Matie 1

Zozi Klisöö' 'lɔlʋʋ' yëkuu' wälɩ

(Lukö 3.23‑38)

1 Zozi Klisö nä, ɔ ‑glö Davidöö' 'lɔlʋnyɔ, 'nɩ Davidö ‑glö Ablaamʋʋ' 'lɔlʋnyɔ.

A ni Zozii' 'lɔlʋʋ yëkuu' wälɩ yi lä. 2Ablaamʋ ‑gään Yizakö 'nɩ Yizakö ‑gään Zakɔpʋ, 'nɩ Zakɔpʋ ‑gään Zudaa ‑yä ɔ bhelie. 3Zudaa ‑yä ɔ 'ŋnɔ Tamaa 'sɔ ‑gään Pelɛzö ‑yä Zela. Pelɛsö ‑gään Yɛslɔmʋ, 'nɩ Yɛslɔmʋ ‑gään Alamʋ. 4Alamʋ ‑gään Aminadabʋ, 'nɩ Aminadabʋ ‑gään Nasɔɔ. Nasɔɔ ‑gään Salɩma 5'nɩ Salɩma ‑yä ɔ 'ŋnɔ Laabʋ 'sɔ ‑gään Bowazö. Bowazö ‑yä ɔ 'ŋnɔ Wlutö 'sɔ ‑gään Obɛdö, 'nɩ Obɛdö ‑gään Yizayii, 6'nɩ Yizayii ‑gään 'loyo Davidö. 'Ŋnɔɔ 'loyo Davidö ‑sä lä Yulii nä, ɔ ‑yɔsɔ ‑gään Salomɔɔ, 7'nɩ Salomɔɔ ‑gään Ylobowamʋ. Ylobowamʋ ‑gään Abɩa, 'nɩ Abɩa ‑gään Aza. 8Aza ‑gään Zozafatö, 'nɩ Zozafatö ‑gään Zolamʋ. Zolamʋ ‑gään Oziasö, 9'nɩ Oziasö ‑gään Zotamʋ. Zotamʋ ‑gään Akazö, 'nɩ Akazö ‑gään Ezekɩasö. 10Ezekɩasö ‑gään Manase, 'nɩ Manase ‑gään Amɔɔ. Amɔɔ ‑gään Zoziasö, 11'nɩ Zoziasö ‑gään Zekonɩa ‑yä ɔ bhelie. Lɔɔ' 'tänyɩɛ 'mnö Babilɔɔnyʋä ‑klä lä 'Yizlɛnyʋa 'nɩ wa ‑fʋwa lä geyulɛɛ 'kʋ. 12Babilɔɔnyʋä ‑fä ylä 'fɩa 'Yizlɛnyʋä geyulɛɛ 'kʋ nä, ‑lɔɔ Zekonɩa ‑gään lä Salatɩyɛɛ, 'nɩ Salatɩyɛɛ yi lä Zolobabɛɛ gään. 13Zolobabɛɛ ‑gään Abiyudö, 'nɩ Abiyudö ‑gään Eliakimʋ. Eliakimʋ ‑gään Azɔɔ, 14'nɩ Azɔɔ ‑gään Sadɔkö. Sadɔkö ‑gään Akimʋ, 'nɩ Akimʋ ‑gään Eliwudö. 15Eliwudö ‑gään Eliaza, 'nɩ Eliaza ‑gään Matan. Matan ‑gään Zakɔpʋ, 16'nɩ Zakɔpʋ ‑gään Zozɛfʋ. Zozɛfʋnɔ 'mɔɔ‑ nöö‑ bhlä Malii, 'nɩ Malii yi lä Zozii gään. Zoziinɔ 'mɔɔ‑ plöö‑ lä Klisöɔ.

17'Bhää Ablaamʋʋ' 'bhlɛsʋʋ ‑aaa, ‑yä ŋëë yɩ Davidöö' 'bhlɛsʋʋ 'mnö nä, ɩ nʋ 'lälɩ 'kʋgbä ‑mɔɔnä. 'Bhää Davidöö' 'bhlɛsʋʋ ‑aaa ‑yä ŋëë 'tänyɩɛ 'mnö 'Yizlɛnyʋä ‑kʋ bhlä Babilɔɔ‑bhlɩɛ 'mnö geyulɛɛ 'kʋ nä, 'lälɩ 'kʋgbä ‑mɔɔnä ‑kʋ ‑lɔɔ pää'. 'Bhää 'tänyɩɛ 'mnö 'Yizlɛnyʋä nʋ bhlä geyulɛɛ ‑mɔɔ Babilɔɔ‑bhlɩɛ 'mnö ‑aaa ‑yä ŋëë yɩ Klisöö' 'tänyɩɛ 'mnö nä, 'lälɩ 'kʋgbä ‑mɔɔnä ‑kʋ ‑lɔɔ pää'.

Zozii' gänö‑tänyɩɛ yëkuu' wälɩ

(Lukö 2.1‑7)

18Zozi Klisöö' gään‑wälɩɩ, a ni sä ɩ plöö‑ lä 'kʋ nä. Zozii, ɔ 'nɔ Malii, ɔ ‑glö bhä ŋnʋgbɛnyɔɔ' lɔɔ ‑ɔɔ ‑lä bhlä tee ŋwadi ‑yibhë 'nɩ wa 'kä bhlä Zozɛfʋ nöödä 'nyɛ nä.#1.18 'Tëtëëŋnɔ bhlä nä, ɔɔ' ‑lä bhä tee gbëë' ‑plä. ‑Mä Zozɛfʋ ‑yä Malii 'sɔɔ ‑wʋ yëkuu ‑mʋʋ, 'nɩ Malii ‑plä 'gʋ. Laagɔɔ' Kplɔɔkplɔɔ‑wugɔɔ 'mʋʋ‑ ‑gbä 'nɩ ɔ ‑plä 'gʋʋ. 19Zozɛfʋ ‑glö bhlä 'nägä‑nyɩkpɔ nä, ɔɔ' ‑wʋ ‑tään nynä ɔ 'kä Malii ‑dii zie. Ɔ ‑plää wälɩɩ dɩgälɩɩ' ‑yä ɔ 'kä bhɛ dɩgasä 'ŋnɔɔ' gbʋʋ' ‑bha. 20'Tänyɩɩ' Zozɛfʋ bhobho bhɛ lä sɔɔ 'nɩ ɔ ŋɔɔ‑ lä nä, ɔ ‑ghlä ‑Laagɔzuzu 'ylaa. 'Nɩ ‑Laagɔzuzuu yio soo, ʋ lä Zozɛfʋ‑, Davidö ‑Yowli‑! ‑Naa ‑guu ‑lä ‑mä, ‑n 'bhlü Malii 'kʋ ‑yä ‑n fɔɔ ‑naa ‑gbäsɩɩ! 'Yuo‑ ‑kʋɔ lä 'mnö nä, Laagɔɔ' Kplɔɔkplɔɔ‑wugɔɔ 'mʋʋ‑ ŋʋɔ‑ 'nyɔ lä 'mnö. 21'Yuo ɔ 'kä lä gään nä, ɔmɔ ‑n 'gä lä Zozii#1.21 Zozii: Kɩ sä lä ‑zɔɔ nynä puënyɔ. laa. Ɔmɔɔ‑ 'gä lä ɔɔ' 'bhlɩɛ 'mnö nyɩkpa nyenyi 'wlu ‑sä. 22Kä ‑nɩnɩ 'fɩɩn ‑ŋëë lä ‑yä, sä Kwlienyɔ Laagɔ ŋʋʋ‑ bhlä 'plɔfɛtɩɔ nëë' 'nɩ ɔ cii‑ bhlä nä, sɔɔ 'kä glää. 23Ɔ cii‑ bhä nynä

'Ŋnɔ ‑bhlo ‑kʋ ‑lɔɔ 'nɩ

Ɔ ‑yä ŋwadii' ‑lä yëkuu mʋʋ 'nɩ,

Ɔ yi 'gʋ plä.

Ɔ yi 'yuŋwadi gään.

'Yuo 'mɔ wa 'kä lä Emanʋwɛɛ laa. # 1.23 Ɩ bha Eza 7.14.

Emanʋwɛɛ‑ŋnöö kɩ sä lä ‑zɔɔ nynä Laagɔ ‑kʋ‑anyɩ nëëdë.

24Zozɛfʋ ‑ghlä lä 'ylaa 'nɩ ɔ ‑glɔɔ lä nä, sä ‑Laagɔzuzuu ‑sonöɔ bhlä nä, sɔɔ ɔ nää‑ yɩ. Kɔ bhlüü‑ yɩ Malii 'kʋ 'nɩ ɔ ŋʋɔ‑ gbëë'. 25‑Mä Zozɛfʋ ‑yä Malii 'sɔɔ ‑wʋ yëkʋʋ ‑mʋʋ ‑aaa 'nɩ Malii ‑gään. Ɔ ‑gään 'zaazɩ 'yuŋwadi 'nɩ Zozɛfʋ yio yɩ 'ŋnöö 'pä, ɔ lä ɔmɔ wa laa Zozii.

നിലവിൽ തിരഞ്ഞെടുത്തിരിക്കുന്നു:

Matie 1: god

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

GOD - u2 നെക്കുറിച്ച് കൂടുതലറിയുക

Matie 1

Matie 1
-ൽ നിന്നുള്ള പ്രശസ്ത ബൈബിൾ വചനങ്ങൾ

കേൾക്കുക Matie 1

വേദപുസ്തകം:

Godié

പതിപ്പ്: GOD - u2 - god

Matie 1

Matie 1

Matie 1-ൽ നിന്നുള്ള പ്രശസ്ത ബൈബിൾ വചനങ്ങൾ

കേൾക്കുക Matie 1

വേദപുസ്തകം:

Godié

പതിപ്പ്: GOD - u2 - god

Matie 1

Matie 1
-ൽ നിന്നുള്ള പ്രശസ്ത ബൈബിൾ വചനങ്ങൾ