സങ്കീർത്തനങ്ങൾ 41

സംഗീതപ്രമാണിക്ക്; ദാവീദിന്റെ ഒരു സങ്കീർത്തനം.

1എളിയവനെ ആദരിക്കുന്നവൻ ഭാഗ്യവാൻ;

അനർഥദിവസത്തിൽ യഹോവ അവനെ വിടുവിക്കും.

2യഹോവ അവനെ കാത്തു ജീവനോടെ പാലിക്കും;

അവൻ ഭൂമിയിൽ ഭാഗ്യവാനായിരിക്കും;

അവന്റെ ശത്രുക്കളുടെ ഇഷ്ടത്തിനു നീ അവനെ ഏല്പിക്കയില്ല;

3യഹോവ അവനെ രോഗശയ്യയിൽ താങ്ങും.

ദീനത്തിൽ നീ അവന്റെ കിടക്ക എല്ലാം മാറ്റിവിരിക്കുന്നു.

4യഹോവേ, എന്നോടു കൃപ തോന്നി എന്നെ സൗഖ്യമാക്കേണമേ;

നിന്നോടല്ലോ ഞാൻ പാപം ചെയ്തത് എന്നു ഞാൻ പറഞ്ഞു.

5അവൻ എപ്പോൾ മരിച്ച് അവന്റെ പേർ

നശിക്കും എന്ന് എന്റെ ശത്രുക്കൾ എന്നെക്കുറിച്ച് ദോഷം പറയുന്നു.

6ഒരുത്തൻ എന്നെ കാൺമാൻ വന്നാൽ അവൻ കപടവാക്ക് പറയുന്നു;

അവന്റെ ഹൃദയം നീതികേടു സംഗ്രഹിക്കുന്നു;

അവൻ പുറത്തുപോയി അതു പ്രസ്താവിക്കുന്നു.

7എന്നെ പകയ്ക്കുന്നവരൊക്കെയും എനിക്കു വിരോധമായി തമ്മിൽ മന്ത്രിക്കുന്നു;

അവർ എനിക്കു ദോഷം ചിന്തിക്കുന്നു.

8ഒരു ദുർവ്യാധി അവനു പിടിച്ചിരിക്കുന്നു; അവൻ കിടപ്പിലായി;

ഇനി അവൻ എഴുന്നേല്ക്കയില്ല എന്ന് അവർ പറയുന്നു.

9ഞാൻ വിശ്വസിച്ചവനും എന്റെ അപ്പം തിന്നവനുമായ

എന്റെ പ്രാണസ്നേഹിതൻപോലും

എന്റെ നേരേ കുതികാൽ ഉയർത്തിയിരിക്കുന്നു.

10ഞാൻ അവർക്കു പകരം ചെയ്യേണ്ടതിനു

യഹോവേ, കൃപ തോന്നി എന്നെ എഴുന്നേല്പിക്കേണമേ.

11എന്റെ ശത്രു എന്നെച്ചൊല്ലി ജയഘോഷം കൊള്ളാതിരിക്കുന്നതിനാൽ

നിനക്ക് എന്നിൽ പ്രസാദമായിരിക്കുന്നു എന്നു ഞാൻ അറിയുന്നു.

12നീ എന്റെ നിഷ്കളങ്കത്വംനിമിത്തം എന്നെ താങ്ങുന്നു,

നിന്റെ മുമ്പിൽ എന്നേക്കും എന്നെ നിർത്തിക്കൊള്ളുന്നു.

13യിസ്രായേലിന്റെ ദൈവമായ യഹോവ

എന്നും എന്നേക്കും വാഴ്ത്തപ്പെടുമാറാകട്ടെ. ആമേൻ, ആമേൻ.

നിലവിൽ തിരഞ്ഞെടുത്തിരിക്കുന്നു:

സങ്കീർത്തനങ്ങൾ 41: MALOVBSI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Malayalam OV Bible - സത്യവേദപുസ്തകം

സത്യവേദപുസ്തകം OV Bible (BSI) നെക്കുറിച്ച് കൂടുതലറിയുക