Mataio 5
5
1Iesu a’a aruru inamu‐eimakei’inave U akapu inanave, i‐pa’anave ane. Una aivara‐oro U ai aneaka’ane,
2Uku ipekiai U erau voa kuruenave,
3Imunu unu oea‐rokoa a’a‐oro kopai keina, uku pani muku unu eiei oro eiai uakeina.
4A’a‐oro vikirina omo namea anu mua eiai oro kopai keina, uku oro paiekava?-?keiakana.
5Lai kekepa a’a‐oro kopai keina, uku pani va’au oro omoro roikiakana.
6Oro awku oro navainavaili’ina, kamuri lavere‐li’ina, opara anana eiai, oro kopai keina, uku oro veruku lai aukiakeiakana.
7Umu‐lia a’a‐oro awku kopai keina, uku oro umu miakana.
8Lai urupu a’a‐oro kopai keina, uku oro Eloi inamu‐oiakana.
9Airu‐lia a’a‐oro kopai keina, uku Eloi inu mere oro oroiakeiakana.
10Oro awku mani‐ekavakeia’ane euna opara anana eiai oro kopai keina, uku pani muku unu eiei oro eiai uakeina.
11A’a‐oro anara‐nakava’?-?ane, oro mani‐nakava’ane, onai‐nalauane ane, uku Nai eiai, noro kopai keina.
12Kopaili’ine, ekeli’ine kopai‐mai eiai, uku nomo kavani pani muku ai ovara keina: laikorava a’a‐oro nomo pani paku ai oro orau mani‐ekanave.
13Noro pani va’au unu ere aura keina. Ere aura una iara paukiane oiana uakei’i ere aura iara‐eai? ou ere aura ima keiape pei eiai, u kaiakeina, a’a anu are arau ai oiniakeina ane.
14Noro pani va’au unu pamea keina. Pai’iri akapu upa mere la‐okavakeina, ou pai’iri vaua‐okavakeiai liapea,
15Lamepa awku a’a iau a‐awkunakea maua laru ai pa‐okavai, lamepa una mako ai pa‐okavakeina pakara ai; lamepa pamea ekuna a’a uriria eiai marea laru ai.
16Nomo pamea evao’evao‐li’inamoki a’a anu paku ai, nomo opara ima oro inamu‐eiane, nomo Mai pani muku ai oro avioiane ane.
17Noro pa laikoravai Nai anea’ane Vupu oavai, laikorava a’a anu voa ane; uku oavai Nai aneape, a uku evere’eai Nai anena.
18Nai kurunaina kapoi, Anea’anea pani muku, pani va’au ane, upupuakeia’ane, voa mau’u Vupu unu voa mere upupuakeipea anea’?-?anea Vupu unu voa uriria evere’eakeia’ane.
19Ou uku eiai a’a kavakava ei Vupu unu aua mau’u inaka liakana, u a’a‐oro orau liai ipekiakana, pani muku eiei laru ai u avioia mau’u miakana: a a’a kavakava ei Vupu kamaiali’ina, ipekina ane, avioia ovara pani muku eiei laru ai u miakana.
20Nai kurunaina, Nomo opara anana Kikiria a’a, Parisea a’a ane enu opara anana upai la’avape‐liane, pani muku unu eiei laru ai noro ikiriapea kapoi.
21Noro viriane euna i eni a’a‐oro ei voa kuruakei’inave. A’a pa avai; a’a kavakava a’a a’ana kavana anu paku ai u voa veve’eakeiakana.
22A Nai kurunaina, A’a kavakava uku eria ia’ia keina una aroa a’a eiai u voa vevea anu e’ei ai keina: a’a kavakava una aroa a’a erau voa kuruna, Lai eria vaki e, u e’ei ai keina Sunederi inu paku ai enavai voa vevea eiai; a a’a kavakava erau voa kuruna, Ni avuavu a’a, u Gehena anu iau e’ei ai keina.
23Ni epie‐pei ni mi‐anea’ane iaa pakara ai, iou ai ni laikora‐nikiane ni aroa a’a ia’ia keina uku ni;
24Ni epie‐pei i‐ave’ene iaa pakara paku ai, enara ni aroa a’a ai norere lai kekepe evere’eakeia’ane‐iai, vairune ni epie‐pei awkuai.
25Ni mani a’a kiripai emoki lai kekepe li’inamoki ni u kiripai pokoiane, u voa vevea amua nikunavaia, voa vevea amua polikimani nikunavaia, ni piriakeinavaia piria marea laru ai.
26Nai kurunina kapoi, Piria marea mere ni ururua?-?keiapea anea’anea kavani iki ni awkuane.
27Noro viriane euna i eni a’a ei voa kuruakei’inave, Eve’eve ni pa liai.
28A Nai kurunaina, A’a kavakava a’e i’imaliai inamu‐oina, una umu laru ai u eve’eveliane euna.
29Ni namea liane ni inamu miki eiai, inamu miki uakine, ni mere kaiene: ima miki ni eiai ni kape‐aru monou oavakeia ni kape iki Gehena ai kaiakeinavaia.
30Ni namea liane uku ni eve miki eiai, eve miki eine ni mere kaiene: ima miki ni eiai ni kape‐aru monou oavakeia ni kape iki Gehena ai kaia‐keinavaia.
31Ei voa awku kuruakei’inave, A’a una a’e unioiane, unioia kikiria una a’e u awkunamoki.
32A Nai kurunaina A’a kavakava una a’e unioina, a’e kana a’e peane, una a’e eve’eve‐liai u ena: a’a mo ei a’e miakana una a’e eiai u eve’eveliakana.
33Voa mo noro viriane euna i eni a’a kuruakei’inave, Ni voa pa aviai, ni kuruei voa Iehova eiai ni evere’eakana.
34A Nai kurunina, Kuruei voa pa kuruai; i Pani Muku kuruei voa pa kuruai uku iou ai Eloi inu amua pakara keina:
35Uku pani va’au peo; uku pani va’au Una are enu pakara keina: uku Ierusalema peo, uku Amua ovara anu pai’iri ioure.
36Kuruei voa pa kuruai ni uku eiai, uku ni iva eria mi’ina kimari monou urupu eai moroa eai ane.
37Ni voa lia naea, peo naea, lia kurunamoki, naea, peo kurunamoki, voa aila mere lipi anena,
38Noro viriane euna ei voa kuruakei’inave, Inamu uku inamu eiai, ni’iri uku ni’iri eiai:
39A Nai kurunaina, Iara a’a iara pa awkavai: a’a ni variri miki mekai vakiane, urukine ni variri keau una paku ai.
40A’a voa vevea amua paku ai ni eme umuliane kavani eiai, ni piliaro awku u mi’inamoki.
41A’a ni’inuane una aruku aki eiei monou vakaruai u kiripai eiei rere enara.
42Nawki a’a pei awkune, kekerea a’a mere pa urukiai.
43Noro viriane euna ei voa kuruakei’inave, Ni a’a umu‐awkane, ni mani a’a vai’i‐awkane.
44A Nai kurunaina, Nomo mani umu‐ekane, oro awku ivave nakana noro kopai‐ekane, oro awku vai’i‐nakana noro paiekane, oro awku mani‐nakana oro eiai nawki‐awkane;
45Noro nomo Mai pani muku ai inu mere keia’ane: uku Una lare inavai U evere’ena lipi a’a, ima a’a ane, eiai; opara anana a’a eiai, opara kukia a’a eiai, U lai okaivirina.
46A’a ane oro umu‐nakana noro awku umu‐ekava’ane oi kavani ana noro mi’ina? Aru moni akoa a’a‐oro orau liapeana?
47Nomo a’a‐oro e keponaiane oi kavani ana noro mi’ina, Aru moni akoa a’a‐oro orau liapeana?
48Noro opara anana evere’‐ene orau nomo Mai pani muku ai opara anana keina.
നിലവിൽ തിരഞ്ഞെടുത്തിരിക്കുന്നു:
Mataio 5: IAR1920
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1920.
Mataio 5
5
1Iesu a’a aruru inamu‐eimakei’inave U akapu inanave, i‐pa’anave ane. Una aivara‐oro U ai aneaka’ane,
2Uku ipekiai U erau voa kuruenave,
3Imunu unu oea‐rokoa a’a‐oro kopai keina, uku pani muku unu eiei oro eiai uakeina.
4A’a‐oro vikirina omo namea anu mua eiai oro kopai keina, uku oro paiekava?-?keiakana.
5Lai kekepa a’a‐oro kopai keina, uku pani va’au oro omoro roikiakana.
6Oro awku oro navainavaili’ina, kamuri lavere‐li’ina, opara anana eiai, oro kopai keina, uku oro veruku lai aukiakeiakana.
7Umu‐lia a’a‐oro awku kopai keina, uku oro umu miakana.
8Lai urupu a’a‐oro kopai keina, uku oro Eloi inamu‐oiakana.
9Airu‐lia a’a‐oro kopai keina, uku Eloi inu mere oro oroiakeiakana.
10Oro awku mani‐ekavakeia’ane euna opara anana eiai oro kopai keina, uku pani muku unu eiei oro eiai uakeina.
11A’a‐oro anara‐nakava’?-?ane, oro mani‐nakava’ane, onai‐nalauane ane, uku Nai eiai, noro kopai keina.
12Kopaili’ine, ekeli’ine kopai‐mai eiai, uku nomo kavani pani muku ai ovara keina: laikorava a’a‐oro nomo pani paku ai oro orau mani‐ekanave.
13Noro pani va’au unu ere aura keina. Ere aura una iara paukiane oiana uakei’i ere aura iara‐eai? ou ere aura ima keiape pei eiai, u kaiakeina, a’a anu are arau ai oiniakeina ane.
14Noro pani va’au unu pamea keina. Pai’iri akapu upa mere la‐okavakeina, ou pai’iri vaua‐okavakeiai liapea,
15Lamepa awku a’a iau a‐awkunakea maua laru ai pa‐okavai, lamepa una mako ai pa‐okavakeina pakara ai; lamepa pamea ekuna a’a uriria eiai marea laru ai.
16Nomo pamea evao’evao‐li’inamoki a’a anu paku ai, nomo opara ima oro inamu‐eiane, nomo Mai pani muku ai oro avioiane ane.
17Noro pa laikoravai Nai anea’ane Vupu oavai, laikorava a’a anu voa ane; uku oavai Nai aneape, a uku evere’eai Nai anena.
18Nai kurunaina kapoi, Anea’anea pani muku, pani va’au ane, upupuakeia’ane, voa mau’u Vupu unu voa mere upupuakeipea anea’?-?anea Vupu unu voa uriria evere’eakeia’ane.
19Ou uku eiai a’a kavakava ei Vupu unu aua mau’u inaka liakana, u a’a‐oro orau liai ipekiakana, pani muku eiei laru ai u avioia mau’u miakana: a a’a kavakava ei Vupu kamaiali’ina, ipekina ane, avioia ovara pani muku eiei laru ai u miakana.
20Nai kurunaina, Nomo opara anana Kikiria a’a, Parisea a’a ane enu opara anana upai la’avape‐liane, pani muku unu eiei laru ai noro ikiriapea kapoi.
21Noro viriane euna i eni a’a‐oro ei voa kuruakei’inave. A’a pa avai; a’a kavakava a’a a’ana kavana anu paku ai u voa veve’eakeiakana.
22A Nai kurunaina, A’a kavakava uku eria ia’ia keina una aroa a’a eiai u voa vevea anu e’ei ai keina: a’a kavakava una aroa a’a erau voa kuruna, Lai eria vaki e, u e’ei ai keina Sunederi inu paku ai enavai voa vevea eiai; a a’a kavakava erau voa kuruna, Ni avuavu a’a, u Gehena anu iau e’ei ai keina.
23Ni epie‐pei ni mi‐anea’ane iaa pakara ai, iou ai ni laikora‐nikiane ni aroa a’a ia’ia keina uku ni;
24Ni epie‐pei i‐ave’ene iaa pakara paku ai, enara ni aroa a’a ai norere lai kekepe evere’eakeia’ane‐iai, vairune ni epie‐pei awkuai.
25Ni mani a’a kiripai emoki lai kekepe li’inamoki ni u kiripai pokoiane, u voa vevea amua nikunavaia, voa vevea amua polikimani nikunavaia, ni piriakeinavaia piria marea laru ai.
26Nai kurunina kapoi, Piria marea mere ni ururua?-?keiapea anea’anea kavani iki ni awkuane.
27Noro viriane euna i eni a’a ei voa kuruakei’inave, Eve’eve ni pa liai.
28A Nai kurunaina, A’a kavakava a’e i’imaliai inamu‐oina, una umu laru ai u eve’eveliane euna.
29Ni namea liane ni inamu miki eiai, inamu miki uakine, ni mere kaiene: ima miki ni eiai ni kape‐aru monou oavakeia ni kape iki Gehena ai kaiakeinavaia.
30Ni namea liane uku ni eve miki eiai, eve miki eine ni mere kaiene: ima miki ni eiai ni kape‐aru monou oavakeia ni kape iki Gehena ai kaia‐keinavaia.
31Ei voa awku kuruakei’inave, A’a una a’e unioiane, unioia kikiria una a’e u awkunamoki.
32A Nai kurunaina A’a kavakava una a’e unioina, a’e kana a’e peane, una a’e eve’eve‐liai u ena: a’a mo ei a’e miakana una a’e eiai u eve’eveliakana.
33Voa mo noro viriane euna i eni a’a kuruakei’inave, Ni voa pa aviai, ni kuruei voa Iehova eiai ni evere’eakana.
34A Nai kurunina, Kuruei voa pa kuruai; i Pani Muku kuruei voa pa kuruai uku iou ai Eloi inu amua pakara keina:
35Uku pani va’au peo; uku pani va’au Una are enu pakara keina: uku Ierusalema peo, uku Amua ovara anu pai’iri ioure.
36Kuruei voa pa kuruai ni uku eiai, uku ni iva eria mi’ina kimari monou urupu eai moroa eai ane.
37Ni voa lia naea, peo naea, lia kurunamoki, naea, peo kurunamoki, voa aila mere lipi anena,
38Noro viriane euna ei voa kuruakei’inave, Inamu uku inamu eiai, ni’iri uku ni’iri eiai:
39A Nai kurunaina, Iara a’a iara pa awkavai: a’a ni variri miki mekai vakiane, urukine ni variri keau una paku ai.
40A’a voa vevea amua paku ai ni eme umuliane kavani eiai, ni piliaro awku u mi’inamoki.
41A’a ni’inuane una aruku aki eiei monou vakaruai u kiripai eiei rere enara.
42Nawki a’a pei awkune, kekerea a’a mere pa urukiai.
43Noro viriane euna ei voa kuruakei’inave, Ni a’a umu‐awkane, ni mani a’a vai’i‐awkane.
44A Nai kurunaina, Nomo mani umu‐ekane, oro awku ivave nakana noro kopai‐ekane, oro awku vai’i‐nakana noro paiekane, oro awku mani‐nakana oro eiai nawki‐awkane;
45Noro nomo Mai pani muku ai inu mere keia’ane: uku Una lare inavai U evere’ena lipi a’a, ima a’a ane, eiai; opara anana a’a eiai, opara kukia a’a eiai, U lai okaivirina.
46A’a ane oro umu‐nakana noro awku umu‐ekava’ane oi kavani ana noro mi’ina? Aru moni akoa a’a‐oro orau liapeana?
47Nomo a’a‐oro e keponaiane oi kavani ana noro mi’ina, Aru moni akoa a’a‐oro orau liapeana?
48Noro opara anana evere’‐ene orau nomo Mai pani muku ai opara anana keina.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1920.