မ︀တ︀်တ︀ႄး 9
9
လ︀ွင︀်ႈꩡ︀ဝ်ႛယ︀ေꩬ︀ုဝီင︀်းက︀ပ︀ေရ︀ꩫ︀ွင︀်မ︀ႆ︀ႛ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈက︀ူဝ်ႇလ︀ိူင︀်ႈမ︀ႆ︀ႛ ဢ︀ဝ်ႈꩫ︀ီႈꩭႂ်ႛ
(မ︀ႃက︀ု 2.1-12; လ︀ုက︀ႃ 5.17-26)
1ဝႆ︀ၢးလ︀င︀်ဢ︀မ︀ႂ်း ꩡ︀ဝ်ႛယ︀ေꩬ︀ု က︀ꩫ︀်ႛꩫ︀ိူဝ်ꩭိူဝ်းမ︀ႆ︀ႛၵ︀ိုꩫ︀်ႛꩬ︀ီ မ︀ိူဝ်းဝီင︀်းမ︀ꩫ︀်းꩡ︀ဝ်ႛဢ︀ူ။ 2ထိုင︀်က︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈက︀ူဝ်ႇလ︀ိူင︀်ႈမ︀ႆ︀ႛ တ︀င︀်းၸ︀ုက︀်ႉၸ︀ႃႛမ︀ꩫ︀်းꩭၢမ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈမ︀ႃးဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ၵ︀ႂ်ႈလ︀ႂ်ႈယ︀ုမ︀်ယ︀မ︀်ႈꩫ︀ꩫ︀ႆ︀ႇ ꩭꩫ︀်က︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းမ︀ႆ︀ႛ “လ︀ုက︀်ႉက︀ဝ်ႈꩴ︀း၊ ပ︀ီက︀ပ︀်ႉꩡ︀ႂ်ႈ။ မ︀ႂ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႂ်းꩫ︀ႆ︀ႇၵ︀ဝ်မ︀ႆ︀ႛပ︀ွႆ︀လ︀ွတ︀်ႉꩭႂ်ႛယ︀ဝ်ႇ” ꩫ︀ဢ︀ူ။ 3ၵ︀ၢမ︀်းဢ︀မ︀ႂ်းမ︀ႆ︀ႛ ꩬ︀ြႃတ︀ြႃးဢ︀ꩫ︀်ႈဢ︀မ︀ႂ်းမ︀ႆ︀ႛ ယ︀င︀်းꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး “က︀ူဝ်ႇꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ူꩫ︀်ႇလ︀ိူဝ်ယ︀ဝ်ႇ” ꩫ︀ꩬ︀ီၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။ 4ဢ︀ꩫ︀်ႈၵ︀ဝ်ဝႃႈင︀ႆ︀းက︀ꩫ︀်ႈꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုဢ︀ဝ်ႈꩥ︀ႅꩫ︀်တ︀ွင︀်းꩬ︀ီ “ꩭီတ︀်က︀ꩬ︀င︀်ꩫ︀ႆ︀ ဢ︀ꩫ︀်ႈၵ︀ႆ︀ႇလ︀ိူင︀်ႈမ︀ဝ်ꩫ︀ီႈꩬ︀လ︀ႂ်ႈ ꩬ︀ူၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။ 5ဢ︀ꩫ︀်ႈလ︀ႂ်ႈꩫ︀ႆ︀ၵ︀ႅꩫ︀်းင︀ႆ︀ၢႈꩫ︀ႆ︀ႇ။ ဢ︀ꩫ︀်ႈဢ︀ပ︀ႅတ︀်ႉက︀ူꩫ︀်းမ︀ႆ︀ႛ ပ︀ွႆ︀ꩭႂ်ႛꩫ︀ႆ︀ႇက︀ျႃး။ က︀ူꩫ︀်းဢ︀ꩫ︀်ႈꩬ︀ိက︀်ႉၵ︀ိင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ီႈꩬ︀ီꩭႂ်ႛၸ︀ႆ︀ၢႛက︀ႃꩫ︀ႆ︀ႇက︀ျႃး။ 6က︀ဝ်ႈၸ︀ူႛပ︀ီꩫ︀်ႈ လ︀ုက︀်ႉက︀ူꩫ︀်းမ︀ႆ︀ႛ ဢ︀ႃꩫ︀ႃဢ︀ꩫ︀်ႈပ︀ွႆ︀ဢ︀ပ︀ႅတ︀်ႉယ︀င︀်းဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးက︀ွတ︀်” ꩫ︀ယ︀ဝ်ႇက︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းမ︀ႆ︀ႛ “လ︀ုက︀်ႉလ︀ႃး၊ ၸ︀ုက︀်ႉၸ︀ႃႛမ︀ႂ်းဢ︀ဝ်ႈꩬ︀ီမ︀ိူဝ်းလ︀ႃး” ꩫ︀ꩬ︀ီ ဢ︀မ︀ိင︀်းꩭႂ်ႛဢ︀ူ။ 7ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းက︀ေႃႇ လ︀ုက︀်ႉꩬ︀ီ မ︀ိူဝ်းꩭိူꩫ︀်းဢ︀ူ။ 8က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛ လ︀ႅမ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းတ︀ႆ︀ၢႈꩰက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ႃꩫ︀ႃတ︀ꩫ︀်းၵ︀ူဝ်း ၵ︀ႆ︀ႇလ︀ိူင︀်ႈပ︀ုꩫ︀်ႛꩭႂ်ႛꩫ︀ႆ︀ႇꩬ︀ီ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛယ︀ူဝ်းယ︀ွင︀်ႛက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု မ︀တ︀်တ︀ႄးမ︀ႆ︀ႛꩭွင︀်ႇ
(မ︀ႃက︀ု 2.13-17; လ︀ုက︀ႃ 5.27-32)
9ꩡ︀ဝ်ႛယ︀ေꩬ︀ု လ︀ုက︀်ႉဢ︀မ︀ႂ်းမ︀ႆ︀ႛဢ︀ွက︀်ꩬ︀ီ ၸ︀ႆ︀ၢႛက︀ႃက︀ီး ၸ︀ူႛက︀ီပ︀်ၵ︀ွꩫ︀် မ︀တ︀်တ︀ႄးꩫ︀ꩫ︀ႆ︀ႇ ꩬ︀ုမ︀်ႇက︀ီပ︀်ၵ︀ွꩫ︀်မ︀ႆ︀ႛ ꩫ︀င︀်ႈꩬ︀ီဢ︀ူꩫ︀ႆ︀ႇမ︀ႆ︀ႛꩭꩫ︀်ဢ︀ူ။ မ︀ꩫ︀်းꩡ︀ဝ်ႛယ︀ႃႇ “က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀က︀ီး မ︀တ︀်တ︀ႄးက︀ေႃႇ လ︀ုက︀်ႉꩬ︀ီက︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ွမ︀်းက︀ႃဢ︀ူ။ 10ꩭိူꩫ︀်းမ︀တ︀်တ︀ႄးမ︀ႆ︀ႛ ꩡ︀ဝ်ႛယ︀ေꩬ︀ုၵ︀ဝ် က︀ိꩫ︀်ႈၵ︀ဝ်ႛက︀ီး ၸ︀ူႛက︀ီပ︀်ၵ︀ွꩫ︀်တ︀ၢင︀်က︀ူဝ်ႇꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ်က︀ေႃႇ မ︀ႃးက︀ꩫ︀်ႈꩬ︀ီ တ︀င︀်းၵ︀ဝ်ꩡ︀ဝ်ႛ ꩭူမ︀်ႈက︀ိꩫ︀်ႈဢ︀ူ။ 11ꩫ︀ႆ︀ႇမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ် ꩭꩫ︀်က︀ီး “ꩭီတ︀်က︀ꩬ︀င︀်ꩫ︀ႆ︀ ꩬ︀ြႃꩬ︀ူယ︀ႃႇ တ︀င︀်းက︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈၵ︀ဝ်ႛꩫ︀ႆ︀ႇ” ꩫ︀ꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛထၢမ︀်ဢ︀ူ။ 12ၵ︀ၢမ︀်းꩫ︀ႆ︀ႇ ꩡ︀ဝ်ႛယ︀ေꩬ︀ု ꩫ︀ႆ︀ႛꩥ︀ိꩫ︀်းက︀ီး “က︀ူꩫ︀်းဢ︀ꩫ︀်ႈဢ︀ူꩫ︀ီႈꩫ︀ႆ︀ႇၵ︀ဝ်ယ︀ႃႇ မ︀ူဝ်ယ︀ႃႛꩵ︀ႈꩭၢင︀်ႇ၊ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀်မ︀ူဝ်ယ︀ႃႛꩭၢင︀်ႇꩫ︀ႆ︀ႇ။ 13“ဢ︀ꩫ︀်ႈက︀ဝ်ႈထုက︀်ꩡ︀ႂ်ႈꩫ︀ႆ︀ႇယ︀ႃႇ တ︀ူဝ်ႈၵ︀ႅက︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ꩭူဝ်ꩡ︀ႂ်ႈဢ︀ꩫ︀်ႈဢ︀ီꩫ︀ူႈက︀ꩫ︀်ႈꩫ︀ႆ︀ႇꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ။ ၵ︀ၢမ︀်းဢ︀မ︀ႂ်း ၵ︀ႂ်ႈဝႃႈꩭိုဝ်ꩫ︀ꩫ︀ႆ︀ႇ က︀ႃလ︀ႅမ︀်းꩫ︀ီႈꩫ︀ီႈ တ︀ႃႉ။ က︀ဝ်ႈမ︀ႃးꩭွင︀်ႇက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ၊ မ︀ႃးꩭွင︀်ႇက︀ူꩫ︀်းꩭၢႆ︀ႇက︀ူꩫ︀်းꩭုက︀်ꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။
ၵ︀ူဝ်ႛထၢမ︀်လ︀ွင︀်ႈꩭႅတ︀်ႉတ︀ွင︀်ႇ
(မ︀ႃက︀ု 2.18-22; လ︀ုက︀ႃ 5.33-39)
14ဝႆ︀ၢးဢ︀မ︀ႂ်း ၸ︀ူႛတ︀ပ︀ေးꩬ︀ြႃယ︀ေႃးꩭၢꩫ︀်က︀မ︀်ႈၸ︀ွင︀်းမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ “ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း တ︀ူႈယ︀ႃႇ မ︀ဝ်ယ︀ၢꩫ︀်မ︀ဝ်ယ︀ၢꩫ︀်ꩭႅတ︀်ႉတ︀ွင︀်ႇဢ︀ူ။ တ︀ပ︀ေးမ︀ႂ်းꩡ︀ဝ်ႛၵ︀ဝ်ယ︀ႃႇ ꩭီတ︀်က︀ꩬ︀င︀်ꩫ︀ႆ︀ မ︀ိူဝ်ႈလ︀ႂ်ႈက︀ေႃႇ မ︀ဝ်ꩭႅတ︀်ႉꩫ︀ႆ︀ႇ” ꩫ︀ဝꩫ︀်ႇ။ 15ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩫ︀င︀်ၸ︀ူႛမ︀ၢဝ်မ︀ႂ် ဢ︀ꩫ︀်ႈတ︀င︀်းတ︀ႆ︀းက︀ူဝ်ႇမ︀ꩫ︀်းၵ︀ဝ်ꩭူမ︀်ႈဢ︀ူꩬ︀ီက︀ိꩫ︀်ႈပ︀ိဝ်ꩫ︀က︀ꩫ︀်ႈꩫ︀မ︀်။ တ︀ႆ︀းက︀ူဝ်ႇက︀ဝ်ႈၵ︀ဝ် တ︀င︀်းက︀ဝ်ႈꩭူမ︀်ႈပ︀ိဝ်ဢ︀ူꩫ︀ႆ︀ႇꩬ︀ီ ယ︀ၢမ︀်းဢ︀ꩫ︀်ႈၵ︀ဝ်ဝႃႈꩭႅတ︀်ႉတ︀ွင︀်ႇꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ မ︀ဝ်ꩭိုင︀်က︀ꩬ︀င︀် က︀ဝ်ႈလ︀ုက︀်ႉမ︀ႆ︀ႛဝႃႈဢ︀ွက︀်က︀ႃꩫ︀မ︀်။ မ︀ိူဝ်ႈဢ︀မ︀ႂ်းတ︀ပ︀ေးက︀ဝ်ႈၵ︀ဝ် ꩡ︀ႂ်ႈꩬ︀ဝ်ႛꩬ︀ီ တ︀ီꩭႅတ︀်ႉတ︀ွင︀်ႇက︀ꩫ︀်ႈꩬ︀ႃး။ 16က︀ဝ်ႈဝႃႈက︀ွတ︀်။ ၸ︀ႂ်က︀ေႃႇ ၵ︀ိူင︀်ႈက︀ဝ်မ︀ႆ︀ႛ ဢ︀ဝ်ႈမ︀ꩫ︀်ႛမ︀ႂ်ꩵ︀ႈၸ︀ုင︀်၊ ပ︀ူဝ်းၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ဢ︀မ︀ႂ်း ဢ︀ေႈၵ︀ႅꩫ︀်းလ︀ႃႇက︀ႃဢ︀ူ။ ꩬ︀င︀်ဝႃႈၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛ ꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ꩫ︀ႆ︀ႇ ဢ︀ေႈၵ︀ႅꩫ︀်းယ︀ႂ်မ︀ႃးဢ︀ူ။ 17ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ႂ်က︀ေႃႇ ထူင︀်ꩫ︀င︀်က︀ဝ်မ︀ႆ︀ႛ ဝၢႆ︀မ︀က︀်ꩡ︀ပ︀ႅတ︀်ႉမ︀ႂ်ꩵ︀ႈꩬ︀ႂ်။ ꩬ︀ႂ်က︀ီး ထူင︀်ꩫ︀င︀်တ︀ႅက︀်ꩬ︀ီ ဝၢႆ︀မ︀က︀်ꩭူဝ်ႈက︀ႃဢ︀ူ။ ထူင︀်ꩫ︀င︀်ဢ︀မ︀ႂ်းက︀ေႃႇ ၸ︀ေႛက︀ႃဢ︀ူ။ ꩭႂ်ႛပ︀ူဝ်းဝၢႆ︀မ︀က︀်တ︀မ︀ိူင︀်း ထူင︀်ꩫ︀င︀်တ︀မ︀ိူင︀်းမ︀ဝ်ꩬ︀ုမ︀်းꩬ︀ီ ꩫ︀ီႈꩬ︀ူဝ်းꩰဢ︀ူꩫ︀ႆ︀ႇ ထူင︀်ꩫ︀င︀်မ︀ႂ်မ︀ႆ︀ႛꩫ︀ႆ︀ၢႈꩫ︀မ︀် ဝၢႆ︀မ︀က︀်မ︀ႂ်ဝႃႈꩬ︀ႂ်ꩫ︀ႆ︀ႇ” ꩫ︀ဝꩫ︀်ႇ။
လ︀ွင︀်ႈၸ︀ူႛလ︀ုက︀်ႉယ︀ိင︀်းယ︀ႃဢ︀ိရ︀ုꩫ︀ၵ︀ႃ ၸ︀ူႛယ︀ိင︀်းဢ︀ꩫ︀်ႈꩬ︀ိူဝ်ႛꩡ︀ဝ်ႛယ︀ေꩬ︀ုမ︀ႆ︀ႛတ︀ႅတ︀်ႉ
(မ︀ႃက︀ု 5.21-43; လ︀ုက︀ႃ 8.40-56)
18မ︀ိူဝ်ႈင︀ႆ︀းꩡ︀ဝ်ႛယ︀ေꩬ︀ု ဝႃႈဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းယ︀ႂ်က︀ျူးက︀ူဝ်ႇလ︀ိူင︀်ႈမ︀ႃးၵ︀ုပ︀်ႉၵ︀ဝ်ꩬ︀ီ “လ︀ုက︀်ႉꩬ︀ၢဝ်က︀ဝ်ႈၵ︀ႃႛ င︀ႆ︀ႚတ︀ေႇတ︀ေႇ တ︀ႆ︀ၢႈက︀ႃတ︀ီၵ︀ႃႛယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ႂ်းꩡ︀ဝ်ႛမ︀ႃးꩬ︀ီ မ︀ꩫ︀်းမ︀ႆ︀ႛမ︀ိုဝ်းမ︀ႂ်းꩡ︀ဝ်ႛတ︀ၢင︀်ꩭႂ်ႛက︀ီး ꩫ︀ိပ︀်မ︀ႃးပ︀ွက︀်ႉတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉဢ︀ူ။ 19ꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉꩬ︀ီတ︀င︀်းမ︀ꩫ︀်းꩡ︀ွမ︀်းက︀ႃဢ︀ူ။ တ︀ပ︀ေးꩡ︀ဝ်ႛၵ︀ဝ်က︀ေႃႇ ꩡ︀ွမ︀်းလ︀ွေႛက︀ႃဢ︀ူ။ 20မ︀ိူဝ်ႈဢ︀မ︀ႂ်း ၸ︀ူႛယ︀ိင︀်းက︀ူဝ်ႇလ︀ိူင︀်ႈဢ︀ꩫ︀်ႈꩬ︀ိပ︀်ꩬ︀ွင︀်ပ︀ီႈတ︀ၢင︀်ႈꩰ ပ︀ၢက︀်ႉယ︀ေႃးက︀ႃꩫ︀ိူတ︀်ႉလ︀ႆ︀ꩫ︀ႆ︀ႇ က︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ ပ︀ႆ︀ၢႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ႅတ︀်ႉၵ︀ွတ︀်ဢ︀ူ။ 21ၸ︀ူႛယ︀ိင︀်းဢ︀မ︀ႂ်းယ︀ႃႇ “က︀ဝ်ႈပ︀ၢႆ︀ႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ပ︀ူဝ်းꩫ︀ႆ︀ႛတ︀ႅတ︀်ႉၵ︀ွတ︀်ꩫ︀ႆ︀ၢႈꩫ︀က︀ေႃႇ ယ︀ေႃးက︀ႃက︀ဝ်ႈꩫ︀ီႈမ︀ႃးဢ︀ူ” ꩫ︀ꩬ︀ီ ꩫ︀ႂ်းꩡ︀ႂ်ႈမ︀ႆ︀ႛၵ︀ႂ်ႈꩡ︀ႂ်ႈဢ︀ူ။ 22ꩡ︀ဝ်ႛယ︀ေꩬ︀ုယ︀ႃႇ က︀ꩫ︀်ႛလ︀င︀်မ︀ႆ︀ႛဝိꩫ︀်ꩬ︀ီ မ︀ꩫ︀်းမ︀ႆ︀ႛꩭꩫ︀်က︀ီး “လ︀ုက︀်ႉက︀ဝ်ႈ၊ ꩡ︀ူမ︀်းတ︀ႃႉ၊ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ႂ်းꩬ︀ီ မ︀ႂ်းဢ︀ူꩫ︀ီႈယ︀ဝ်ႇ” ꩫ︀ဢ︀ူ။ မ︀ိူဝ်ႈဢ︀မ︀ႂ်းတ︀ေႇတ︀ေႇ ၸ︀ူႛယ︀ိင︀်းဢ︀မ︀ႂ်း ꩫ︀ီႈꩬ︀ူဝ်းꩰက︀ႃဢ︀ူ။ 23ꩡ︀ဝ်ႛယ︀ေꩬ︀ု ꩭိူꩫ︀်းꩭူဝ်က︀ေဢ︀မ︀ႂ်းမ︀ႆ︀ႛထိုင︀်က︀ႃက︀ီး က︀ူꩫ︀်းꩫ︀ႆ︀ႇၵ︀ဝ် ပ︀ဝ်ပ︀ီၵ︀ၢမ︀်းၵ︀ီက︀ꩫ︀်ႈ ဢ︀ုက︀်တ︀လ︀ုက︀်မ︀ူဝ်းꩫ︀ꩫ︀်းက︀ꩫ︀်ႈꩫ︀ႆ︀ႇမ︀ႆ︀ႛꩭꩫ︀်ဢ︀ူ။ 24မ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “တ︀င︀်းမ︀ိူင︀်းဢ︀ွက︀်က︀ႃတ︀ႃႉ။ ဢ︀ေႚꩫ︀ၢင︀်းꩫ︀ႆ︀ႇ ဢ︀ꩫ︀်ႈတ︀ႆ︀ၢႈက︀ႃꩵ︀ႈꩡ︀ႂ်ႈ။ ꩫ︀ွꩫ︀်းꩬ︀ီဢ︀ူꩫ︀မ︀်” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ꩬ︀ွင︀်ၸ︀ိူက︀်ႉက︀ꩫ︀်ႈဢ︀ူ။ 25မ︀ွင︀်းက︀ူꩫ︀်းꩫ︀ႆ︀ႇၵ︀ဝ်ဢ︀ွက︀်က︀ႃယ︀ႃႇ ꩡ︀ဝ်ႛယ︀ေꩬ︀ု ၵ︀ွက︀်ႉꩫ︀ၢင︀်းဢ︀ွꩫ︀်ဢ︀မ︀ႂ်းမ︀ႆ︀ႛ ၵ︀ဝ်ႛက︀ႃꩬ︀ီ မ︀ိုဝ်းꩫ︀ၢင︀်းဢ︀ွꩫ︀်ဢ︀မ︀ႂ်းမ︀ႆ︀ႛက︀မ︀်းဢ︀ူ။ ꩫ︀ႆ︀ႇမ︀ႆ︀ႛ ꩫ︀ၢင︀်းဢ︀ွꩫ︀်ဢ︀မ︀ႂ်းလ︀ုက︀်ႉမ︀ႃးဢ︀ူ။ 26လ︀ွင︀်ႈꩫ︀ႆ︀ႇ တ︀ိူင︀်းဢ︀မ︀ႂ်းတ︀င︀်းတ︀ိူင︀်းမ︀ႆ︀ႛ ꩭူင︀်က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ၸ︀ူႛတ︀ႃႈမ︀ွတ︀်ꩬ︀ွင︀်က︀ူဝ်ႇမ︀ႆ︀ႛဢ︀ဝ်ႈꩭꩫ︀်ꩭႂ်ႛ
27ꩡ︀ဝ်ႛယ︀ေꩬ︀ု လ︀ုက︀်ႉတ︀ီႈဢ︀မ︀ႂ်းမ︀ႆ︀ႛဢ︀ွက︀်ꩬ︀ီ ၸ︀ႆ︀ၢႛက︀ႃက︀ီး ၸ︀ူႛတ︀ႃႈမ︀ွတ︀်ꩬ︀ွင︀်က︀ူဝ်ႇယ︀ႃႇ “ၸ︀ူႛလ︀ုက︀်ႉꩡ︀ဝ်ႛꩭူဝ်ၵ︀မ︀်းၻႃဝိꩴ︀း တ︀ူႈၵ︀ႃႛမ︀ႆ︀ႛ ဢ︀ီꩫ︀ူႈꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဢ︀ိဝ်င︀ႆ︀း က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးက︀ꩫ︀်ႈဢ︀ူ။ 28ꩡ︀ဝ်ႛယ︀ေꩬ︀ု ꩭိူꩫ︀်းမ︀ႆ︀ႛၵ︀ဝ်ႛက︀ႃက︀ီး ၸ︀ူႛတ︀ႃႈမ︀ွတ︀်ဢ︀မ︀ႂ်း ꩫ︀ၵ︀ႃက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛမ︀ႃးဢ︀ူ။ မ︀ꩫ︀်းꩡ︀ဝ်ႛယ︀ႃႇ “တ︀ႃႈꩬ︀ွင︀်ၵ︀ိူဝ်မ︀ႆ︀ႛ က︀ဝ်ႈဢ︀ဝ်ႈꩭꩫ︀်ꩭႂ်ႛꩫ︀ႆ︀ႛဢ︀ူꩫ︀ꩫ︀ႆ︀ႇ ယ︀ုမ︀်ယ︀မ︀်ႈဢ︀ေႃး” ꩫ︀က︀ီး ꩬ︀ွင︀်ၵ︀ႃက︀ေႃႇ “ယ︀ုမ︀်ယ︀မ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ။ 29ꩡ︀ဝ်ႛယ︀ေꩬ︀ုက︀ေႃႇ တ︀ႃႈꩬ︀ွင︀်ၵ︀ႃမ︀ႆ︀ႛ က︀မ︀်းꩬ︀ီ “ꩫ︀င︀်ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀က︀ꩫ︀်ႈ ꩭႂ်ႛပ︀ီꩫ︀်ႈက︀ႃတ︀ႃႉ” ꩫ︀ဝꩫ︀်ႇ။ 30ꩫ︀ႆ︀ႇမ︀ႆ︀ႛ တ︀ႃႈꩬ︀ွင︀်ၵ︀ႃꩭꩫ︀်ပ︀ွက︀်ႉမ︀ႃးဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ꩬ︀ွင︀်ၵ︀ႃမ︀ႆ︀ႛ “လ︀ွင︀်ႈꩫ︀ႆ︀ႇ ၸ︀ႂ်မ︀ႆ︀ႛက︀ေႃႇပ︀ီၵ︀ႆ︀ႈ” ꩫ︀ꩬ︀ီꩭၢမ︀်ႛက︀တ︀်ႉꩰဢ︀ူ။ 31ꩫ︀ႆ︀ႇꩫ︀က︀ေႃႇ ꩬ︀ွင︀်ၵ︀ႃယ︀ႃႇ တ︀ိူင︀်းဢ︀မ︀ႂ်းတ︀င︀်းတ︀ိူင︀်းမ︀ႆ︀ႛ လ︀ွင︀်ႈꩡ︀ဝ်ႛယ︀ေꩬ︀ု က︀ႃၵ︀ႆ︀ႈလ︀ေဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ၸ︀ူႛလ︀ိꩫ︀်ႇꩫ︀ၢင︀်ႛက︀ူဝ်ႇလ︀ိူင︀်ႈမ︀ႆ︀ႛ ဢ︀ဝ်ႈꩫ︀ီႈꩭႂ်ႛ
32ꩬ︀ွင︀်ၵ︀ႃဢ︀ွက︀်က︀ႃက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူꩫ︀်းဢ︀ꩫ︀်ႈၸ︀ီꩭၢႆ︀ႇၵ︀ဝ်ႛꩬ︀ီ တ︀ၢꩫ︀်ႛမ︀ဝ်ꩫ︀ႆ︀ႛက︀ူဝ်ႇလ︀ိူင︀်ႈ ꩭွင︀်ႇမ︀ႃးဢ︀ူ။ 33မ︀ွင︀်းမ︀ꩫ︀်းꩡ︀ဝ်ႛ ၸ︀ီꩭၢႆ︀ႇဢ︀မ︀ႂ်းမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ယ︀ႃႇ က︀ူꩫ︀်းဢ︀မ︀ႂ်း ၵ︀ၢမ︀်းတ︀ၢꩫ︀်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “ꩫ︀င︀်ၸ︀ꩫ︀်းꩫ︀ႆ︀ႇ ꩫ︀ႂ်းဢ︀ီတ︀်ꩬ︀ြေးမ︀ႆ︀ႛ ꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်မ︀ႃး” ꩫ︀ဝꩫ︀်ႇ။ 34ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းꩭူဝ်ႛၸ︀ီꩫ︀ႆ︀ႇ မ︀ꩫ︀်းမ︀ႆ︀ႛ ၵ︀ုꩫ︀်ၸ︀ီꩭၢႆ︀ႇတ︀ꩫ︀်းၵ︀ူဝ်းꩭႂ်ႛဝႆ︀ႇꩬ︀ီꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈ
35ꩡ︀ဝ်ႛယ︀ေꩬ︀ု မ︀ၢꩫ︀်ႛ၊ ဝီင︀်းတ︀င︀်းမ︀ိူင︀်းမ︀ႆ︀ႛ ပ︀ꩫ︀်လ︀ေꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းꩰꩬ︀ွꩫ︀်ꩰဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛက︀ေႃႇ ဢ︀ဝ်ႈꩫ︀ီႈꩭႂ်ႛဢ︀ူ။ 36မ︀ꩫ︀်းꩡ︀ဝ်ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းက︀ီး ၵ︀ဝ်ယ︀ႃႇ ꩫ︀င︀်ၸ︀ုင︀်ပ︀ူႇဢ︀ꩫ︀်ႈၸ︀ူႛမ︀ိုင︀်ႇမ︀ဝ်ယ︀င︀်းꩫ︀က︀ꩫ︀်ႈ ဝၢင︀်ꩰဝိꩫ︀်ꩰင︀ႆ︀း က︀ပ︀်ႉꩡ︀ႂ်ႈက︀ꩫ︀်ႈ၊ ၵ︀ႃတ︀ီႈၸ︀ူက︀ꩫ︀်ႈꩫ︀ႆ︀ႇမ︀ႆ︀ မ︀ꩫ︀်းꩡ︀ဝ်ႛ ဢ︀ီꩫ︀ူႈလ︀ူင︀်ꩫ︀မ︀်။ 37င︀ႆ︀းꩬ︀ီ မ︀ꩫ︀်းꩡ︀ဝ်ႛယ︀ႃႇတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “တ︀ူင︀်ꩫ︀ႃးလ︀ူင︀်မ︀ႆ︀ႛ ၵ︀ဝ်ႛꩬ︀ုက︀်က︀ꩫ︀်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ၸ︀ူႛပ︀တ︀်ၵ︀ဝ်ႛယ︀ႃႇ ဢ︀ေလ︀ူင︀်ꩫ︀မ︀်။ 38ꩫ︀င︀်ꩡ︀ဝ်ႛꩫ︀ႃးမ︀ႆ︀ႛ က︀ူꩫ︀်းꩭၢင︀်းပ︀တ︀်ၵ︀ဝ်ႛ ယ︀ွꩫ︀်းဢ︀ိက︀်ꩫ︀က︀ꩫ︀်ႈ က︀ူꩫ︀်းꩭၢင︀်းၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ွႆ︀ꩡ︀ႂ်ႇဢ︀ိက︀်ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးက︀ꩫ︀်ႈတ︀ႃႉ” ꩫ︀ဝꩫ︀်ႇ။
നിലവിൽ തിരഞ്ഞെടുത്തിരിക്കുന്നു:
မ︀တ︀်တ︀ႄး 9: kht
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
မ︀တ︀်တ︀ႄး 9
9
လ︀ွင︀်ႈꩡ︀ဝ်ႛယ︀ေꩬ︀ုဝီင︀်းက︀ပ︀ေရ︀ꩫ︀ွင︀်မ︀ႆ︀ႛ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈက︀ူဝ်ႇလ︀ိူင︀်ႈမ︀ႆ︀ႛ ဢ︀ဝ်ႈꩫ︀ီႈꩭႂ်ႛ
(မ︀ႃက︀ု 2.1-12; လ︀ုက︀ႃ 5.17-26)
1ဝႆ︀ၢးလ︀င︀်ဢ︀မ︀ႂ်း ꩡ︀ဝ်ႛယ︀ေꩬ︀ု က︀ꩫ︀်ႛꩫ︀ိူဝ်ꩭိူဝ်းမ︀ႆ︀ႛၵ︀ိုꩫ︀်ႛꩬ︀ီ မ︀ိူဝ်းဝီင︀်းမ︀ꩫ︀်းꩡ︀ဝ်ႛဢ︀ူ။ 2ထိုင︀်က︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈက︀ူဝ်ႇလ︀ိူင︀်ႈမ︀ႆ︀ႛ တ︀င︀်းၸ︀ုက︀်ႉၸ︀ႃႛမ︀ꩫ︀်းꩭၢမ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈမ︀ႃးဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ၵ︀ႂ်ႈလ︀ႂ်ႈယ︀ုမ︀်ယ︀မ︀်ႈꩫ︀ꩫ︀ႆ︀ႇ ꩭꩫ︀်က︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းမ︀ႆ︀ႛ “လ︀ုက︀်ႉက︀ဝ်ႈꩴ︀း၊ ပ︀ီက︀ပ︀်ႉꩡ︀ႂ်ႈ။ မ︀ႂ်းမ︀ႆ︀ႛ လ︀ုက︀်ႉဢ︀ပ︀ႅတ︀်ႉမ︀ႂ်းꩫ︀ႆ︀ႇၵ︀ဝ်မ︀ႆ︀ႛပ︀ွႆ︀လ︀ွတ︀်ႉꩭႂ်ႛယ︀ဝ်ႇ” ꩫ︀ဢ︀ူ။ 3ၵ︀ၢမ︀်းဢ︀မ︀ႂ်းမ︀ႆ︀ႛ ꩬ︀ြႃတ︀ြႃးဢ︀ꩫ︀်ႈဢ︀မ︀ႂ်းမ︀ႆ︀ႛ ယ︀င︀်းꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး “က︀ူဝ်ႇꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ူꩫ︀်ႇလ︀ိူဝ်ယ︀ဝ်ႇ” ꩫ︀ꩬ︀ီၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။ 4ဢ︀ꩫ︀်ႈၵ︀ဝ်ဝႃႈင︀ႆ︀းက︀ꩫ︀်ႈꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုဢ︀ဝ်ႈꩥ︀ႅꩫ︀်တ︀ွင︀်းꩬ︀ီ “ꩭီတ︀်က︀ꩬ︀င︀်ꩫ︀ႆ︀ ဢ︀ꩫ︀်ႈၵ︀ႆ︀ႇလ︀ိူင︀်ႈမ︀ဝ်ꩫ︀ီႈꩬ︀လ︀ႂ်ႈ ꩬ︀ူၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။ 5ဢ︀ꩫ︀်ႈလ︀ႂ်ႈꩫ︀ႆ︀ၵ︀ႅꩫ︀်းင︀ႆ︀ၢႈꩫ︀ႆ︀ႇ။ ဢ︀ꩫ︀်ႈဢ︀ပ︀ႅတ︀်ႉက︀ူꩫ︀်းမ︀ႆ︀ႛ ပ︀ွႆ︀ꩭႂ်ႛꩫ︀ႆ︀ႇက︀ျႃး။ က︀ူꩫ︀်းဢ︀ꩫ︀်ႈꩬ︀ိက︀်ႉၵ︀ိင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ီႈꩬ︀ီꩭႂ်ႛၸ︀ႆ︀ၢႛက︀ႃꩫ︀ႆ︀ႇက︀ျႃး။ 6က︀ဝ်ႈၸ︀ူႛပ︀ီꩫ︀်ႈ လ︀ုက︀်ႉက︀ူꩫ︀်းမ︀ႆ︀ႛ ဢ︀ႃꩫ︀ႃဢ︀ꩫ︀်ႈပ︀ွႆ︀ဢ︀ပ︀ႅတ︀်ႉယ︀င︀်းဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးက︀ွတ︀်” ꩫ︀ယ︀ဝ်ႇက︀ီး ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းမ︀ႆ︀ႛ “လ︀ုက︀်ႉလ︀ႃး၊ ၸ︀ုက︀်ႉၸ︀ႃႛမ︀ႂ်းဢ︀ဝ်ႈꩬ︀ီမ︀ိူဝ်းလ︀ႃး” ꩫ︀ꩬ︀ီ ဢ︀မ︀ိင︀်းꩭႂ်ႛဢ︀ူ။ 7ၸ︀ူႛꩬ︀ိက︀်ႉၵ︀ိင︀်းတ︀ႆ︀ၢႈဢ︀မ︀ႂ်းက︀ေႃႇ လ︀ုက︀်ႉꩬ︀ီ မ︀ိူဝ်းꩭိူꩫ︀်းဢ︀ူ။ 8က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛ လ︀ႅမ︀်းက︀ꩫ︀်ႈꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းတ︀ႆ︀ၢႈꩰက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ႃꩫ︀ႃတ︀ꩫ︀်းၵ︀ူဝ်း ၵ︀ႆ︀ႇလ︀ိူင︀်ႈပ︀ုꩫ︀်ႛꩭႂ်ႛꩫ︀ႆ︀ႇꩬ︀ီ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛယ︀ူဝ်းယ︀ွင︀်ႛက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု မ︀တ︀်တ︀ႄးမ︀ႆ︀ႛꩭွင︀်ႇ
(မ︀ႃက︀ု 2.13-17; လ︀ုက︀ႃ 5.27-32)
9ꩡ︀ဝ်ႛယ︀ေꩬ︀ု လ︀ုက︀်ႉဢ︀မ︀ႂ်းမ︀ႆ︀ႛဢ︀ွက︀်ꩬ︀ီ ၸ︀ႆ︀ၢႛက︀ႃက︀ီး ၸ︀ူႛက︀ီပ︀်ၵ︀ွꩫ︀် မ︀တ︀်တ︀ႄးꩫ︀ꩫ︀ႆ︀ႇ ꩬ︀ုမ︀်ႇက︀ီပ︀်ၵ︀ွꩫ︀်မ︀ႆ︀ႛ ꩫ︀င︀်ႈꩬ︀ီဢ︀ူꩫ︀ႆ︀ႇမ︀ႆ︀ႛꩭꩫ︀်ဢ︀ူ။ မ︀ꩫ︀်းꩡ︀ဝ်ႛယ︀ႃႇ “က︀ꩫ︀်ႛလ︀င︀်က︀ဝ်ႈမ︀ႆ︀ႛ ꩡ︀ွမ︀်းမ︀ႃးတ︀ႃႉ” ꩫ︀က︀ီး မ︀တ︀်တ︀ႄးက︀ေႃႇ လ︀ုက︀်ႉꩬ︀ီက︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ွမ︀်းက︀ႃဢ︀ူ။ 10ꩭိူꩫ︀်းမ︀တ︀်တ︀ႄးမ︀ႆ︀ႛ ꩡ︀ဝ်ႛယ︀ေꩬ︀ုၵ︀ဝ် က︀ိꩫ︀်ႈၵ︀ဝ်ႛက︀ီး ၸ︀ူႛက︀ီပ︀်ၵ︀ွꩫ︀်တ︀ၢင︀်က︀ူဝ်ႇꩫ︀ႆ︀ႇၵ︀ဝ်င︀ႆ︀း က︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ်က︀ေႃႇ မ︀ႃးက︀ꩫ︀်ႈꩬ︀ီ တ︀င︀်းၵ︀ဝ်ꩡ︀ဝ်ႛ ꩭူမ︀်ႈက︀ိꩫ︀်ႈဢ︀ူ။ 11ꩫ︀ႆ︀ႇမ︀ႆ︀ႛ ၸ︀ႃရ︀ိꩬ︀ႄꩫ︀ႆ︀ႇၵ︀ဝ် ꩭꩫ︀်က︀ီး “ꩭီတ︀်က︀ꩬ︀င︀်ꩫ︀ႆ︀ ꩬ︀ြႃꩬ︀ူယ︀ႃႇ တ︀င︀်းက︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ꩬ︀လ︀ႂ်ႈ ꩭူမ︀်ႈက︀ိꩫ︀်ႈၵ︀ဝ်ႛꩫ︀ႆ︀ႇ” ꩫ︀ꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛထၢမ︀်ဢ︀ူ။ 12ၵ︀ၢမ︀်းꩫ︀ႆ︀ႇ ꩡ︀ဝ်ႛယ︀ေꩬ︀ု ꩫ︀ႆ︀ႛꩥ︀ိꩫ︀်းက︀ီး “က︀ူꩫ︀်းဢ︀ꩫ︀်ႈဢ︀ူꩫ︀ီႈꩫ︀ႆ︀ႇၵ︀ဝ်ယ︀ႃႇ မ︀ူဝ်ယ︀ႃႛꩵ︀ႈꩭၢင︀်ႇ၊ ၸ︀ူႛၵ︀ႆ︀ႛꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀်မ︀ူဝ်ယ︀ႃႛꩭၢင︀်ႇꩫ︀ႆ︀ႇ။ 13“ဢ︀ꩫ︀်ႈက︀ဝ်ႈထုက︀်ꩡ︀ႂ်ႈꩫ︀ႆ︀ႇယ︀ႃႇ တ︀ူဝ်ႈၵ︀ႅက︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ꩭူဝ်ꩡ︀ႂ်ႈဢ︀ꩫ︀်ႈဢ︀ီꩫ︀ူႈက︀ꩫ︀်ႈꩫ︀ႆ︀ႇꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ။ ၵ︀ၢမ︀်းဢ︀မ︀ႂ်း ၵ︀ႂ်ႈဝႃႈꩭိုဝ်ꩫ︀ꩫ︀ႆ︀ႇ က︀ႃလ︀ႅမ︀်းꩫ︀ီႈꩫ︀ီႈ တ︀ႃႉ။ က︀ဝ်ႈမ︀ႃးꩭွင︀်ႇက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ၊ မ︀ႃးꩭွင︀်ႇက︀ူꩫ︀်းꩭၢႆ︀ႇက︀ူꩫ︀်းꩭုက︀်ꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။
ၵ︀ူဝ်ႛထၢမ︀်လ︀ွင︀်ႈꩭႅတ︀်ႉတ︀ွင︀်ႇ
(မ︀ႃက︀ု 2.18-22; လ︀ုက︀ႃ 5.33-39)
14ဝႆ︀ၢးဢ︀မ︀ႂ်း ၸ︀ူႛတ︀ပ︀ေးꩬ︀ြႃယ︀ေႃးꩭၢꩫ︀်က︀မ︀်ႈၸ︀ွင︀်းမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ “ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း တ︀ူႈယ︀ႃႇ မ︀ဝ်ယ︀ၢꩫ︀်မ︀ဝ်ယ︀ၢꩫ︀်ꩭႅတ︀်ႉတ︀ွင︀်ႇဢ︀ူ။ တ︀ပ︀ေးမ︀ႂ်းꩡ︀ဝ်ႛၵ︀ဝ်ယ︀ႃႇ ꩭီတ︀်က︀ꩬ︀င︀်ꩫ︀ႆ︀ မ︀ိူဝ်ႈလ︀ႂ်ႈက︀ေႃႇ မ︀ဝ်ꩭႅတ︀်ႉꩫ︀ႆ︀ႇ” ꩫ︀ဝꩫ︀်ႇ။ 15ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩫ︀င︀်ၸ︀ူႛမ︀ၢဝ်မ︀ႂ် ဢ︀ꩫ︀်ႈတ︀င︀်းတ︀ႆ︀းက︀ူဝ်ႇမ︀ꩫ︀်းၵ︀ဝ်ꩭူမ︀်ႈဢ︀ူꩬ︀ီက︀ိꩫ︀်ႈပ︀ိဝ်ꩫ︀က︀ꩫ︀်ႈꩫ︀မ︀်။ တ︀ႆ︀းက︀ူဝ်ႇက︀ဝ်ႈၵ︀ဝ် တ︀င︀်းက︀ဝ်ႈꩭူမ︀်ႈပ︀ိဝ်ဢ︀ူꩫ︀ႆ︀ႇꩬ︀ီ ယ︀ၢမ︀်းဢ︀ꩫ︀်ႈၵ︀ဝ်ဝႃႈꩭႅတ︀်ႉတ︀ွင︀်ႇꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ မ︀ဝ်ꩭိုင︀်က︀ꩬ︀င︀် က︀ဝ်ႈလ︀ုက︀်ႉမ︀ႆ︀ႛဝႃႈဢ︀ွက︀်က︀ႃꩫ︀မ︀်။ မ︀ိူဝ်ႈဢ︀မ︀ႂ်းတ︀ပ︀ေးက︀ဝ်ႈၵ︀ဝ် ꩡ︀ႂ်ႈꩬ︀ဝ်ႛꩬ︀ီ တ︀ီꩭႅတ︀်ႉတ︀ွင︀်ႇက︀ꩫ︀်ႈꩬ︀ႃး။ 16က︀ဝ်ႈဝႃႈက︀ွတ︀်။ ၸ︀ႂ်က︀ေႃႇ ၵ︀ိူင︀်ႈက︀ဝ်မ︀ႆ︀ႛ ဢ︀ဝ်ႈမ︀ꩫ︀်ႛမ︀ႂ်ꩵ︀ႈၸ︀ုင︀်၊ ပ︀ူဝ်းၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ဢ︀မ︀ႂ်း ဢ︀ေႈၵ︀ႅꩫ︀်းလ︀ႃႇက︀ႃဢ︀ူ။ ꩬ︀င︀်ဝႃႈၸ︀ုင︀်က︀ီး မ︀ꩫ︀်ႛမ︀ႂ်ꩫ︀ႆ︀ႇ ၵ︀ိူင︀်ႈက︀ဝ်မ︀ႆ︀ႛ ꩭုတ︀်ႉꩡ︀ꩫ︀်ႈꩬ︀ီ ꩭူးၸ︀ုင︀်ꩫ︀ႆ︀ႇ ဢ︀ေႈၵ︀ႅꩫ︀်းယ︀ႂ်မ︀ႃးဢ︀ူ။ 17ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၸ︀ႂ်က︀ေႃႇ ထူင︀်ꩫ︀င︀်က︀ဝ်မ︀ႆ︀ႛ ဝၢႆ︀မ︀က︀်ꩡ︀ပ︀ႅတ︀်ႉမ︀ႂ်ꩵ︀ႈꩬ︀ႂ်။ ꩬ︀ႂ်က︀ီး ထူင︀်ꩫ︀င︀်တ︀ႅက︀်ꩬ︀ီ ဝၢႆ︀မ︀က︀်ꩭူဝ်ႈက︀ႃဢ︀ူ။ ထူင︀်ꩫ︀င︀်ဢ︀မ︀ႂ်းက︀ေႃႇ ၸ︀ေႛက︀ႃဢ︀ူ။ ꩭႂ်ႛပ︀ူဝ်းဝၢႆ︀မ︀က︀်တ︀မ︀ိူင︀်း ထူင︀်ꩫ︀င︀်တ︀မ︀ိူင︀်းမ︀ဝ်ꩬ︀ုမ︀်းꩬ︀ီ ꩫ︀ီႈꩬ︀ူဝ်းꩰဢ︀ူꩫ︀ႆ︀ႇ ထူင︀်ꩫ︀င︀်မ︀ႂ်မ︀ႆ︀ႛꩫ︀ႆ︀ၢႈꩫ︀မ︀် ဝၢႆ︀မ︀က︀်မ︀ႂ်ဝႃႈꩬ︀ႂ်ꩫ︀ႆ︀ႇ” ꩫ︀ဝꩫ︀်ႇ။
လ︀ွင︀်ႈၸ︀ူႛလ︀ုက︀်ႉယ︀ိင︀်းယ︀ႃဢ︀ိရ︀ုꩫ︀ၵ︀ႃ ၸ︀ူႛယ︀ိင︀်းဢ︀ꩫ︀်ႈꩬ︀ိူဝ်ႛꩡ︀ဝ်ႛယ︀ေꩬ︀ုမ︀ႆ︀ႛတ︀ႅတ︀်ႉ
(မ︀ႃက︀ု 5.21-43; လ︀ုက︀ႃ 8.40-56)
18မ︀ိူဝ်ႈင︀ႆ︀းꩡ︀ဝ်ႛယ︀ေꩬ︀ု ဝႃႈဢ︀ူꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ က︀ူꩫ︀်းယ︀ႂ်က︀ျူးက︀ူဝ်ႇလ︀ိူင︀်ႈမ︀ႃးၵ︀ုပ︀်ႉၵ︀ဝ်ꩬ︀ီ “လ︀ုက︀်ႉꩬ︀ၢဝ်က︀ဝ်ႈၵ︀ႃႛ င︀ႆ︀ႚတ︀ေႇတ︀ေႇ တ︀ႆ︀ၢႈက︀ႃတ︀ီၵ︀ႃႛယ︀ဝ်ႇ။ ꩫ︀ႆ︀ႇꩫ︀က︀ေႃႇ မ︀ႂ်းꩡ︀ဝ်ႛမ︀ႃးꩬ︀ီ မ︀ꩫ︀်းမ︀ႆ︀ႛမ︀ိုဝ်းမ︀ႂ်းꩡ︀ဝ်ႛတ︀ၢင︀်ꩭႂ်ႛက︀ီး ꩫ︀ိပ︀်မ︀ႃးပ︀ွက︀်ႉတ︀ီၵ︀ႃႛဢ︀ူ” ꩫ︀ꩬ︀ီꩬ︀ွက︀်ႉဢ︀ူ။ 19ꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉꩬ︀ီတ︀င︀်းမ︀ꩫ︀်းꩡ︀ွမ︀်းက︀ႃဢ︀ူ။ တ︀ပ︀ေးꩡ︀ဝ်ႛၵ︀ဝ်က︀ေႃႇ ꩡ︀ွမ︀်းလ︀ွေႛက︀ႃဢ︀ူ။ 20မ︀ိူဝ်ႈဢ︀မ︀ႂ်း ၸ︀ူႛယ︀ိင︀်းက︀ူဝ်ႇလ︀ိူင︀်ႈဢ︀ꩫ︀်ႈꩬ︀ိပ︀်ꩬ︀ွင︀်ပ︀ီႈတ︀ၢင︀်ႈꩰ ပ︀ၢက︀်ႉယ︀ေႃးက︀ႃꩫ︀ိူတ︀်ႉလ︀ႆ︀ꩫ︀ႆ︀ႇ က︀ꩫ︀်ႛလ︀င︀်ꩡ︀ဝ်ႛယ︀ေꩬ︀ုမ︀ႆ︀ႛမ︀ႃးꩬ︀ီ ပ︀ႆ︀ၢႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ႅတ︀်ႉၵ︀ွတ︀်ဢ︀ူ။ 21ၸ︀ူႛယ︀ိင︀်းဢ︀မ︀ႂ်းယ︀ႃႇ “က︀ဝ်ႈပ︀ၢႆ︀ႈꩬ︀ိူဝ်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ပ︀ူဝ်းꩫ︀ႆ︀ႛတ︀ႅတ︀်ႉၵ︀ွတ︀်ꩫ︀ႆ︀ၢႈꩫ︀က︀ေႃႇ ယ︀ေႃးက︀ႃက︀ဝ်ႈꩫ︀ီႈမ︀ႃးဢ︀ူ” ꩫ︀ꩬ︀ီ ꩫ︀ႂ်းꩡ︀ႂ်ႈမ︀ႆ︀ႛၵ︀ႂ်ႈꩡ︀ႂ်ႈဢ︀ူ။ 22ꩡ︀ဝ်ႛယ︀ေꩬ︀ုယ︀ႃႇ က︀ꩫ︀်ႛလ︀င︀်မ︀ႆ︀ႛဝိꩫ︀်ꩬ︀ီ မ︀ꩫ︀်းမ︀ႆ︀ႛꩭꩫ︀်က︀ီး “လ︀ုက︀်ႉက︀ဝ်ႈ၊ ꩡ︀ူမ︀်းတ︀ႃႉ၊ လ︀ႆ︀ၢးပ︀ိူဝ်ႈတ︀ၢင︀်းယ︀ုမ︀်ယ︀မ︀်ႈမ︀ႂ်းꩬ︀ီ မ︀ႂ်းဢ︀ူꩫ︀ီႈယ︀ဝ်ႇ” ꩫ︀ဢ︀ူ။ မ︀ိူဝ်ႈဢ︀မ︀ႂ်းတ︀ေႇတ︀ေႇ ၸ︀ူႛယ︀ိင︀်းဢ︀မ︀ႂ်း ꩫ︀ီႈꩬ︀ူဝ်းꩰက︀ႃဢ︀ူ။ 23ꩡ︀ဝ်ႛယ︀ေꩬ︀ု ꩭိူꩫ︀်းꩭူဝ်က︀ေဢ︀မ︀ႂ်းမ︀ႆ︀ႛထိုင︀်က︀ႃက︀ီး က︀ူꩫ︀်းꩫ︀ႆ︀ႇၵ︀ဝ် ပ︀ဝ်ပ︀ီၵ︀ၢမ︀်းၵ︀ီက︀ꩫ︀်ႈ ဢ︀ုက︀်တ︀လ︀ုက︀်မ︀ူဝ်းꩫ︀ꩫ︀်းက︀ꩫ︀်ႈꩫ︀ႆ︀ႇမ︀ႆ︀ႛꩭꩫ︀်ဢ︀ူ။ 24မ︀ꩫ︀်းꩡ︀ဝ်ႛယ︀ႃႇ ၵ︀ဝ်မ︀ႆ︀ႛ “တ︀င︀်းမ︀ိူင︀်းဢ︀ွက︀်က︀ႃတ︀ႃႉ။ ဢ︀ေႚꩫ︀ၢင︀်းꩫ︀ႆ︀ႇ ဢ︀ꩫ︀်ႈတ︀ႆ︀ၢႈက︀ႃꩵ︀ႈꩡ︀ႂ်ႈ။ ꩫ︀ွꩫ︀်းꩬ︀ီဢ︀ူꩫ︀မ︀်” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ꩬ︀ွင︀်ၸ︀ိူက︀်ႉက︀ꩫ︀်ႈဢ︀ူ။ 25မ︀ွင︀်းက︀ူꩫ︀်းꩫ︀ႆ︀ႇၵ︀ဝ်ဢ︀ွက︀်က︀ႃယ︀ႃႇ ꩡ︀ဝ်ႛယ︀ေꩬ︀ု ၵ︀ွက︀်ႉꩫ︀ၢင︀်းဢ︀ွꩫ︀်ဢ︀မ︀ႂ်းမ︀ႆ︀ႛ ၵ︀ဝ်ႛက︀ႃꩬ︀ီ မ︀ိုဝ်းꩫ︀ၢင︀်းဢ︀ွꩫ︀်ဢ︀မ︀ႂ်းမ︀ႆ︀ႛက︀မ︀်းဢ︀ူ။ ꩫ︀ႆ︀ႇမ︀ႆ︀ႛ ꩫ︀ၢင︀်းဢ︀ွꩫ︀်ဢ︀မ︀ႂ်းလ︀ုက︀်ႉမ︀ႃးဢ︀ူ။ 26လ︀ွင︀်ႈꩫ︀ႆ︀ႇ တ︀ိူင︀်းဢ︀မ︀ႂ်းတ︀င︀်းတ︀ိူင︀်းမ︀ႆ︀ႛ ꩭူင︀်က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ၸ︀ူႛတ︀ႃႈမ︀ွတ︀်ꩬ︀ွင︀်က︀ူဝ်ႇမ︀ႆ︀ႛဢ︀ဝ်ႈꩭꩫ︀်ꩭႂ်ႛ
27ꩡ︀ဝ်ႛယ︀ေꩬ︀ု လ︀ုက︀်ႉတ︀ီႈဢ︀မ︀ႂ်းမ︀ႆ︀ႛဢ︀ွက︀်ꩬ︀ီ ၸ︀ႆ︀ၢႛက︀ႃက︀ီး ၸ︀ူႛတ︀ႃႈမ︀ွတ︀်ꩬ︀ွင︀်က︀ူဝ်ႇယ︀ႃႇ “ၸ︀ူႛလ︀ုက︀်ႉꩡ︀ဝ်ႛꩭူဝ်ၵ︀မ︀်းၻႃဝိꩴ︀း တ︀ူႈၵ︀ႃႛမ︀ႆ︀ႛ ဢ︀ီꩫ︀ူႈꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဢ︀ိဝ်င︀ႆ︀း က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းမ︀ႃးက︀ꩫ︀်ႈဢ︀ူ။ 28ꩡ︀ဝ်ႛယ︀ေꩬ︀ု ꩭိူꩫ︀်းမ︀ႆ︀ႛၵ︀ဝ်ႛက︀ႃက︀ီး ၸ︀ူႛတ︀ႃႈမ︀ွတ︀်ဢ︀မ︀ႂ်း ꩫ︀ၵ︀ႃက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛမ︀ႃးဢ︀ူ။ မ︀ꩫ︀်းꩡ︀ဝ်ႛယ︀ႃႇ “တ︀ႃႈꩬ︀ွင︀်ၵ︀ိူဝ်မ︀ႆ︀ႛ က︀ဝ်ႈဢ︀ဝ်ႈꩭꩫ︀်ꩭႂ်ႛꩫ︀ႆ︀ႛဢ︀ူꩫ︀ꩫ︀ႆ︀ႇ ယ︀ုမ︀်ယ︀မ︀်ႈဢ︀ေႃး” ꩫ︀က︀ီး ꩬ︀ွင︀်ၵ︀ႃက︀ေႃႇ “ယ︀ုမ︀်ယ︀မ︀်ႈတ︀ီၵ︀ႃႛဢ︀ူ” ꩫ︀ဝꩫ︀်ႇ။ 29ꩡ︀ဝ်ႛယ︀ေꩬ︀ုက︀ေႃႇ တ︀ႃႈꩬ︀ွင︀်ၵ︀ႃမ︀ႆ︀ႛ က︀မ︀်းꩬ︀ီ “ꩫ︀င︀်ꩬ︀ူက︀ဝ်ႈမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀က︀ꩫ︀်ႈ ꩭႂ်ႛပ︀ီꩫ︀်ႈက︀ႃတ︀ႃႉ” ꩫ︀ဝꩫ︀်ႇ။ 30ꩫ︀ႆ︀ႇမ︀ႆ︀ႛ တ︀ႃႈꩬ︀ွင︀်ၵ︀ႃꩭꩫ︀်ပ︀ွက︀်ႉမ︀ႃးဢ︀ူ။ ꩡ︀ဝ်ႛယ︀ေꩬ︀ုယ︀ႃႇ ꩬ︀ွင︀်ၵ︀ႃမ︀ႆ︀ႛ “လ︀ွင︀်ႈꩫ︀ႆ︀ႇ ၸ︀ႂ်မ︀ႆ︀ႛက︀ေႃႇပ︀ီၵ︀ႆ︀ႈ” ꩫ︀ꩬ︀ီꩭၢမ︀်ႛက︀တ︀်ႉꩰဢ︀ူ။ 31ꩫ︀ႆ︀ႇꩫ︀က︀ေႃႇ ꩬ︀ွင︀်ၵ︀ႃယ︀ႃႇ တ︀ိူင︀်းဢ︀မ︀ႂ်းတ︀င︀်းတ︀ိူင︀်းမ︀ႆ︀ႛ လ︀ွင︀်ႈꩡ︀ဝ်ႛယ︀ေꩬ︀ု က︀ႃၵ︀ႆ︀ႈလ︀ေဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ၸ︀ူႛလ︀ိꩫ︀်ႇꩫ︀ၢင︀်ႛက︀ူဝ်ႇလ︀ိူင︀်ႈမ︀ႆ︀ႛ ဢ︀ဝ်ႈꩫ︀ီႈꩭႂ်ႛ
32ꩬ︀ွင︀်ၵ︀ႃဢ︀ွက︀်က︀ႃက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူꩫ︀်းဢ︀ꩫ︀်ႈၸ︀ီꩭၢႆ︀ႇၵ︀ဝ်ႛꩬ︀ီ တ︀ၢꩫ︀်ႛမ︀ဝ်ꩫ︀ႆ︀ႛက︀ူဝ်ႇလ︀ိူင︀်ႈ ꩭွင︀်ႇမ︀ႃးဢ︀ူ။ 33မ︀ွင︀်းမ︀ꩫ︀်းꩡ︀ဝ်ႛ ၸ︀ီꩭၢႆ︀ႇဢ︀မ︀ႂ်းမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ယ︀ႃႇ က︀ူꩫ︀်းဢ︀မ︀ႂ်း ၵ︀ၢမ︀်းတ︀ၢꩫ︀်ႛမ︀ႃးဢ︀ူ။ ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ၢမ︀်းတ︀ႆ︀ၢႈꩰက︀ꩫ︀်ႈꩬ︀ီ “ꩫ︀င︀်ၸ︀ꩫ︀်းꩫ︀ႆ︀ႇ ꩫ︀ႂ်းဢ︀ီတ︀်ꩬ︀ြေးမ︀ႆ︀ႛ ꩬ︀မ︀တ︀်က︀ေႃႇ ꩵ︀ႈꩭွꩫ︀်ꩭꩫ︀်မ︀ႃး” ꩫ︀ဝꩫ︀်ႇ။ 34ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းꩭူဝ်ႛၸ︀ီꩫ︀ႆ︀ႇ မ︀ꩫ︀်းမ︀ႆ︀ႛ ၵ︀ုꩫ︀်ၸ︀ီꩭၢႆ︀ႇတ︀ꩫ︀်းၵ︀ူဝ်းꩭႂ်ႛဝႆ︀ႇꩬ︀ီꩫ︀မ︀်” ꩫ︀ꩬ︀ီဝႃႈက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈ
35ꩡ︀ဝ်ႛယ︀ေꩬ︀ု မ︀ၢꩫ︀်ႛ၊ ဝီင︀်းတ︀င︀်းမ︀ိူင︀်းမ︀ႆ︀ႛ ပ︀ꩫ︀်လ︀ေꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းꩰꩬ︀ွꩫ︀်ꩰဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛက︀ေႃႇ ဢ︀ဝ်ႈꩫ︀ီႈꩭႂ်ႛဢ︀ူ။ 36မ︀ꩫ︀်းꩡ︀ဝ်ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းက︀ီး ၵ︀ဝ်ယ︀ႃႇ ꩫ︀င︀်ၸ︀ုင︀်ပ︀ူႇဢ︀ꩫ︀်ႈၸ︀ူႛမ︀ိုင︀်ႇမ︀ဝ်ယ︀င︀်းꩫ︀က︀ꩫ︀်ႈ ဝၢင︀်ꩰဝိꩫ︀်ꩰင︀ႆ︀း က︀ပ︀်ႉꩡ︀ႂ်ႈက︀ꩫ︀်ႈ၊ ၵ︀ႃတ︀ီႈၸ︀ူက︀ꩫ︀်ႈꩫ︀ႆ︀ႇမ︀ႆ︀ မ︀ꩫ︀်းꩡ︀ဝ်ႛ ဢ︀ီꩫ︀ူႈလ︀ူင︀်ꩫ︀မ︀်။ 37င︀ႆ︀းꩬ︀ီ မ︀ꩫ︀်းꩡ︀ဝ်ႛယ︀ႃႇတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “တ︀ူင︀်ꩫ︀ႃးလ︀ူင︀်မ︀ႆ︀ႛ ၵ︀ဝ်ႛꩬ︀ုက︀်က︀ꩫ︀်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ ၸ︀ူႛပ︀တ︀်ၵ︀ဝ်ႛယ︀ႃႇ ဢ︀ေလ︀ူင︀်ꩫ︀မ︀်။ 38ꩫ︀င︀်ꩡ︀ဝ်ႛꩫ︀ႃးမ︀ႆ︀ႛ က︀ူꩫ︀်းꩭၢင︀်းပ︀တ︀်ၵ︀ဝ်ႛ ယ︀ွꩫ︀်းဢ︀ိက︀်ꩫ︀က︀ꩫ︀်ႈ က︀ူꩫ︀်းꩭၢင︀်းၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ွႆ︀ꩡ︀ႂ်ႇဢ︀ိက︀်ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးက︀ꩫ︀်ႈတ︀ႃႉ” ꩫ︀ဝꩫ︀်ႇ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.