ɛMacu Nikɔn ne phyik te seng ɛWee Yɛ
Nikɔn ne phyik te seng ɛWee Yɛ
ɛMacu ne ɛ so ɛnyi ne iYahuda, ɛ ta so ɛdaan ndɔ ninɔn ne icwam ɛYɛso ɛKiriti ɛbhɛ kɛ haa iBol iYɛnɛng ngɛdee wo.
iBol iYɛnɛng ngge ne ɛMacu gha kɛ haa wo i tɔɔsel wu ɛYɛso gha ɛbhɛ ɛ soye ɛKiriti gha ne kaa ku sim-mɛ ndɔ ne ɛWee ne ìTsɛm iTsɛl de ne ɛTaanggbey ya kaa rop po. iPhɛ kɛ tiil ivol ninabawa da gbom ne kɛ haa ndɔ ne ɛWee ne ìTsɛm iTsɛl lo te iphɛ tɔɔrek ɛli ne ɛYɛso gha ɛbhɛ ɛ so ɛhaa ne ɛ kɛ shwaak ifɛ gbik. iPhɛ kɛ ne ta tɔɔrek wu ɛYɛso gha soye ɛten ɛsii ne ɛ soye ihywee ɛBaraying.
iBol iYɛnɛng ngge ne ɛMacu gha kɛ haa wo kɛ ta tɔɔrek ndɔ nilɔ na gbom wu ɛYɛso gha soye “ɛNgɔn ɛDoda.” ɛWee yɛ kɛ ne ta tɔɔrek wu hang ɛYɛso gha kɛ yɛɛs ɛlɔ niYahodawa zɔng, wu ɛ kɛ yɛɛs ɛlɔ ninaa ne hame nibhɛ so niYahodawa na ne mang, gbik ɛli ne kɛ jung yɛk ɛbhɛ ndɔ niYahodawa na. ɛWee ɛMacu wo kɛ ne ta tɔɔrek wɛsɛrɛk wu ɛYɛso gha soye ɛGbaang ɛKyɛɛ ne icwam, ɛhaa ne imɛmɛ ɛbhɛ da kɛ tɔɔrek wu ɛ bok ito gbom ɛ phyin ɛMuusaa ye. ɛWee ɛMacu wo kɛ ne tɔɔrek ɛgbaang ɛtomɛ wo ne ɛTaanggbey ya kɛ nang ninaa ne roos sa. Yɛɛn: 28.18-20.
നിലവിൽ തിരഞ്ഞെടുത്തിരിക്കുന്നു:
ɛMacu Nikɔn ne phyik te seng ɛWee Yɛ: etxNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and
© the Nigeria Bible Translation Trust 2018
in cooperation with
iTen Language and Bible Translation Project