Yohana Indangiriro

Indangiriro

Yiki kitaabo kya Yohana, kiyerekiini ku bweranyange kwo Yesu ye Mwana wa Rurema, anali yiꞌGambo lyage. Amandiko ga Yohana, gali mu deta kwago-kwago, ganayerekiini ibitangaaza munaana. Na ha nyuma lya ngiisi kitangaaza, Yohana ali mu yerekana umugeeza gwakyo.

Mu yiki kitaabo, Yesu ali mu yimenyeesa ku yaga magambo galinda: «Niehe nie mulengeerwe gweꞌkihugo», na «Niehe nie mungere mwija», na «Niehe nie njira noꞌbulamu noꞌkuli», na «Niehe, nie mulyango», na «Niehe, niꞌsina lyoꞌmuzabibu», na «Niehe, nie mukate gwoꞌbulamu», na «Niehe nie njira, na ndi nie kuli, na ndi nie bulamu.»

Mu yiki kitaabo, muli amigirizo galinda: Tukwaniini tubutwe buhyahya (3.1-36); Amiiji ágali mwoꞌbulamu (4.1-42); Yesu ali Mwana wa Rurema yenyene (5.19-47); Yesu ye Mukate úguli mwoꞌbulamu (6.22-66); Umutima Mweru gwo guli mu haana ubugumaana (7.1-52); Yesu ye mulengeerwe gweꞌkihugo (8.12-59); Yesu ye mungere mwija (10.1-42).

Muziizi muguma gwiꞌsikamiro, guli mu Yohana 3.3: «Yesu anamúshuvya: “Nakubwira íbiri ukuli, umundu atangayingira mu bwami bwa Rurema, átazi butwa ubwa kabiri.”»

Íbiri mwo ku bwofi

a) Indangiriro: Yesu yiꞌGambo lya Rurema (1.1-18)

b) Yohana woꞌkubatiiza, naꞌbigirizibwa ba mbere (1.19-51, 3.22-36)

c) Yesu ayimula abadandaza mu nyumba ya Rurema (2.12-24)

d) Ibitangaaza birinda byo Yesu akagira:

- Ikitangaaza kya 1: Ahindula amiiji gayiji ba divaayi (2.1-11)

- Ikitangaaza kya 2: Akiza umwana woꞌmukulu (4.43-54)

- Ikitangaaza kya 3: Akiza ikirema i Betisaada (5.1-15)

- Ikitangaaza kya 4: Ayigusa abandu bihumbi bitaanu (6.5-14)

- Ikitangaaza kya 5: Agenda hiꞌgulu lyaꞌmiiji (6.16-24)

- Ikitangaaza kya 6: Akiza úkabutwa ali mbumi (9)

- Ikitangaaza kya 7: Azuula Laazaro (11)

e) Amigirizo ga Yesu (3–10)

f) Yesu atondeera iyinga lyo agayitwa kwo (12–14)

g) Yesu mu njira yoꞌkugenda i Getesemaane (15–17)

h) Yesu agwatwa, anatwirwa ulubaaja, anayitirwa ku kibambo (18-19)

i) Yesu azuuka mu bafwiri, anayiyerekana imwaꞌbigirizibwa baage (20)

j) Yesu atabaala abigirizibwa ukuduba ifwi, anagalula Peturu mu mukolwa (21)

നിലവിൽ തിരഞ്ഞെടുത്തിരിക്കുന്നു:

Yohana Indangiriro: flr

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Kifuliiru നെക്കുറിച്ച് കൂടുതലറിയുക

Yohana Indangiriro