མཛད་པ། 3

པེ་ཏྲོ་ཡིས་མི་ཞ་ཀྱོག་བ་གཅིག་བཅོས་ག་བྱེད་བ།

1ཉིན་མ་གཅིག་པེ་ཏྲོ་དང་ཡོ་ཧ་ནན་དགོང་མོ་ཆུ་ཚོད་གསུམ་པ་ཚོད་ལ།མཆོད་ཁང་དུ་གསོལ་བ་བརྒྱབ་ཏུ་འགྲོའི་འོད་ད་ལགས། དེ་གསོལ་བ་བརྒྱབ་ཀྱིན་གྱི་དུས་ཚོད་ལགས། 2མཆོད་ཁང་གི་སྒོ་མཛེས་བ་སྨྲ་གིན་གོ་རུ་སྐྱེས་ནས་ཧ་ལ་རང་ཞ་ཀྱོག་བ་འོད་མཁན་མི་གཅིག་བསྡད་ད་ལགས། མི་ཀྱ་ཡིས་ཁོ་ལ་ཉིན་མ་ཙོག་བའི་ཁུར་ཏེ་འོ་དུ་རུ་ཁྱེར་ཏེ་འོང་ང་ལགས། ཁོ་མཆོད་ཁང་དུ་འོང་གིན་འགྲོ་གིན་མི་ཀྱ་མུ་ལ་སློང་མ་བསླངས་ང་ལགས། 3པེ་ཏྲོ་དང་ཡོ་ཧ་ནན་ལ་མཆོད་ཁང་དུ་འགྲོ་གིན་གོ་མཐོང་རེ་ཁོས་ཁོང་ཀྱ་ལའང་སློང་མོ་བསླངས་བ་ལགས། 4ཁོང་ཀྱ་ཡིས་ཁོ་ལ་ག་མོ་མ་བལྟས་བ་ལགས། དེ་ནས་པེ་ཏྲོ་ཡིས་ཁོ་ལ་སྨྲས་བ་ལགས། འེ་ཕྱོགས་ལ་ལྟོས་དང་། 5དེ་ཧ་གོ་སྟེ་ཁོས་གཅིག་རེ་ཐོབ་བའི་འོད་གྲོ་བསམས་ཏེ་བལྟས་བ་ལགས།

6པེ་ཏྲོ་ཡིས་ཁོ་ལ་སྨྲས་བ་ལགས། ང་ལ་གསེར་དང་དངུལ་ནི་མེད། ཡིན་ནའང་ང་ལ་གི་འོད་ཀྱིན་གོ་འོ་དེ་ང་ཁྱེད་ལ་སྟེར་ཡས་ཡིན། ན་ཙ་རེད་ཀྱི་ཡེ་ཤུ་མཱ་ཤི་ཀའི་མཚན་ནས་ལངས་རེ་གོམ་པ་ཚུགས། 7དེ་ནས་ཁོས་འོ་དེ་མི་ལ་ལག་པ་གཡས་ནས་ཟིམ་ཏེ་བསླངས་བ་ལགས། འོ་དེ་གང་ལ་རང་འོ་དེ་མིའི་རྐང་པ་དང་རྐང་པའི་བོལ་ཚིགས་གོ་དྲག་པ་ལགས། 8དེ་ནས་ཁོ་ལམ་སང་འཕགས་ཏེ་ལངས་རེ་གོམ་པ་བཙུགས་པ་ལགས། དེ་ནས་ཁོ་གོམ་པ་བཙུགས་ཏེ། དེ་ནས་མཆོང་ད་བརྒྱབ་བའི། དཀོན་མཆོག་ལ་བསྟོད་སྒྲ་བཏང་བའི། ཁོང་ཀྱ་མུ་ལ་མཆོད་ཁང་ནང་དུ་སོང་བ་ལགས། 9འོ་བྱས་རེ་ནང་དུ་འཛུལ་རེ་མི་གི་རི་ཡིས་ཁོ་ལ་གོམ་པ་བཙུགས་ཀྱིན་དང་དཀོན་མཆོག་ལ་བསྟོད་སྒྲ་འབུལ་གྱིན་གོ་མཐོང་བ་ལགས། 10མཆོད་ཁང་གི་མཛེས་བ་སྨྲ་གིན་སྒོ་རུ་བསྡད་དེ་སློང་མ་བསླངས་ཀྱིན་ཁོ་རང་ལགས་སྨྲས་རེ་འོ་དེ་ཀྱ་ཡིས་ཁོ་ལ་ངོ་ཤེས་བ་ལགས། དེ་ནས་ཁོ་གང་བྱས་རེ་གོམ་པ་བཙུགས་ཀྱིན་བྱུང་བ་ལེ་སྨྲས་རེ་འོ་དེ་ཀྱ་དམི་ཅིག་གི་ཧ་ལས་བ་ལགས།

མཆོད་ཁང་དུ་པེ་ཏྲོ་ཡིས་ལབ་བཤད་པ།

11པེ་ཏྲོ་དང་ཡོ་ཧ་ནན་གྱི་གཤམ་པ་ལ་འོ་དེ་བཅོས་ག་བྱུང་བྱ་མི་གོ་འབྲངས་རེ་རྒྱུག་གིན་གོ་མཐོང་རེ། མི་གི་རི་ཧང་སངས་རེ་སོ་ལོ་མོན་སྨྲ་གིན་གཡབ་ཀུ་རུ་བང་བཏང་རེ་འོངས་བ་ལགས། 12འོ་དེ་མི་ཀྱ་ལ་མཐོང་རེ་པེ་ཏྲོ་ཡིས་སྨྲས་བ་ལགས། ཁྱེད་ཡིས་ར་ཨེལ་པ་ཀྱ་བོ། ཁྱེད་རང་ཀྱ་གི་བྱས་རེ་དེ་ལབ་ལ་ཧང་སངས་རེ་འེ་ལ་བལྟས་རེ་བསྡད་ད་ལེ། འེ་ཀྱ་ཡིས་འདི་མི་དེ་ལ་འེ་རི་ནུས་མཐུ་དང་ཆོས་སེམས་ཀྱིས་གོམ་པ་བཙུགས་ཀྱིན་བཟོས་བ་ལགས་སྨྲས་རེ་ཁྱེད་ཀྱ་བསམས་བའི་འོད་དེ། 13དེ་རེ་མ་ལགས། འོ་རི་དང་པོའི་མེ་མེ་ཨབ་ར་ཧམ་དང་། ཨི་སཱག་དང་། ཡ་ཀོབ་ཀྱི་དཀོན་མཆོག་གིས་རང་རང་གི་ཞབས་ཕྱི་ཡེ་ཤུ་ལ་བསྟོད་སྒྲ་མཛད་སོང་། ཁྱེད་རང་ཀྱ་ཡིས་ཡེ་ཤུ་ལ་བསད་དགོས་ཀྱི་ལགས་སྨྲས་རེ་རྩིས་བརྒྱབ་པ་ལགས། དེ་ནས་པི་ལ་ཏུ་ཡིས་ཁོང་པ་ལ་གིན་ད་མི་བྱེད་ད་འབོར་ཡས་བྱེད་འདིག་གང་ལའང་། ཁྱེད་རང་ཀྱ་ཡིས་ཁས་ལེན་མ་བྱས་སོང་། 14ཁྱེད་ཀྱ་ཡིས་དམ་པ་དང་དྲང་པོ་གོ་ལ་རྒྱབ་ལོག་སྟེ་ཁོང་པའི་ཚབ་ལ་མི་བསད་མཁན་གཅིག་ལ་གློད་གཏོང་སྨྲས་རེ་ཞུས་སོང་། 15ཚེ་སྲོག་གནང་མཁན་གོ་ལ་ཁྱེད་རང་ཀྱ་ཡིས་བསད་སོང་། ཡིན་ནའང་དཀོན་མཆོག་གིས་ཁོང་པ་ལ་འཆི་བ་ནས་གསོན་པོ་བཞེངས་བ་མཛད་སོང་། དེ་ལབ་ཀྱི་དཔང་པོ་འེ་ཀྱ་ཡིན། 16ཁྱེད་ཀྱ་ཡིས་མཐོང་གིན་དང་ངོ་ཤེས་ཀྱིན་འདི་མི་ཞ་ཀྱོག་བ་འདི་ལ་ཡེ་ཤུ་མཚན་ལ་དད་པ་བྱས་རེ་ཤུགས་འབྱོར་པ་ལགས། ཡེ་ཤུ་ཡི་མཚན་དང་ཁོང་གི་ཐོག་ནས་བྱུང་གིན་དད་པ་ཡིས་བྱས་རེ་ཁོ་བཅོས་ག་བྱུང་བ་ལགས་སྨྲས་རེ་ཁྱེད་རང་ཀྱ་གི་རི་ཡིས་མཐོང་ང་ལགས།

17ངའི་རོགས་བ་ཀྱ་བོ། ང་ལ་ཆ་འོད། ཁྱེད་རང་དང་ཁྱེད་རང་ཀྱ་ཡི་དཔོན་པོ་ཀྱ་ཡིས་རང་གི་བྱས་ཀྱིན་གོ་ཧ་མ་གོ་བ་ཡེ་ཤུ་ལ་བསད་པ་ལགས། 18ཡིན་ནའང་མཱ་ཤི་ཀ་ཡིས་སྡུག་པོ་འཁུར་དགོས་བ་ལགས་གསུངས་རེ་དཀོན་མཆོག་གིས་ཨེན་མ་ནས་ཧ་ལ། མངོན་ཤེས་མཁན་གི་རི་ཡིས་ཐོག་ནས་གསུངས་ཀྱིན་གོ་དེ་རེ་བྱས་རེ་གྲུབ་མཛད་པ་ལགས། 19འོ་བྱས་རེ་ད་ཁྱེད་རང་ཀྱ་རང་གི་སྡིག་པ་སྤངས་རེ་སེམས་སྒྱུར་བ་གཏོང་། དེ་ནས་དཀོན་མཆོག་རྩ་རུ་ལོག་སྟེ་ཤོག དེ་ནས་ཁོང་པ་ཡིས་ཁྱེད་རང་ཀྱ་ཡི་སྡིག་པ་གི་རི་གཙང་མ་མཛད་ཀྱི་ལགས། དེ་རེ་བྱས་རེ་ཁྱེད་རང་ཀྱ་ལ་དཀོན་མཆོག་ནས་སེམས་ནང་དུ་སྐྱེད་ད་དང་ཤུགས་འབྱོར་གྱི་ལགས། 20ཁྱེད་རང་ཀྱ་ཡི་ཕྱིར་ལ་བདམས་ད་ཐར་པ་གནང་མཁན་མཱ་ཤི་ཀ་ལ། དཀོན་མཆོག་གིས་བརྫངས་ང་མཛད་ཀྱི་ལགས། ཁོང་པ་གོ་ཡེ་ཤུ་རང་ལགས། 21ཡིན་ནའང་ཨེན་མ་ནས་ཧ་ལ་དམ་པ་མངོན་ཤེས་མཁན་ཀྱ་ཡིས་གསུངས་ཀྱིན་ཅོག་རེ། དཀོན་མཆོག་ནས་གི་རི་གསར་པ་མཛད་ཀྱིན་དུས་ཚོད་མ་ཡོང་ཐུག་པའི། ཡེ་ཤུ་ནམ་མཁའི་ཞིང་ཁམས་དུ་རང་བཞུགས་དགོས་ཀྱི་ལགས། 22མོ་ཤེ་ཡིས་འང་དེ་རེ་བྱས་རེ་གསུངས་འོད་ད་ལགས།

གཙོ་བོ་ཁྱོའི་དཀོན་མཆོག་གིས་ཁྱེད་ཀྱ་ཡི་ཕྱིར་ལ་ཁྱེད་ཀྱ་ཡི་རུས་རྩ་ནས།

ང་ཅོག་རེ་མངོན་ཤེས་མཁན་གཅིག་བརྫངས་ཀྱི་ལགས།

ཁོང་པ་ཡིས་གསུངས་ཀྱིན་ལབ་གི་རི་ཁྱེད་ཀྱ་ཡིས་ཉན་དགོས་ཀྱི་ལགས།#བཀའ་ཁྲིམས། ༡༨:༡༥;༡༨

23ཁོང་པ་ཡི་ལབ་མེད་ཉན་མཁན་མི་ཀྱ།

དཀོན་མཆོག་གི་མི་ཀྱ་ནས་ཁ་བཀྲལ་གྱི་ལགས།

དེ་ནས་མེད་ད་ལ་བཏང་གི་ལགས།#བཀའ་ཁྲིམས། ༡༨:༡༩

24སཱ་མུ་ཨེལ་དང་ཁོ་གཤམ་གྱི་མངོན་ཤེས་མཁན་གི་རི་ཡིས་དི་རིང་བྱུང་བྱ་དེ་ལབ་ཀྱ་ཡི་སྐོར་ལ་གསུངས་འོད་ད་ལགས། 25མངོན་ཤེས་མཁན་ཀྱ་ནས་གནང་ན་དཀོན་མཆོག་གི་དམ་བཅའ་ཀྱ་ཁྱེད་རང་ཀྱ་ཡི་ཕྱིར་ལ་རང་ལགས། དེ་ནས་དཀོན་མཆོག་གིས་ཁྱེད་རང་ཀྱ་ཡི་དང་པོའི་ཕ་མ་ཀྱ་མུ་ལ་བཞག་ཞ་དམ་བཅའ་གོ། ཁྱེད་རང་ཀྱ་ཡི་ཕྱིར་ལའང་ལགས། འོ་རི་མེ་མེ་ཨབ་ར་ཧམ་ལ་དཀོན་མཆོག་གིས་ཁྱོའི་ཕྲུ་བ་ཀྱ་ནས་ང་འཛམ་བུ་གླིང་གི་མི་རིགས་གི་རི་ལ་བྱིན་རླབས་སྟེར་ཡས་ཡིན་སྨྲས་རེ་གསུངས་འོད་ད་ལགས།#བཀོད་པ། ༡༢:༣;༢༢:༡༨;༢༦:༤ 26ཁྱེད་ཀྱ་ལ་ཁྱེད་རི་བྱ་བ་ངན་པ་ནས་ལོག་སྟེ་འོ་དེ་བྱིན་རླབས་གནང་ཡས་ལ། དཀོན་མཆོག་གིས་རང་གིས་བདམས་ད་ཞབས་ཕྱི་བ་ཡེ་ཤུ་ལ་འགོ་མ་ཁྱེད་ཀྱ་རྩ་རུ་བརྫངས་བ་ལགས།།

നിലവിൽ തിരഞ്ഞെടുത്തിരിക്കുന്നു:

མཛད་པ། 3: LOY

ഹൈലൈറ്റ് ചെയ്യുക

പങ്ക് വെക്കു

പകർത്തുക