मत्ती 21
21
येशू यरूशलेमपा गालाते
(मर्कूस ११:१-११; लूका १९:२८-४०; यूहन्ना १२:१२-१९)
1थेबाबरी डुइनराङ ओतान। था यरूशलेमदु लेपाला थोक थारी मेतान। थेबा जैतुन बोमदु बेथफागे सिराते युलनापा लेपा खाबा ओतान। थेरू लेप्नामेकी येशूकी चेलातेबा मेन्दा ङिला दोन्दु काताङगीन 2“लो ख्योकोन उफि युलनापा ग्युक। थे युलनापा स्यूक्पाज्यीकताङ थेरू गधाज्यीकताङ थे कीउ ताकीन ज्याक्पाते ख्योकोनगी थोङगो। थेबा ङिकारला ताङला च्याला देपा खोरच्योक। 3गधा तोङजीन सुइँदेकी ख्योकोनला च्यिला तोङगीते सिन सासीन ‘प्रभु येशूला गोसुङलो,’ सिन सि। थेमे थेकी छ्याःङ मिसिरो,” सिन साकीन थेरूकी गोमा गोमा ताङसुङ। 4दोक ओङगीन थाङबो परमेश्वर बात खित्कान्ते मिकी साबाते दि बात साबा च्योकराङ ओङसुङ। थेकीचेन
5“सियोन सारगी मिओनला दि बात सि। चुक सासीन ख्योकोन गेल्बोचेन गेल्बो च्योक छ्ये मिक्किता खाला
गधे लाक्तु जेला थेपा ओङगीन ओत। थे गधे कीउकी लाक्तुङ जेला ख्याम्ग्यो,” सिन साबा ओतान।#जकरिया ९:९
6थेमे थे चेला ङिबोकी येशूकी साबा च्योकराङ खाईन 7गधाताङ गधे कीउला ताङगीन खुला लिच्युङ। थेमे खोपरोङगी लाक्तु खोन्दाते खोलाकओन टोल्गीन गधा ङिबो लाक्तु तिङसुङ। थेमे येशू गधे कीउकी लाक जेकीन ख्याम्सुङ। 8थे थोक खाईन ख्याम्नामेकी थेत्ताङ ख्याम्गीन ओताते मि काल्बेईकी खोपरोङगी लाक्तु खोन्दाते खोलाक टोल्गीन लामला तिङसुङ। कोईकीचेन थेङला ओताते दोङबो हाँगाओनराङ च्यागीन लामला तिङसुङ। दोक खाईन थेबेकी थेला मान खासुङ। 9थेमे थे गोमाङ तिरीङ ख्याम्गीन ओताते मिओनगी छेरा खिनकामा “दाऊद सन्तानते जय जय ओङस्यीत। प्रभु परमेश्वरगी देमा ताङाते गेल्बो काल्बासाक सोन्स्यीत। थेते जय जय ओङस्यीत। स्वर्गने देत्कान्ते प्रभु परमेश्वरते जय जय ओङस्यीत,” सिन सिराला स्यूसुङ।
10थोक खिन येशू यरूशलेमपा ख्योल्सुङ। थेपा ख्योल्जीन थेरू सार खाङ हल्ला खल्ला ओङगीन थेरू मिओनगी “दि मि सु ईन्दे?” सिन येशूताङ ओताते मिओनला ठाप्ला स्यूसुङ। 11थेमे थेबेकी “दि परमेश्वर बात खित्कान्ते येशू ईन। दि गालील अञ्चल नासरतपे मि ईन,” सिन लाःप्सुङ।
येशूकी परमेश्वर मन्दिरदु खाबाते काम
(मर्कूस ११:१५-१९; लूका १९:४५-४८; यूहन्ना २:१३-१६)
12थेमे येशू परमेश्वर मन्दिरदु गाल्सुङ। थेकी थेरू मन्दिर स्याङके नाङला देत्ला छोङकान्ते थेमे ङ्योकान्ते मि गाङेला फिनामा तेन्गीन ताङसुङ। थोक खित्जीन थेकी थेरू पैसा ज्येला तेरकान्ते मिओनते टेबलतेबा रिल्गीन ताङसुङ। थेमे गन्दीमा छोङाला देताते मिओन देताते टेबलतेबाङ रिल्गीन ताङसुङ। 13थेकी “परमेश्वर बातला परमेश्वरगी ‘ङे खाम्बा ङाला प्रार्थना खिताला जोबाते ईन,’ सिन साबा ओत। तर ख्योकोनगीनी दुरू चोर डाँका देत्च्येते ठाउँ च्योकका जोदुक। ख्योकोन दुरूकी थेन्ला ग्युक,” सिन होथेबा गाङेला तेन्गीन ताङसुङ।
14थेमे अन्धतेताङ ख्याम्बा मुथुप्कान्ते कुज्येतेबा थेरू मन्दिरदु येशू ओत्सादु ख्योल्सुङ। थेमे थेकी थेबाला मिगी थोङच्या थेमे ख्याम्बा थुप्च्या जोकीन बिन्सुङ। 15थेकी थोक अचम्बते काम खिता थोङगीन थेमे थेङला मन्दिर नाङला ओताते फिजाओनगी “दाऊद सन्तानते जय जय ओङस्यीत,” सिन छेरा खिन थेला थोक खाईन मान खाबा थोङजीन छ्ये छ्ये पूजारीताङ धर्मे गुरूओनला स्येदाङगी मे बारसुङ। 16थेमे थेबेकी येशूला “दि फिजाओनगी दोक खाला छेरा खाला खाला खोल्ला च्यि सिन दुका, खुई मोथोदुक?” सिन सिदुक। थोक सिरजीन थेकी “थोसुङ थोसुङ, थेबेकी साबाते ङे लेमु खाईन थोसुङ। च्यि ख्योकोनगी परमेश्वर बातला टिबाते दि बात नोमुङ पढे खाबा मेतरो? थेरूचेन ‘टेक्टेतेन्दे फिजाताङ नुमा थुङकान्तेबा समेतकीङ परमेश्वर खुईते जय जय ओङस्यीत सिन खोल्ला छ्ये जोइओ। खुईराङ थेबाला थोक खित ज्युत्च्येते ईन,’ सिन साबा ओत,” सिन सिदुक।#भजन ८:२ 17थोक साकीन च्याकीन थेबाला ताङगीन थे थेरूकी बेथानीपा गाल्सुङ। थेमे थे छोमु थेरूराङ स्यासा देत्सुङ।
येशूकी नेभारे दोङबोला सराप बिन्दाते
(मर्कूस ११:१२-१४,२०-२४)
18थेमे ङारो च्योक्ते ङोमुका सारनापा ग्युरला डोजीन येशूला त्वाबा लाबा ओतान। 19थेरू लामगी खादु नेभारे दोङबोज्यीक ओतान। थेरू नेभारा गोन्दा ओता सिन येशू थेपा तार गाल्सुङ। तर थेकी थे दोङबोला नेभारे गेडाज्यीगोङ माथेप्सुङ। थे दोङबोला खालि दाम्माकामा ओतान। दाम्माकामा ओता थोङनामेई थेकी थे दोङबोला “थानामेई खोल्ला नोमुङ फलफूल गेडाईओङ मोगोन्स्यीत,” सिन सिदुक। थोक सिराईताङ थे नेभारे दोङबो कोम्बो सिली गाल्गीन काम्सुङ। 20थोक थोङगीन चेलातेबा छकदाङ परे खिन “आबिई, रकस्यिकला चुक खाईन दि दोङबो दोक खाईन काम्सुङा?” सिन सिराला स्यूसुङ। 21थेमे थेकी थेबाला “ङा ख्योकोनला च्यि सिते सासीन छ्याःङ शंका मिक्किता खाईन परमेश्वरला विश्वास खासीन ङे दि नेभारे दोङबोला खाबा च्योककामा मेन, ख्योकोनगी उथे बोमला थेरूकी खोर फोक्ला समुन्द्रमा स्यू सासीनोङ ख्योकोनगी साबा च्योकराङ ओङगो। 22ख्योकोनगी प्रार्थना खित्जीन परमेश्वरताङ नाङ खाबाते पक्काराङ ङेत्क्यो सिन छ्याःङ शंका माक्यासुङ सासीन जे नाङ खासीनोङ थे नाङ खाबाते ङेत्क्यो ङेत्क्यो,” सिन सिदुक।
येशूला सुई अधिकार ङेत्ला काम खिते सिन ठिबाते
(मर्कूस ११:२७-३३; लूका २०:१-८)
23थेरूई येशू सारनापा लेप्कीन परमेश्वर मन्दिरदु गाल्गीन मिओनला लोपाला स्यूसुङ। थोक खाला लोप्जीन छ्ये छ्ये पूजारीताङ यहूदीओन छ्ये छ्ये मि दोन्दु वाकीन थेला “खो दुरू मन्दिरदु वाला मिओनला लोप्च्येते थेमे मिओनला दुरूई तेन्ला तोङच्येते खुईते च्यि अधिकार ओते? खोल्ला दोक खि सिन सुई कोत्सुङा?” सिन सिराला स्यूसुङ। 24थोक सिरजीन थेकीङ “लो ङाङ ख्योकोनला बातज्यीक ठामीन। दि बात लाःप्सीन दुरू दोक खित्च्येते अधिकार ङाला सुई बिन्दाते ईन्दे सिन ङा ख्योकोनला लाःप्क्यो। 25लो दि बात ङाला सिते ओना, मिओनला छ्युला लुक्ला बप्तिस्मा तेरकान्ते यूहन्नाला थे काम खि सिन परमेश्वरगी ताङाते ईन्दाना मिकी ईन्दे?” सिन सिदुक। थोक सानामेई थेबाबरी था च्यि सिरापना च्यि सिराप गाल्गीन खोपरोङ नाङ दोक सिन ठो खिताला स्यूसुङ। “था दिला च्यि सिरच्ये? यूहन्नाला थे काम खिताला परमेश्वरगी ताङाते ईन सिइ सासुङ सासीन दिकी ङुरूङला च्यिला थे बात माङेन्दे सिरच्या ओङसुङ। 26मेन मिकीका ताङाते ईन सिइ सासीन मिओनगी ङुरूङला सेत्कीता सिरच्ये ज्यीबा ओङसुङ। च्यिला सासीन यूहन्ना परमेश्वर बात खित्कान्ते मि ओतान सिन मि गाङेकी थेला मान खिओ सिन ङुरूङला छ्या ओत,” सिन बात खासुङ। 27थोगी ज्येनतोक छ्याःङ सिरा माथुपेई थेबेकी येशूला “थेला थोक खि सिन सुई ताङाते ईन्दे सिन ङ्योकोनला छ्याःङ छ्या मेत,” सिन सिदुक। थेमे थेकीङ “थोक सासीन दुरू दोक खित्च्येते अधिकार ङाला सुई बिन्दाते ईन्दे सिन ङाङ ख्योकोनला मिसिरो।
खि साबाते बात ङेन्कान्ते सु ईन्दे
28लो ङा ख्योकोनला बातज्यीक सिरामीन। ख्योकोनला चुक लाङगीका? च्यि सासीन बाजिई ठाउँज्यीक्तु मिज्यीक ओतानलो। थेते फुज्युङ ङि ओताक्वालो। थेमे ङीमाई आबातेकी छ्येते फुज्युङतेला ‘फुज्यो, खो थरिङ अंगूर स्यीङनापा काम खित ग्युक लो?’ सिरजीन 29थेकी ‘ङानी मोन्डोओ,’ सादुक्लो। तर तिरी हत्तेरिका आबेकी साबाते ङे च्यिला माङेन्ताका सिन थे दाक काम खित गाल्दुक्लो। 30थोकराङ खाईन गोमा छ्येतेला साबाते बात थेकी टेक्टेते फुज्युङतेलाङ सादुक्लो। थेमे थेकीचेन ‘ओङगो आबा, ङा डुइओ,’ सादुक्लो। तर थे काम खिताला मागाल्दुक्लो। 31लो था ख्योकोन सिते, थेबा ङिबो नाङ खाङगी आबातेकी कोताते ङेन्सुङा?” सिन सिरजीन थेबेकी “छ्येतेकीराङ ङेन्सुङ,” सिन सिदुक। थेमे थेकी थेबाला “दि बात ङेन। च्यि सासीन कर लिन्कान्ते मिओन थेमे रन्डीओन ख्योकोन भन्दाङ गोमा परमेश्वर राज्यने स्यूक्पा ङेत्क्यो। 32च्यिला सासीन यूहन्नेकीचेन परमेश्वरगी खि साबाच्योक खित्च्या सिराते च्यि ईन्दे सिन ख्योकोनला लापा ओतान। ईन्सीनोङ ख्योकोनगी थे बातला नामज्योकराङ मासेत्सुङ। तर कर लिन्कान्ते मिओन थेमे रन्डीओनगीचेन थे बात ङेन्सुङ। थेबेकी थोक खाबाते छ्या स्येनामेकीङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खित्च्येते माक्यासुङ, यूहन्ने बात मेङेन्दाराङ खाईन देत्सुङ।
फेम्माला कमे खित्कान्ते मिओन कथा
(मर्कूस १२:१-१२; लूका २०:९-१९)
33लो था ख्योकोन याङराङ दि कथाङ ङेन। च्यि सासीन ठाउँज्यीक्तु स्यीङगी धनीज्यीक ओताक्वालो। थेकी थे खोरोङ स्यीङला अंगूर बिरूवा चुदुक्लो। स्यीङगी फेरोला ग्वारा खादुक्लो। अंगूर रस छिराला कोल जोदुक्लो। थेमे अंगूर स्युङकान्ते मि देताला पलीज्यीगोङ जोदुक्लो। थेमे थे स्यीङ फेम्माला बिन्गीन च्याकीन थे खोरोङचेन ज्येन लुङबाला गाल्गीन देत्तुक्लो। 34तिरी अंगूर छोनामेई थेकी थे खोरोङ काम खित्कान्ते मिओनला थे खोरोङ बो लिन्दाला ताङदुक्लो। 35तर थे फेम्माला कमे खित्कान्ते मिओनगीचेन थेबा गाङेला जुम्गीन दोक्पोईला भक्कुचूर दुदुक्लो, दोक्पोईला सेत्तुक्लो थेमे ज्येनज्यीकलाचेन दोईकी ग्याप्कीन सेत्तुक्लो। 36थे स्यीङगी धनीकी लोक्ला काम खित्कान्तेबा झन काल्बेईला थे खोरोङ बो लिन ताङदुक्लो। थेबालाङ थे फेम्माला कमे खित्कान्तेबेकी गोमेतेबाला च्योकराङ खादुक्लो।
37थोक ओङनामेकी थे मिकी फुज्युङतेलानी थेबेकी मान खाला छ्याःङ मेलेबा मिक्कितासीन सिन थेलाराङ थे खोरोङ अंगूर बो लिन ताङदुक्लो। 38धनीते फुज्युङला खोपरोङ ओत्सापा ओङा थोङगीन थेबेकी ‘तोना, थेकीनी फुज्युङतेलाराङका ताङदुक, थेलाङ सेत्की। थेमे ईन्सीन दि स्यीङ ङुरूङतेराङनी ओङगो,’ सिन बात खाईन 39थेलाङ जुम्गीन स्यीङदुकी तेन्गीन खेरगीन सेत्कीन क्युरदुक्लो। 40लो था ख्योकोन सिते थे स्यीङगी धनी वाला थे मिओनला चुक खाओङा?” सिन ठिसुङ। 41ठिजीन थेबेकी “थे स्यीङगी धनीकी थोक मेलेबा काम खित्कान्ते मिओनला छ्याःङ दया मोज्योबा खाला सेत्क्यो। थेमे थे स्यीङचेन अंगूर छोजीन छोजीन थे खोरोङ बो तेरकान्ते ज्येन मिला फेम्माला तेरग्यो,” सिन सिदुक।
42थेबेकी थोक सानामेई येशूकी “च्यि ख्योकोनगी परमेश्वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन
‘जुन दोला कर्मीओनगी कामराङ लै मिक्किओ सिन क्युरा ओतान, थे दोराङ आउदी काम लै खित्च्या थे मेताला छ्याःङ खिता मुथुप्च्या ओङसुङ।
प्रभु परमेश्वरगीराङ थे दोला दोक जोबाते ईन। थेकी थोक अचम्ब काम खाबाते ङ्योकोनगी थोङा ओत,’ सिन टिबा ओत।#भजन ११८:२२-२३
43बात दोक दोक ईन्देकी ङा ख्योकोनला च्यि सिते सासीन था परमेश्वरगी थे खोरोङ राज्य ख्योकोन लाःक्तुकी ठ्वाला च्याला थे राज्यदु खिता फाप्च्येते च्योकराङ खित्कान्ते ज्येन जातज्यीगी मिओनला तेरग्यो। 44थेमे याङराङ थे कर्मीओनगी काम लै मिक्किओ सिन क्युराते दोई बात चुक ईन्दे सासीन जो जो थे दोला नार्दोक ग्याप्ला रिल्गीदुक थेबा गाङे रूबा फराक फुरूक छ्याक्ला स्यिइओ। थोकराङ खाला सुइँदे लाक्तु थे दो ल्हुम्सुङ सासीन थेबाङ छ्येक्ला स्योबेन डुइओ,” सिन सिदुक।
45येशूकी साबाते थे अंगूर स्यीङ फेम्माला बिन्दाते कथा थोनामेई थे छ्ये छ्ये पूजारीताङ फरिसी पाटी मिओनगी दिकी थोक साबातेनी ङुरूङला छ्येर ग्यापातेका ईन सिन 46थेला जिन्दा चाल्सुङ। तर ज्येन गाङेकी थेला परमेश्वर बात खित्कान्तेराङ ईन सिन मान खितेकी थेबे ज्यीबेकीङ थेबेकी थोक खिता माथुप्सुङ।
നിലവിൽ തിരഞ്ഞെടുത്തിരിക്കുന്നു:
मत्ती 21: JUL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1992 Wycliffe Bible Translators Inc. All rights reserved.
मत्ती 21
21
येशू यरूशलेमपा गालाते
(मर्कूस ११:१-११; लूका १९:२८-४०; यूहन्ना १२:१२-१९)
1थेबाबरी डुइनराङ ओतान। था यरूशलेमदु लेपाला थोक थारी मेतान। थेबा जैतुन बोमदु बेथफागे सिराते युलनापा लेपा खाबा ओतान। थेरू लेप्नामेकी येशूकी चेलातेबा मेन्दा ङिला दोन्दु काताङगीन 2“लो ख्योकोन उफि युलनापा ग्युक। थे युलनापा स्यूक्पाज्यीकताङ थेरू गधाज्यीकताङ थे कीउ ताकीन ज्याक्पाते ख्योकोनगी थोङगो। थेबा ङिकारला ताङला च्याला देपा खोरच्योक। 3गधा तोङजीन सुइँदेकी ख्योकोनला च्यिला तोङगीते सिन सासीन ‘प्रभु येशूला गोसुङलो,’ सिन सि। थेमे थेकी छ्याःङ मिसिरो,” सिन साकीन थेरूकी गोमा गोमा ताङसुङ। 4दोक ओङगीन थाङबो परमेश्वर बात खित्कान्ते मिकी साबाते दि बात साबा च्योकराङ ओङसुङ। थेकीचेन
5“सियोन सारगी मिओनला दि बात सि। चुक सासीन ख्योकोन गेल्बोचेन गेल्बो च्योक छ्ये मिक्किता खाला
गधे लाक्तु जेला थेपा ओङगीन ओत। थे गधे कीउकी लाक्तुङ जेला ख्याम्ग्यो,” सिन साबा ओतान।#जकरिया ९:९
6थेमे थे चेला ङिबोकी येशूकी साबा च्योकराङ खाईन 7गधाताङ गधे कीउला ताङगीन खुला लिच्युङ। थेमे खोपरोङगी लाक्तु खोन्दाते खोलाकओन टोल्गीन गधा ङिबो लाक्तु तिङसुङ। थेमे येशू गधे कीउकी लाक जेकीन ख्याम्सुङ। 8थे थोक खाईन ख्याम्नामेकी थेत्ताङ ख्याम्गीन ओताते मि काल्बेईकी खोपरोङगी लाक्तु खोन्दाते खोलाक टोल्गीन लामला तिङसुङ। कोईकीचेन थेङला ओताते दोङबो हाँगाओनराङ च्यागीन लामला तिङसुङ। दोक खाईन थेबेकी थेला मान खासुङ। 9थेमे थे गोमाङ तिरीङ ख्याम्गीन ओताते मिओनगी छेरा खिनकामा “दाऊद सन्तानते जय जय ओङस्यीत। प्रभु परमेश्वरगी देमा ताङाते गेल्बो काल्बासाक सोन्स्यीत। थेते जय जय ओङस्यीत। स्वर्गने देत्कान्ते प्रभु परमेश्वरते जय जय ओङस्यीत,” सिन सिराला स्यूसुङ।
10थोक खिन येशू यरूशलेमपा ख्योल्सुङ। थेपा ख्योल्जीन थेरू सार खाङ हल्ला खल्ला ओङगीन थेरू मिओनगी “दि मि सु ईन्दे?” सिन येशूताङ ओताते मिओनला ठाप्ला स्यूसुङ। 11थेमे थेबेकी “दि परमेश्वर बात खित्कान्ते येशू ईन। दि गालील अञ्चल नासरतपे मि ईन,” सिन लाःप्सुङ।
येशूकी परमेश्वर मन्दिरदु खाबाते काम
(मर्कूस ११:१५-१९; लूका १९:४५-४८; यूहन्ना २:१३-१६)
12थेमे येशू परमेश्वर मन्दिरदु गाल्सुङ। थेकी थेरू मन्दिर स्याङके नाङला देत्ला छोङकान्ते थेमे ङ्योकान्ते मि गाङेला फिनामा तेन्गीन ताङसुङ। थोक खित्जीन थेकी थेरू पैसा ज्येला तेरकान्ते मिओनते टेबलतेबा रिल्गीन ताङसुङ। थेमे गन्दीमा छोङाला देताते मिओन देताते टेबलतेबाङ रिल्गीन ताङसुङ। 13थेकी “परमेश्वर बातला परमेश्वरगी ‘ङे खाम्बा ङाला प्रार्थना खिताला जोबाते ईन,’ सिन साबा ओत। तर ख्योकोनगीनी दुरू चोर डाँका देत्च्येते ठाउँ च्योकका जोदुक। ख्योकोन दुरूकी थेन्ला ग्युक,” सिन होथेबा गाङेला तेन्गीन ताङसुङ।
14थेमे अन्धतेताङ ख्याम्बा मुथुप्कान्ते कुज्येतेबा थेरू मन्दिरदु येशू ओत्सादु ख्योल्सुङ। थेमे थेकी थेबाला मिगी थोङच्या थेमे ख्याम्बा थुप्च्या जोकीन बिन्सुङ। 15थेकी थोक अचम्बते काम खिता थोङगीन थेमे थेङला मन्दिर नाङला ओताते फिजाओनगी “दाऊद सन्तानते जय जय ओङस्यीत,” सिन छेरा खिन थेला थोक खाईन मान खाबा थोङजीन छ्ये छ्ये पूजारीताङ धर्मे गुरूओनला स्येदाङगी मे बारसुङ। 16थेमे थेबेकी येशूला “दि फिजाओनगी दोक खाला छेरा खाला खाला खोल्ला च्यि सिन दुका, खुई मोथोदुक?” सिन सिदुक। थोक सिरजीन थेकी “थोसुङ थोसुङ, थेबेकी साबाते ङे लेमु खाईन थोसुङ। च्यि ख्योकोनगी परमेश्वर बातला टिबाते दि बात नोमुङ पढे खाबा मेतरो? थेरूचेन ‘टेक्टेतेन्दे फिजाताङ नुमा थुङकान्तेबा समेतकीङ परमेश्वर खुईते जय जय ओङस्यीत सिन खोल्ला छ्ये जोइओ। खुईराङ थेबाला थोक खित ज्युत्च्येते ईन,’ सिन साबा ओत,” सिन सिदुक।#भजन ८:२ 17थोक साकीन च्याकीन थेबाला ताङगीन थे थेरूकी बेथानीपा गाल्सुङ। थेमे थे छोमु थेरूराङ स्यासा देत्सुङ।
येशूकी नेभारे दोङबोला सराप बिन्दाते
(मर्कूस ११:१२-१४,२०-२४)
18थेमे ङारो च्योक्ते ङोमुका सारनापा ग्युरला डोजीन येशूला त्वाबा लाबा ओतान। 19थेरू लामगी खादु नेभारे दोङबोज्यीक ओतान। थेरू नेभारा गोन्दा ओता सिन येशू थेपा तार गाल्सुङ। तर थेकी थे दोङबोला नेभारे गेडाज्यीगोङ माथेप्सुङ। थे दोङबोला खालि दाम्माकामा ओतान। दाम्माकामा ओता थोङनामेई थेकी थे दोङबोला “थानामेई खोल्ला नोमुङ फलफूल गेडाईओङ मोगोन्स्यीत,” सिन सिदुक। थोक सिराईताङ थे नेभारे दोङबो कोम्बो सिली गाल्गीन काम्सुङ। 20थोक थोङगीन चेलातेबा छकदाङ परे खिन “आबिई, रकस्यिकला चुक खाईन दि दोङबो दोक खाईन काम्सुङा?” सिन सिराला स्यूसुङ। 21थेमे थेकी थेबाला “ङा ख्योकोनला च्यि सिते सासीन छ्याःङ शंका मिक्किता खाईन परमेश्वरला विश्वास खासीन ङे दि नेभारे दोङबोला खाबा च्योककामा मेन, ख्योकोनगी उथे बोमला थेरूकी खोर फोक्ला समुन्द्रमा स्यू सासीनोङ ख्योकोनगी साबा च्योकराङ ओङगो। 22ख्योकोनगी प्रार्थना खित्जीन परमेश्वरताङ नाङ खाबाते पक्काराङ ङेत्क्यो सिन छ्याःङ शंका माक्यासुङ सासीन जे नाङ खासीनोङ थे नाङ खाबाते ङेत्क्यो ङेत्क्यो,” सिन सिदुक।
येशूला सुई अधिकार ङेत्ला काम खिते सिन ठिबाते
(मर्कूस ११:२७-३३; लूका २०:१-८)
23थेरूई येशू सारनापा लेप्कीन परमेश्वर मन्दिरदु गाल्गीन मिओनला लोपाला स्यूसुङ। थोक खाला लोप्जीन छ्ये छ्ये पूजारीताङ यहूदीओन छ्ये छ्ये मि दोन्दु वाकीन थेला “खो दुरू मन्दिरदु वाला मिओनला लोप्च्येते थेमे मिओनला दुरूई तेन्ला तोङच्येते खुईते च्यि अधिकार ओते? खोल्ला दोक खि सिन सुई कोत्सुङा?” सिन सिराला स्यूसुङ। 24थोक सिरजीन थेकीङ “लो ङाङ ख्योकोनला बातज्यीक ठामीन। दि बात लाःप्सीन दुरू दोक खित्च्येते अधिकार ङाला सुई बिन्दाते ईन्दे सिन ङा ख्योकोनला लाःप्क्यो। 25लो दि बात ङाला सिते ओना, मिओनला छ्युला लुक्ला बप्तिस्मा तेरकान्ते यूहन्नाला थे काम खि सिन परमेश्वरगी ताङाते ईन्दाना मिकी ईन्दे?” सिन सिदुक। थोक सानामेई थेबाबरी था च्यि सिरापना च्यि सिराप गाल्गीन खोपरोङ नाङ दोक सिन ठो खिताला स्यूसुङ। “था दिला च्यि सिरच्ये? यूहन्नाला थे काम खिताला परमेश्वरगी ताङाते ईन सिइ सासुङ सासीन दिकी ङुरूङला च्यिला थे बात माङेन्दे सिरच्या ओङसुङ। 26मेन मिकीका ताङाते ईन सिइ सासीन मिओनगी ङुरूङला सेत्कीता सिरच्ये ज्यीबा ओङसुङ। च्यिला सासीन यूहन्ना परमेश्वर बात खित्कान्ते मि ओतान सिन मि गाङेकी थेला मान खिओ सिन ङुरूङला छ्या ओत,” सिन बात खासुङ। 27थोगी ज्येनतोक छ्याःङ सिरा माथुपेई थेबेकी येशूला “थेला थोक खि सिन सुई ताङाते ईन्दे सिन ङ्योकोनला छ्याःङ छ्या मेत,” सिन सिदुक। थेमे थेकीङ “थोक सासीन दुरू दोक खित्च्येते अधिकार ङाला सुई बिन्दाते ईन्दे सिन ङाङ ख्योकोनला मिसिरो।
खि साबाते बात ङेन्कान्ते सु ईन्दे
28लो ङा ख्योकोनला बातज्यीक सिरामीन। ख्योकोनला चुक लाङगीका? च्यि सासीन बाजिई ठाउँज्यीक्तु मिज्यीक ओतानलो। थेते फुज्युङ ङि ओताक्वालो। थेमे ङीमाई आबातेकी छ्येते फुज्युङतेला ‘फुज्यो, खो थरिङ अंगूर स्यीङनापा काम खित ग्युक लो?’ सिरजीन 29थेकी ‘ङानी मोन्डोओ,’ सादुक्लो। तर तिरी हत्तेरिका आबेकी साबाते ङे च्यिला माङेन्ताका सिन थे दाक काम खित गाल्दुक्लो। 30थोकराङ खाईन गोमा छ्येतेला साबाते बात थेकी टेक्टेते फुज्युङतेलाङ सादुक्लो। थेमे थेकीचेन ‘ओङगो आबा, ङा डुइओ,’ सादुक्लो। तर थे काम खिताला मागाल्दुक्लो। 31लो था ख्योकोन सिते, थेबा ङिबो नाङ खाङगी आबातेकी कोताते ङेन्सुङा?” सिन सिरजीन थेबेकी “छ्येतेकीराङ ङेन्सुङ,” सिन सिदुक। थेमे थेकी थेबाला “दि बात ङेन। च्यि सासीन कर लिन्कान्ते मिओन थेमे रन्डीओन ख्योकोन भन्दाङ गोमा परमेश्वर राज्यने स्यूक्पा ङेत्क्यो। 32च्यिला सासीन यूहन्नेकीचेन परमेश्वरगी खि साबाच्योक खित्च्या सिराते च्यि ईन्दे सिन ख्योकोनला लापा ओतान। ईन्सीनोङ ख्योकोनगी थे बातला नामज्योकराङ मासेत्सुङ। तर कर लिन्कान्ते मिओन थेमे रन्डीओनगीचेन थे बात ङेन्सुङ। थेबेकी थोक खाबाते छ्या स्येनामेकीङ ख्योकोनगी खेराङ पापी दुका सिन छ्या स्येला परमेश्वर छ्य्वापा लै खित्च्येते माक्यासुङ, यूहन्ने बात मेङेन्दाराङ खाईन देत्सुङ।
फेम्माला कमे खित्कान्ते मिओन कथा
(मर्कूस १२:१-१२; लूका २०:९-१९)
33लो था ख्योकोन याङराङ दि कथाङ ङेन। च्यि सासीन ठाउँज्यीक्तु स्यीङगी धनीज्यीक ओताक्वालो। थेकी थे खोरोङ स्यीङला अंगूर बिरूवा चुदुक्लो। स्यीङगी फेरोला ग्वारा खादुक्लो। अंगूर रस छिराला कोल जोदुक्लो। थेमे अंगूर स्युङकान्ते मि देताला पलीज्यीगोङ जोदुक्लो। थेमे थे स्यीङ फेम्माला बिन्गीन च्याकीन थे खोरोङचेन ज्येन लुङबाला गाल्गीन देत्तुक्लो। 34तिरी अंगूर छोनामेई थेकी थे खोरोङ काम खित्कान्ते मिओनला थे खोरोङ बो लिन्दाला ताङदुक्लो। 35तर थे फेम्माला कमे खित्कान्ते मिओनगीचेन थेबा गाङेला जुम्गीन दोक्पोईला भक्कुचूर दुदुक्लो, दोक्पोईला सेत्तुक्लो थेमे ज्येनज्यीकलाचेन दोईकी ग्याप्कीन सेत्तुक्लो। 36थे स्यीङगी धनीकी लोक्ला काम खित्कान्तेबा झन काल्बेईला थे खोरोङ बो लिन ताङदुक्लो। थेबालाङ थे फेम्माला कमे खित्कान्तेबेकी गोमेतेबाला च्योकराङ खादुक्लो।
37थोक ओङनामेकी थे मिकी फुज्युङतेलानी थेबेकी मान खाला छ्याःङ मेलेबा मिक्कितासीन सिन थेलाराङ थे खोरोङ अंगूर बो लिन ताङदुक्लो। 38धनीते फुज्युङला खोपरोङ ओत्सापा ओङा थोङगीन थेबेकी ‘तोना, थेकीनी फुज्युङतेलाराङका ताङदुक, थेलाङ सेत्की। थेमे ईन्सीन दि स्यीङ ङुरूङतेराङनी ओङगो,’ सिन बात खाईन 39थेलाङ जुम्गीन स्यीङदुकी तेन्गीन खेरगीन सेत्कीन क्युरदुक्लो। 40लो था ख्योकोन सिते थे स्यीङगी धनी वाला थे मिओनला चुक खाओङा?” सिन ठिसुङ। 41ठिजीन थेबेकी “थे स्यीङगी धनीकी थोक मेलेबा काम खित्कान्ते मिओनला छ्याःङ दया मोज्योबा खाला सेत्क्यो। थेमे थे स्यीङचेन अंगूर छोजीन छोजीन थे खोरोङ बो तेरकान्ते ज्येन मिला फेम्माला तेरग्यो,” सिन सिदुक।
42थेबेकी थोक सानामेई येशूकी “च्यि ख्योकोनगी परमेश्वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन
‘जुन दोला कर्मीओनगी कामराङ लै मिक्किओ सिन क्युरा ओतान, थे दोराङ आउदी काम लै खित्च्या थे मेताला छ्याःङ खिता मुथुप्च्या ओङसुङ।
प्रभु परमेश्वरगीराङ थे दोला दोक जोबाते ईन। थेकी थोक अचम्ब काम खाबाते ङ्योकोनगी थोङा ओत,’ सिन टिबा ओत।#भजन ११८:२२-२३
43बात दोक दोक ईन्देकी ङा ख्योकोनला च्यि सिते सासीन था परमेश्वरगी थे खोरोङ राज्य ख्योकोन लाःक्तुकी ठ्वाला च्याला थे राज्यदु खिता फाप्च्येते च्योकराङ खित्कान्ते ज्येन जातज्यीगी मिओनला तेरग्यो। 44थेमे याङराङ थे कर्मीओनगी काम लै मिक्किओ सिन क्युराते दोई बात चुक ईन्दे सासीन जो जो थे दोला नार्दोक ग्याप्ला रिल्गीदुक थेबा गाङे रूबा फराक फुरूक छ्याक्ला स्यिइओ। थोकराङ खाला सुइँदे लाक्तु थे दो ल्हुम्सुङ सासीन थेबाङ छ्येक्ला स्योबेन डुइओ,” सिन सिदुक।
45येशूकी साबाते थे अंगूर स्यीङ फेम्माला बिन्दाते कथा थोनामेई थे छ्ये छ्ये पूजारीताङ फरिसी पाटी मिओनगी दिकी थोक साबातेनी ङुरूङला छ्येर ग्यापातेका ईन सिन 46थेला जिन्दा चाल्सुङ। तर ज्येन गाङेकी थेला परमेश्वर बात खित्कान्तेराङ ईन सिन मान खितेकी थेबे ज्यीबेकीङ थेबेकी थोक खिता माथुप्सुङ।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 1992 Wycliffe Bible Translators Inc. All rights reserved.