Jon 3
3
Jesu Mana Nikodemus
1I ko kameka valeke Parisio vitoṉona Nikodemus, ia i ko tavine tavise koko ria vano Jiu. 2Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”
3Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”
4Nikodemus i vataule igo, “Basoe i podo mana lavata bana gogo ne, ava tina go tinara podo napu go. Ba tina keba ule za sopana sinana mana podo ule napu me varuana ṉalu go?”
5“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God. 6Basoe i ko tokamana, tanego tamana mana sinana iru vapodo go. Do basoe i pala go too ogoto, ia i podo me de koe Spirit tabo. 7Iago oniki poloso ne pata qa sine nigo era, tanego qa sine go muna podo napu varuana ṉalu. 8Seva ne i kikiru go za de i soko go, qo gata kikiuru na, do qoki rove kaega de i reqe mego, ba de i vele zae go. Ria basoero iri podo ego Spirit tabo iri gere to ianae.”
9Nikodemus i tana napu, “Ava tina go na doka go pata igogo ne?”
10Jesu ivataule ne igo, “Aro qo kakia valeke vari vatatana lavata na Izirel, avigo qoki rove kaega pata dena? 11Ma sine nigo pata ogoto, pataro qi seko ne go dena, qi rove velake. Mana pataro qi lama sine vasadaka ne qamu go, remu qi mia soba bana. Do kaega kakia ramu qamu toqe ne vaogotena tarama ro remu. 12Ramu qamuki vaogoto ava kaega era, ṉalu qa seko ne go pataro i sadaka ego vudu pua dena, iago i makuru napu qamu tamuna vaogoto ava era, ṉalu tuna seko nego pataro ikoego vudu rani. 13Tanego i kaega ka basoe i za banae go rani ne, do tanuqu so era Tuna basoe qa qoqoro mego tepa rani go.
14Ṉalu bana ne loborona ulana ne Mosese i pala kameka dole iri zazu ne ze aeana mana i vaidoko vazakazaka ne, de qa koego era Tuna basoe ne tina gere napua so, basoero tarina vaidoko vazakazaka va, 15go ka basoe i vaogoto ava era, tina toṉove too iki rove go kaega lupo. 16God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo. 17God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.
18Basoe i vaogoto ava era, God tiniki taru ze kaega vivine too ia, do basoe iki vaogoto ava kaega era, God itaru bana ze vivine too ia, tanego basoe nae iki vaogoto ava kaega era qa kameka Tuna go God. 19De igo God itaru ze vivine too ia basoe igo de, tatavata ne i lama banae to kolabana pua de, do basoero ne iriki soko kaega, iri soko so pata ikoego rodoko, tanego osina pataro iri zazu nego, i lete sakata so. 20Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go. 21Do ṉalu ka basoe i zazu ne pataro i ogoto go, ia tina lamae tatavata, tanego i soko tatavata nae na vasadaka velaka ne osina pataro i zazu nego, tanego i vaogote God.”
Jon Na Bapitema I Pepeu Napua Karaputa Ia Jesu
22Taramuzina iadena Jesu mana disipoloro ia iri za koe tekere kena Judia mana i bapitema qira basoero ne. 23Torana napu so ṉalu nae Jon na bapitema i variva bapitema napue so komala garogaro na Salim vitoṉona Ainon, tanego de go i koe topuna besi. 24Torana ṉalu nae Jon na bapitema iri ara kaebo taru ze na bara ne.
25Gonae disipoloro ia Jon na bapitema iri vari valegue de iri koego vano Jiu, de go saboro vadalo velaka na tokama. 26Iago iri zae de koe Jon na bapitema mana iri sine ne ia, “Valeke vari vatatana, avigo qo nanao tarua valeke ikoego kene tepa na uguru Jodan, ṉalu qo pepeu ne qira basoero ne sauna ia? Ninidena valeke nae i bapitema qira to basoero ne, mana topu ria iri zae de ikoego iago.”
27Iago Jon i vataule ne qira, “Ṉalu go God iki toqe ne go kaega, kaega so kaki pata tara vapuro go basoe. 28Ramu qamu gata bana sine qavae nego, ‘Era qaki Mesia kaega. God ituri nava era tuna kenaqa me!’ 29Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go. 30Mesia ne tina zaza karaputa mana era tuna zaza qoqoro go.”
Ia I Reqe Mego Rani Ne
31Basoe i reqe mego rani ne, i karaputa sivala ne qira osiqira basoero ne. Basoe i reqe mego vudu pua ne, i basoe na to pua dena, mana i seko ne patana ro vudu pua dena go. Do basoe i reqe mego rani ne, i karaputa sivala ne qira kero ne basoero ne. 32Ia i sine pataro i mia bana go mana pataro i gata bana go, do i kaega ka basoe i vaogote go ia. 33Do ka basoe i vaogote go seko ia, basoe nae i vasadake, God i ogoto. 34Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia. 35Tamana i mamaligara ne Tuna, iago i teke ne ia karaputa de ikoego osina pataro. 36Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.
നിലവിൽ തിരഞ്ഞെടുത്തിരിക്കുന്നു:
Jon 3: VRSNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Varisi, Solomon Islands © Bible Society of the South Pacific, 1994, 2004.
Jon 3
3
Jesu Mana Nikodemus
1I ko kameka valeke Parisio vitoṉona Nikodemus, ia i ko tavine tavise koko ria vano Jiu. 2Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”
3Gonae Jesu ivataule ne ia igo, “Ma sine nigo pata ogoto, ṉalu basoe iki podo ule napu go kaega, i makure tina keba za Too ikoego vari miasoka ia God.”
4Nikodemus i vataule igo, “Basoe i podo mana lavata bana gogo ne, ava tina go tinara podo napu go. Ba tina keba ule za sopana sinana mana podo ule napu me varuana ṉalu go?”
5“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God. 6Basoe i ko tokamana, tanego tamana mana sinana iru vapodo go. Do basoe i pala go too ogoto, ia i podo me de koe Spirit tabo. 7Iago oniki poloso ne pata qa sine nigo era, tanego qa sine go muna podo napu varuana ṉalu. 8Seva ne i kikiru go za de i soko go, qo gata kikiuru na, do qoki rove kaega de i reqe mego, ba de i vele zae go. Ria basoero iri podo ego Spirit tabo iri gere to ianae.”
9Nikodemus i tana napu, “Ava tina go na doka go pata igogo ne?”
10Jesu ivataule ne igo, “Aro qo kakia valeke vari vatatana lavata na Izirel, avigo qoki rove kaega pata dena? 11Ma sine nigo pata ogoto, pataro qi seko ne go dena, qi rove velake. Mana pataro qi lama sine vasadaka ne qamu go, remu qi mia soba bana. Do kaega kakia ramu qamu toqe ne vaogotena tarama ro remu. 12Ramu qamuki vaogoto ava kaega era, ṉalu qa seko ne go pataro i sadaka ego vudu pua dena, iago i makuru napu qamu tamuna vaogoto ava era, ṉalu tuna seko nego pataro ikoego vudu rani. 13Tanego i kaega ka basoe i za banae go rani ne, do tanuqu so era Tuna basoe qa qoqoro mego tepa rani go.
14Ṉalu bana ne loborona ulana ne Mosese i pala kameka dole iri zazu ne ze aeana mana i vaidoko vazakazaka ne, de qa koego era Tuna basoe ne tina gere napua so, basoero tarina vaidoko vazakazaka va, 15go ka basoe i vaogoto ava era, tina toṉove too iki rove go kaega lupo. 16God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo. 17God ki turi navae era kaega, go tuna lama zazu ze vivine era sauna valepulepu qira basoero na vudu pua dena, do ituri nava era go tuna vakavele qira, go basoero na vudu pua dena.
18Basoe i vaogoto ava era, God tiniki taru ze kaega vivine too ia, do basoe iki vaogoto ava kaega era, God itaru bana ze vivine too ia, tanego basoe nae iki vaogoto ava kaega era qa kameka Tuna go God. 19De igo God itaru ze vivine too ia basoe igo de, tatavata ne i lama banae to kolabana pua de, do basoero ne iriki soko kaega, iri soko so pata ikoego rodoko, tanego osina pataro iri zazu nego, i lete sakata so. 20Ka basoe i zazu ne pata sakata ro, i vasasakata ne tatavata ne, iago tiniki ara zae to kaega tatavata nae, tanego iki soko kaega tatavata nae nava sadake go pata sakata ro i zazu ne go. 21Do ṉalu ka basoe i zazu ne pataro i ogoto go, ia tina lamae tatavata, tanego i soko tatavata nae na vasadaka velaka ne osina pataro i zazu nego, tanego i vaogote God.”
Jon Na Bapitema I Pepeu Napua Karaputa Ia Jesu
22Taramuzina iadena Jesu mana disipoloro ia iri za koe tekere kena Judia mana i bapitema qira basoero ne. 23Torana napu so ṉalu nae Jon na bapitema i variva bapitema napue so komala garogaro na Salim vitoṉona Ainon, tanego de go i koe topuna besi. 24Torana ṉalu nae Jon na bapitema iri ara kaebo taru ze na bara ne.
25Gonae disipoloro ia Jon na bapitema iri vari valegue de iri koego vano Jiu, de go saboro vadalo velaka na tokama. 26Iago iri zae de koe Jon na bapitema mana iri sine ne ia, “Valeke vari vatatana, avigo qo nanao tarua valeke ikoego kene tepa na uguru Jodan, ṉalu qo pepeu ne qira basoero ne sauna ia? Ninidena valeke nae i bapitema qira to basoero ne, mana topu ria iri zae de ikoego iago.”
27Iago Jon i vataule ne qira, “Ṉalu go God iki toqe ne go kaega, kaega so kaki pata tara vapuro go basoe. 28Ramu qamu gata bana sine qavae nego, ‘Era qaki Mesia kaega. God ituri nava era tuna kenaqa me!’ 29Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go. 30Mesia ne tina zaza karaputa mana era tuna zaza qoqoro go.”
Ia I Reqe Mego Rani Ne
31Basoe i reqe mego rani ne, i karaputa sivala ne qira osiqira basoero ne. Basoe i reqe mego vudu pua ne, i basoe na to pua dena, mana i seko ne patana ro vudu pua dena go. Do basoe i reqe mego rani ne, i karaputa sivala ne qira kero ne basoero ne. 32Ia i sine pataro i mia bana go mana pataro i gata bana go, do i kaega ka basoe i vaogote go ia. 33Do ka basoe i vaogote go seko ia, basoe nae i vasadake, God i ogoto. 34Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia. 35Tamana i mamaligara ne Tuna, iago i teke ne ia karaputa de ikoego osina pataro. 36Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Varisi, Solomon Islands © Bible Society of the South Pacific, 1994, 2004.