Marc 6
6
1Jésus ï nou ao béh la ndja, ndjè kao gè tédjé ao gè té tò.
2Tokou ndò sabbat nè nao ntòdjou tar dooudjé kei Allah té. Tokou ban dooudjé tokou baya ke wo tar la mèdè ounda do biä, dèdè mpana, Doou nèn inga tar nèn da wa? Kemkarè nèn na arè wa? Nè nda tòkou koula tokou ban ke dja.
3Nè nto ndjè koudja kake ang wa, ngon lo Marie ke ngokö Jacques ke Joses ke Jude ke Simon, ke ngakönanè isi horodjè té nèn ang wa? Mèdè toodè sa.
4Jésus pa aredè, Prophète inga piti loou té toï, bè ndja mè béh té la horo ngaköè té ke mè kei té la ndja ninga piti kendé ang.
5Jésus ase da tòkou koula nou ang, bè ndja ta kila dja dò dooudjé té ke ndjè rò toodjé kada kada, ke ta kòrou rò too lodè.
6Mèa edji nya mbata dèdè do mèdè té ang.
Nè ndja béh té dang dang ta tòdjoudè tar.
7Jésus bardè dòkou gérè djo, nè nao nouladè djo djo, nè naredè tè ta kare ntouba ndildjé ke madjang.
8Jésus ndedjidè ta koun né kada kao né ang, sè kake ndja kadaba. Ta koun mourou ang ke bòl ang, ta koun narè bòl té lodè ang.
9Nè naredè ta kare doula ndar gòldè té, ke ta kao ke koubou djo ang.
10Nè mpa naredè, Loou ke abidjé mè kei té kada, isidjé mè kei tén sar ïyaidjé béhn.
11Tokou béh ke ntaasè ke té ang, aséh dèdè mbeté ta ko tar losè, tokou ïyaidjé béhn etoundaidjé boum nange ke gòlsè té mbata tar nadji dodè té.
12Tokou ban dèdè dao mpa ke daka to tar lo dooudjé ta mbeté kedji né da ke madjang lodè.
13Dèdè ntouba ndildjé ke madjang nya, dila oubou dò dooudjé té nya ke isi ke rò too, dèdè dòrou rò too lodè.
14Mbaibé Hérode wo tarn lé mbata ri Jésus bar nya. Nè mpana, Jean ndjè da baptême leo téh mè bwa yo té, mbata yèn singa mongou ban da koula mèa té.
15Mare dooudjé pana, Nto to Élie. Maredjé pana, Nè nto prophète tokou lo mare prophète ke leo.
16Tokou Hérode wo tarn lé, nè mpana, Jean ke moudja gosè leo ï mbä nga.
17Mbata Hérode ndja oula leo are dwaa Jean nilè kei koula té, mbata tar lo Hérodias, dènè lo Philippe ngoköè, mbata Hérode taa Hérodias to dènè la.
18Mbata Jean pa are Hérode leo, Tar ndedji pana to tar loi ta taa dènè lo ngoköi ang.
19Tokou ban mè Hérodias tooè sa nya, ndiki ta tòl Jean a nè nase ang.
20Mbata bel da Hérode mbata Jean, mbata nè ngeré Jean to doou ke gaté gaté ke madji toï, bana nè ngemè madji. Tokou nè no tar lo Jean mèa sangè nya, sa no tar la ke koukou.
21Ndò ase ta kare Hérodias da né, ndò koudjou Hérode ase, a emëre laa, mmar nè tokou dooudjé la ke padjadjé ke mare tokou dooudjé ke Galilée té.
22Tokou ngon lo Hérodias ke dènè téh arr dana laa, a are koukou Hérode nya ke ndjè ke ön sa mourou, mbaibé lé pa are ngon ke dènè lé, Edoudjoum né ke i ndiki a ma kari.
23Nè noubou yo nare ngon ke dènè lé, Né ke edoudjoum a ma kari, aséh béh ko lom ba ndiki ka mam nkai mari.
24Nè ntéh daka, nè mpa nare këndjè, Di a ma doudjou wa? Këndjè pana, Dò Jean, doou ke ndjè da baptême.
25Ngon lé aïngorou loshénè loshénè nao rò mbaibé té, mpana, Mam ndiki ta kari arem do Jean, doou ke ndjè da baptême, mè tokou sèmbé té loshénè.
26Mbaibé lé ongou dè nya, a mbata nè noubou yo mbä, ke mbata dooudjé ke ön sa mourou no deo ta mbeté tar lo ngon lé ang.
27Mbaibé oula ndjè pourou kada loshénè loshénè mpa narè ta dé ke do Jean ndjè da baptême. Nè nao ngange gòbou Jean mè kei koula té.
28Nè ndé ke dè mè tòkou sèmbé té, narè ngon ke dènè lé. Ngon lé ao né are kêndjè.
29Tokou ndjè kao go Jean té wo tar lé, dèdè ndé doun ninè ndoubè bwa té.
30Ndjè kouladjé tél mbona rò Jésus té, dèdè mpa darè né toï ke dèdè nda ke tar toï ke mpa dare dooudjé.
31Nè mpa naredè, Edéidjé djao djisi ke kadadjè mè mou té, waaidjé ròsè ngadji. Mbata dooudjé baya dé ke tél tokou ban dèdè dase kön mourou ang.
32Dèdè eléldè ta kao mè mou té loou ke doou goto ke té.
33Dooudjé wodè dèdè dao dao, dèdè ngerédè, tokou ban dooudjé ke béh toï aïngorou ao loou té ke nou, dèdè ntéh nou dongor.
34Tokou Jésus téh mè to té nè no dooudjé tokou baya. Nè ndiki ta da mè madji kedè mbata dèdè nto tokou lo batidjé ke ndjè kouldè goto. Nè nao ntòdjoudè né tokou baya.
35Tokou kade ndai mbä ndjè kao gè tédjé dé rò Jésus té, dèdè mpana, Loou nèn to mè mou, kade ndai mbä,
36Are dooudjé nèn ao ndòò aséh mè béh té ke ngosiba ta ndoko mourou mbata lodè ndja.
37Nè ntél mpa naredè, Sésè aridjédè mourou dön. Dèdè mpa darè, Ndikidjè ta kare ndoko mourou ke denier#narè Romaindjé kòr djo ta karedè dön wa?
38Nè mpa naredè, Isidjé ke mourou ban wa? Abidjé woidjé. Tokou dèdè do mbä dèdè mpana, Mourou mi ke kaindji djo.
39Jésus pa aredè ta kare disi dang ke kotè dang dang do mou té.
40Tokou ban dèdè disi, maredjé isi dòdòkou dòdòkou, maredjé dòmi dòmi.
41Nè noun mourou ke mi ke kaindji ke djon lé, nè naa loou ke dara, mmar tar ke madji dè té, nè nkai mourou lé dana nare ndjè kao gè tédjé ta kare dare dooudjén lé. Nè nkai kaindji dana naredè toï.
42Dèdè toï dön mèdè ndan.
43Dèdè mbòn kese mourou dousou karè dòkou gérè djo ke kese kaindji to.
44Dèdè ke dön mouroun lé dooudjé dourou mi.
45Loshénè loshénè nè nare ndjè kao gè tédjé ao mè to té, dao dongor darè toura man té ke Bethsaïda tokou nè ndja nare dooudjé ke tokou baya ta kare dao béh.
46Gè té mpa naredè dao, nè nao do err té ta doudjou Allah.
47Tokou kade woei mbä, to ao do tokou man té, Jésus ndja isi nange.
48Nè nodè dao elél to ngeng mbata lél òkou deo lodè. Ngosiba ke do bakebé té nao ròdè té. Nè nao ndja dò tokou man té, nata ndaidè.
49Tokou dèdè doè nao ndja do man té, dèdè dedji to to ouma, dèdè dourouki.
50Mbata dèdè toï doè ke bel dadè nya. Loshénè loshénè nè mpa tar kedè, mpana, Aridjé mèsè isi dèkèkè, yèn to ma, ïyaidjé bel.
51Nè nao ròdè té mè to té, lél eo. Mèdè ounda do biä nya.
52Mbata dèdè ngeré gel tar mouroun lé ang mbata mèdè ngeng nya.
53Tokou dèdè dourou man mbä nga, dèdè ntéh nange té ke Génésareth, dèdè nto to kare kongo té.
54Tokou dèdè ntéh mè to té mbä nga loshénè loshénè dooudjé gerè.
55Dèdè daïngòrou béh té nou toï, dèdè dao doto dooudjé ke ndjè rò toodjé mè twa té lodè, dèdè dao kedè loou té ke do Jésus éh kendé.
56Loou toï ke nè nao tokou mè béh aséh mè tokou béh aséh mè ndoo, dao dongou dooudjé ke ndjè rò toodjé nata. Dèdè dao ndoudjè nya baa dèdè dase ta kòrou ta koubou la. Baa dèdè toï ke dòrou ta koubou la da dé madji.
നിലവിൽ തിരഞ്ഞെടുത്തിരിക്കുന്നു:
Marc 6: KL1960
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here:
Marc 6
6
1Jésus ï nou ao béh la ndja, ndjè kao gè tédjé ao gè té tò.
2Tokou ndò sabbat nè nao ntòdjou tar dooudjé kei Allah té. Tokou ban dooudjé tokou baya ke wo tar la mèdè ounda do biä, dèdè mpana, Doou nèn inga tar nèn da wa? Kemkarè nèn na arè wa? Nè nda tòkou koula tokou ban ke dja.
3Nè nto ndjè koudja kake ang wa, ngon lo Marie ke ngokö Jacques ke Joses ke Jude ke Simon, ke ngakönanè isi horodjè té nèn ang wa? Mèdè toodè sa.
4Jésus pa aredè, Prophète inga piti loou té toï, bè ndja mè béh té la horo ngaköè té ke mè kei té la ndja ninga piti kendé ang.
5Jésus ase da tòkou koula nou ang, bè ndja ta kila dja dò dooudjé té ke ndjè rò toodjé kada kada, ke ta kòrou rò too lodè.
6Mèa edji nya mbata dèdè do mèdè té ang.
Nè ndja béh té dang dang ta tòdjoudè tar.
7Jésus bardè dòkou gérè djo, nè nao nouladè djo djo, nè naredè tè ta kare ntouba ndildjé ke madjang.
8Jésus ndedjidè ta koun né kada kao né ang, sè kake ndja kadaba. Ta koun mourou ang ke bòl ang, ta koun narè bòl té lodè ang.
9Nè naredè ta kare doula ndar gòldè té, ke ta kao ke koubou djo ang.
10Nè mpa naredè, Loou ke abidjé mè kei té kada, isidjé mè kei tén sar ïyaidjé béhn.
11Tokou béh ke ntaasè ke té ang, aséh dèdè mbeté ta ko tar losè, tokou ïyaidjé béhn etoundaidjé boum nange ke gòlsè té mbata tar nadji dodè té.
12Tokou ban dèdè dao mpa ke daka to tar lo dooudjé ta mbeté kedji né da ke madjang lodè.
13Dèdè ntouba ndildjé ke madjang nya, dila oubou dò dooudjé té nya ke isi ke rò too, dèdè dòrou rò too lodè.
14Mbaibé Hérode wo tarn lé mbata ri Jésus bar nya. Nè mpana, Jean ndjè da baptême leo téh mè bwa yo té, mbata yèn singa mongou ban da koula mèa té.
15Mare dooudjé pana, Nto to Élie. Maredjé pana, Nè nto prophète tokou lo mare prophète ke leo.
16Tokou Hérode wo tarn lé, nè mpana, Jean ke moudja gosè leo ï mbä nga.
17Mbata Hérode ndja oula leo are dwaa Jean nilè kei koula té, mbata tar lo Hérodias, dènè lo Philippe ngoköè, mbata Hérode taa Hérodias to dènè la.
18Mbata Jean pa are Hérode leo, Tar ndedji pana to tar loi ta taa dènè lo ngoköi ang.
19Tokou ban mè Hérodias tooè sa nya, ndiki ta tòl Jean a nè nase ang.
20Mbata bel da Hérode mbata Jean, mbata nè ngeré Jean to doou ke gaté gaté ke madji toï, bana nè ngemè madji. Tokou nè no tar lo Jean mèa sangè nya, sa no tar la ke koukou.
21Ndò ase ta kare Hérodias da né, ndò koudjou Hérode ase, a emëre laa, mmar nè tokou dooudjé la ke padjadjé ke mare tokou dooudjé ke Galilée té.
22Tokou ngon lo Hérodias ke dènè téh arr dana laa, a are koukou Hérode nya ke ndjè ke ön sa mourou, mbaibé lé pa are ngon ke dènè lé, Edoudjoum né ke i ndiki a ma kari.
23Nè noubou yo nare ngon ke dènè lé, Né ke edoudjoum a ma kari, aséh béh ko lom ba ndiki ka mam nkai mari.
24Nè ntéh daka, nè mpa nare këndjè, Di a ma doudjou wa? Këndjè pana, Dò Jean, doou ke ndjè da baptême.
25Ngon lé aïngorou loshénè loshénè nao rò mbaibé té, mpana, Mam ndiki ta kari arem do Jean, doou ke ndjè da baptême, mè tokou sèmbé té loshénè.
26Mbaibé lé ongou dè nya, a mbata nè noubou yo mbä, ke mbata dooudjé ke ön sa mourou no deo ta mbeté tar lo ngon lé ang.
27Mbaibé oula ndjè pourou kada loshénè loshénè mpa narè ta dé ke do Jean ndjè da baptême. Nè nao ngange gòbou Jean mè kei koula té.
28Nè ndé ke dè mè tòkou sèmbé té, narè ngon ke dènè lé. Ngon lé ao né are kêndjè.
29Tokou ndjè kao go Jean té wo tar lé, dèdè ndé doun ninè ndoubè bwa té.
30Ndjè kouladjé tél mbona rò Jésus té, dèdè mpa darè né toï ke dèdè nda ke tar toï ke mpa dare dooudjé.
31Nè mpa naredè, Edéidjé djao djisi ke kadadjè mè mou té, waaidjé ròsè ngadji. Mbata dooudjé baya dé ke tél tokou ban dèdè dase kön mourou ang.
32Dèdè eléldè ta kao mè mou té loou ke doou goto ke té.
33Dooudjé wodè dèdè dao dao, dèdè ngerédè, tokou ban dooudjé ke béh toï aïngorou ao loou té ke nou, dèdè ntéh nou dongor.
34Tokou Jésus téh mè to té nè no dooudjé tokou baya. Nè ndiki ta da mè madji kedè mbata dèdè nto tokou lo batidjé ke ndjè kouldè goto. Nè nao ntòdjoudè né tokou baya.
35Tokou kade ndai mbä ndjè kao gè tédjé dé rò Jésus té, dèdè mpana, Loou nèn to mè mou, kade ndai mbä,
36Are dooudjé nèn ao ndòò aséh mè béh té ke ngosiba ta ndoko mourou mbata lodè ndja.
37Nè ntél mpa naredè, Sésè aridjédè mourou dön. Dèdè mpa darè, Ndikidjè ta kare ndoko mourou ke denier#narè Romaindjé kòr djo ta karedè dön wa?
38Nè mpa naredè, Isidjé ke mourou ban wa? Abidjé woidjé. Tokou dèdè do mbä dèdè mpana, Mourou mi ke kaindji djo.
39Jésus pa aredè ta kare disi dang ke kotè dang dang do mou té.
40Tokou ban dèdè disi, maredjé isi dòdòkou dòdòkou, maredjé dòmi dòmi.
41Nè noun mourou ke mi ke kaindji ke djon lé, nè naa loou ke dara, mmar tar ke madji dè té, nè nkai mourou lé dana nare ndjè kao gè tédjé ta kare dare dooudjén lé. Nè nkai kaindji dana naredè toï.
42Dèdè toï dön mèdè ndan.
43Dèdè mbòn kese mourou dousou karè dòkou gérè djo ke kese kaindji to.
44Dèdè ke dön mouroun lé dooudjé dourou mi.
45Loshénè loshénè nè nare ndjè kao gè tédjé ao mè to té, dao dongor darè toura man té ke Bethsaïda tokou nè ndja nare dooudjé ke tokou baya ta kare dao béh.
46Gè té mpa naredè dao, nè nao do err té ta doudjou Allah.
47Tokou kade woei mbä, to ao do tokou man té, Jésus ndja isi nange.
48Nè nodè dao elél to ngeng mbata lél òkou deo lodè. Ngosiba ke do bakebé té nao ròdè té. Nè nao ndja dò tokou man té, nata ndaidè.
49Tokou dèdè doè nao ndja do man té, dèdè dedji to to ouma, dèdè dourouki.
50Mbata dèdè toï doè ke bel dadè nya. Loshénè loshénè nè mpa tar kedè, mpana, Aridjé mèsè isi dèkèkè, yèn to ma, ïyaidjé bel.
51Nè nao ròdè té mè to té, lél eo. Mèdè ounda do biä nya.
52Mbata dèdè ngeré gel tar mouroun lé ang mbata mèdè ngeng nya.
53Tokou dèdè dourou man mbä nga, dèdè ntéh nange té ke Génésareth, dèdè nto to kare kongo té.
54Tokou dèdè ntéh mè to té mbä nga loshénè loshénè dooudjé gerè.
55Dèdè daïngòrou béh té nou toï, dèdè dao doto dooudjé ke ndjè rò toodjé mè twa té lodè, dèdè dao kedè loou té ke do Jésus éh kendé.
56Loou toï ke nè nao tokou mè béh aséh mè tokou béh aséh mè ndoo, dao dongou dooudjé ke ndjè rò toodjé nata. Dèdè dao ndoudjè nya baa dèdè dase ta kòrou ta koubou la. Baa dèdè toï ke dòrou ta koubou la da dé madji.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1960, 2018.
To learn more or sign up for email updates about the mission of BFBS, click here: