Zwz Nduq 1
1
Dij Sen Chauq Daengzle
1Zwz nduqnduq naeh, dij Sen chauq fax daj dihndin. 2Goaknduq dihndin daengzle byaeuqbywngh, naengz baenz boaj daengzhwx; now ndin miz naemx ndaek mboq daeux dej, now naemx gaj dih gaj ndaem zumhzumh. Minghkoan dij Sen yuq now naemx bae dauh. 3Dij Sen hax: "Hawj dix rungh," zoq rungh. 4Dij Sen lez rungh zawh sowh ndae. Dix aeu rungh daj ndaem dungzbyaeg. 5Dij Sen rongx gau rungh hoak "zang'vaenz," rongx gau ndaem hoak "zang'hwnz." Miz zang'haemh, miz zangnaw, vaenznaeh zoq zawh vaenz nduq.
6Zwz naeh naemx naengz yuq dih doag, dij Sen hax: "Aeu sowh ux yuq jinghzang naemx dungzjeg, hawj naemx baenz naemx baihnow daj naemx baihdawj. Jinghzang naemx hawj dix miz sowh dungzjeg, hawj naemx baenz naemx fax daj naemx dihndin." 7Zoq baenz zaq gaemz dij Sen hax naeh. Dij Sen chauq sowh ux, hawj naemx baenz naemx yuq baihnow daj naemx yuq baihdawj. 8Dij Sen rongx sowh dix aeu dungzjeg naemx naeh hoak "pumhfax." Miz zang'haemh, miz zangnaw, vaenznaeh zoq zawh vaenz daih ngih.
9Dij Sen hax: "Hawj naemx baihdawj lae bae dih doag, hawj dihndin meq maz," zoq baenz zaq gaemz dij Sen hax naeh. 10Dij Sen rongx sowh dih mboq miz naemx hoak "dihndin," rongx sowh dih naemx lae bae zaemh yuq naeh hoak "haij." Dij Sen lez gaenq naeh zawh gaenq ndae. 11Dij Sen hax: "Hawj dihndin miz maexnyaj, miz kaeujpyaek, hawj kaeujpyaek miz faenz, hawj maex miz aen, hawj aen dix miz faenz, hawj sowh maexnyaj rawz goj miz, hawj sowh kaeujpyaek rawz goj miz." Gaj yowngh gaj baenz zaq gaemz dix hax naeh. 12Yaq dihndin zoq miz maexnyaj, miz kaeujpyaek, kaeujpyaek miz faenz, maex miz aen, aen dix miz faenz, sowh maexnyaj rawz goj miz, sowh kaeujpyaek rawz goj miz. Dij Sen lez gaenq naeh zawh gaenq ndae. 13Miz zang'haemh, miz zangnaw, vaenznaeh zoq zawh vaenz daih sam.
14Dij Sen hax: "Hawj pumhfax miz aen rux rungh, hawj zang'vaenz daj zang'hwnz dungzbyaeg, aeu sowh aen naeh hoak gaenq hawj dij goanz ruxndeq ndauj rawz, vaenz rawz, bi rawz, 15hawj aen rux rungh yuq ndaw pumhfax rungh daeuj doq dihndin." Gaj yowngh gaj baenz zaq gaemz dix hax naeh. 16Zoq zawh dij Sen chauq song aen dwx rux rungh: hawj aen dwx naeh gvanx zang'vaenz, hawj aen ix naeh gvanx zang'hwnz, dix goj chauq daengz ndaundiq ndoij. 17Dix aeu sowh aen rux rungh naeh nyaengx ndaw pumhfax, hawj paenqdix zauq zoah dihndin, 18hawj paenqdix gvanx zang'vaenz daj zang'hwnz, hawj paenqdix byaeg rungh daj ndaem. Dij Sen lez sowh aen rux rungh naeh zawh gaenq ndae. 19Miz zang'haemh, miz zangnaw, vaenznaeh zoq zawh vaenz daih siq.
20Dij Sen hax: "Hawj ndaw naemx miz doruxchaeg banh yawhyawh; hawj dij noag yuq now ndin, yuq ndaw pumhfax mbin." 21Dij Sen chauq do yuq ndaw naemx, do dwx, do ix, gaj yowngh gaj miz, banh yawhyawh, sowh do rawz goj miz. Dix goj chauq sowh dij noag rawz goj mbaeuq, hawj sowh dij noag rawz goj miz. Dij Sen taen gaenq naeh zawh gaenq ndae. 22Dij Sen gumx daengzle le gaenqnaeh, hax: "Yauq zowngx naeuz lai ux, banh yawhyawh, daem daengz ndaw haij nauq; dij noag goj yauq yuq dihndin zowngx naeuz lai ux." 23Miz zang'haemh, miz zangnaw, vaenznaeh zoq zawh vaenz daih haj.
24Dij Sen hax: "Hawj dihndin miz doruxchaeg, sowh do rawz goj miz, zoq zawh miz do ndaw rownz, do rux zanz, do ndaw bo, sowh do rawz goj miz." Gaj yowngh gaj baenz zaq gaemz dij Sen hax naeh. 25Dij Sen chauq do ndaw bo, do ndaw rownz, do rux zanz, sowh do rawz goj miz. Dij Sen lez gaenq naeh zawh gaenq ndae.
26Yaq dij Sen hax: "Gaenqraeuz chauq dij goanz, hawj dij goanz lumj raeuz, ndaej yaiz raeuz. Hawj dij goanz gvanx dij bya ndaw naemx, dij noag ndaw fax, do ndaw rownz, do rux zanz, gvanx daengz dihndin nauq." 27Dij Sen chauq dij goanz, hawj dij goanz lumj dix. Dij Sen chauq dij goanz, hawj dij goanz ndaej yaiz dix. Dix chauq dij goanz, miz puj zaiz, miz puj nyingz. 28Dij Sen gumx paenqdix, daj paenqdix hax: "Zowngx naeuz lai ux, hawj dij goanz raengh huhhuh, yuq dihndin daem nauq. Gux hawj su daj luglan su gvanx dihndin, gvanx dij bya ndaw naemx, dij noag ndaw fax, daengzle doruxchaeg dihndin nauq." 29Dij Sen hax: "Su goj ruxndeq, kaeujpyaek miz faenz, maex miz aen, aen dix miz faenz. Gux aeu daengzle le gaenqnaeh hawj su hoak gaenqjin. 30Gux hawj daengzle do dihndin, dij noag ndaw fax, do rux zanz, daengzle doruxchaeg jin maexnyaj daj kaeujpyaek." Yaq gaj yowngh gaj baenz zaq gaemz dij Sen hax naeh. 31Dix leztaen daengzle gaenqdix chauq naeh, gaj yowngh gaj ndae taeuq. Miz zang'haemh, miz zangnaw, vaenznaeh zoq zawh vaenz daih choak.
നിലവിൽ തിരഞ്ഞെടുത്തിരിക്കുന്നു:
Zwz Nduq 1: ZHN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, Peace Publishing Co. All rights reserved.
Zwz Nduq 1
1
Dij Sen Chauq Daengzle
1Zwz nduqnduq naeh, dij Sen chauq fax daj dihndin. 2Goaknduq dihndin daengzle byaeuqbywngh, naengz baenz boaj daengzhwx; now ndin miz naemx ndaek mboq daeux dej, now naemx gaj dih gaj ndaem zumhzumh. Minghkoan dij Sen yuq now naemx bae dauh. 3Dij Sen hax: "Hawj dix rungh," zoq rungh. 4Dij Sen lez rungh zawh sowh ndae. Dix aeu rungh daj ndaem dungzbyaeg. 5Dij Sen rongx gau rungh hoak "zang'vaenz," rongx gau ndaem hoak "zang'hwnz." Miz zang'haemh, miz zangnaw, vaenznaeh zoq zawh vaenz nduq.
6Zwz naeh naemx naengz yuq dih doag, dij Sen hax: "Aeu sowh ux yuq jinghzang naemx dungzjeg, hawj naemx baenz naemx baihnow daj naemx baihdawj. Jinghzang naemx hawj dix miz sowh dungzjeg, hawj naemx baenz naemx fax daj naemx dihndin." 7Zoq baenz zaq gaemz dij Sen hax naeh. Dij Sen chauq sowh ux, hawj naemx baenz naemx yuq baihnow daj naemx yuq baihdawj. 8Dij Sen rongx sowh dix aeu dungzjeg naemx naeh hoak "pumhfax." Miz zang'haemh, miz zangnaw, vaenznaeh zoq zawh vaenz daih ngih.
9Dij Sen hax: "Hawj naemx baihdawj lae bae dih doag, hawj dihndin meq maz," zoq baenz zaq gaemz dij Sen hax naeh. 10Dij Sen rongx sowh dih mboq miz naemx hoak "dihndin," rongx sowh dih naemx lae bae zaemh yuq naeh hoak "haij." Dij Sen lez gaenq naeh zawh gaenq ndae. 11Dij Sen hax: "Hawj dihndin miz maexnyaj, miz kaeujpyaek, hawj kaeujpyaek miz faenz, hawj maex miz aen, hawj aen dix miz faenz, hawj sowh maexnyaj rawz goj miz, hawj sowh kaeujpyaek rawz goj miz." Gaj yowngh gaj baenz zaq gaemz dix hax naeh. 12Yaq dihndin zoq miz maexnyaj, miz kaeujpyaek, kaeujpyaek miz faenz, maex miz aen, aen dix miz faenz, sowh maexnyaj rawz goj miz, sowh kaeujpyaek rawz goj miz. Dij Sen lez gaenq naeh zawh gaenq ndae. 13Miz zang'haemh, miz zangnaw, vaenznaeh zoq zawh vaenz daih sam.
14Dij Sen hax: "Hawj pumhfax miz aen rux rungh, hawj zang'vaenz daj zang'hwnz dungzbyaeg, aeu sowh aen naeh hoak gaenq hawj dij goanz ruxndeq ndauj rawz, vaenz rawz, bi rawz, 15hawj aen rux rungh yuq ndaw pumhfax rungh daeuj doq dihndin." Gaj yowngh gaj baenz zaq gaemz dix hax naeh. 16Zoq zawh dij Sen chauq song aen dwx rux rungh: hawj aen dwx naeh gvanx zang'vaenz, hawj aen ix naeh gvanx zang'hwnz, dix goj chauq daengz ndaundiq ndoij. 17Dix aeu sowh aen rux rungh naeh nyaengx ndaw pumhfax, hawj paenqdix zauq zoah dihndin, 18hawj paenqdix gvanx zang'vaenz daj zang'hwnz, hawj paenqdix byaeg rungh daj ndaem. Dij Sen lez sowh aen rux rungh naeh zawh gaenq ndae. 19Miz zang'haemh, miz zangnaw, vaenznaeh zoq zawh vaenz daih siq.
20Dij Sen hax: "Hawj ndaw naemx miz doruxchaeg banh yawhyawh; hawj dij noag yuq now ndin, yuq ndaw pumhfax mbin." 21Dij Sen chauq do yuq ndaw naemx, do dwx, do ix, gaj yowngh gaj miz, banh yawhyawh, sowh do rawz goj miz. Dix goj chauq sowh dij noag rawz goj mbaeuq, hawj sowh dij noag rawz goj miz. Dij Sen taen gaenq naeh zawh gaenq ndae. 22Dij Sen gumx daengzle le gaenqnaeh, hax: "Yauq zowngx naeuz lai ux, banh yawhyawh, daem daengz ndaw haij nauq; dij noag goj yauq yuq dihndin zowngx naeuz lai ux." 23Miz zang'haemh, miz zangnaw, vaenznaeh zoq zawh vaenz daih haj.
24Dij Sen hax: "Hawj dihndin miz doruxchaeg, sowh do rawz goj miz, zoq zawh miz do ndaw rownz, do rux zanz, do ndaw bo, sowh do rawz goj miz." Gaj yowngh gaj baenz zaq gaemz dij Sen hax naeh. 25Dij Sen chauq do ndaw bo, do ndaw rownz, do rux zanz, sowh do rawz goj miz. Dij Sen lez gaenq naeh zawh gaenq ndae.
26Yaq dij Sen hax: "Gaenqraeuz chauq dij goanz, hawj dij goanz lumj raeuz, ndaej yaiz raeuz. Hawj dij goanz gvanx dij bya ndaw naemx, dij noag ndaw fax, do ndaw rownz, do rux zanz, gvanx daengz dihndin nauq." 27Dij Sen chauq dij goanz, hawj dij goanz lumj dix. Dij Sen chauq dij goanz, hawj dij goanz ndaej yaiz dix. Dix chauq dij goanz, miz puj zaiz, miz puj nyingz. 28Dij Sen gumx paenqdix, daj paenqdix hax: "Zowngx naeuz lai ux, hawj dij goanz raengh huhhuh, yuq dihndin daem nauq. Gux hawj su daj luglan su gvanx dihndin, gvanx dij bya ndaw naemx, dij noag ndaw fax, daengzle doruxchaeg dihndin nauq." 29Dij Sen hax: "Su goj ruxndeq, kaeujpyaek miz faenz, maex miz aen, aen dix miz faenz. Gux aeu daengzle le gaenqnaeh hawj su hoak gaenqjin. 30Gux hawj daengzle do dihndin, dij noag ndaw fax, do rux zanz, daengzle doruxchaeg jin maexnyaj daj kaeujpyaek." Yaq gaj yowngh gaj baenz zaq gaemz dij Sen hax naeh. 31Dix leztaen daengzle gaenqdix chauq naeh, gaj yowngh gaj ndae taeuq. Miz zang'haemh, miz zangnaw, vaenznaeh zoq zawh vaenz daih choak.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, Peace Publishing Co. All rights reserved.