Lukas 11
11
Yesus nahanuwage tut habayangna
(Mat. 6:9-13, 7:7-11)
1Ɗaage ɗiha laɗo Yesus nahabayangna ta wu hadau. Ɓanaɓe habayangna, wu ata kaɗoku-Ni linage, “Mori, hanuwa hogama habayangna katuʄanai Yohanis ɓana hanuwad habayangna kaɗokuni.”
2Nyiwei Yesus malinage tabaraɗa, “Nna ɓam habayangkana limɗage,
‘Amama kaɗaana ta sorga,
Yallakawe tangngana ata manuta-Wu, ɓa Yau Alla kateingna.
Yallakawe Yau Ama ɓam mai pareha ɗaꞌ Raja.
3Yiigama hayaama tut tangama ɗiha laɗo ɗiha laɗo.
4Hawal kamadi doku-jalama
oroge nam ɓama hawal ʄaladi ata kajala tabarama.
Ama,
ilam tannagama tannam ka ilama moun ta jala.’ ”
5Malinagei Yesus tabaraɗa, “Ɓa hatuʄage wu ata wal ta jongam kako ta umma olena til gaꞌ, mono ɓalinaka, ‘Ole, yii tudtoda tauɗa kababa, 6oroge olegu katangrana kako, liɗanage ta umma mono walaꞌma paha inyagu hayaa tannam kana yaa!’ 7Naɗa olem haɗikkim ɓalinage balehana, wal lar ta ummana, ‘Ilam hamayillawa nauwa! Nama kuhɓewe ɓinna lohho nauwa mono anagu mabaikaɓe. Nauwa walna ɗaꞌmawe ɓag kaɗewa tannam kag yiig aga ana tabaram.’ ”
8Yesus hakitage hatakna, “Nauwa katau takkanage lugɗaguge tabaramu! Loko aina auꞌna kaɗe ɓana yiigu kababa oro ɓa olenagu, tabolo oro aim makkewu ɓam karai hakitana, nyi enga nakaɗe ɓana yiigu agayi haraim. 9Oro ɓatauɗage lugɗage tabaram: Hakitana karai tabaranai Alla, mi engam hiba. Hakitana mayega, mi engam kolena. Hakitana kaladge ɓinna, Nyi enga naɓugeragim ɓinna. 10Oroge ata karai enga hibana; ata kamayega enga kolena, mono ata kaladna enga ɓugeran ɓinna. 11Ta jongami walaꞌma wu ha ama kayiiɗal nippe ta anana, ɓana karaika kaboko. 12Tauɗa ʄalage walaꞌma kayiiɗal halatka, ɓana karaika tal manu. 13Loko mi ɓam japata ɗummi, mim tada ʄalawe yiidi kadahha tabara anam. At wiꞌhoge Amam ta sorga. Nyi enga yiinan Wad Ɓiha-madnai Alla tabaraɗa karai tabara-Na!”
Yesus nareihɗahowe kawahana waltai Beelzebul
(Mat. 12:22-30; Mrk. 3:20-27)
14Ɗaage ɗiha laɗo Yesus nawugayi wad japata habangnga ɗangngana wu ata. Kole naɗa wad japata ɓana huuna, naɗa ata bangnga nahanewe hagga. Nyiwe maɗa ɓangara ata buta ka etawe nna kaɗaꞌ. 15Tabolo kapirrana ata ta jongaɗa liɗage, “Nyi naɗaꞌwe wugayi wad japata oroge ɓana kolena kawahanai Beelzebul,#11.14 Beelzebul nyiꞌwe ngara hekage tutnai Kabalka. Nyiꞌna kapalaɗa waleka rajaɗa tangngaɗa raɗa kabalka. raja wad japata.”
16Ɗaa ɗummodi ata waɗeka kamayegan jiwatana kapik hajalai Yesus, nyiwe maɗa halewai kana rayina kahekagaina tannam kawuwe tadka ɓa halewanani Alla. 17Taboloi Yesus natadaɗage hakab ateɗa. Nyiwe malinage tabaraɗa, “Nna wu negara ɓaɗa hamuh wikana, enga mauhage. Mono bat umma kaha oleɓaina ɓaɗa hamuh wikana, enga hai-haiɗa. 18Tauɗa ʄalanage ta harehanai kabalka; naɗa wu kalibbo ɓana hatauɗangani kalibbo waɗeka, harehanai kabalka enga tabuhtage. Mi limge Nauwag wugaɓeyi wad japata oro kawahanai Beelzebul. 19Nyiɓatautakkage ɓa waiguge kawahanai Beelzebul, ma iya kawahaɗanage hawaiɗa ata kaɗoukgim ɓaɗa wugai wad japata? Yiɗɗa ɗau kahatingoge nna ɓam jalamiǃ 20Tabolo Nauwa ɓag wugawa wad japata waige ɓiꞌta-parehanai Alla, nyiwe tadagei Alla ɓana halegeɓewe hareha-Na ta jongami.
21Kabalka natuʄai wu ata kakulha, kawaidi tangngad ɓajlana, ɓana aangge ummana, tangngadi ɗauna walaꞌma kangalanadi. 22Tabolo ɓaɗaaka wu ata kareih kulha kako hagaɓɓa mono nahabakeyi, nyiwe naɗa ata kareih kulha enga karamanadi ɓajlana hamanena naɗa mori umma. Mono naɓaweyi tangngadi ngau hakaramana ta olena.
23Ata aika kalapera tabara-Gu, tautakkanage Nauwa hagaɓɓana. Ata aika tulga Nauwa, tautakkanage nyiꞌna kahegara-hauragage ha ulla-Gu!”
Haggana wad japata
(Mat. 12:43-45)
24Yesus nahakitage hanewena malinage, “Naɗa wad japata ɓana huukana walta wu ata, nyi enga nakalehlelege mayegana hadau kahha ta maraɗa karaha, kag kolena ata tannam kag ngahwa ɓalina. Tabolo walena koleꞌ mana ata ɓe ublinage, ‘Eh, dahhaɗahowe ɓag haggawa mono engana ta ata hindau daug ulge.’ 25Kole ɓana ɗik neɗo ta hadau, naɗikkin naɗa ata natuʄawe umma luu hahaboɓe mono namapahaɓewe. 26Lohho nyi nakako mono nangidiyi pit wad waɗeka kareih japata walta nyi. Ɓegge maɗa tama ta ata lohho engana neɗa. Mono hup hadage haɗana naɗa ata reih ai tidage wal puge.”
Lagahara kalangna
27Tangranai Yesus ɓana hanewe, wu lawai walta jonga ata buta linage tabarai Yesus, “Hadda kanyurwe lawai kaha ana-Gu mono kaha huhu-Wu!”
28Taboloi Yesus balehanage, “Hadda reih maringna ata karangewe hataknai Alla mono karayige!”
Ata ɗakaraiwe tabarai Yesus kana rayige kahekagaina
(Mat. 12:38-42)
29Tangraɗa ata ɓaɗa kilorani Yesus, Nyi nahakitage hanewena malinage, “Mi ata ɓatauge hadda japata. Mim karaiwe kagrayige kahekagaina tannam kam hatena tabara-Gu, tabolo mi waleg yiiꞌmagim wu ak kahekagaina, dukahege kahekagaina kaɗaꞌ tabara lede-liiy Yunus. 30Ulge agawe kaɗaꞌ tabara lede-liiy Yunus nyiꞌwe kahekagaina tuɓaɗa ata Niniwe, ɓa Nyi Alla kahalewai lede-liiy Yunus. Tauɗa ɗummoge agawe nim kaɗaꞌ tabara-Gu Ana-Na Kaɗaꞌ Ata nyiꞌwe kahekagaina tuɓaɗa ata ɓatauge, ɓa Nyi Alla kahalewa-Wa. 31Ta Laɗo Rah Kaweɗage pan-tana, raja lawai Syeba walta Selatan enga nakaɗe maranga ɗanganadi ata ɓatauge walta jonga ata mate, mono nadede ta aronai Alla manahajalayi yiɗɗa. Ulge naɗa ratu namai walta hadau kahadda marau ta hup tana, dukaɗahege tut mai rangewe maniwola pahangaɗanai Salomo. Katautakkanage nehe ɓatauge ta jongami, ɗaa-Ga kareih madakka waltai Salomo! Tabolo mi walem baiꞌmage range-Wa. 32Mono ta Laɗo Rah Kaweɗage pan-tana, ata Niniwe enga kaɗe marangaɗangaʄaladi ata ɓatauge, mono ɗahajalayi yiɗɗa. Oroge raɗa ata Niniwe ʄarra walta doku-jalaɗa kolei lede-liiy Yunus ɓana talarage Liinai Alla tabaraɗa. Tabolo nehe ɓatauge ta jongami ɗaan kareih madakka waltai Yunus, tanyiɗuwe mi walem ʄarraꞌmam!”
Hanuwanai Yesus natuʄawe latwe kamagakaha
(Mat. 5:15, 6:22-23)
33“Walaꞌma wu ata kaharewo latwe kaɓunyge waleka kakur waige hajaal. Tabolo enga natauwe nna latwe ta dokage, tannam ata katama kanaɗaꞌwe etawe magakaha. 34Matam natuʄawe latwe tut taum. Raɗa matam ɓana hirayi, tangngage taum namagakahage. Tabolo matam ɓana yaworayi, tangngage taum nakapagta kikkage. 35Oro ɓatauɗage, hamataragela, tannam kaɗaage magakaha lar ta taum, wale kapagtaɗaꞌmawe. 36Tangngage taum ɓana magakahage, mono wale laꞌhingmana hoꞌak kapagtana, ma tangngage taum namagakahage katauna latwe kahamagakahagu.”
Yesus nahajalai ata walta kalibbo Farisi mono gurr agama ata Yahudi
(Mat. 23:1-36; Mrk. 12:38-40)
37Kolei Yesus ɓanaɓe hanewe, wu ata walta kalibbo Farisi nakamaikani Yesus yaa ta ummana. Manakako yaa neɗa. 38Naɗa ata walta kalibbo Farisi nahangatara ɓana etai Yesus yaa, ahha aina ɓaha ultoi limma-Na ɗoukge kanudka agama. 39Oro ɓatauɗage Mori linage tabarana, “Nno mi ata walta kalibbo Farisi kadamma ɓahai kaɓedoɗahed koɓa mono taɓo, tabolo ta atem ban ge kajapata mono kamaꞌna ngala ɗauw olem. 40Mi kabangngam! Walei Allaꞌna karayidi kaɓedodi, mono karayi ʄaladi tabara laridi? 41Oro ɓatauɗage, yii agayi kaɗaana tabaramu tut tullun ata milla, ma tangngad kaɗaana tabaramu namarakkayi tabaranai Alla. Ɓam rayi tauɗage, mi enga ɗaꞌ ata kamurraha ta aro matanai Alla, tuʄai koɓa mono taɓo kamurraha walta kaɓedodi lohho ɗummo ta ated.
42Lilokom mi, ata walta kalibbo Farisi! Mi dut takkam ɓamyii wu walta kabul tabaranai Alla walta ngih omam katauna romadawa, bakhawu, rubba mono tangngage ngih gall-baak. Tabolo rayige katena wale ɓiꞌta gaɓɓaꞌma ta ole atam mono manawara tabarai Alla walem ihliꞌmawe, ɗoukɗage nyiɗahowe harayim.
43Lilokom mi, ata walta kalibbo Farisi! Mi ɓam baige hadau kamanadana lar ta umma hadau kangoteɗa ata Yahudi,#11.43 Umma hadau kangote ata Yahudi, yoɗa hadau bahhaɗage Jurata Lii-Kira Kamema, hadau kangote, hadau lii-hanuwa lii-ha aka mono hadau pohta palakara. mono ɓam kamaꞌge hibawe ɓaha akagim ta haragana. 44Lilokom mi! Miyo tuʄawe rate aikapang tadana. Raɗa ata kakako nna ta pan rate, walɗa tadaꞌmawe nna yiɗɗa ɓaɗa otoraɓe oroge ɓaɗa yannawe dekege nna rate. Tauɗa ʄalage miː raɗa ata kaɗoukgim, ai hatada waiɗa ɓaɗa ɗoukɓege haɗam ka otora ta aronai Allaǃ”
45Wu ata gurr agama ata Yahudi malinage tabarai Yesus, “Ama Guru, raꞌ hatakkim, pal ʄalamugama!”
46Yesus nabalehawe, “Liloko ʄalam mi, gurr agama! Mi pakhai ole ata Yahudim harayi kamayilla mono yiiy kanudka mourha kaɓiꞌta. Tabolo mi ɗau wale wu kukhingmawe ɓam tullud ɓaɗa rayid raɗa kanudka. 47-48Lilokom mi! Oroge weɗa-waikam baɗa hamateɗadi lede-lii. Mono mi ɗau baɗa ngomige agawe naharayiɓeɗa weɗa-waikam, ɓam rayid wat hodɗa tada manutamidi. Mori enga nayiimige houk kaɓiꞌta. 49Oro nyiꞌwe, Maniwola Pahangaɗanai Alla malinage, ‘Nauwa engag halewayi buta lede-lii mono ata pahalewa-Gu tabaraɗa; ɗaad hamateɗa mono ɗaad hamayillaɗa!’ 50-51Alla enga nahoukgimi ata ɓatauge oroge wal wunga haɗaꞌge pan-tana, weɗa-waikam baɗa hamateɗani Habel mono enga hakitage ɓaɗa hamateyi lede-lii kahha ɓaɗa hamateyi Zakaria. Naɗai Zakaria ɗahamateyi ta jonga hadau tuun maaraka ranga mono koro hadda teingna ta Ummanai Mori. Hatenawela: nna ata ɓatauge enga nahoukud oro tangngage raɗa harayiɗa weɗa-waikam.
52Lilokom mi, gurr agama! Kuh tut ɓugerage ɓinna tannam ata kaɗa tadawe hakab atenai Alla ɗaaɓege tabaram. Tabolo mi ɗau walem auꞌma ɓugerage nna ɓinna tut mayegage tada. Reih ai dahhage, heirɗalmidi ata kamaꞌge ɓugerage ɓinna tut tadawe agawe hakab atenai Alla!”
53Kolei Yesus ɓana ijakage neꞌ hadau, raɗa gurr agama ata Yahudi mono ata walta kalibbo Farisi wale anaꞌmanage baanɗani Yesus. Yiɗɗa ɗakapuɗage mayegan palakarana waige matutra kabuta tabaranai Yesus tannam kana hanewe habutana. 54Yiɗɗa ɗahamatara dahha-Ni kapik yappanadi ɓaɗaaka hanewe-Na kajala.
നിലവിൽ തിരഞ്ഞെടുത്തിരിക്കുന്നു:
Lukas 11: lmy
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2024 (Active), Wycliffe Bible Translators, Inc. All rights reserved.
Lukas 11
11
Yesus nahanuwage tut habayangna
(Mat. 6:9-13, 7:7-11)
1Ɗaage ɗiha laɗo Yesus nahabayangna ta wu hadau. Ɓanaɓe habayangna, wu ata kaɗoku-Ni linage, “Mori, hanuwa hogama habayangna katuʄanai Yohanis ɓana hanuwad habayangna kaɗokuni.”
2Nyiwei Yesus malinage tabaraɗa, “Nna ɓam habayangkana limɗage,
‘Amama kaɗaana ta sorga,
Yallakawe tangngana ata manuta-Wu, ɓa Yau Alla kateingna.
Yallakawe Yau Ama ɓam mai pareha ɗaꞌ Raja.
3Yiigama hayaama tut tangama ɗiha laɗo ɗiha laɗo.
4Hawal kamadi doku-jalama
oroge nam ɓama hawal ʄaladi ata kajala tabarama.
Ama,
ilam tannagama tannam ka ilama moun ta jala.’ ”
5Malinagei Yesus tabaraɗa, “Ɓa hatuʄage wu ata wal ta jongam kako ta umma olena til gaꞌ, mono ɓalinaka, ‘Ole, yii tudtoda tauɗa kababa, 6oroge olegu katangrana kako, liɗanage ta umma mono walaꞌma paha inyagu hayaa tannam kana yaa!’ 7Naɗa olem haɗikkim ɓalinage balehana, wal lar ta ummana, ‘Ilam hamayillawa nauwa! Nama kuhɓewe ɓinna lohho nauwa mono anagu mabaikaɓe. Nauwa walna ɗaꞌmawe ɓag kaɗewa tannam kag yiig aga ana tabaram.’ ”
8Yesus hakitage hatakna, “Nauwa katau takkanage lugɗaguge tabaramu! Loko aina auꞌna kaɗe ɓana yiigu kababa oro ɓa olenagu, tabolo oro aim makkewu ɓam karai hakitana, nyi enga nakaɗe ɓana yiigu agayi haraim. 9Oro ɓatauɗage lugɗage tabaram: Hakitana karai tabaranai Alla, mi engam hiba. Hakitana mayega, mi engam kolena. Hakitana kaladge ɓinna, Nyi enga naɓugeragim ɓinna. 10Oroge ata karai enga hibana; ata kamayega enga kolena, mono ata kaladna enga ɓugeran ɓinna. 11Ta jongami walaꞌma wu ha ama kayiiɗal nippe ta anana, ɓana karaika kaboko. 12Tauɗa ʄalage walaꞌma kayiiɗal halatka, ɓana karaika tal manu. 13Loko mi ɓam japata ɗummi, mim tada ʄalawe yiidi kadahha tabara anam. At wiꞌhoge Amam ta sorga. Nyi enga yiinan Wad Ɓiha-madnai Alla tabaraɗa karai tabara-Na!”
Yesus nareihɗahowe kawahana waltai Beelzebul
(Mat. 12:22-30; Mrk. 3:20-27)
14Ɗaage ɗiha laɗo Yesus nawugayi wad japata habangnga ɗangngana wu ata. Kole naɗa wad japata ɓana huuna, naɗa ata bangnga nahanewe hagga. Nyiwe maɗa ɓangara ata buta ka etawe nna kaɗaꞌ. 15Tabolo kapirrana ata ta jongaɗa liɗage, “Nyi naɗaꞌwe wugayi wad japata oroge ɓana kolena kawahanai Beelzebul,#11.14 Beelzebul nyiꞌwe ngara hekage tutnai Kabalka. Nyiꞌna kapalaɗa waleka rajaɗa tangngaɗa raɗa kabalka. raja wad japata.”
16Ɗaa ɗummodi ata waɗeka kamayegan jiwatana kapik hajalai Yesus, nyiwe maɗa halewai kana rayina kahekagaina tannam kawuwe tadka ɓa halewanani Alla. 17Taboloi Yesus natadaɗage hakab ateɗa. Nyiwe malinage tabaraɗa, “Nna wu negara ɓaɗa hamuh wikana, enga mauhage. Mono bat umma kaha oleɓaina ɓaɗa hamuh wikana, enga hai-haiɗa. 18Tauɗa ʄalanage ta harehanai kabalka; naɗa wu kalibbo ɓana hatauɗangani kalibbo waɗeka, harehanai kabalka enga tabuhtage. Mi limge Nauwag wugaɓeyi wad japata oro kawahanai Beelzebul. 19Nyiɓatautakkage ɓa waiguge kawahanai Beelzebul, ma iya kawahaɗanage hawaiɗa ata kaɗoukgim ɓaɗa wugai wad japata? Yiɗɗa ɗau kahatingoge nna ɓam jalamiǃ 20Tabolo Nauwa ɓag wugawa wad japata waige ɓiꞌta-parehanai Alla, nyiwe tadagei Alla ɓana halegeɓewe hareha-Na ta jongami.
21Kabalka natuʄai wu ata kakulha, kawaidi tangngad ɓajlana, ɓana aangge ummana, tangngadi ɗauna walaꞌma kangalanadi. 22Tabolo ɓaɗaaka wu ata kareih kulha kako hagaɓɓa mono nahabakeyi, nyiwe naɗa ata kareih kulha enga karamanadi ɓajlana hamanena naɗa mori umma. Mono naɓaweyi tangngadi ngau hakaramana ta olena.
23Ata aika kalapera tabara-Gu, tautakkanage Nauwa hagaɓɓana. Ata aika tulga Nauwa, tautakkanage nyiꞌna kahegara-hauragage ha ulla-Gu!”
Haggana wad japata
(Mat. 12:43-45)
24Yesus nahakitage hanewena malinage, “Naɗa wad japata ɓana huukana walta wu ata, nyi enga nakalehlelege mayegana hadau kahha ta maraɗa karaha, kag kolena ata tannam kag ngahwa ɓalina. Tabolo walena koleꞌ mana ata ɓe ublinage, ‘Eh, dahhaɗahowe ɓag haggawa mono engana ta ata hindau daug ulge.’ 25Kole ɓana ɗik neɗo ta hadau, naɗikkin naɗa ata natuʄawe umma luu hahaboɓe mono namapahaɓewe. 26Lohho nyi nakako mono nangidiyi pit wad waɗeka kareih japata walta nyi. Ɓegge maɗa tama ta ata lohho engana neɗa. Mono hup hadage haɗana naɗa ata reih ai tidage wal puge.”
Lagahara kalangna
27Tangranai Yesus ɓana hanewe, wu lawai walta jonga ata buta linage tabarai Yesus, “Hadda kanyurwe lawai kaha ana-Gu mono kaha huhu-Wu!”
28Taboloi Yesus balehanage, “Hadda reih maringna ata karangewe hataknai Alla mono karayige!”
Ata ɗakaraiwe tabarai Yesus kana rayige kahekagaina
(Mat. 12:38-42)
29Tangraɗa ata ɓaɗa kilorani Yesus, Nyi nahakitage hanewena malinage, “Mi ata ɓatauge hadda japata. Mim karaiwe kagrayige kahekagaina tannam kam hatena tabara-Gu, tabolo mi waleg yiiꞌmagim wu ak kahekagaina, dukahege kahekagaina kaɗaꞌ tabara lede-liiy Yunus. 30Ulge agawe kaɗaꞌ tabara lede-liiy Yunus nyiꞌwe kahekagaina tuɓaɗa ata Niniwe, ɓa Nyi Alla kahalewai lede-liiy Yunus. Tauɗa ɗummoge agawe nim kaɗaꞌ tabara-Gu Ana-Na Kaɗaꞌ Ata nyiꞌwe kahekagaina tuɓaɗa ata ɓatauge, ɓa Nyi Alla kahalewa-Wa. 31Ta Laɗo Rah Kaweɗage pan-tana, raja lawai Syeba walta Selatan enga nakaɗe maranga ɗanganadi ata ɓatauge walta jonga ata mate, mono nadede ta aronai Alla manahajalayi yiɗɗa. Ulge naɗa ratu namai walta hadau kahadda marau ta hup tana, dukaɗahege tut mai rangewe maniwola pahangaɗanai Salomo. Katautakkanage nehe ɓatauge ta jongami, ɗaa-Ga kareih madakka waltai Salomo! Tabolo mi walem baiꞌmage range-Wa. 32Mono ta Laɗo Rah Kaweɗage pan-tana, ata Niniwe enga kaɗe marangaɗangaʄaladi ata ɓatauge, mono ɗahajalayi yiɗɗa. Oroge raɗa ata Niniwe ʄarra walta doku-jalaɗa kolei lede-liiy Yunus ɓana talarage Liinai Alla tabaraɗa. Tabolo nehe ɓatauge ta jongami ɗaan kareih madakka waltai Yunus, tanyiɗuwe mi walem ʄarraꞌmam!”
Hanuwanai Yesus natuʄawe latwe kamagakaha
(Mat. 5:15, 6:22-23)
33“Walaꞌma wu ata kaharewo latwe kaɓunyge waleka kakur waige hajaal. Tabolo enga natauwe nna latwe ta dokage, tannam ata katama kanaɗaꞌwe etawe magakaha. 34Matam natuʄawe latwe tut taum. Raɗa matam ɓana hirayi, tangngage taum namagakahage. Tabolo matam ɓana yaworayi, tangngage taum nakapagta kikkage. 35Oro ɓatauɗage, hamataragela, tannam kaɗaage magakaha lar ta taum, wale kapagtaɗaꞌmawe. 36Tangngage taum ɓana magakahage, mono wale laꞌhingmana hoꞌak kapagtana, ma tangngage taum namagakahage katauna latwe kahamagakahagu.”
Yesus nahajalai ata walta kalibbo Farisi mono gurr agama ata Yahudi
(Mat. 23:1-36; Mrk. 12:38-40)
37Kolei Yesus ɓanaɓe hanewe, wu ata walta kalibbo Farisi nakamaikani Yesus yaa ta ummana. Manakako yaa neɗa. 38Naɗa ata walta kalibbo Farisi nahangatara ɓana etai Yesus yaa, ahha aina ɓaha ultoi limma-Na ɗoukge kanudka agama. 39Oro ɓatauɗage Mori linage tabarana, “Nno mi ata walta kalibbo Farisi kadamma ɓahai kaɓedoɗahed koɓa mono taɓo, tabolo ta atem ban ge kajapata mono kamaꞌna ngala ɗauw olem. 40Mi kabangngam! Walei Allaꞌna karayidi kaɓedodi, mono karayi ʄaladi tabara laridi? 41Oro ɓatauɗage, yii agayi kaɗaana tabaramu tut tullun ata milla, ma tangngad kaɗaana tabaramu namarakkayi tabaranai Alla. Ɓam rayi tauɗage, mi enga ɗaꞌ ata kamurraha ta aro matanai Alla, tuʄai koɓa mono taɓo kamurraha walta kaɓedodi lohho ɗummo ta ated.
42Lilokom mi, ata walta kalibbo Farisi! Mi dut takkam ɓamyii wu walta kabul tabaranai Alla walta ngih omam katauna romadawa, bakhawu, rubba mono tangngage ngih gall-baak. Tabolo rayige katena wale ɓiꞌta gaɓɓaꞌma ta ole atam mono manawara tabarai Alla walem ihliꞌmawe, ɗoukɗage nyiɗahowe harayim.
43Lilokom mi, ata walta kalibbo Farisi! Mi ɓam baige hadau kamanadana lar ta umma hadau kangoteɗa ata Yahudi,#11.43 Umma hadau kangote ata Yahudi, yoɗa hadau bahhaɗage Jurata Lii-Kira Kamema, hadau kangote, hadau lii-hanuwa lii-ha aka mono hadau pohta palakara. mono ɓam kamaꞌge hibawe ɓaha akagim ta haragana. 44Lilokom mi! Miyo tuʄawe rate aikapang tadana. Raɗa ata kakako nna ta pan rate, walɗa tadaꞌmawe nna yiɗɗa ɓaɗa otoraɓe oroge ɓaɗa yannawe dekege nna rate. Tauɗa ʄalage miː raɗa ata kaɗoukgim, ai hatada waiɗa ɓaɗa ɗoukɓege haɗam ka otora ta aronai Allaǃ”
45Wu ata gurr agama ata Yahudi malinage tabarai Yesus, “Ama Guru, raꞌ hatakkim, pal ʄalamugama!”
46Yesus nabalehawe, “Liloko ʄalam mi, gurr agama! Mi pakhai ole ata Yahudim harayi kamayilla mono yiiy kanudka mourha kaɓiꞌta. Tabolo mi ɗau wale wu kukhingmawe ɓam tullud ɓaɗa rayid raɗa kanudka. 47-48Lilokom mi! Oroge weɗa-waikam baɗa hamateɗadi lede-lii. Mono mi ɗau baɗa ngomige agawe naharayiɓeɗa weɗa-waikam, ɓam rayid wat hodɗa tada manutamidi. Mori enga nayiimige houk kaɓiꞌta. 49Oro nyiꞌwe, Maniwola Pahangaɗanai Alla malinage, ‘Nauwa engag halewayi buta lede-lii mono ata pahalewa-Gu tabaraɗa; ɗaad hamateɗa mono ɗaad hamayillaɗa!’ 50-51Alla enga nahoukgimi ata ɓatauge oroge wal wunga haɗaꞌge pan-tana, weɗa-waikam baɗa hamateɗani Habel mono enga hakitage ɓaɗa hamateyi lede-lii kahha ɓaɗa hamateyi Zakaria. Naɗai Zakaria ɗahamateyi ta jonga hadau tuun maaraka ranga mono koro hadda teingna ta Ummanai Mori. Hatenawela: nna ata ɓatauge enga nahoukud oro tangngage raɗa harayiɗa weɗa-waikam.
52Lilokom mi, gurr agama! Kuh tut ɓugerage ɓinna tannam ata kaɗa tadawe hakab atenai Alla ɗaaɓege tabaram. Tabolo mi ɗau walem auꞌma ɓugerage nna ɓinna tut mayegage tada. Reih ai dahhage, heirɗalmidi ata kamaꞌge ɓugerage ɓinna tut tadawe agawe hakab atenai Alla!”
53Kolei Yesus ɓana ijakage neꞌ hadau, raɗa gurr agama ata Yahudi mono ata walta kalibbo Farisi wale anaꞌmanage baanɗani Yesus. Yiɗɗa ɗakapuɗage mayegan palakarana waige matutra kabuta tabaranai Yesus tannam kana hanewe habutana. 54Yiɗɗa ɗahamatara dahha-Ni kapik yappanadi ɓaɗaaka hanewe-Na kajala.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2024 (Active), Wycliffe Bible Translators, Inc. All rights reserved.