LITANGA LITANGILIRA

LITANGILIRA

Lieta Litanga livoora “Litanga lie vindu.” Kitabu yiki kevoolaa makuva kuli Nyasaye yalomba ligulu ni lirova. Kandi chivaaraa lilombwa liu mundu, litanga liu vwoni nu vusaliri mu lirova, kandi liiva lia Nyasaye akoleraa mundu. Kitabu yiki kinyala kugavulanywa mu vidonye viviri vinene:

1. Miliango 1—11: Chivaaraa makuva gi lilombwa lie lirova kandi makuva gakale ga vandu. Gaveeye mu kandi amakuva ga Adamu na Hawa, Kaini na Abili, Nuhu ni migelera ja mazi, kandi munara gwa Babiloni.

2. Miliango 12—50: Makuva ga kale ga vaguuga vukutanga va vandu va Isiraeli. Wukutanga ni Aburahamu, uwamanyikana ligali kigira lisuuvira lilie kandi liitia lilie ku Nyasaye. Maku kolonda ku gene yaga, gaveeyemu makuva ga Isaka muyayi wa Aburahamu kandi Mwisukulu weve Yakobo, uwalangwa “Isiraeli.” Gaveeye mu kandi makuva ga vayaayi va Yakobo, avaari aviivuli vi zihiiri 12 zia Isiraeli. Lihenzeriza liduukiru liveeye ku mulala ku vayaayi va Yakobo walangwa Josefu harara ni vindu viakola Yakobo harara na vinyumba yeeye vosi ni vazia komenya mukivala cha Egebeti.

Makuva gaveeye mu kitabu yiki kigira vandu, ziveeye ziu kutanga kandi zie imbiri ligali mu livaliza lie vindu via Nyasaye. Kitangaa ni lidinyiriza ndi, Nyasaye yalomba ligulu ni lirova. Kimalirizaa ni lisuuviriza ndi Nyasaye alazizagilira kohendera vandu veve mwoyo. Mu kitabu yiki choosi, Nyasaye niye oveeye kivuni, uhaanaa likalaga kandi mageri ku yavo avakolaa uvudamanu. Yimiliraa kandi akoonyaa vandu veve, kandi alungikizaa liiva liavo. Kitabu cha kale yiki chang'odwa ukwizuliza makuva ga vandu vi lisuuvira kandi kokonya kulinda lisuuvira yilio.

Agaveeye mu kitabu yiki

Lilombwa lie Ligulu ni Lirova kandi mundu 1:1—2:25

Litanga liu vwoni nu vusaliri 3:1-24

Kutura ku Adamu kuduuka ku Nuhu 4:1—5:32

Nuhu kandi migelera ja mazi 6:1—10:32

Munara gwa Babiloni 11:1-9

Kutura ku Shemu kuduuka ku Aburahamu 11:10-32

Avaguuga: Aburamu, Isaka na Yakobo 12:1—35:29

Ivisukulurwi via Esau 36:1-43

Josefu na vamwavo veve 37:1—45:28

Avandu va Isiraeli mukivala cha Egebeti 46:1—50:26

നിലവിൽ തിരഞ്ഞെടുത്തിരിക്കുന്നു:

LITANGA LITANGILIRA: LOGOOLI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

KITABU KITAKATIFU നെക്കുറിച്ച് കൂടുതലറിയുക

LITANGA LITANGILIRA