Matyo 10
10
Yeso tûm shi ngəd tə wi ighəm nsə ghii tə təbəghə
(Mak 3.13-19; Luk 6.12-16)
1Yeso n tɔŋɔ tsu ngəd tə wi ighəm nsə ghii tə təbəghə, fuu tsu ghə n daʼa kə, tə̀ ghə loʼ ni dzùm shiə zay u bəbə wə, baŋŋə tədzaŋa tədzəm. 2À wən lòʼ zəd a ngəd tə Yeso tən ighəm n ghi tə təbəghə. U sə i sə̂ u lòʼ Shimun, tɔŋŋə Pita, nsə Andria, waazə. Jems, waa Zebedii, nsə waazə wi Jɔn. 3Filip nsə Batolomiyo, Thɔmɔs, ghi Matyo tɔŋŋə wù kwɔɔ u kəmàʼlə, Jems, waa Afus, ghi Tadyos. 4Shimun, wù wey tə â ngii ləghənə naʼ i wi zə, nsə Judas Iskaliɔt wən tə â fii fuunə Yeso.
Fwàʼ kə ngəd tən ighəm n ghii tə təbəghə
(Mak 6.7-13; Luk 9.16)
5Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii. 6Ghaa bɔɔmə khə ni nyi ndòw kə n luʼu tey ghə̂ ghə Izree ghən ghə loʼ tə̀ a loʼ njì zən i naynə. 7I naʼlə ndòw na ghəə a Kəzə̀ ghə nghee tə̀ ghaa ndownə, dza ndòw nə̀, ‘Fɔ̀ɔ wə idəŋ wə n shɔd.’ 8I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu. 9Nghee ghaa ndownə, kə̂ ghaa nə neynə fə kə loʼ kə tə a loʼ ukhəə. 10Nuu ndòw kə na kpi ikpi, kə̂ ghaa nə neynə mbəghə kə, kə̂ ghaa nə neynə ndzə̂ tə ni tsɔʼ kweyyə, a may kə tə tey ghaa khənə nə uwû, kə̂ ghaa nə neynə gow tə nkee mbaŋ i nyəllə zə, n təŋkey, ghə khə ni fuu wù wey tə fwaʼanə n fə wey udzəm tə ləghənə.”
11“Abə ghaa nyi ndòw kə n naʼ i ghaa zə, kəŋ ndòw na wù wey tə loʼ ni ney naŋa ghaa, ghaa n doʼo ndòw ghi wi ni ndow kuum n nəŋə zey ghaa i bə shiə n naʼ i tii zə. 12Nə ghaa nyi ndòw n bii kə wù, ghaa n tɔ̀ʼ tɔŋɔ zow ndòw ghə̂ ghey fu nə kəbii dza tə̀ ghə nə̀, ‘Zə̀ kə fuu ghaa n buulə zə.’ 13Nə ghə mûkəbii a tii a ney naŋanu ghaa, buulə i ghaa zə i doʼo fu nə kəbii. Nə ghə ka ghaa ney naŋa, ghaa n nuu soʼo ghi buulə i ghaa zə.#10.13 Nghee, ghə buʼu maʼa tsu kəbvə n ghôw a ghaa, ni dii tsu nə̀ ghaa n nyoʼo dzəm tə̀ ghə. 14Nə ghə ka ghaa kpii ney, tuu soʼo ni zəllə ghɔɔmə i ghaa, ghaa n zə̀ghə tsu bii kə tii kə nkee naʼ i tii zə, buʼ maʼa tsu bvə kə naʼ i tii zə n fuu i ghaa. 15N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”
Chɔt wey u loʼnə isə
(Mak 13.9-13; Luk 21.12-17)
16Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀. 17Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu. 18Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə. 19Abə ghə i kwu fuu nuu ndòwnə ghaa, kə̂ ghaa nə fəmmənə wû i ghaa zə nə̀ ghaa i sə̀ ghɔɔmə ngee nkee ghaa i dza ndòw nə̀ ngee, n təŋkey, Bày ghaa wən tə loʼ idəŋ î kuu bə ighɔɔmə n dzuu i ghaa n nəŋə i tii zə. 20Ghɔɔmə i tii i nə way ghɔɔmə i ghaa, a i loʼ Zay kə Bày ghaa tə khəə shiə bənə ghəə ghə n kow ghaa.”
21“Waazə i fìilə fuu ndòw waazə nə̀ ghə wey wi, bày i fìi fuu nuu ndòw waa, ghiinətəghə ghə î kɔʼɔ n tow u ghə bày nsə ghə zə̂, ghə i weyyə ghə. 22Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi. 23Abə ghə chɔdlɔnə ghaa n naʼ i loʼ zə, ghaa n tyi nuu ndòw n naʼ i nuu zə. N kuum dza bə tə̀ ghaa nə̀, ghaa î tsəghə ngəə may way nàʼa tə Izree tən tədzəm, nə̀ Waa weynum ka kam bə.”
24“Waa kəmàʼlə u loʼ u way dzə tə tsəghəshinə wù dii ə wi. Wù kəfwaʼ u loʼ u way tə tsəghəshinə mûkəbii ə wi. 25Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul#10.25 Belzebul loʼ də̀ŋ kə zay ù bəbə wə., ghə̂ a ndaw wi ghə i keeli izəd nə̀ zə n bəb tsəghəshi Belzebul.”
Wù wey a khənə ni tsəŋ
(Luk 12.2-7)
26Yeso n ndow n sə̂ kə dza tə̀ ghə nə̀, “Kə ghaa nə tsəŋənə ghə, n təŋkey, ghə i loʼ i way ghə tsəd naŋanə, nə̀ î nə bə doʼo way təghə, ghə i loʼ i way ghə tsɔŋ ghəŋənə, ghə nə bə keeli way. 27Ghəə ghən n naʼlə fa tə̀ ghaa nə kələm, ghaa khə ni ndòw ghɔɔmə n mgbaŋ, ghəə ghey n tsɔŋ dza soʼonə tə̀ ghaa fa, ghaa khə ni ndòw təmi kɔʼ n gɔŋ kə ndaw ghaa i naʼlə ndòw. 28Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii. 29N dza ghə mgbaŋa fìilə nndzaŋŋə n bəghə n nyaŋi fə ukhəə ə? Fəmɔ̀ʼ fə bùʼ way ni bwu tsu bə aghəd nə̀ Bày ghaa idəŋ ka tsə̀m. 30Wû u nyùŋ tə ghaa nə kətow tədzə̀m, tə loʼ nə̀ Zə̀ kə n taŋ. 31Sey, ghaa khə way ni tsəŋ, n təŋkey, ghaa loʼ ghə̂ a səŋi ghə n sə K-a-zə̀ tsəghəshi nɔɔ kə nndzaŋŋə.”
Ghə̂ ghey ghə bəghəmnə tə̀ Yeso nsə a ghey ghə tuu maʼanə wi
(Luk 12.8-9)
32Yeso n dza ndow tə ghə nə̀, “Wù wey tə bəghəmnə mə n sə̂ kə aghə̂, Mə î bəghəm soʼonu wi n sə̂ kə Bày wuŋ idəŋ. 33Wù wey tə kee tuu maʼa mə n sə̂ kə aghə̂, Mə î tuu maʼa soʼonu wi n sə̂ kə Bày wuŋ idəŋ.”
Yeso dza nə̀ i bəghə ghi tsam
(Luk 12.51-53; 14.26-27)
34Yeso n kəm dza ndow tə̀ ghə nə̀, “Kə ghaa nə moʼlənə nə̀ n bə ni ney bə ibuulə n mbi, n ka bə dzə ni ney bə ibuulə, n fəd bə n tsam. 35N təŋkey, n bə ni bə sòʼ nə̀ waa à nûm ghə i tey nə ifuu ghi ghə bày, à zən ghə i bwɔdlɔ wû zə ghî ghə zə̂, ghey a waa ghə i dəmə ghi ghə inum ghə. 36Ghə̂ a təngəmmə a wù ghə i loʼ kə ghə̂ ghey ghə shi kɔʼnə n ndaw wi. 37Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. 38Wù wey tə tuunə ni ney zat kə fəkaʼ kə wi, tə dzûmə bə mə, ka kɔʼ kpii dzə̀ ni doʼo dzûmə wuŋ. 39Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”
Aghəə bòʼ kənaamə
(Mak 9.41)
40Yeso n nam dza ndow tə ghə nə̀, “Wù wey tə ney naŋanə ghaa, sey ney naŋa mə, abə wù ney naŋanə mə, tə sey ney naŋa soʼo wù wey tə tûm shinə mə. 41Wù wey tə ney naŋanə wù tûm Kəzə̀ n təŋkey tə loʼ wù tûm Kəzə̀, î keeli naamə key kə nuu bənə n wɔ wù tûm Kəzə̀. Wù wey tə ney naŋanə wù dzuŋu boʼnə tə loʼ wù dzuŋu, î keeli soʼo naamə key kə nuu bənə n wɔ ghə̂ a dzuŋu ghə. 42N kuum dza bə tə̀ ghaa nə̀, wù wey tə tey fuu kənə wɔ̀ɔ mmuu i kay zə tə̀ nyaŋi fə wù fə n ghə̂ ghən n zəd i dzûmə tuŋ, î ndzəmə keelinu naamə kə.”
നിലവിൽ തിരഞ്ഞെടുത്തിരിക്കുന്നു:
Matyo 10: WEH
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022 CABTAL
Matyo 10
10
Yeso tûm shi ngəd tə wi ighəm nsə ghii tə təbəghə
(Mak 3.13-19; Luk 6.12-16)
1Yeso n tɔŋɔ tsu ngəd tə wi ighəm nsə ghii tə təbəghə, fuu tsu ghə n daʼa kə, tə̀ ghə loʼ ni dzùm shiə zay u bəbə wə, baŋŋə tədzaŋa tədzəm. 2À wən lòʼ zəd a ngəd tə Yeso tən ighəm n ghi tə təbəghə. U sə i sə̂ u lòʼ Shimun, tɔŋŋə Pita, nsə Andria, waazə. Jems, waa Zebedii, nsə waazə wi Jɔn. 3Filip nsə Batolomiyo, Thɔmɔs, ghi Matyo tɔŋŋə wù kwɔɔ u kəmàʼlə, Jems, waa Afus, ghi Tadyos. 4Shimun, wù wey tə â ngii ləghənə naʼ i wi zə, nsə Judas Iskaliɔt wən tə â fii fuunə Yeso.
Fwàʼ kə ngəd tən ighəm n ghii tə təbəghə
(Mak 6.7-13; Luk 9.16)
5Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii. 6Ghaa bɔɔmə khə ni nyi ndòw kə n luʼu tey ghə̂ ghə Izree ghən ghə loʼ tə̀ a loʼ njì zən i naynə. 7I naʼlə ndòw na ghəə a Kəzə̀ ghə nghee tə̀ ghaa ndownə, dza ndòw nə̀, ‘Fɔ̀ɔ wə idəŋ wə n shɔd.’ 8I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu. 9Nghee ghaa ndownə, kə̂ ghaa nə neynə fə kə loʼ kə tə a loʼ ukhəə. 10Nuu ndòw kə na kpi ikpi, kə̂ ghaa nə neynə mbəghə kə, kə̂ ghaa nə neynə ndzə̂ tə ni tsɔʼ kweyyə, a may kə tə tey ghaa khənə nə uwû, kə̂ ghaa nə neynə gow tə nkee mbaŋ i nyəllə zə, n təŋkey, ghə khə ni fuu wù wey tə fwaʼanə n fə wey udzəm tə ləghənə.”
11“Abə ghaa nyi ndòw kə n naʼ i ghaa zə, kəŋ ndòw na wù wey tə loʼ ni ney naŋa ghaa, ghaa n doʼo ndòw ghi wi ni ndow kuum n nəŋə zey ghaa i bə shiə n naʼ i tii zə. 12Nə ghaa nyi ndòw n bii kə wù, ghaa n tɔ̀ʼ tɔŋɔ zow ndòw ghə̂ ghey fu nə kəbii dza tə̀ ghə nə̀, ‘Zə̀ kə fuu ghaa n buulə zə.’ 13Nə ghə mûkəbii a tii a ney naŋanu ghaa, buulə i ghaa zə i doʼo fu nə kəbii. Nə ghə ka ghaa ney naŋa, ghaa n nuu soʼo ghi buulə i ghaa zə.#10.13 Nghee, ghə buʼu maʼa tsu kəbvə n ghôw a ghaa, ni dii tsu nə̀ ghaa n nyoʼo dzəm tə̀ ghə. 14Nə ghə ka ghaa kpii ney, tuu soʼo ni zəllə ghɔɔmə i ghaa, ghaa n zə̀ghə tsu bii kə tii kə nkee naʼ i tii zə, buʼ maʼa tsu bvə kə naʼ i tii zə n fuu i ghaa. 15N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”
Chɔt wey u loʼnə isə
(Mak 13.9-13; Luk 21.12-17)
16Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀. 17Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu. 18Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə. 19Abə ghə i kwu fuu nuu ndòwnə ghaa, kə̂ ghaa nə fəmmənə wû i ghaa zə nə̀ ghaa i sə̀ ghɔɔmə ngee nkee ghaa i dza ndòw nə̀ ngee, n təŋkey, Bày ghaa wən tə loʼ idəŋ î kuu bə ighɔɔmə n dzuu i ghaa n nəŋə i tii zə. 20Ghɔɔmə i tii i nə way ghɔɔmə i ghaa, a i loʼ Zay kə Bày ghaa tə khəə shiə bənə ghəə ghə n kow ghaa.”
21“Waazə i fìilə fuu ndòw waazə nə̀ ghə wey wi, bày i fìi fuu nuu ndòw waa, ghiinətəghə ghə î kɔʼɔ n tow u ghə bày nsə ghə zə̂, ghə i weyyə ghə. 22Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi. 23Abə ghə chɔdlɔnə ghaa n naʼ i loʼ zə, ghaa n tyi nuu ndòw n naʼ i nuu zə. N kuum dza bə tə̀ ghaa nə̀, ghaa î tsəghə ngəə may way nàʼa tə Izree tən tədzəm, nə̀ Waa weynum ka kam bə.”
24“Waa kəmàʼlə u loʼ u way dzə tə tsəghəshinə wù dii ə wi. Wù kəfwaʼ u loʼ u way tə tsəghəshinə mûkəbii ə wi. 25Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul#10.25 Belzebul loʼ də̀ŋ kə zay ù bəbə wə., ghə̂ a ndaw wi ghə i keeli izəd nə̀ zə n bəb tsəghəshi Belzebul.”
Wù wey a khənə ni tsəŋ
(Luk 12.2-7)
26Yeso n ndow n sə̂ kə dza tə̀ ghə nə̀, “Kə ghaa nə tsəŋənə ghə, n təŋkey, ghə i loʼ i way ghə tsəd naŋanə, nə̀ î nə bə doʼo way təghə, ghə i loʼ i way ghə tsɔŋ ghəŋənə, ghə nə bə keeli way. 27Ghəə ghən n naʼlə fa tə̀ ghaa nə kələm, ghaa khə ni ndòw ghɔɔmə n mgbaŋ, ghəə ghey n tsɔŋ dza soʼonə tə̀ ghaa fa, ghaa khə ni ndòw təmi kɔʼ n gɔŋ kə ndaw ghaa i naʼlə ndòw. 28Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii. 29N dza ghə mgbaŋa fìilə nndzaŋŋə n bəghə n nyaŋi fə ukhəə ə? Fəmɔ̀ʼ fə bùʼ way ni bwu tsu bə aghəd nə̀ Bày ghaa idəŋ ka tsə̀m. 30Wû u nyùŋ tə ghaa nə kətow tədzə̀m, tə loʼ nə̀ Zə̀ kə n taŋ. 31Sey, ghaa khə way ni tsəŋ, n təŋkey, ghaa loʼ ghə̂ a səŋi ghə n sə K-a-zə̀ tsəghəshi nɔɔ kə nndzaŋŋə.”
Ghə̂ ghey ghə bəghəmnə tə̀ Yeso nsə a ghey ghə tuu maʼanə wi
(Luk 12.8-9)
32Yeso n dza ndow tə ghə nə̀, “Wù wey tə bəghəmnə mə n sə̂ kə aghə̂, Mə î bəghəm soʼonu wi n sə̂ kə Bày wuŋ idəŋ. 33Wù wey tə kee tuu maʼa mə n sə̂ kə aghə̂, Mə î tuu maʼa soʼonu wi n sə̂ kə Bày wuŋ idəŋ.”
Yeso dza nə̀ i bəghə ghi tsam
(Luk 12.51-53; 14.26-27)
34Yeso n kəm dza ndow tə̀ ghə nə̀, “Kə ghaa nə moʼlənə nə̀ n bə ni ney bə ibuulə n mbi, n ka bə dzə ni ney bə ibuulə, n fəd bə n tsam. 35N təŋkey, n bə ni bə sòʼ nə̀ waa à nûm ghə i tey nə ifuu ghi ghə bày, à zən ghə i bwɔdlɔ wû zə ghî ghə zə̂, ghey a waa ghə i dəmə ghi ghə inum ghə. 36Ghə̂ a təngəmmə a wù ghə i loʼ kə ghə̂ ghey ghə shi kɔʼnə n ndaw wi. 37Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. 38Wù wey tə tuunə ni ney zat kə fəkaʼ kə wi, tə dzûmə bə mə, ka kɔʼ kpii dzə̀ ni doʼo dzûmə wuŋ. 39Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”
Aghəə bòʼ kənaamə
(Mak 9.41)
40Yeso n nam dza ndow tə ghə nə̀, “Wù wey tə ney naŋanə ghaa, sey ney naŋa mə, abə wù ney naŋanə mə, tə sey ney naŋa soʼo wù wey tə tûm shinə mə. 41Wù wey tə ney naŋanə wù tûm Kəzə̀ n təŋkey tə loʼ wù tûm Kəzə̀, î keeli naamə key kə nuu bənə n wɔ wù tûm Kəzə̀. Wù wey tə ney naŋanə wù dzuŋu boʼnə tə loʼ wù dzuŋu, î keeli soʼo naamə key kə nuu bənə n wɔ ghə̂ a dzuŋu ghə. 42N kuum dza bə tə̀ ghaa nə̀, wù wey tə tey fuu kənə wɔ̀ɔ mmuu i kay zə tə̀ nyaŋi fə wù fə n ghə̂ ghən n zəd i dzûmə tuŋ, î ndzəmə keelinu naamə kə.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2022 CABTAL