു രക്ഷിക്കാൻ ശക്തനെന്ന് സകല ജനതകളും ഗ്രഹിക്കട്ടെ.

3ദൈവമേ, ജനതകൾ അവിടുത്തെ പ്രകീർത്തിക്കട്ടെ.

സർവജനങ്ങളും അങ്ങയെ സ്തുതിക്കട്ടെ.

4ജനതകൾ സന്തോഷിക്കുകയും ആനന്ദഗീതം ആലപിക്കുകയും ചെയ്യട്ടെ.

അവിടുന്നു ജനതകളെ നീതിപൂർവം വിധിക്കുന്നു.

ഭൂമിയിലെ സകല ജനപദങ്ങളെയും നയിക്കുന്നു.

5ദൈവമേ, ജനതകൾ അവിടുത്തെ പ്രകീർത്തിക്കട്ടെ.

സർവജനങ്ങളും അങ്ങയെ സ്തുതിക്കട്ടെ.

6ഭൂമി നല്ല വിളവു നല്‌കിയിരിക്കുന്നു.

ദൈവം, നമ്മുടെ ദൈവം, നമ്മെ അനുഗ്രഹിച്ചിരിക്കുന്നു.

7ദൈവം നമ്മെ അനുഗ്രഹിച്ചിരിക്കുന്നു.

സർവഭൂവാസികളും അവിടുത്തോടു ഭക്തിയുള്ളവരാകട്ടെ.

നിലവിൽ തിരഞ്ഞെടുത്തിരിക്കുന്നു:

SAM 67: malclBSI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Malayalam C.L. Bible, - സത്യവേദപുസ്തകം C.L.

SAM 67
-ൽ നിന്നുള്ള പ്രശസ്ത ബൈബിൾ വചനങ്ങൾ