യെശ. 62

സീയോൻ്റെ പുതിയ നാമം

1സീയോനെപ്രതി ഞാൻ മിണ്ടാതെ ഇരിക്കുകയില്ല,

യെരൂശലേമിനെപ്രതി ഞാൻ അടങ്ങിയിരിക്കുകയുമില്ല;

അതിന്‍റെ നീതി പ്രകാശംപോലെയും

അതിന്‍റെ രക്ഷ, കത്തുന്ന വിളക്കുപോലെയും വിളങ്ങിവരുവോളം തന്നെ.

2ജനതകൾ നിന്‍റെ നീതിയെയും സകലരാജാക്കന്മാരും നിന്‍റെ മഹത്ത്വത്തെയും കാണും;

യഹോവയുടെ വായ് കല്പിക്കുന്ന പുതിയ പേര് നിനക്കു വിളിക്കപ്പെടും.

3യഹോവയുടെ കയ്യിൽ നീ ഭംഗിയുള്ള കിരീടവും

നിന്‍റെ ദൈവത്തിന്‍റെ കയ്യിൽ രാജമുടിയും#62:3 രാജമുടിയും രാജകീയ മകുടവും. ആയിരിക്കും.

4നിന്നെ ഇനി അസൂബാ#62:4 അസൂബാ ത്യക്ത എന്നു വിളിക്കുകയില്ല;

നിന്‍റെ ദേശത്തെ ശെമാമാ#62:4 ശൂന്യം എന്നു പറയുകയുമില്ല;

നിനക്കു ഹെഫ്സീബാ#62:4 ഹെഫ്സീബാ എന്‍റെ സന്തോഷം അവളില്‍ എന്നും

നിന്‍റെ ദേശത്തിന് ബെയൂലാ#62:4 ബെയൂലാ നീ വിവാഹിത എന്നും പേര് ആകും;

യഹോവയ്ക്കു നിന്നോട് പ്രിയമുണ്ടല്ലോ;

നിന്‍റെ ദേശത്തിന് വിവാഹം കഴിയും.

5യൗവനക്കാരൻ കന്യകയെ വിവാഹം ചെയ്യുന്നതുപോലെ

നിന്‍റെ പുത്രന്മാർ#62:5 പുത്രന്മാർ നിന്‍റെ സൃഷ്ടികള്‍ നിന്നെ വിവാഹം ചെയ്യും;

മണവാളൻ മണവാട്ടിയിൽ സന്തോഷിക്കുന്നതുപോലെ

നിന്‍റെ ദൈവം നിന്നിൽ സന്തോഷിക്കും.

6യെരൂശലേമേ, ഞാൻ നിന്‍റെ മതിലുകളിന്മേൽ കാവല്ക്കാരെ ആക്കിയിരിക്കുന്നു;

അവർ രാവോ പകലോ ഒരിക്കലും മിണ്ടാതെയിരിക്കുകയില്ല;

യഹോവയെ ഓർമിപ്പിക്കുന്നവരേ,

നിങ്ങൾ സ്വസ്ഥമായിരിക്കരുത്.

7അവിടുന്ന് യെരൂശലേമിനെ യഥാസ്ഥാനപ്പെടുത്തുവോളവും

ഭൂമിയിൽ അതിനെ പ്രശംസാവിഷയമാക്കുവോളവും

അവിടുത്തേക്കു സ്വസ്ഥത കൊടുക്കുകയുമരുത്.

8“ഇനി ഞാൻ നിന്‍റെ ധാന്യം നിന്‍റെ ശത്രുക്കൾക്കു ആഹാരമായി കൊടുക്കുകയില്ല;

നീ അദ്ധ്വാനിച്ചുണ്ടാക്കിയ വീഞ്ഞ് അന്യജാതിക്കാർ കുടിച്ചുകളയുകയുമില്ല” എന്നു

യഹോവ തന്‍റെ വലംകൈയും തന്‍റെ ബലമുള്ള ഭുജവും തൊട്ടു

സത്യം ചെയ്തിരിക്കുന്നു.

9“അതിനെ ശേഖരിച്ചവർതന്നെ അത് ഭക്ഷിച്ചു

യഹോവയെ സ്തുതിക്കും;

അതിനെ സംഭരിച്ചവർ തന്നെ എന്‍റെ വിശുദ്ധപ്രാകാരങ്ങളിൽവച്ച്

അത് പാനംചെയ്യും.”

10കടക്കുവിൻ; വാതിലുകളിൽകൂടി കടക്കുവിൻ;

ജനത്തിനു വഴി ഒരുക്കുവിൻ;

നികത്തുവിൻ; പ്രധാനപാത നികത്തുവിൻ;

കല്ല് പെറുക്കിക്കളയുവിൻ;

ജനതകൾക്കായിട്ട് ഒരു കൊടി ഉയർത്തുവിൻ.

11“‘ഇതാ, നിന്‍റെ രക്ഷ വരുന്നു;

കൂലി അവന്‍റെ പക്കലും

പ്രതിഫലം അവന്‍റെ കൈയിലും ഉണ്ട്’

എന്നു സീയോൻ പുത്രിയോട് പറയുവിൻ”

എന്നിങ്ങനെ യഹോവ ഭൂമിയുടെ അറുതിയോളം

ഘോഷിപ്പിച്ചിരിക്കുന്നു.

12അവർ അവരെ വിശുദ്ധജനമെന്നും

യഹോവയുടെ വിമുക്തന്മാ#62:12 വിമുക്തന്മാവീണ്ടെടുക്കപ്പെട്ടവർ എന്നും ചില വിവർത്തനങ്ങളിൽ കാണാം. രെന്നും വിളിക്കും;

നിനക്കോ അന്വേഷിക്കപ്പെട്ടവൾ#62:12 അന്വേഷിക്കപ്പെട്ടവൾ വളരെയധികം സ്നേഹിക്കപ്പെട്ടവള്‍ എന്നും

ഉപേക്ഷിക്കപ്പെടാത്ത നഗരം എന്നും പേര് ആകും.

നിലവിൽ തിരഞ്ഞെടുത്തിരിക്കുന്നു:

യെശ. 62: IRVMAL

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

MAL-IRV

Creative Commons License

Indian Revised Version (IRV) - Malayalam (ഇന്ത്യന്‍ റിവൈസ്ഡ് വേര്‍ഷന്‍ - മലയാളം), 2019 by Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.

ഇന്ത്യൻ റിവൈസ്ഡ് വേർഷൻ - മലയാളം നെക്കുറിച്ച് കൂടുതലറിയുക