Luk 2
2
1Naŋ me ge alo qoŋ ŋaŋ ilone si o vavae vatraŋ me rowolue amen i Kaisar Augustus si a rave nasasara nol a marama. 2Wa o raverave iloke me qeteg raka o moai alo i Kurenius we governor a Suria. 3Wa neira nol we sir we naŋa si a rave neira, isei ilo qeteg vanuana isei ilo qeteg vanuana. 4Wa i Joseph mulaŋ me kalo ma Galilea, nan o laqlaqe vanua Nasaret, i Judea, ilo vanuan David we log si Bethlehem, ape ineia talo ima wa talo veve David. 5Si a rave rara tana Meri ni me vatvatalig goroa veta, we tiana. 6Naŋ me ge si alo rara we toga aia me wesu vunvun naqoŋina sin vasus. 7Wa ni me vasus natuna matagaraqa o mereata, wa ni me pipisiag goroa mun o siopa, me vanovia alo tanogana kau, ape tanon rara tagai alo ima tawu.
8Wa o tuan ilogoro sheep we matmatur a tag ta vanua ilone, we mamata varleas goro pular o vavtig sheep alo qoŋ. 9Wa o angel anan God me tira peteŋira, wa naleŋasin God ti tawlaka waliog neira, wa neira me gogolo aneane apena. 10Naŋ o angel ti vet mun neira wa, Turpea gogogolo, ape, ilo, nau we gaganag mun kamiu o lea we wia te malakalaka aneane apena amaira val sul ŋaŋ aŋaisa. 11Ape o Vaesu me wota ma anaqarig mun kamiu alo vanuan David; ineia i Christ i Lord. 12Wa iloke o vaglala mun kamiu, kam te ilo o tete me pipisiag goro mun o siopa, me vanovia alo tano gana kau. 13Wa gaplot o vavtig sul we qoqo tavunana amen o angel ilone we varean God, we vava wa,
14Log ronoga God vawo tuka,
Wa ni tamata a marama,
Amaira tanun ŋaŋ o lolowia.
15Wa me ge si ira angel me kelvitagira ivunana, wa ira ilogoro sheep qara varvava wa, Nina mule taso ran i Bethlehem, nina ilo monina o gene iloke qara wesu ma, i Lord me gaganag lue ti mun nina. 16Wa neira me au valago, me ilo mora i Meri tana Joseph, wa i tete me vanovia alo tana gana kau. 17Naŋ neira me ilo paso mora, neira qara vagaus ma o vavae me gaganag ma ti mun neira ape tete iloke. 18Wa irasei we roŋotag we mamakei ape vavae ira ilogoro sheep ŋaŋ me gaganag ti mun neira. 19Panava i Meri me kokor goro o savasava ŋaŋ iloke, we nonom vasarig alo toqana apena. 20Wa ira ilogoro sheep me kel, we log ronoga wa we varean God ape savasava neira me roŋotag mora wa me ilo, tama me gaganag ti mun neira.
21Wa o qoŋ laveatol me paso ape we teve vaglala o tete ilone, wa me log nasasana i Jesus, tama o angel me log veta ti, ni gate ligo tiqa alo toqan ravevena.
22Wa o qoŋ we ge wenewene rarua alolona me wesu tataga o lea mon Moses, irarua me vanogagia i Jerusalem si a mapua goro nanagon Lord; 23tama me rave veta alo lea mon Lord wa, Te log o val mereata matagaraqa was we roŋo mun i Lord; 24wa si a la at o gene oloolo, usur ilone me vet ti alo lea mon Lord apena, wa si, O mara nirua si o natqona nirua. 25Naŋ, ilo, i gene a Jerusalem nasasana i Simeon, ineia o tanun we toga taniniga wa we kokor goro o lea, wa ni me toga nerei o masur nora Israel. Wa o Vui we Roŋo me gara amaia. 26Wa me nir lue ti munia mun o Vui we Roŋo si ni tete ilo o matea ni gai ilo i Christ non i Lord. 27Naŋ ni me mule ilo tinesara we roŋo mun o Vui; wa i tamana tana ravevena me lav pata ma o natmera i Jesus si neira ge ape neia we sasarita ape liŋe lea ilone. 28Wa ni we lavia, we sapaloa, ti wievavae God, ti vava wa,
29Lord, ilokenake ko we mamasug tamata at o tanun anama,
Tama ko me vava ti.
30Ape mataksa me ilo naesuma.
31Ko me ge taurmate alo nagora val sul ŋaŋ;
32O maran te ŋaŋalue mun o sul ŋaŋ we sea,
Wa naleŋasira Israel o sul anama.
33Naŋ i tamana tana ravevena we mamakei ape vavae ŋaŋ me vava ape neia. 34Naŋ i Simeon me wievavae rarua ti vet mun Meri ravevena wa, Ilo ma, me vatira o tete iloke si rasei we qoqo a masmasu wa a tavtavaraka amaira Israel ape neia, mun o vaglala te leasag apena; 35wa o gasal mulaŋ te as raveaglue naatama kel; si o nonomia talo toqe tanun we qoqo te ŋaŋalue apena.
36Naŋ o vavine aia i Ana, o prophet, natun Phanuel, talo veve Aser, naqoŋina me qoqo aneane veta, wa ni me qilowar ti paso, ni me toga amen rasoana o tau lavearua, 37wa ni me naro veta o tau saŋavul laveatol o numei nivat, wa ineia iloke gate rowolue ilo nan o vatine we roŋo, ti roworowovag mun God mun o garagara mamasa wa mun o tataro o qoŋ wa o maran. 38Naŋ ni me kalo peteŋ ma alo masao qoŋ ilone, me wievavae mona God, ti sororo ape neia mun rasei nol we toga nerei o tunkel a Jerusalem. 39Naŋ me ge tataga qet paso we sasarita ape lea vatraŋ mon i Lord, ineira qara kel i Galilea ilo laqlaqe vanuara Nasaret. 40Naŋ o natmera ti poa taso, naatana ti vatogar, ti uravag vagae o lolomaran: wa o sogov mon God me gara amaia.
41Wa i tamana tana ravevena me mule valtau i Jerusalem ape lakalaka o rowolagau. 42Wa natauna me saŋavul o numei me rua, ratol me mule sage tataga o liŋe lakalaka. 43Wa o qoŋ ŋaŋ me paso qet ineira me taka o keluva, pa i Jesus o reremera me toga sur a Jerusalem; wa i tamana tana ravevena gate gilala apena. 44Pa irara we nonom si ineia alo sul we gogorag, rara we mulemule qoŋ, wa we sikea amen sogonrara wa amen rasei rara we gilala neira. 45Nava irara gate iloa, qara vusiag kel a Jerusalem qale sikesike ineia. 46Wa me ge si o qoŋ nitol me paso irara qara ilo suaria alo tinesara we roŋo, we pute alo vatvatitnara vatogo, we tiŋtiŋqoro neira wa we varvarusira. 47Wa ineira nol we roŋotag we mamakei ape non o lolomaran wa non o valvalui. 48Naŋ me iloa, rara qara niŋag rarua apena; wa ravevena me vet munia wa, Natuk, ape sa ko me ge tamaike mun kara? ilo, tak tamama me sikesike lolowono ko. 49Naŋ ni we vet mun rara wa, Ape sava kamurua me sike inau? kamurua gate gilala ape namok ran si nau te toga alo iman i Tamak? 50Wa nalolorara we qoŋ ape vavae ni me vava ti mun rara. 51Wa ni me kel siwo amenrara wa we niŋa i Nasaret; wa ni me maŋas goro rara. Pa ravevena me sogon pata o vavae nol ŋaŋ iloke alo toqana. 52Wa i Jesus me poa taso, wa we lolomaran saratuwale, wa mun o lolowia amen God wa amaira tanun ŋaŋ.
നിലവിൽ തിരഞ്ഞെടുത്തിരിക്കുന്നു:
Luk 2: MOTA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.
Luk 2
2
1Naŋ me ge alo qoŋ ŋaŋ ilone si o vavae vatraŋ me rowolue amen i Kaisar Augustus si a rave nasasara nol a marama. 2Wa o raverave iloke me qeteg raka o moai alo i Kurenius we governor a Suria. 3Wa neira nol we sir we naŋa si a rave neira, isei ilo qeteg vanuana isei ilo qeteg vanuana. 4Wa i Joseph mulaŋ me kalo ma Galilea, nan o laqlaqe vanua Nasaret, i Judea, ilo vanuan David we log si Bethlehem, ape ineia talo ima wa talo veve David. 5Si a rave rara tana Meri ni me vatvatalig goroa veta, we tiana. 6Naŋ me ge si alo rara we toga aia me wesu vunvun naqoŋina sin vasus. 7Wa ni me vasus natuna matagaraqa o mereata, wa ni me pipisiag goroa mun o siopa, me vanovia alo tanogana kau, ape tanon rara tagai alo ima tawu.
8Wa o tuan ilogoro sheep we matmatur a tag ta vanua ilone, we mamata varleas goro pular o vavtig sheep alo qoŋ. 9Wa o angel anan God me tira peteŋira, wa naleŋasin God ti tawlaka waliog neira, wa neira me gogolo aneane apena. 10Naŋ o angel ti vet mun neira wa, Turpea gogogolo, ape, ilo, nau we gaganag mun kamiu o lea we wia te malakalaka aneane apena amaira val sul ŋaŋ aŋaisa. 11Ape o Vaesu me wota ma anaqarig mun kamiu alo vanuan David; ineia i Christ i Lord. 12Wa iloke o vaglala mun kamiu, kam te ilo o tete me pipisiag goro mun o siopa, me vanovia alo tano gana kau. 13Wa gaplot o vavtig sul we qoqo tavunana amen o angel ilone we varean God, we vava wa,
14Log ronoga God vawo tuka,
Wa ni tamata a marama,
Amaira tanun ŋaŋ o lolowia.
15Wa me ge si ira angel me kelvitagira ivunana, wa ira ilogoro sheep qara varvava wa, Nina mule taso ran i Bethlehem, nina ilo monina o gene iloke qara wesu ma, i Lord me gaganag lue ti mun nina. 16Wa neira me au valago, me ilo mora i Meri tana Joseph, wa i tete me vanovia alo tana gana kau. 17Naŋ neira me ilo paso mora, neira qara vagaus ma o vavae me gaganag ma ti mun neira ape tete iloke. 18Wa irasei we roŋotag we mamakei ape vavae ira ilogoro sheep ŋaŋ me gaganag ti mun neira. 19Panava i Meri me kokor goro o savasava ŋaŋ iloke, we nonom vasarig alo toqana apena. 20Wa ira ilogoro sheep me kel, we log ronoga wa we varean God ape savasava neira me roŋotag mora wa me ilo, tama me gaganag ti mun neira.
21Wa o qoŋ laveatol me paso ape we teve vaglala o tete ilone, wa me log nasasana i Jesus, tama o angel me log veta ti, ni gate ligo tiqa alo toqan ravevena.
22Wa o qoŋ we ge wenewene rarua alolona me wesu tataga o lea mon Moses, irarua me vanogagia i Jerusalem si a mapua goro nanagon Lord; 23tama me rave veta alo lea mon Lord wa, Te log o val mereata matagaraqa was we roŋo mun i Lord; 24wa si a la at o gene oloolo, usur ilone me vet ti alo lea mon Lord apena, wa si, O mara nirua si o natqona nirua. 25Naŋ, ilo, i gene a Jerusalem nasasana i Simeon, ineia o tanun we toga taniniga wa we kokor goro o lea, wa ni me toga nerei o masur nora Israel. Wa o Vui we Roŋo me gara amaia. 26Wa me nir lue ti munia mun o Vui we Roŋo si ni tete ilo o matea ni gai ilo i Christ non i Lord. 27Naŋ ni me mule ilo tinesara we roŋo mun o Vui; wa i tamana tana ravevena me lav pata ma o natmera i Jesus si neira ge ape neia we sasarita ape liŋe lea ilone. 28Wa ni we lavia, we sapaloa, ti wievavae God, ti vava wa,
29Lord, ilokenake ko we mamasug tamata at o tanun anama,
Tama ko me vava ti.
30Ape mataksa me ilo naesuma.
31Ko me ge taurmate alo nagora val sul ŋaŋ;
32O maran te ŋaŋalue mun o sul ŋaŋ we sea,
Wa naleŋasira Israel o sul anama.
33Naŋ i tamana tana ravevena we mamakei ape vavae ŋaŋ me vava ape neia. 34Naŋ i Simeon me wievavae rarua ti vet mun Meri ravevena wa, Ilo ma, me vatira o tete iloke si rasei we qoqo a masmasu wa a tavtavaraka amaira Israel ape neia, mun o vaglala te leasag apena; 35wa o gasal mulaŋ te as raveaglue naatama kel; si o nonomia talo toqe tanun we qoqo te ŋaŋalue apena.
36Naŋ o vavine aia i Ana, o prophet, natun Phanuel, talo veve Aser, naqoŋina me qoqo aneane veta, wa ni me qilowar ti paso, ni me toga amen rasoana o tau lavearua, 37wa ni me naro veta o tau saŋavul laveatol o numei nivat, wa ineia iloke gate rowolue ilo nan o vatine we roŋo, ti roworowovag mun God mun o garagara mamasa wa mun o tataro o qoŋ wa o maran. 38Naŋ ni me kalo peteŋ ma alo masao qoŋ ilone, me wievavae mona God, ti sororo ape neia mun rasei nol we toga nerei o tunkel a Jerusalem. 39Naŋ me ge tataga qet paso we sasarita ape lea vatraŋ mon i Lord, ineira qara kel i Galilea ilo laqlaqe vanuara Nasaret. 40Naŋ o natmera ti poa taso, naatana ti vatogar, ti uravag vagae o lolomaran: wa o sogov mon God me gara amaia.
41Wa i tamana tana ravevena me mule valtau i Jerusalem ape lakalaka o rowolagau. 42Wa natauna me saŋavul o numei me rua, ratol me mule sage tataga o liŋe lakalaka. 43Wa o qoŋ ŋaŋ me paso qet ineira me taka o keluva, pa i Jesus o reremera me toga sur a Jerusalem; wa i tamana tana ravevena gate gilala apena. 44Pa irara we nonom si ineia alo sul we gogorag, rara we mulemule qoŋ, wa we sikea amen sogonrara wa amen rasei rara we gilala neira. 45Nava irara gate iloa, qara vusiag kel a Jerusalem qale sikesike ineia. 46Wa me ge si o qoŋ nitol me paso irara qara ilo suaria alo tinesara we roŋo, we pute alo vatvatitnara vatogo, we tiŋtiŋqoro neira wa we varvarusira. 47Wa ineira nol we roŋotag we mamakei ape non o lolomaran wa non o valvalui. 48Naŋ me iloa, rara qara niŋag rarua apena; wa ravevena me vet munia wa, Natuk, ape sa ko me ge tamaike mun kara? ilo, tak tamama me sikesike lolowono ko. 49Naŋ ni we vet mun rara wa, Ape sava kamurua me sike inau? kamurua gate gilala ape namok ran si nau te toga alo iman i Tamak? 50Wa nalolorara we qoŋ ape vavae ni me vava ti mun rara. 51Wa ni me kel siwo amenrara wa we niŋa i Nasaret; wa ni me maŋas goro rara. Pa ravevena me sogon pata o vavae nol ŋaŋ iloke alo toqana. 52Wa i Jesus me poa taso, wa we lolomaran saratuwale, wa mun o lolowia amen God wa amaira tanun ŋaŋ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
New Testament was published by the British and Foreign Bible Society in 1931.