സങ്കീർത്തനങ്ങൾ 132

132

ആരോഹണഗീതം.

1യഹോവേ, ദാവീദിനെയും

അവന്റെ സകലകഷ്ടതയെയും ഓർക്കേണമേ.

2അവൻ യഹോവയോടു സത്യം ചെയ്തു

യാക്കോബിന്റെ വല്ലഭന്നു നേർന്നതു എന്തെന്നാൽ:

3ഞാൻ യഹോവെക്കു ഒരു സ്ഥലം,

യാക്കോബിന്റെ വല്ലഭന്നു ഒരു നിവാസം കണ്ടെത്തുംവരെ

4ഞാൻ എന്റെ കൂടാരവീട്ടിൽ കടക്കയില്ല;

എന്റെ ശയ്യമേൽ കയറി കിടക്കുകയുമില്ല.

5ഞാൻ എന്റെ കണ്ണിന്നു ഉറക്കവും

എന്റെ കൺപോളെക്കു മയക്കവും കൊടുക്കയില്ല.

6 # 2. ദിനവൃത്താന്തം 6:41,42 നാം എഫ്രാത്തയിൽ അതിനെക്കുറിച്ചു കേട്ടു

വനപ്രദേശത്തു അതിനെ കണ്ടെത്തിയല്ലോ.

7നാം അവന്റെ തിരുനിവാസത്തിലേക്കുചെന്നു

അവന്റെ പാദപീഠത്തിങ്കൽ നമസ്കരിക്കുക.

8യഹോവേ, നീ നിന്റെ ബലത്തിന്റെ പെട്ടകവുമായി

നിന്റെ വിശ്രാമത്തിലേക്കു എഴുന്നെള്ളേണമേ.

9നിന്റെ പുരോഹിതന്മാർ നീതി ധരിക്കയും

നിന്റെ ഭക്തന്മാർ ഘോഷിച്ചുല്ലസിക്കയും ചെയ്യട്ടെ.

10നിന്റെ ദാസനായ ദാവീദിൻനിമിത്തം

നിന്റെ അഭിഷിക്തന്റെ മുഖത്തെ തിരിച്ചു കളയരുതേ.

11 # 2. ശമൂവേൽ 7:12-16; 1. ദിനവൃത്താന്തം 17:11-14; സങ്കീർത്തനങ്ങൾ 89:3,4; അപ്പൊ. പ്രവൃത്തികൾ 2:30 ഞാൻ നിന്റെ ഉദരഫലത്തെ

നിന്റെ സിംഹാസനത്തിൽ ഇരുത്തുമെന്നും

12നിന്റെ മക്കൾ എന്റെ നിയമത്തെയും

ഞാൻ അവർക്കു ഉപദേശിച്ച സാക്ഷ്യത്തെയും പ്രമാണിക്കുമെങ്കിൽ

അവരുടെ മക്കളും എന്നേക്കും നിന്റെ സിംഹാസനത്തിൽ ഇരിക്കും എന്നും

യഹോവ ദാവീദിനോടു ആണയിട്ടു സത്യം; അവൻ അതിൽനിന്നു മാറുകയില്ല.

13യഹോവ സീയോനെ തിരഞ്ഞെടുക്കയും

അതിനെ തന്റെ വാസസ്ഥലമായി ഇച്ഛിക്കയും ചെയ്തു.

14അതു എന്നേക്കും എന്റെ വിശ്രാമം ആകുന്നു;

ഞാൻ അതിനെ ഇച്ഛിച്ചിരിക്കയാൽ ഞാൻ അവിടെ വസിക്കും;

15അതിലെ ആഹാരം ഞാൻ സമൃദ്ധിയായി അനുഗ്രഹിക്കും;

അതിലെ ദരിദ്രന്മാർക്കു അപ്പംകൊണ്ടു തൃപ്തി വരുത്തും.

16അതിലെ പുരോഹിതന്മാരെയും രക്ഷ ധരിപ്പിക്കും;

അതിലെ ഭക്തന്മാർ ഘോഷിച്ചുല്ലസിക്കും.

17 # 1. രാജാക്കന്മാർ 11:36 അവിടെ ഞാൻ ദാവീദിന്നു ഒരു കൊമ്പു മുളെപ്പിക്കും;

എന്റെ അഭിഷിക്തന്നു ഒരു ദീപം ഒരുക്കീട്ടുമുണ്ടു.

18ഞാൻ അവന്റെ ശത്രുക്കളെ ലജ്ജ ധരിപ്പിക്കും;

അവന്റെ തലയിലോ കിരീടം ശോഭിക്കും.

നിലവിൽ തിരഞ്ഞെടുത്തിരിക്കുന്നു:

സങ്കീർത്തനങ്ങൾ 132: വേദപുസ്തകം

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Malayalam Bible 1910 - Revised and in Contemporary Orthography (മലയാളം സത്യവേദപുസ്തകം 1910 - പരിഷ്കരിച്ച പതിപ്പ്, സമകാലിക അക്ഷരമാലയിൽ) © 2015 by The Free Bible Foundation is licensed under a Creative Commons Attribution-ShareAlike 4.0 International License (CC BY SA 4.0). To view a copy of this license, visit http://creativecommons.org/licenses/by-sa/4.0/

Digitized, revised and updated to the contemporary orthography by volunteers of The Free Bible Foundation, based on the Public Domain version of Malayalam Bible 1910 Edition (മലയാളം സത്യവേദപുസ്തകം 1910), available at https://archive.org/details/Sathyavedapusthakam_1910.

മലയാളം സത്യവേദപുസ്തകം 1910 പതിപ്പ് (പരിഷ്കരിച്ച ലിപിയിൽ) നെക്കുറിച്ച് കൂടുതലറിയുക

സങ്കീർത്തനങ്ങൾ 132