Jɛ́nɛ́sì 20
20
Ééɓòɖòhɛ̃́ɛ̀ kè Àbímɛ̀nɛ̀
1Hwɛ̀ ké Ééɓòɖòhɛ̃́ɛ̀ sɔ̀ìn ma ɖé Hɛ́bɔ̀nɔ̀-hwɔ̀ɖɔ̀ɔ̀ mú, ké ɔ mu ma ɖé Nɛ́gà-ɓòɖòɔ̀ kɔ̃, ké ɔ cĩ́ ma ɖé Káɖɛ̀-hwɔ̀ɖɔ̀ɔ̀ kè Súɔ̀ Gbǎùn-fúɖúáɔ̀ pṹa. Ké ɔ sɔ̀ ma ɓó, ké ɔ cĩ́ ma ɖé Géwɔ̀ɖɔ̀-hwɔ̀ɖɔ̀ɔ̀ mú ɓó ti wè xwíníín. 2Ti wa nì ma ɖéɛɛ, Ééɓòɖòhɛ̃́ɛ̀ cɛ̃ɛ ma nyɔ ɓěɔ̀ gbo kà ɔ gmàà Seɖɔ́ mɔ̀ ɔ ɖíí-màà kɛ. Ɔ jèɛɛ, Àbímɛ̀nɛ̀ mɔ̀à Géwɔ̀ɖɔ̀-kã̀ǎɔ̀ kɛɛ ɖá ma Seɖɔ́, ké ɔ ɖú ma ɔ dyí. 3Hwɛ̀ ké Gèɖèpɔ́ɔ̀ wóɖóìn ma Àbímɛ̀nɛ̀ dyí ɖé dya-dya mú ɓó máaún-hwùɖù ɖò mú, ké ɔ ɖá, “M̀ nì mɛ́iń dyiɛń kàǔn ɓó màa ɓɛ́ m̀ ɖǎà dyí ɖúɛɛ jè, sepóɛɖé ɔ ɓéɖé dyú-ɓǎ.”
4Ɓó tia ɓaɖaa, Àbímɛ̀nɛ̀ séè ma Seɖɔ́ bũ̌in xwɛ̃́ìn ke. Ɔ jèɛɛ, ɔ ɖá, “Ɓɔ̌ɔ̀, nì mu ɓóɖó-dù ɓɛ́ ɔ se ɖɛ gbà ɖò nyuɛɛ mú gbɔɔ̀ùn pūù? 5Má, gàaɔ̀ cɛ̃ɛ ḿ gbo kà ɔ mɔ̀ ɔ ɖíí-màà kɛe, ké màaɔ̀ mɔ̀ùn cɛ̃ɛ kà ɔ mɔ̀ ɔ ɖíí-gàà kɛe? Ḿ nyu ɖɛ nìà kɛ ɖé se-ɖɛ-dyí-dyuò-hwòɖò mú.”
6Ké Gèɖèpɔ́ɔ̀ cɛ̃ɛ ma ɔ gbo ɖé dya-dyaɔ̀ mú, ké ɔ ɖá, “Ǹdye, ḿ dyuòɛ̀ dyí kà m̀ nyu ɖɛ nìà kɛ ɖé hwòɖǒ wáɖáá múɛ. Ɔ jèɛɛ, ḿ ɖǎ m̀ dyí kpɔ̃, ɓɛ́ m̀ ké se ḿ nàmàǔn bũ̌ nyu. Ɖɛ kɔ̃̀ jè ḿ kpɔ̃à m̀ dyí, ké m̀ seà ɔ dyi tìnììn nyɛɛ nìàǒ wɛ̀. 7Ɓó kàǔn wɛ̃ɛ, tò gàaɔ̀ gmààɔ̀ ɖe. Ɔ mɔ̀ ní kpáá-ɖɛ̀-cɛ̃-nyɔ̀ jèɛɛ, ɔ mu m̀ bìì ɓaàùn, ɓɛ́ mɔ̀ǔn kɔ̃̀ ɖà mɛ́. Kɛɛ ɔ jǔ ké m̀ se ɔ gmààɔ̀ ɖe tò ní, nìí, m̀ kè nì nyɔ séín ɓěɔ̀ mu mɛ́ìn jǎà.”
8Wéɔ̀ nyɔ kɔ ma ɓó dyíɛɛ gànà-kṹún mɛ̀nɛ̀ɛ̀ kɛɛ, Àbímɛ̀nɛ̀ ɖá ma ɔ gɔ̌mànà-nyɔ̀ séín ɓěɔ̀, ké ɔ cɛ̃ ma wa ɖɛ ɖǎà kpá kɛɛ gbo. Ké wa fɛ̃̀ìn ma ní mìɔ cá. 9Hwɛ̀ ké Àbímɛ̀nɛ̀ ɖá ma Ééɓòɖòhɛ̃́ɛ̀, ké ɔ diè ma ɔ dyi, ké ɔ ɖá, “Ɖɛ́ mɔ̀ ɖɛ nì kà m̀ nyuà à bũ̌ kɛɛ xwíníín nyɛ́? Ɖɛ́ mɔ̀ ɖɛ gbà ɖò ɓɛ́ ḿ ɖǎ m̀ bũ̌ nyu, ɓɛ́ m̀ dyià ḿ kè ní kã́á-ɓòɖòɔ̀ ɖɛ gbà vɛ̀nɛ̀ nìà kɛ kɔ̃ dyà kɛ́? M̀ ɖǎ ɖɛ ɓě m̀ se ɓéɖé ɓɛ́ m̀ kéɔ́ nyuɛɛ ḿ bũ̌ nyu.” 10Ké Àbímɛ̀nɛ̀ diè ma Ééɓòɖòhɛ̃́ɛ̀ dyi ɖe, ké ɔ ɖá, “Xwíníínɔ̀ nyɛ́ kɔ̃̀ jè m̀ nyuà ɖɛ nìà kɛ cá kɛ́?”
11Púɛɛ, Ééɓòɖòhɛ̃́ɛ̀ jǔ ma ɔ gɔ̃̌, ké ɔ ɖá, “Ḿ cɛ̃ɛ ɖéɛ ḿ hwòɖǒ bũ̌, ké ḿ ɖá, ‘Nyɔ ɓě nì pá nìà kɛ múɛɛ, wa se Gèɖèpɔ́ɔ̀ fã̀à ɖò peɖe. Ɔ jèɛɛ, wa mu ḿ ɖáɓáùn ɓó ní gmààɔ̀ jè.’ 12Kɛɛ wɛ̃́ɛ́ kɛɛ, ɔ mɔ̀ ḿ ɖíí-màà jǎào. Ḿ kè ɔ wóɖó ɓǎǔn, kɛɛ à se ɖɛ̌ǐn wóɖó. Hwɛ̀ ké ɔ mɔ̀à ní gmàà kɛ̀. 13Ɔ jèɛɛ, ti ɓɛ́ Gèɖèpɔ́ɔ̀ ɖǎa ma nyu ɓɛ́ ḿ ké ma ḿ ɓǎ ɓíɖí-taún sɔ̀, ɓɛ́ ḿ ké ɓóɖó gbo muɛɛ, ḿ cɛ̃ɛ ma Seɖɔ́ gbo, ké ḿ ɖá, ‘Kà m̀ mɛ nyu nì ɖɛ̀ɓɛ̀ǐn-ɖɛ̀ɓɛ̀ǐnɔ̀ ḿ dyí tɛ̀mɛ̀ìn nyɛɛ, ɔ kɛà kɛ̀. Dɛ̀ séín à mu muùn wɛ̃ɛ, m̀ mɛ cɛ̃ɛ ɓá ḿ jè dyí, ɓɛ́ m̀ ké níiń, “Ɔ mɔ̀ ní ɖíí-gàà.” ’ ”
14Hwɛ̀ ké Àbímɛ̀nɛ̀ ɖú ma ɓáɖáá kè wiɖi kè ɓìɖǐ ɓě ɔ kè gǐì-gàà kè gǐì-màà ɓě dyí, ké ɔ nyí ma wa Ééɓòɖòhɛ̃́ɛ̀, ké ɔ tò ma ɔ gmàà Seɖɔ́ ɖe. 15Ké Àbímɛ̀nɛ̀ ɖá, “Ḿ zà ní ɓóɖóɔ̀ xwáɖáún wɛ̃ɛ, ḿ nyíɛ m̀ ní. M̀ mɛ cĩ́ dɛ̀ nì mɔ́ cĩ́ɛ dyiɛ.” 16Ké ɔ cɛ̃ɛ ma Seɖɔ́ gbo, ké ɔ ɖá, “Dyéɛ, ḿ ɖǎ nì ɖíí-gààɔ̀ ɖɛ ɓě kpa séɓàɖà-cɛ̀kò táázĩ̀ìn ɖòɛɛ#20:16 Cɛ́kò táázĩ̀ìn ɖòɛ̀ xwa-ku-ku ɓɛ́ìn pṹá kpáɖá-nyɔ sè hm̀m̌ ɖuɛ. Ɔ mɔ̀ wíɖí ɓáún-ɓáún. nyí. Ɖɛ nìà kɛ mu m̀ dɛ̃ dyíin zàùn ɓó nyɔ séín ɓě nìà ɓó m̀ gboɛɛ dyéɖéín. Ɖɛ nìà kɛ mu ɖɛ séín ɓě ɖǎà kpáa nyɔ ɓěɔ̀ dyí tɛ̀mɛ̀ìn kà m̀ se ɖɛ gbà nyuɛ.”
17-18Hwɛ̀ ké Ééɓòɖòhɛ̃́ɛ̀ ɓaà ma Gèɖèpɔ́ɔ̀ ɓó Àbímɛ̀nɛ̀ kè ɔ nyɔ séín ɓěɔ̀ bìì, sepóɛɖé Bounɓoɔ̀ ɖǎ ma màa séín nì ma ɖé Àbímɛ̀nɛ̀ ɓíɖí-taún wɛ̃ɛ dyú wóɖóìn jè ɓɔ́í po ɓó Ééɓòɖòhɛ̃́ɛ̀ gmàà Seɖɔ́ jè. Ké Gèɖèpɔ́ɔ̀ kánáìn ma màa séín ɓěɔ̀ dyi, ké wa ɓɛ́àìn ma dyú wóɖóɛ̀n ɖe.
നിലവിൽ തിരഞ്ഞെടുത്തിരിക്കുന്നു:
Jɛ́nɛ́sì 20: ƁB02
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bassa Bible © Bible Society Liberia, 2002.
Jɛ́nɛ́sì 20
20
Ééɓòɖòhɛ̃́ɛ̀ kè Àbímɛ̀nɛ̀
1Hwɛ̀ ké Ééɓòɖòhɛ̃́ɛ̀ sɔ̀ìn ma ɖé Hɛ́bɔ̀nɔ̀-hwɔ̀ɖɔ̀ɔ̀ mú, ké ɔ mu ma ɖé Nɛ́gà-ɓòɖòɔ̀ kɔ̃, ké ɔ cĩ́ ma ɖé Káɖɛ̀-hwɔ̀ɖɔ̀ɔ̀ kè Súɔ̀ Gbǎùn-fúɖúáɔ̀ pṹa. Ké ɔ sɔ̀ ma ɓó, ké ɔ cĩ́ ma ɖé Géwɔ̀ɖɔ̀-hwɔ̀ɖɔ̀ɔ̀ mú ɓó ti wè xwíníín. 2Ti wa nì ma ɖéɛɛ, Ééɓòɖòhɛ̃́ɛ̀ cɛ̃ɛ ma nyɔ ɓěɔ̀ gbo kà ɔ gmàà Seɖɔ́ mɔ̀ ɔ ɖíí-màà kɛ. Ɔ jèɛɛ, Àbímɛ̀nɛ̀ mɔ̀à Géwɔ̀ɖɔ̀-kã̀ǎɔ̀ kɛɛ ɖá ma Seɖɔ́, ké ɔ ɖú ma ɔ dyí. 3Hwɛ̀ ké Gèɖèpɔ́ɔ̀ wóɖóìn ma Àbímɛ̀nɛ̀ dyí ɖé dya-dya mú ɓó máaún-hwùɖù ɖò mú, ké ɔ ɖá, “M̀ nì mɛ́iń dyiɛń kàǔn ɓó màa ɓɛ́ m̀ ɖǎà dyí ɖúɛɛ jè, sepóɛɖé ɔ ɓéɖé dyú-ɓǎ.”
4Ɓó tia ɓaɖaa, Àbímɛ̀nɛ̀ séè ma Seɖɔ́ bũ̌in xwɛ̃́ìn ke. Ɔ jèɛɛ, ɔ ɖá, “Ɓɔ̌ɔ̀, nì mu ɓóɖó-dù ɓɛ́ ɔ se ɖɛ gbà ɖò nyuɛɛ mú gbɔɔ̀ùn pūù? 5Má, gàaɔ̀ cɛ̃ɛ ḿ gbo kà ɔ mɔ̀ ɔ ɖíí-màà kɛe, ké màaɔ̀ mɔ̀ùn cɛ̃ɛ kà ɔ mɔ̀ ɔ ɖíí-gàà kɛe? Ḿ nyu ɖɛ nìà kɛ ɖé se-ɖɛ-dyí-dyuò-hwòɖò mú.”
6Ké Gèɖèpɔ́ɔ̀ cɛ̃ɛ ma ɔ gbo ɖé dya-dyaɔ̀ mú, ké ɔ ɖá, “Ǹdye, ḿ dyuòɛ̀ dyí kà m̀ nyu ɖɛ nìà kɛ ɖé hwòɖǒ wáɖáá múɛ. Ɔ jèɛɛ, ḿ ɖǎ m̀ dyí kpɔ̃, ɓɛ́ m̀ ké se ḿ nàmàǔn bũ̌ nyu. Ɖɛ kɔ̃̀ jè ḿ kpɔ̃à m̀ dyí, ké m̀ seà ɔ dyi tìnììn nyɛɛ nìàǒ wɛ̀. 7Ɓó kàǔn wɛ̃ɛ, tò gàaɔ̀ gmààɔ̀ ɖe. Ɔ mɔ̀ ní kpáá-ɖɛ̀-cɛ̃-nyɔ̀ jèɛɛ, ɔ mu m̀ bìì ɓaàùn, ɓɛ́ mɔ̀ǔn kɔ̃̀ ɖà mɛ́. Kɛɛ ɔ jǔ ké m̀ se ɔ gmààɔ̀ ɖe tò ní, nìí, m̀ kè nì nyɔ séín ɓěɔ̀ mu mɛ́ìn jǎà.”
8Wéɔ̀ nyɔ kɔ ma ɓó dyíɛɛ gànà-kṹún mɛ̀nɛ̀ɛ̀ kɛɛ, Àbímɛ̀nɛ̀ ɖá ma ɔ gɔ̌mànà-nyɔ̀ séín ɓěɔ̀, ké ɔ cɛ̃ ma wa ɖɛ ɖǎà kpá kɛɛ gbo. Ké wa fɛ̃̀ìn ma ní mìɔ cá. 9Hwɛ̀ ké Àbímɛ̀nɛ̀ ɖá ma Ééɓòɖòhɛ̃́ɛ̀, ké ɔ diè ma ɔ dyi, ké ɔ ɖá, “Ɖɛ́ mɔ̀ ɖɛ nì kà m̀ nyuà à bũ̌ kɛɛ xwíníín nyɛ́? Ɖɛ́ mɔ̀ ɖɛ gbà ɖò ɓɛ́ ḿ ɖǎ m̀ bũ̌ nyu, ɓɛ́ m̀ dyià ḿ kè ní kã́á-ɓòɖòɔ̀ ɖɛ gbà vɛ̀nɛ̀ nìà kɛ kɔ̃ dyà kɛ́? M̀ ɖǎ ɖɛ ɓě m̀ se ɓéɖé ɓɛ́ m̀ kéɔ́ nyuɛɛ ḿ bũ̌ nyu.” 10Ké Àbímɛ̀nɛ̀ diè ma Ééɓòɖòhɛ̃́ɛ̀ dyi ɖe, ké ɔ ɖá, “Xwíníínɔ̀ nyɛ́ kɔ̃̀ jè m̀ nyuà ɖɛ nìà kɛ cá kɛ́?”
11Púɛɛ, Ééɓòɖòhɛ̃́ɛ̀ jǔ ma ɔ gɔ̃̌, ké ɔ ɖá, “Ḿ cɛ̃ɛ ɖéɛ ḿ hwòɖǒ bũ̌, ké ḿ ɖá, ‘Nyɔ ɓě nì pá nìà kɛ múɛɛ, wa se Gèɖèpɔ́ɔ̀ fã̀à ɖò peɖe. Ɔ jèɛɛ, wa mu ḿ ɖáɓáùn ɓó ní gmààɔ̀ jè.’ 12Kɛɛ wɛ̃́ɛ́ kɛɛ, ɔ mɔ̀ ḿ ɖíí-màà jǎào. Ḿ kè ɔ wóɖó ɓǎǔn, kɛɛ à se ɖɛ̌ǐn wóɖó. Hwɛ̀ ké ɔ mɔ̀à ní gmàà kɛ̀. 13Ɔ jèɛɛ, ti ɓɛ́ Gèɖèpɔ́ɔ̀ ɖǎa ma nyu ɓɛ́ ḿ ké ma ḿ ɓǎ ɓíɖí-taún sɔ̀, ɓɛ́ ḿ ké ɓóɖó gbo muɛɛ, ḿ cɛ̃ɛ ma Seɖɔ́ gbo, ké ḿ ɖá, ‘Kà m̀ mɛ nyu nì ɖɛ̀ɓɛ̀ǐn-ɖɛ̀ɓɛ̀ǐnɔ̀ ḿ dyí tɛ̀mɛ̀ìn nyɛɛ, ɔ kɛà kɛ̀. Dɛ̀ séín à mu muùn wɛ̃ɛ, m̀ mɛ cɛ̃ɛ ɓá ḿ jè dyí, ɓɛ́ m̀ ké níiń, “Ɔ mɔ̀ ní ɖíí-gàà.” ’ ”
14Hwɛ̀ ké Àbímɛ̀nɛ̀ ɖú ma ɓáɖáá kè wiɖi kè ɓìɖǐ ɓě ɔ kè gǐì-gàà kè gǐì-màà ɓě dyí, ké ɔ nyí ma wa Ééɓòɖòhɛ̃́ɛ̀, ké ɔ tò ma ɔ gmàà Seɖɔ́ ɖe. 15Ké Àbímɛ̀nɛ̀ ɖá, “Ḿ zà ní ɓóɖóɔ̀ xwáɖáún wɛ̃ɛ, ḿ nyíɛ m̀ ní. M̀ mɛ cĩ́ dɛ̀ nì mɔ́ cĩ́ɛ dyiɛ.” 16Ké ɔ cɛ̃ɛ ma Seɖɔ́ gbo, ké ɔ ɖá, “Dyéɛ, ḿ ɖǎ nì ɖíí-gààɔ̀ ɖɛ ɓě kpa séɓàɖà-cɛ̀kò táázĩ̀ìn ɖòɛɛ#20:16 Cɛ́kò táázĩ̀ìn ɖòɛ̀ xwa-ku-ku ɓɛ́ìn pṹá kpáɖá-nyɔ sè hm̀m̌ ɖuɛ. Ɔ mɔ̀ wíɖí ɓáún-ɓáún. nyí. Ɖɛ nìà kɛ mu m̀ dɛ̃ dyíin zàùn ɓó nyɔ séín ɓě nìà ɓó m̀ gboɛɛ dyéɖéín. Ɖɛ nìà kɛ mu ɖɛ séín ɓě ɖǎà kpáa nyɔ ɓěɔ̀ dyí tɛ̀mɛ̀ìn kà m̀ se ɖɛ gbà nyuɛ.”
17-18Hwɛ̀ ké Ééɓòɖòhɛ̃́ɛ̀ ɓaà ma Gèɖèpɔ́ɔ̀ ɓó Àbímɛ̀nɛ̀ kè ɔ nyɔ séín ɓěɔ̀ bìì, sepóɛɖé Bounɓoɔ̀ ɖǎ ma màa séín nì ma ɖé Àbímɛ̀nɛ̀ ɓíɖí-taún wɛ̃ɛ dyú wóɖóìn jè ɓɔ́í po ɓó Ééɓòɖòhɛ̃́ɛ̀ gmàà Seɖɔ́ jè. Ké Gèɖèpɔ́ɔ̀ kánáìn ma màa séín ɓěɔ̀ dyi, ké wa ɓɛ́àìn ma dyú wóɖóɛ̀n ɖe.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bassa Bible © Bible Society Liberia, 2002.