Mataio 9
9
1U mapea lakenave Ururu ke’enave ane, Una pai’iri ai U pi’inave.
2Varuvaru maia a’a kile upa mere keimakei’inave oro U ai mi’‐anenave: Iesu omo pirimaroakoa inamu‐oimakei’inave varuvaru maia a’a U erau voa kurunave, Mere e, ivirili’ine; ni namea paue‐emiakeina.
3Omo lai laru ai Kikiria a’a varomo erau voa kurunave, Ei a’a mai‐voa kuruna.
4Iesu omo lai ipalimakei’inave U erau voa veve’einave. Uku oiana nomo umu laru ai noro lai lipi mi’ina?
5Oi voa ana paraka keina voa kuruai, Ni namea paue‐emiakeina ana; mo, ei voa ana voa kuruai, La’ane, are rokone ana?
6A uku ipanakiai A’a anu Mere iva mi’ina pani va’au ai namea paue’emiai, (varuvaru maia a’a U erau voa kurunave,) La’ane, ni kile uakine, ni marea ai enara.
7U la’anave, una marea ai u enanave ane.
8A’a aruru ei awkuinamu‐oiaka’ane oro varua’anave, Eloi avioinave ane uku ei iva eiai U a’a awkuaka.
9Iesu awawpemakei’inave a’a monou U inamu‐oinave, nawi Mataio oroiakei’inave, moni akoa marea ai pa’amakei’inave: Iesu erau voa awkinave, E’e’ikane. U la’anave, e’e’okanave ane,
10Iesu pei navai marea laru ai pa’amakei‐inave, moni akoa a’a aila, namea a’a ane, U ai anenave U kiripai Una aivara‐oro ane oro papa’anave.
11Parisea a’a‐oro ei opara inamu‐oimakei’inave, Una aivara erau voa oro veve’einave, Uku oiana nomo Amua pei na’amakina moni akoa a’a kiripai, namea a’a kiripai ane?
12Iesu omo voa viriaka’ane U erau voa kuruenave, Kape venea a’a lapu a’a oea‐rokoapea; maia a’a‐oro lapu a’a oea‐rokona.
13Enara ei voa anu miki auira, Umu Nai umuli’ina, epie pei peo: Opara anana a’a laea‐elauai Nai aneakape, a namea a’a‐oro lai urukiai oro laea‐elauai Nai aneaka.
14Ioane enu aivara‐oro U ai anenave, erau voa veve’enave ane, Uku oiana enei, Parisea a’a‐oro awku, pani aila pei eieikana, a Ni aivara‐oro pei eieikapea?
15Iesu erau voa veve’einave, A’e‐mia vaki inu ukua pei lariliai ama‐li’i a’e‐mia vaki oro kiripai pokoiane? a kurua lare aneakana a’e‐mia vaki oro mere iou?-?miakeiakana, ou pani ai oro pei lariliakana.
16A’a kapeo una a’a kape ekoroai kapua nawawrea araupu a’a kape upa mere kikirina; uku kapua nawawrea araupu a’a kape koravakana.
17A’a kapeo iri uru ika nawawrea araupu maina laru ai orekana; maina loiane iri uru ika upuna, maina awku oavakeina; a iri uru ika nawawrea maina nawawrea laru ai oro orekana, orau uru ika, maina ane, imakeina.
18U ei voa kurumakei’inave ane, Amua a’a monou U ai anenave, Una paku ai are‐epo ai’inave ane, erau voa kurumakei‐inave, Na paka eai imuakeina: anene, Ni eve u upa mere aine, u rokoakana.
19Iesu la’anave U amua a’a e’e’okanave ane, orau Una aivara‐oro awku li’inave.
20A’e monou aumeia 12 aro maia miaka U neko ai anenave, Una a’a kape enu kari u nekenave.
21Uku una lai laru ai u erau voa kurunave, Nai Una a’a kape e nekeane nai auka?-?rikiakeiakana.
22Iesu urukinave U ei a’e inamu‐oiaka’ane U erau voa kurunave, Paka e, kopaili’ine, ni pirimaroakoa aukarinika’ane euna. Ou pani mere a’e enu kape aukarikavakei’inave.
23Iesu amua anu marea ikirimakei’inave, awvi‐lia a’a U inamu‐eimakei’inave ane, a’a aruru awku awni mu’u mailau awkamakei’inave, U erau voa kuruenave;
24Laikine, ei paka imuapea, u awawkeina. Voa kamukamu oro keke‐awkanave.
25A’a aruru iki ai laeiakei’inave ane, lalava laru ai U ikirinave, paka anu eve U a’akinave, paka la’anave ane.
26Ei awku unu uru pani va’au iki upurukiakei’inave.
27Iesu ou marea mere enamakei‐inave ane inamu‐apua a’a rere e’e’okanave, erau voa laealimakei’inave, Umu akane, Davida anu mere e.
28U marea laru ai ikirimaneaka’ane inamu‐apua a’a rere U ai ikirinave: Iesu erau voa kuruenave. Norere ama?-?pirimaroakoa’i Nai ei awku liai‐li’ina? Orere kurunave, Lia, Amua e.
29Orere enu inamu U nekenave erau voa kurunave ane, Norere enu pirimaroakoa orau norere eiai orau evere’enamoki.
30Orere enu inamu laka’?-?akei’inave; Iesu orere erau voa emoki ekinave, Norere oivirine a’a e ipali’inavaia.
31Orere iki ai eleaka’ane Una uru orere upurukinave pani va’au iki ai.
32Orere eleaka’ane a’a‐oro momoa a’a U ai ora’anave, ei a’a avaea‐lipi miaka.
33Avaea‐lipi ei a’a mere laoiakei’inave ane momoa a’a voa kurunave: a’a aruru varua’anave, erau voa kurunave ane, Ei awku Isaraela pani va’au inamu‐oiakeiape.
34Parisea a’a‐oro erau voa kurunave, I avaea‐lipi inu amua ei a’a avaea‐lipi laeina.
35Pai’iri e e uriria Iesu aki‐enanave, omo omoro marea laru ai ipawkimakei’inave, pani muku eiei inu Iva Voa omoro kurumakei’inave, maia kavakava aukarika’?-?anave, a’a aruru unu eapa maia uriria U paue’enave ane.
36U a’a aruru inamu‐eiaka’ane U umu‐ekanave, uku oro oia eavulimakei’?-?inave, oro keke’e laeiakei’inave, mamoe orau oiviria a’a eria mi’ina.
37Una aivara‐oro U erau voa kuruenave, Roikia‐uru aila miki keina, roikia a’a ailapea.
38Roikia‐uru unu Amua nawki‐awkane U iaki a’a ekaiviriane‐iai Una roikia‐uru roikiai.
നിലവിൽ തിരഞ്ഞെടുത്തിരിക്കുന്നു:
Mataio 9: IAR1920
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1920.
Mataio 9
9
1U mapea lakenave Ururu ke’enave ane, Una pai’iri ai U pi’inave.
2Varuvaru maia a’a kile upa mere keimakei’inave oro U ai mi’‐anenave: Iesu omo pirimaroakoa inamu‐oimakei’inave varuvaru maia a’a U erau voa kurunave, Mere e, ivirili’ine; ni namea paue‐emiakeina.
3Omo lai laru ai Kikiria a’a varomo erau voa kurunave, Ei a’a mai‐voa kuruna.
4Iesu omo lai ipalimakei’inave U erau voa veve’einave. Uku oiana nomo umu laru ai noro lai lipi mi’ina?
5Oi voa ana paraka keina voa kuruai, Ni namea paue‐emiakeina ana; mo, ei voa ana voa kuruai, La’ane, are rokone ana?
6A uku ipanakiai A’a anu Mere iva mi’ina pani va’au ai namea paue’emiai, (varuvaru maia a’a U erau voa kurunave,) La’ane, ni kile uakine, ni marea ai enara.
7U la’anave, una marea ai u enanave ane.
8A’a aruru ei awkuinamu‐oiaka’ane oro varua’anave, Eloi avioinave ane uku ei iva eiai U a’a awkuaka.
9Iesu awawpemakei’inave a’a monou U inamu‐oinave, nawi Mataio oroiakei’inave, moni akoa marea ai pa’amakei’inave: Iesu erau voa awkinave, E’e’ikane. U la’anave, e’e’okanave ane,
10Iesu pei navai marea laru ai pa’amakei‐inave, moni akoa a’a aila, namea a’a ane, U ai anenave U kiripai Una aivara‐oro ane oro papa’anave.
11Parisea a’a‐oro ei opara inamu‐oimakei’inave, Una aivara erau voa oro veve’einave, Uku oiana nomo Amua pei na’amakina moni akoa a’a kiripai, namea a’a kiripai ane?
12Iesu omo voa viriaka’ane U erau voa kuruenave, Kape venea a’a lapu a’a oea‐rokoapea; maia a’a‐oro lapu a’a oea‐rokona.
13Enara ei voa anu miki auira, Umu Nai umuli’ina, epie pei peo: Opara anana a’a laea‐elauai Nai aneakape, a namea a’a‐oro lai urukiai oro laea‐elauai Nai aneaka.
14Ioane enu aivara‐oro U ai anenave, erau voa veve’enave ane, Uku oiana enei, Parisea a’a‐oro awku, pani aila pei eieikana, a Ni aivara‐oro pei eieikapea?
15Iesu erau voa veve’einave, A’e‐mia vaki inu ukua pei lariliai ama‐li’i a’e‐mia vaki oro kiripai pokoiane? a kurua lare aneakana a’e‐mia vaki oro mere iou?-?miakeiakana, ou pani ai oro pei lariliakana.
16A’a kapeo una a’a kape ekoroai kapua nawawrea araupu a’a kape upa mere kikirina; uku kapua nawawrea araupu a’a kape koravakana.
17A’a kapeo iri uru ika nawawrea araupu maina laru ai orekana; maina loiane iri uru ika upuna, maina awku oavakeina; a iri uru ika nawawrea maina nawawrea laru ai oro orekana, orau uru ika, maina ane, imakeina.
18U ei voa kurumakei’inave ane, Amua a’a monou U ai anenave, Una paku ai are‐epo ai’inave ane, erau voa kurumakei‐inave, Na paka eai imuakeina: anene, Ni eve u upa mere aine, u rokoakana.
19Iesu la’anave U amua a’a e’e’okanave ane, orau Una aivara‐oro awku li’inave.
20A’e monou aumeia 12 aro maia miaka U neko ai anenave, Una a’a kape enu kari u nekenave.
21Uku una lai laru ai u erau voa kurunave, Nai Una a’a kape e nekeane nai auka?-?rikiakeiakana.
22Iesu urukinave U ei a’e inamu‐oiaka’ane U erau voa kurunave, Paka e, kopaili’ine, ni pirimaroakoa aukarinika’ane euna. Ou pani mere a’e enu kape aukarikavakei’inave.
23Iesu amua anu marea ikirimakei’inave, awvi‐lia a’a U inamu‐eimakei’inave ane, a’a aruru awku awni mu’u mailau awkamakei’inave, U erau voa kuruenave;
24Laikine, ei paka imuapea, u awawkeina. Voa kamukamu oro keke‐awkanave.
25A’a aruru iki ai laeiakei’inave ane, lalava laru ai U ikirinave, paka anu eve U a’akinave, paka la’anave ane.
26Ei awku unu uru pani va’au iki upurukiakei’inave.
27Iesu ou marea mere enamakei‐inave ane inamu‐apua a’a rere e’e’okanave, erau voa laealimakei’inave, Umu akane, Davida anu mere e.
28U marea laru ai ikirimaneaka’ane inamu‐apua a’a rere U ai ikirinave: Iesu erau voa kuruenave. Norere ama?-?pirimaroakoa’i Nai ei awku liai‐li’ina? Orere kurunave, Lia, Amua e.
29Orere enu inamu U nekenave erau voa kurunave ane, Norere enu pirimaroakoa orau norere eiai orau evere’enamoki.
30Orere enu inamu laka’?-?akei’inave; Iesu orere erau voa emoki ekinave, Norere oivirine a’a e ipali’inavaia.
31Orere iki ai eleaka’ane Una uru orere upurukinave pani va’au iki ai.
32Orere eleaka’ane a’a‐oro momoa a’a U ai ora’anave, ei a’a avaea‐lipi miaka.
33Avaea‐lipi ei a’a mere laoiakei’inave ane momoa a’a voa kurunave: a’a aruru varua’anave, erau voa kurunave ane, Ei awku Isaraela pani va’au inamu‐oiakeiape.
34Parisea a’a‐oro erau voa kurunave, I avaea‐lipi inu amua ei a’a avaea‐lipi laeina.
35Pai’iri e e uriria Iesu aki‐enanave, omo omoro marea laru ai ipawkimakei’inave, pani muku eiei inu Iva Voa omoro kurumakei’inave, maia kavakava aukarika’?-?anave, a’a aruru unu eapa maia uriria U paue’enave ane.
36U a’a aruru inamu‐eiaka’ane U umu‐ekanave, uku oro oia eavulimakei’?-?inave, oro keke’e laeiakei’inave, mamoe orau oiviria a’a eria mi’ina.
37Una aivara‐oro U erau voa kuruenave, Roikia‐uru aila miki keina, roikia a’a ailapea.
38Roikia‐uru unu Amua nawki‐awkane U iaki a’a ekaiviriane‐iai Una roikia‐uru roikiai.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1920.