Marc 2
2
1Gè té mare ndò, tokou Jésus tél ao Capernaüm té, dèdè do nè néh mè kei té.
2Dooudjé tokou baya mbona nou, tokou ban loou asedè ang, ke tadeo kei té ka deo goto, nè ntòdjoudè tar lo Allah.
3Dèdè ndé rè té ke doou kada ke debe rè woei, dooudjé sò otè.
4Mbata dèdè dase dé rò Jésus té ang mbata dooudjé dousou loou, dèdè mboutou dò kei dò Jésus té, tokou dèdè mboutou dò kei mbä, dèdè doulè ke twa ke nto kendé.
5Tokou Jésus wo ko mè té lodè, nè mpa ke doou ke debe rè woei, Ngonem, né ke madjang loi goto nga.
6Mare ndjè da maketourou ndedjidjé éh nou, dèdè dounda mèdè dè té, dèdè mpa mèdè té,
7Mbata di a doou nèn pa tokou ban wa? Nè mpa tar sa ke Allah. Doou di a ase ta kïya né ke madjang sè Allah kadaba ang wa?
8Loshénè loshénè ba Jésus geré mèa té tar ke tokou dèdè dao mpa mèdè té, nè mpa naredè, Mbata di a edjidjé tar nèn mèsè té wa?
9Di baa to né ke ngeng wota wa, tokou ma mpa mare doou ke debe rè woei, Madjang loi goto nga, aséh ta pana, I tarr oun twa loi ndja ke gòli wa?
10Ta karesè egeridjé Ngon lo doou éh ke singa ta kïya né ke madjang ke nange nèn, nè mpa ke doou ke debe rè woei,
11Ma mpa mari, ï tarr, oun twa loi, ao kei loi.
12Loshénè loshénè doou ï oun twa la, ntéh horodè té toï, tokou ban mèdè toï ounda dò bia, dèdè dòsou gadji Allah, dèdè mpana, Djo né tokou bé leo ang.
13Jésus ao ke daka, ntél nao kare tòkou man té, dooudjé tokou baya baya ao rè té, nè mpa tar naredè.
14Tokou nè nao ndai nè no Lévi, ngon lo Alphée, ke isi kei kouka narè lʼimpôt té, Jésus pa arè, Edé gom té. Nè nï tarr nao go Jésus té.
15Tokou Jésus isi ta table té ta kön mourou mè kei té lo Lévi, dooudjé ke ndjè taa narè lʼimpôtdjé ke ndjè né da ke madjangdjé baya disi ke Jésus ke ndjè kao gè tédjé, mbata dèdè ntokou baya ke dao gè té.
16Tokou ndjè da maketourou ndedji lo Pharisiendjé wo Jésus ao ön mourou ke ndjè né da ke madjangdjé ke ndjè taa narè lʼimpôtdjé, dèdè mpa dare ndjè kao gè tédjé, Mbata di a nön mourou ke naih ke dooudjé ke ndjè taa narè lʼimpôtdjé ke ndjè né da ke madjangdjé wa?
17Tokou Jésus wo tar nèn, nè mpa naredè, Ndjè ke isi ke rò too ang ndiki ndjè kouma ang, a doou ke ndjè rò too a ndikè. Mam ndé ta bar dooudjé ke gaté gaté ang, mam ndé ta bar dooudjé ke ndjè né da ke madjangdjé.
18Ndjè kao go Jean té ke Pharisiendjé dao dïya mourou, dooudjé dé rò Jésus té, dèdè mpa darè, Mbata di a ndjè kao go Jean té ke ndjè kao go Pharisiendjé té dïya mourou, a ndjè kao goi té ïya mourou ang wa?
19Jésus pa aredè, Ndò ke tokou basä taa dènè, a bo ndjè bokoradjé la dé rè té, a da mbeté mourou wa? Ndò toï ke dèdè disi ke basä dèdè dase ta kïya mourou ang.
20Ndò ao dé ke dèdè da kòrou basä horodè té, bana bokoradjé la a kïya mourou ndè tén lé.
21Doou kada a koun koubou ke siki ta kila né kem koubou ke konè ang, tokou noun koubou ke siki ta kila né kem koubou ke leo, a tir bo boui.
22Doou kada a kongou vin ke siki bar bòl vin té ang, tokou nda ban vin ke siki a tir bòl vin ke vin a nai, ke bòl vin a nai to. Dèdè dongou vin ke siki bòl vin té ke siki.
23Ndò sabbat kada Jésus ndai mè ndòò ndakiri té, tokou dao ndai ndjè kao gè tédjé ao tete ndakiri.
24Pharisiendjé pa arè, Wo, mbata di a dèdè nda né ke tar ndedji pana ase ta da ang ndò sabbat té wa?
25Nè mpa naredè, Etouraidjé maketourou té ang wa, né ke David da leo, tokou boo dè a mourou la goto ke dèdè ke déh sa.
26Tokou nè nao mè kei Allah té ndò ke Abiathar to to mbai lo ndjè kòrdjé, nè nousa mourou ke ngem dare Allah mè kei Allah té ke nare dooudjé ke ndja sa tò? Mouroun lé ke tar ndedji pana dooudjé ke to ndjè kòrdjé kadaba ase ta kousa?
27Nè mpa naredè, Nda ndò sabbat mbata lo doou, nda doou mbata lo ndò sabbat ang.
28Tokou ban Ngon lo doou to to Mbaibé ke ndò sabbat té to.
നിലവിൽ തിരഞ്ഞെടുത്തിരിക്കുന്നു:
Marc 2: KL1960
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here:
Marc 2
2
1Gè té mare ndò, tokou Jésus tél ao Capernaüm té, dèdè do nè néh mè kei té.
2Dooudjé tokou baya mbona nou, tokou ban loou asedè ang, ke tadeo kei té ka deo goto, nè ntòdjoudè tar lo Allah.
3Dèdè ndé rè té ke doou kada ke debe rè woei, dooudjé sò otè.
4Mbata dèdè dase dé rò Jésus té ang mbata dooudjé dousou loou, dèdè mboutou dò kei dò Jésus té, tokou dèdè mboutou dò kei mbä, dèdè doulè ke twa ke nto kendé.
5Tokou Jésus wo ko mè té lodè, nè mpa ke doou ke debe rè woei, Ngonem, né ke madjang loi goto nga.
6Mare ndjè da maketourou ndedjidjé éh nou, dèdè dounda mèdè dè té, dèdè mpa mèdè té,
7Mbata di a doou nèn pa tokou ban wa? Nè mpa tar sa ke Allah. Doou di a ase ta kïya né ke madjang sè Allah kadaba ang wa?
8Loshénè loshénè ba Jésus geré mèa té tar ke tokou dèdè dao mpa mèdè té, nè mpa naredè, Mbata di a edjidjé tar nèn mèsè té wa?
9Di baa to né ke ngeng wota wa, tokou ma mpa mare doou ke debe rè woei, Madjang loi goto nga, aséh ta pana, I tarr oun twa loi ndja ke gòli wa?
10Ta karesè egeridjé Ngon lo doou éh ke singa ta kïya né ke madjang ke nange nèn, nè mpa ke doou ke debe rè woei,
11Ma mpa mari, ï tarr, oun twa loi, ao kei loi.
12Loshénè loshénè doou ï oun twa la, ntéh horodè té toï, tokou ban mèdè toï ounda dò bia, dèdè dòsou gadji Allah, dèdè mpana, Djo né tokou bé leo ang.
13Jésus ao ke daka, ntél nao kare tòkou man té, dooudjé tokou baya baya ao rè té, nè mpa tar naredè.
14Tokou nè nao ndai nè no Lévi, ngon lo Alphée, ke isi kei kouka narè lʼimpôt té, Jésus pa arè, Edé gom té. Nè nï tarr nao go Jésus té.
15Tokou Jésus isi ta table té ta kön mourou mè kei té lo Lévi, dooudjé ke ndjè taa narè lʼimpôtdjé ke ndjè né da ke madjangdjé baya disi ke Jésus ke ndjè kao gè tédjé, mbata dèdè ntokou baya ke dao gè té.
16Tokou ndjè da maketourou ndedji lo Pharisiendjé wo Jésus ao ön mourou ke ndjè né da ke madjangdjé ke ndjè taa narè lʼimpôtdjé, dèdè mpa dare ndjè kao gè tédjé, Mbata di a nön mourou ke naih ke dooudjé ke ndjè taa narè lʼimpôtdjé ke ndjè né da ke madjangdjé wa?
17Tokou Jésus wo tar nèn, nè mpa naredè, Ndjè ke isi ke rò too ang ndiki ndjè kouma ang, a doou ke ndjè rò too a ndikè. Mam ndé ta bar dooudjé ke gaté gaté ang, mam ndé ta bar dooudjé ke ndjè né da ke madjangdjé.
18Ndjè kao go Jean té ke Pharisiendjé dao dïya mourou, dooudjé dé rò Jésus té, dèdè mpa darè, Mbata di a ndjè kao go Jean té ke ndjè kao go Pharisiendjé té dïya mourou, a ndjè kao goi té ïya mourou ang wa?
19Jésus pa aredè, Ndò ke tokou basä taa dènè, a bo ndjè bokoradjé la dé rè té, a da mbeté mourou wa? Ndò toï ke dèdè disi ke basä dèdè dase ta kïya mourou ang.
20Ndò ao dé ke dèdè da kòrou basä horodè té, bana bokoradjé la a kïya mourou ndè tén lé.
21Doou kada a koun koubou ke siki ta kila né kem koubou ke konè ang, tokou noun koubou ke siki ta kila né kem koubou ke leo, a tir bo boui.
22Doou kada a kongou vin ke siki bar bòl vin té ang, tokou nda ban vin ke siki a tir bòl vin ke vin a nai, ke bòl vin a nai to. Dèdè dongou vin ke siki bòl vin té ke siki.
23Ndò sabbat kada Jésus ndai mè ndòò ndakiri té, tokou dao ndai ndjè kao gè tédjé ao tete ndakiri.
24Pharisiendjé pa arè, Wo, mbata di a dèdè nda né ke tar ndedji pana ase ta da ang ndò sabbat té wa?
25Nè mpa naredè, Etouraidjé maketourou té ang wa, né ke David da leo, tokou boo dè a mourou la goto ke dèdè ke déh sa.
26Tokou nè nao mè kei Allah té ndò ke Abiathar to to mbai lo ndjè kòrdjé, nè nousa mourou ke ngem dare Allah mè kei Allah té ke nare dooudjé ke ndja sa tò? Mouroun lé ke tar ndedji pana dooudjé ke to ndjè kòrdjé kadaba ase ta kousa?
27Nè mpa naredè, Nda ndò sabbat mbata lo doou, nda doou mbata lo ndò sabbat ang.
28Tokou ban Ngon lo doou to to Mbaibé ke ndò sabbat té to.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here: