Matie Sɛbɛ 10
10
A JEEJU PAR-TUURBE PIE-NʼAYI YOE
(Mar 3.13-19, Lu 6.12-16)
1A *Jeeju bʋɔlʼã a ʋ *par-tuurbe pie-nʼayi a ba wɩ, ʋ kʋ ba a tʋɔfʋ a ba n a diwre nɩ a kɔ̃tɔn-bebe ɩ̃ mɩ kpaara nɩ a wʋlɩ̃-bʋrɔ bʋrɔ deme. 2Nyɛ a *nɩ-tʋnɩsɩ pie-nʼayi yoe: a dãdãw sʋbɔ ɩ na a Sɩmɔ̃ ba ma bʋɔlɔ a Pɩɛr, a ʋ yɛbɛ Ãdire, a Jebede bie Jakɩ, nɩ a ʋ yɛbɛ Jã, 3a Fɩlɩpɩ nɩ a Batelemi, a Tomasɩ, nɩ a Matie na dãa ɩ a lãpo-diere, a Alfe bie Jakɩ, nɩ a Tade, 4a Sɩmɔ̃ na ma jɛrɛ, nɩ a Judasɩ Isikaryɔtɩ na cilĩ a Jeeju.
A JEEJU NA TƲ̃ A Ʋ PAR-TUURBE
(Mar 6.7-13, Lu 9.1-6)
5A *Jeeju tʋ̃ na a bana nɩbɛ pie-nʼayi, ɩ̃ kpãkpan ba a nɔhɔ̃:
“Nyɩ taa wa cere a nɩ-bʋlsɩ sɛ̃ wa, ɩ̃ nyɩ taa mɩ kpɛɛrɛ a *Samari-tẽw wa, 6Ɩ̃-cɛ nyɩ́ cen a *Ɩsɩrayɛl nɩbɛ jie na bɔr a piir kaarɩ̃. 7A lɛ nyɩ na cere, nyɩ́ hiere yele nɩ: ‘A saa juu fãw pɩɛlʼã.’ 8Nyɩ́ kpaara a wʋlɩ̃sɩ deme, mɩ jawra nɩ a kũusɩ, pɔlɔ nɩ a kɔn, ɩ̃ mɩ diwre a kɔ̃tɔnsɩ bara. Pɔrɔ nyɩ pɔw, nyɩ́ mɩ tɩɩr a pɔrɔ. 9Nyɩ taa wa bʋɔrɔ nyɩ tɛrɛɛ a sɛlmɛ, mɩɩ a libie a nyɩ wʋʋr pʋʋr wa. 10Nyɩ taa wa mɩ bʋɔrɔ nyɩ tɛrɛɛ a wʋɔ, nɩ kparsɩ ayi, nɩ a nafaba, nɩ a dãɓɩlaa wa, a-na-ɩ a tʋ̃tʋnɔ sɛw nɩ na a ʋ dɩb. 11A nyɩmɩ wa ta a tẽw-oo-tẽw pʋɔ, nyɩ́ soor nɩrɛ ʋlɔ ba na ƴɔnɔ yir, cen na jɛ a be wa ta nɩ a nyɩ be yifʋ daar. 12A nyɩmɩ wa ta a yir, nyɩ́ puor ba. 13A bala wa ɩ nɩ-sono, nyɩ́ sʋɔr a Naaŋmɩn á ʋ be nɩ ba. Ɩ̃-cɛ a bala mɔɔ ɩ nɩ-sono wa, nyɩ́ mɔ̃w a nyɩ puorfʋ cere nɩ. 14A ala ɩ nyɩ wa ta na a yir kãw pʋɔ mɩɩ tẽw kãw pʋɔ, a ba wa jaar nyɩ nɩ a nyɩ ƴɛrɩ̃ bar, nyɩ́ yi ɩ̃ tɛ-tɛb a nyɩ gbɛɛ tãbuulĩ#10.14 Gbɛɛ tãbuulĩ tɛb barfʋ: A lɛ miile na áa bala na jaar a Naaŋmɩn ƴɛrĩ bar, a ba juu a ƴɛrĩ dɔɔl. A wɔ̃ na taa nɩ a nuu pɩɩrfʋ a sɩmɩ Bɩrfʋɔr jie. ƴɔ̃w ba. 15Yel-mɩ̃ɛ ɩ̃ yele nyɩ, a ƴɛrɩ̃ guorfʋ dayen, a *Sɔdɔm nɩ a *Gɔmɔɔr ten hʋʋr nyɛfʋ na sa na a ʋna tẽw naa.
A NƖ-TƲNƖSƖ HƲƆLFƲ NƆƆ TARA
(Mar 13.9-13, Lu 21.12-17)
16“Nyɩ́ nyɛ, ɩ̃ tʋnɔ nyɩ na wɔ̃ taa nɩ piir a wɛ-baar sɔ̃w. Ala-ɩ̃-sɔ, nyɩ́ ɩ nɩ-kpaarsɩ a wɩ́ɩr kaarɩ̃, ɩ̃ mɩ wɔ̃ taa nɩ a ŋmama na ma bɔ̃w a bier maalfʋ wa. 17Nyɩ́ tɛrɛ nyɩ mɩ̃ɛ a nɩbɛ ɩnɛ, a-na-ɩ ba nɔɔ bʋɔl nyɩ na a nɩ-bɛrɛ ƴɛrɩ̃ guorfʋ jiir, ɩ̃ mɩ fɔb nyɩ nɩ kpaarsɩ a Jufisɩ *puorfʋ yie pʋʋr. 18Ba na taw nyɩ na cenʼɩ̃ a ni-dierbe nii-sɔw nɩ a jamansɩ nii-sɔw a ɩ̃ ɩnɛ, a mɩnɛ a nyɩ na tʋɔ man a yel-mɩ̃ɛ kʋ ba, nɩ a bala na ɩ a nɩ-bʋlsɩ mɩ. 19Ɩ̃-cɛ a lɛ ba na taw nyɩ cere nɩ, nyɩ taa ɩ a dama nyɩ a bõ nyɩ na ƴɛrɛ, mɩɩ a mɩnɛ nyɩ nɔɔ ƴɛrɛ wa. A daar ʋlɔ wa ta, nyɩ na bɔ̃w na a ala nyɩ na ƴɛrɛ. 20A-na-ɩ aa ɩ a nyɩ jie a ƴɛrɩ̃ ala na yi wa, ɩ̃-cɛ a nyɩ Sãa Naaŋmɩn Sɩɛ jie a na yi. 21A nɩrɛ nɔɔ cilĩ na a ʋ yɛbɛ ƴɔ̃w a kũu pʋɔ; a sãa nɔɔ mɩ maalʼã a lɛ a ʋ bie jie; a bibiir nɔɔ mɩ kpɛmɛ na a ba dɔɔrbɔ jiir, ƴɔnɔ nɩ ba a ƴɛrɩ̃ a ba kú ba. 22A nɩbɛ ba jaa nɔɔ ꞌlaara nyɩ na a ɩ̃ ɩnɛ, ɩ̃-cɛ a ʋlɔ nɔɔ tʋɔ ɩraa cĩcĩ wa ta nɩ a baarfʋ daar, na pɔw na a faafʋ. 23A bala wa hʋɔlɔ nyɩ a tẽw kãw pʋɔ, nyɩ́ jɔ cen tẽ-kpee. Yel-mɩ̃ɛ ɩ̃ yele nyɩ, nyaa tʋɔrɔ baara a *Ɩsɩrayɛl ten a jaa, ɩ̃-cɛ a *Nɩbɛ Bie waara wa. 24A *par-tuure maa gãw a ʋ jãjaana wa; a gbãgbaar ma mɩ gãw a ʋ sɔsʋɔrɔ wa. 25A na sɛw na a ala ɩ a par-tuure jɛ̃ na taa nɩ a ʋ jãjaana, ɩ̃ a gbãgbaar mɩ jɛ̃ taa nɩ a ʋ sɔsʋɔrɔ. A ala ɩ ba bʋɔlʼã a yir sʋbɔ a *Bɛɛjɛbul, mɩnɛ ba nɔɔ bʋɔl a ʋ yir deme?
A ƲLƆ NA SƐW NƖ NYƖ A JƆFƲ
(Lu 12.2-7)
26“Ala-ɩ̃-sɔ, nyɩ taa jɔrɔ a nɩbɛ dãbɩ̃ɛ wa. A-na-ɩ bom ma be be na sɔɔlɩ̃ ɩ̃ mɔɔ yire cãa pʋɔ wa. 27A ala ɩ̃ na yele nyɩ a libe pʋɔ, nyɩ́ yel ba a cãa pʋɔ. A ala ɩ̃ na mɩ bʋrɔ kʋrɔ nyɩ, nyɩ́ hier ba a gara jur. 28Nyɩ taa jɔrɔ a bala na kúrɔ a ĩgan ɩ̃ ma tʋɔrɔ kúrɔ a sɩɛ wa. Ɩ̃ nyɩ́ ɛ̃ɛ jɔrɔ a ʋlɔ na tʋɔrɔ maala a ɩ̃gan nɩ a sɩɛ a wɛrɛ a wɛfʋ vũu pʋɔ. 29A tɩ̃ɩtɩ̃ɩ, lɩba-anuu tɛw ba ma da nɩ ayi, ɩ̃-cɛ ʋ bõ-yen tẽtẽ ma bɔrɔ ɩ̃ a nyɩ Sãa ma bɔ̃w wa. 30A ala ɩ a nyɩmɩ ʋ, a Naaŋmɩn bɔ̃w na a nyɩ ju-kɔbɔ nʋɔr. 31Ala-ɩ̃-sɔ, nyɩ taa jɔrɔ dãbɩ̃ɛ wa. Nyɩ sa na a tɩ̃ɩtɩ̃ɩsɩ yayaw.
A JEEJU SƆWFƲ MƖƖ A Ʋ JAARFƲ
(Lu 12.8-9)
32“A nɩrɛ lɛ na cã yel a nɩbɛ nii-sɔw, á ɩ̃ ben ʋ ɩ, ɩ̃ nɔɔ mɩ yelʼã a ɩ̃ saa juu Sãa nii-sɔw, á ɩ̃ ben a sʋbɔ ʋlɔ ɩ. 33Ɩ̃ a nɩrɛ lɛ na jaar ma a nɩbɛ nii-sɔw, ɩ̃ nɔɔ mɩ jaar ʋ na a ɩ̃ saa juu Sãa nii-sɔw.
A JEEJU ƳƐRƖ̃ NA ŊMARA A NƖBƐ
(Lu 12.51-53, 14.26-27)
34“Nyɩ taa tɩɛr beeka pɩɛnfʋ ɩ̃ wa nɩ a tẽw pʋɔ wa. Maa wa nɩ pɩɛnfʋ wa, ɩ̃-cɛ sɔgbalʋ ɩ̃ wa nɩ. 35Ɩ̃ wa na na ŋma a bie nɩ a ʋ sãa kpee, a mã nɩ a ʋ bi-pɔw mɩ kpee, a poole nɩ a ʋ dɩ̃ɛ-mã mɩ kpee. 36A nɩrɛ yi-deme na ɩ na a ʋ sama-deme. 37A ʋlɔ na nʋnɔ a ʋ sãa mɩɩ a ʋ mã gãw ma, ma sɛw nɩ ma wa. A ʋlɔ na mɩ nʋnɔ a ʋ bi-daba mɩɩ a ʋ bi-pɔw gãw ma, ma mɩ sɛw nɩ ma wa. 38Ɩ̃ a ʋlɔ na ma sɔw tuo a ʋ nɩ-kʋ-daa tuure nɩ ma wa, ma mɩ sɛw nɩ ma wa. 39A nɩrɛ ʋlɔ na pɔw a ʋ baafʋ, a ʋ baafʋ ʋlɔ nɔɔ bɔrʼã, ɩ̃ a ʋlɔ baafʋ na bɔr a ɩ̃ ɩnɛ, ʋ nɔɔ pɔw ʋ na.
A YAR NA YIRE A NAAŊMƖN JIE
(Mar 9.41)
40“A ʋlɔ na sɔwrɔ diere nyɩ, mɩ sɔw na de ma. Ɩ̃ a ʋlɔ na sɔw de ma, mɩ sɔw na de a ʋlɔ na tʋ̃ ma. 41A ʋlɔ na sɔwrɔ diere a Naaŋmɩn ƴɛr-hiere a-na-ɩ ƴɛr-hiere ʋ ɩ, ʋ na pɔw na a ƴɛr-hiere yar mɩ. Ɩ̃ a ʋlɔ na sɔwrɔ diere a nɩ-toraa a-na-ɩ nɩ-toraa ʋ ɩ, ʋ na mɩ pɔw na a nɩ-toraa yar. 42Yel-mɩ̃ɛ ɩ̃ yele nyɩ, a ʋlɔ na ꞌwɔ̃wnɔ a kʋ̃ɔ baar kʋrɔ a nɩ-pabɩ sɩ basɩmɛ kãw, a-na-ɩ ɩ̃ *par-tuure ʋ ɩ, kɔ̃ wa faa a ʋ yar fɩ̃ɩ wa.”
നിലവിൽ തിരഞ്ഞെടുത്തിരിക്കുന്നു:
Matie Sɛbɛ 10: BNT93
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Le Nouveau Testament en langue birifor © Alliance Biblique au Burkina Faso, 1993.
Matie Sɛbɛ 10
10
A JEEJU PAR-TUURBE PIE-NʼAYI YOE
(Mar 3.13-19, Lu 6.12-16)
1A *Jeeju bʋɔlʼã a ʋ *par-tuurbe pie-nʼayi a ba wɩ, ʋ kʋ ba a tʋɔfʋ a ba n a diwre nɩ a kɔ̃tɔn-bebe ɩ̃ mɩ kpaara nɩ a wʋlɩ̃-bʋrɔ bʋrɔ deme. 2Nyɛ a *nɩ-tʋnɩsɩ pie-nʼayi yoe: a dãdãw sʋbɔ ɩ na a Sɩmɔ̃ ba ma bʋɔlɔ a Pɩɛr, a ʋ yɛbɛ Ãdire, a Jebede bie Jakɩ, nɩ a ʋ yɛbɛ Jã, 3a Fɩlɩpɩ nɩ a Batelemi, a Tomasɩ, nɩ a Matie na dãa ɩ a lãpo-diere, a Alfe bie Jakɩ, nɩ a Tade, 4a Sɩmɔ̃ na ma jɛrɛ, nɩ a Judasɩ Isikaryɔtɩ na cilĩ a Jeeju.
A JEEJU NA TƲ̃ A Ʋ PAR-TUURBE
(Mar 6.7-13, Lu 9.1-6)
5A *Jeeju tʋ̃ na a bana nɩbɛ pie-nʼayi, ɩ̃ kpãkpan ba a nɔhɔ̃:
“Nyɩ taa wa cere a nɩ-bʋlsɩ sɛ̃ wa, ɩ̃ nyɩ taa mɩ kpɛɛrɛ a *Samari-tẽw wa, 6Ɩ̃-cɛ nyɩ́ cen a *Ɩsɩrayɛl nɩbɛ jie na bɔr a piir kaarɩ̃. 7A lɛ nyɩ na cere, nyɩ́ hiere yele nɩ: ‘A saa juu fãw pɩɛlʼã.’ 8Nyɩ́ kpaara a wʋlɩ̃sɩ deme, mɩ jawra nɩ a kũusɩ, pɔlɔ nɩ a kɔn, ɩ̃ mɩ diwre a kɔ̃tɔnsɩ bara. Pɔrɔ nyɩ pɔw, nyɩ́ mɩ tɩɩr a pɔrɔ. 9Nyɩ taa wa bʋɔrɔ nyɩ tɛrɛɛ a sɛlmɛ, mɩɩ a libie a nyɩ wʋʋr pʋʋr wa. 10Nyɩ taa wa mɩ bʋɔrɔ nyɩ tɛrɛɛ a wʋɔ, nɩ kparsɩ ayi, nɩ a nafaba, nɩ a dãɓɩlaa wa, a-na-ɩ a tʋ̃tʋnɔ sɛw nɩ na a ʋ dɩb. 11A nyɩmɩ wa ta a tẽw-oo-tẽw pʋɔ, nyɩ́ soor nɩrɛ ʋlɔ ba na ƴɔnɔ yir, cen na jɛ a be wa ta nɩ a nyɩ be yifʋ daar. 12A nyɩmɩ wa ta a yir, nyɩ́ puor ba. 13A bala wa ɩ nɩ-sono, nyɩ́ sʋɔr a Naaŋmɩn á ʋ be nɩ ba. Ɩ̃-cɛ a bala mɔɔ ɩ nɩ-sono wa, nyɩ́ mɔ̃w a nyɩ puorfʋ cere nɩ. 14A ala ɩ nyɩ wa ta na a yir kãw pʋɔ mɩɩ tẽw kãw pʋɔ, a ba wa jaar nyɩ nɩ a nyɩ ƴɛrɩ̃ bar, nyɩ́ yi ɩ̃ tɛ-tɛb a nyɩ gbɛɛ tãbuulĩ#10.14 Gbɛɛ tãbuulĩ tɛb barfʋ: A lɛ miile na áa bala na jaar a Naaŋmɩn ƴɛrĩ bar, a ba juu a ƴɛrĩ dɔɔl. A wɔ̃ na taa nɩ a nuu pɩɩrfʋ a sɩmɩ Bɩrfʋɔr jie. ƴɔ̃w ba. 15Yel-mɩ̃ɛ ɩ̃ yele nyɩ, a ƴɛrɩ̃ guorfʋ dayen, a *Sɔdɔm nɩ a *Gɔmɔɔr ten hʋʋr nyɛfʋ na sa na a ʋna tẽw naa.
A NƖ-TƲNƖSƖ HƲƆLFƲ NƆƆ TARA
(Mar 13.9-13, Lu 21.12-17)
16“Nyɩ́ nyɛ, ɩ̃ tʋnɔ nyɩ na wɔ̃ taa nɩ piir a wɛ-baar sɔ̃w. Ala-ɩ̃-sɔ, nyɩ́ ɩ nɩ-kpaarsɩ a wɩ́ɩr kaarɩ̃, ɩ̃ mɩ wɔ̃ taa nɩ a ŋmama na ma bɔ̃w a bier maalfʋ wa. 17Nyɩ́ tɛrɛ nyɩ mɩ̃ɛ a nɩbɛ ɩnɛ, a-na-ɩ ba nɔɔ bʋɔl nyɩ na a nɩ-bɛrɛ ƴɛrɩ̃ guorfʋ jiir, ɩ̃ mɩ fɔb nyɩ nɩ kpaarsɩ a Jufisɩ *puorfʋ yie pʋʋr. 18Ba na taw nyɩ na cenʼɩ̃ a ni-dierbe nii-sɔw nɩ a jamansɩ nii-sɔw a ɩ̃ ɩnɛ, a mɩnɛ a nyɩ na tʋɔ man a yel-mɩ̃ɛ kʋ ba, nɩ a bala na ɩ a nɩ-bʋlsɩ mɩ. 19Ɩ̃-cɛ a lɛ ba na taw nyɩ cere nɩ, nyɩ taa ɩ a dama nyɩ a bõ nyɩ na ƴɛrɛ, mɩɩ a mɩnɛ nyɩ nɔɔ ƴɛrɛ wa. A daar ʋlɔ wa ta, nyɩ na bɔ̃w na a ala nyɩ na ƴɛrɛ. 20A-na-ɩ aa ɩ a nyɩ jie a ƴɛrɩ̃ ala na yi wa, ɩ̃-cɛ a nyɩ Sãa Naaŋmɩn Sɩɛ jie a na yi. 21A nɩrɛ nɔɔ cilĩ na a ʋ yɛbɛ ƴɔ̃w a kũu pʋɔ; a sãa nɔɔ mɩ maalʼã a lɛ a ʋ bie jie; a bibiir nɔɔ mɩ kpɛmɛ na a ba dɔɔrbɔ jiir, ƴɔnɔ nɩ ba a ƴɛrɩ̃ a ba kú ba. 22A nɩbɛ ba jaa nɔɔ ꞌlaara nyɩ na a ɩ̃ ɩnɛ, ɩ̃-cɛ a ʋlɔ nɔɔ tʋɔ ɩraa cĩcĩ wa ta nɩ a baarfʋ daar, na pɔw na a faafʋ. 23A bala wa hʋɔlɔ nyɩ a tẽw kãw pʋɔ, nyɩ́ jɔ cen tẽ-kpee. Yel-mɩ̃ɛ ɩ̃ yele nyɩ, nyaa tʋɔrɔ baara a *Ɩsɩrayɛl ten a jaa, ɩ̃-cɛ a *Nɩbɛ Bie waara wa. 24A *par-tuure maa gãw a ʋ jãjaana wa; a gbãgbaar ma mɩ gãw a ʋ sɔsʋɔrɔ wa. 25A na sɛw na a ala ɩ a par-tuure jɛ̃ na taa nɩ a ʋ jãjaana, ɩ̃ a gbãgbaar mɩ jɛ̃ taa nɩ a ʋ sɔsʋɔrɔ. A ala ɩ ba bʋɔlʼã a yir sʋbɔ a *Bɛɛjɛbul, mɩnɛ ba nɔɔ bʋɔl a ʋ yir deme?
A ƲLƆ NA SƐW NƖ NYƖ A JƆFƲ
(Lu 12.2-7)
26“Ala-ɩ̃-sɔ, nyɩ taa jɔrɔ a nɩbɛ dãbɩ̃ɛ wa. A-na-ɩ bom ma be be na sɔɔlɩ̃ ɩ̃ mɔɔ yire cãa pʋɔ wa. 27A ala ɩ̃ na yele nyɩ a libe pʋɔ, nyɩ́ yel ba a cãa pʋɔ. A ala ɩ̃ na mɩ bʋrɔ kʋrɔ nyɩ, nyɩ́ hier ba a gara jur. 28Nyɩ taa jɔrɔ a bala na kúrɔ a ĩgan ɩ̃ ma tʋɔrɔ kúrɔ a sɩɛ wa. Ɩ̃ nyɩ́ ɛ̃ɛ jɔrɔ a ʋlɔ na tʋɔrɔ maala a ɩ̃gan nɩ a sɩɛ a wɛrɛ a wɛfʋ vũu pʋɔ. 29A tɩ̃ɩtɩ̃ɩ, lɩba-anuu tɛw ba ma da nɩ ayi, ɩ̃-cɛ ʋ bõ-yen tẽtẽ ma bɔrɔ ɩ̃ a nyɩ Sãa ma bɔ̃w wa. 30A ala ɩ a nyɩmɩ ʋ, a Naaŋmɩn bɔ̃w na a nyɩ ju-kɔbɔ nʋɔr. 31Ala-ɩ̃-sɔ, nyɩ taa jɔrɔ dãbɩ̃ɛ wa. Nyɩ sa na a tɩ̃ɩtɩ̃ɩsɩ yayaw.
A JEEJU SƆWFƲ MƖƖ A Ʋ JAARFƲ
(Lu 12.8-9)
32“A nɩrɛ lɛ na cã yel a nɩbɛ nii-sɔw, á ɩ̃ ben ʋ ɩ, ɩ̃ nɔɔ mɩ yelʼã a ɩ̃ saa juu Sãa nii-sɔw, á ɩ̃ ben a sʋbɔ ʋlɔ ɩ. 33Ɩ̃ a nɩrɛ lɛ na jaar ma a nɩbɛ nii-sɔw, ɩ̃ nɔɔ mɩ jaar ʋ na a ɩ̃ saa juu Sãa nii-sɔw.
A JEEJU ƳƐRƖ̃ NA ŊMARA A NƖBƐ
(Lu 12.51-53, 14.26-27)
34“Nyɩ taa tɩɛr beeka pɩɛnfʋ ɩ̃ wa nɩ a tẽw pʋɔ wa. Maa wa nɩ pɩɛnfʋ wa, ɩ̃-cɛ sɔgbalʋ ɩ̃ wa nɩ. 35Ɩ̃ wa na na ŋma a bie nɩ a ʋ sãa kpee, a mã nɩ a ʋ bi-pɔw mɩ kpee, a poole nɩ a ʋ dɩ̃ɛ-mã mɩ kpee. 36A nɩrɛ yi-deme na ɩ na a ʋ sama-deme. 37A ʋlɔ na nʋnɔ a ʋ sãa mɩɩ a ʋ mã gãw ma, ma sɛw nɩ ma wa. A ʋlɔ na mɩ nʋnɔ a ʋ bi-daba mɩɩ a ʋ bi-pɔw gãw ma, ma mɩ sɛw nɩ ma wa. 38Ɩ̃ a ʋlɔ na ma sɔw tuo a ʋ nɩ-kʋ-daa tuure nɩ ma wa, ma mɩ sɛw nɩ ma wa. 39A nɩrɛ ʋlɔ na pɔw a ʋ baafʋ, a ʋ baafʋ ʋlɔ nɔɔ bɔrʼã, ɩ̃ a ʋlɔ baafʋ na bɔr a ɩ̃ ɩnɛ, ʋ nɔɔ pɔw ʋ na.
A YAR NA YIRE A NAAŊMƖN JIE
(Mar 9.41)
40“A ʋlɔ na sɔwrɔ diere nyɩ, mɩ sɔw na de ma. Ɩ̃ a ʋlɔ na sɔw de ma, mɩ sɔw na de a ʋlɔ na tʋ̃ ma. 41A ʋlɔ na sɔwrɔ diere a Naaŋmɩn ƴɛr-hiere a-na-ɩ ƴɛr-hiere ʋ ɩ, ʋ na pɔw na a ƴɛr-hiere yar mɩ. Ɩ̃ a ʋlɔ na sɔwrɔ diere a nɩ-toraa a-na-ɩ nɩ-toraa ʋ ɩ, ʋ na mɩ pɔw na a nɩ-toraa yar. 42Yel-mɩ̃ɛ ɩ̃ yele nyɩ, a ʋlɔ na ꞌwɔ̃wnɔ a kʋ̃ɔ baar kʋrɔ a nɩ-pabɩ sɩ basɩmɛ kãw, a-na-ɩ ɩ̃ *par-tuure ʋ ɩ, kɔ̃ wa faa a ʋ yar fɩ̃ɩ wa.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Le Nouveau Testament en langue birifor © Alliance Biblique au Burkina Faso, 1993.