मर्कुस 16
16
इसु मर्याबटहइ जिउना भया
(मत्ति २८:१-८; लुका २४:१-१२; युहन्ना २०:१-१०)
1बिस्राम दिन बित्या पाछा मरियम मग्दलिनि, याकुबकि इजा मरियम रे सलोमिले बास आउन्या मलम इसुका लासमि घस्साइलाइ किन्यो। 2हप्ताका पइल्ला दिनमि प्रभातइ घाम झुल्कन्याबेला तिनु इसुलाइ राखिया च्याहान गइन्। 3पइ तिनुले आपसमि भुन्यो, “च्याहानका मुखमिको ढुङो हामरि निउति को हटाइ देलो?” 4तर ताँ पुगिबर च्याहानमि हेर्यो रे च्याहानका मुखमिको ढुङो हटाइसक्या धेक्यो। त्यो ढुङो भउतइ ठुलो थ्यो। 5रे च्याहानभित्तर पसिबर तिनुले सुकिला टल्कन्या लत्ता लाया एक जनो ज्वान मान्सलाइ च्याहानका दाइनातिर बसिरया धेक्यो, रे तिनु अचम्मइ पडिन्
6तर उनुले तिनुलाइ भुन्यो, “अचम्म जनमान, तमु क्रुसमि टाङिया नासरतका इसुलाइ खोज्दाछउ। उनु जिउना भइबर उठिसक्या छन्। उनु याँ आथिन्। उनुलाइ राख्या ठाउँ हेर। 7जाय, पत्रुस रे अउर सिस्यालाइ भुन कि उनु तमुभन्ना अगाडि गालिल जान्नाछन्। उनुले तमुलाइ भुन्याअन्सार उनुलाइ ताँ धेक्द्या छउ।”
8तिनु निकल्बर च्याहानबटहइ दगुड्या, क्यालाइकि डर रे अचम्मले तिनु कामिरइथिन्। तबइलाइ कसइलाइ केइ भनेइन्, क्यालाइकि तिनु डरायइ थिइन्।
प्रभु इसु सिस्याका वाँ धेका पण्या
(मत्ति २८:९-१०; युहन्ना २०:११-१८)
9इसु आइतबारका दिन प्रभातइ मर्याबटहइ जिउना भयापाछा सप्पइभन्ना पइल्लि मरियम मग्दलिनिका वाँ धेकिया। तिनुइ मरियमबटहइ इसुले सात भुत निकाल्या थ्यो। 10मरियमले गइबर उनरा सिस्यालाइ यो रइबार दिइन्। तिनु बिलाप अरिबर रुन्नाथ्या। 11रे जबइ इसु जिउना भइबर मरियमका वाँ धेकिया कुरा तिनुले सुन्यो, तर तिनुले बिस्वास अरेइन्।
12तइपाछा दुइ सिस्या गाउँतिर जान्नारया बेला तिनरा वाँ अर्खाइ रुपमि धेकिया। 13तिनुले लइ आइबर यो कुरा अउर सिस्यालाइ सुनायो। तर अज तिनु दुइ जनाले भुन्या कुरा लइ अउरले बिस्वास अरेइन्।
14तइपाछा एघारइ जना सिस्या खान्नारया बेला इसु तिनरा वा धेकिया। आफना मन कठोर पाडिबर इसुलाइ मर्याबटहइ जिउना भया धेक्द्दया हुन्याका कुरा सुनिबर लइ तिनुले बिस्वास नअर्या कारणले इसुले तिनुलाइ हप्कायो। 15पइ उनुले तिनुलाइ भुन्यो, “सारा सन्सारमि गइबर सप्पइ मान्सलाइ असल रइबार प्रचार अर। 16बिस्वास अद्या रे बप्तिस्मा लिन्याले उद्दार पाउन्या छन्, रे बिस्वास नअद्या दोसि ठरिन्या छन्। 17बिस्वास अद्दायासित यिनु चिन्ह हुन्या छन्— मेरा नाउँमि तिनुले भुत धपाउन्या छन्, नयाँ भासा बोल्या छन्, 18तिनुले स्याप समाउन्या छन् रे केइ बिसालु कुरा खाया लइ कसइ रितिले तिनरो हानि हुन्या आथिन्। तिनुले बिमारि मान्समि आफना हात राख्द्या छन् रे तिनु निका हुन्या छन्।”
प्रभु इसु स्वर्ग उठाइया
19तइपाछा यसेरि तिनुसित बोलिसक्यापाछा प्रभु इसु स्वर्ग उठाइ लइगिया, रे परमेस्वरका दाइनातिर बस्या। 20पइ तिनु सिस्या गइबर सप्पइ ठउँर प्रचार अर्यो। प्रभु तिनुसित होइबर काम अद्दइ रया, रे अचम्मका चिन्हबटहइ बचनलाइ सत्य पाड्यो।
നിലവിൽ തിരഞ്ഞെടുത്തിരിക്കുന്നു:
मर्कुस 16: DOTY
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2024 (Active), Mother Tongue Translators Society and Wycliffe Bible Translators, Inc. All rights reserved.
मर्कुस 16
16
इसु मर्याबटहइ जिउना भया
(मत्ति २८:१-८; लुका २४:१-१२; युहन्ना २०:१-१०)
1बिस्राम दिन बित्या पाछा मरियम मग्दलिनि, याकुबकि इजा मरियम रे सलोमिले बास आउन्या मलम इसुका लासमि घस्साइलाइ किन्यो। 2हप्ताका पइल्ला दिनमि प्रभातइ घाम झुल्कन्याबेला तिनु इसुलाइ राखिया च्याहान गइन्। 3पइ तिनुले आपसमि भुन्यो, “च्याहानका मुखमिको ढुङो हामरि निउति को हटाइ देलो?” 4तर ताँ पुगिबर च्याहानमि हेर्यो रे च्याहानका मुखमिको ढुङो हटाइसक्या धेक्यो। त्यो ढुङो भउतइ ठुलो थ्यो। 5रे च्याहानभित्तर पसिबर तिनुले सुकिला टल्कन्या लत्ता लाया एक जनो ज्वान मान्सलाइ च्याहानका दाइनातिर बसिरया धेक्यो, रे तिनु अचम्मइ पडिन्
6तर उनुले तिनुलाइ भुन्यो, “अचम्म जनमान, तमु क्रुसमि टाङिया नासरतका इसुलाइ खोज्दाछउ। उनु जिउना भइबर उठिसक्या छन्। उनु याँ आथिन्। उनुलाइ राख्या ठाउँ हेर। 7जाय, पत्रुस रे अउर सिस्यालाइ भुन कि उनु तमुभन्ना अगाडि गालिल जान्नाछन्। उनुले तमुलाइ भुन्याअन्सार उनुलाइ ताँ धेक्द्या छउ।”
8तिनु निकल्बर च्याहानबटहइ दगुड्या, क्यालाइकि डर रे अचम्मले तिनु कामिरइथिन्। तबइलाइ कसइलाइ केइ भनेइन्, क्यालाइकि तिनु डरायइ थिइन्।
प्रभु इसु सिस्याका वाँ धेका पण्या
(मत्ति २८:९-१०; युहन्ना २०:११-१८)
9इसु आइतबारका दिन प्रभातइ मर्याबटहइ जिउना भयापाछा सप्पइभन्ना पइल्लि मरियम मग्दलिनिका वाँ धेकिया। तिनुइ मरियमबटहइ इसुले सात भुत निकाल्या थ्यो। 10मरियमले गइबर उनरा सिस्यालाइ यो रइबार दिइन्। तिनु बिलाप अरिबर रुन्नाथ्या। 11रे जबइ इसु जिउना भइबर मरियमका वाँ धेकिया कुरा तिनुले सुन्यो, तर तिनुले बिस्वास अरेइन्।
12तइपाछा दुइ सिस्या गाउँतिर जान्नारया बेला तिनरा वाँ अर्खाइ रुपमि धेकिया। 13तिनुले लइ आइबर यो कुरा अउर सिस्यालाइ सुनायो। तर अज तिनु दुइ जनाले भुन्या कुरा लइ अउरले बिस्वास अरेइन्।
14तइपाछा एघारइ जना सिस्या खान्नारया बेला इसु तिनरा वा धेकिया। आफना मन कठोर पाडिबर इसुलाइ मर्याबटहइ जिउना भया धेक्द्दया हुन्याका कुरा सुनिबर लइ तिनुले बिस्वास नअर्या कारणले इसुले तिनुलाइ हप्कायो। 15पइ उनुले तिनुलाइ भुन्यो, “सारा सन्सारमि गइबर सप्पइ मान्सलाइ असल रइबार प्रचार अर। 16बिस्वास अद्या रे बप्तिस्मा लिन्याले उद्दार पाउन्या छन्, रे बिस्वास नअद्या दोसि ठरिन्या छन्। 17बिस्वास अद्दायासित यिनु चिन्ह हुन्या छन्— मेरा नाउँमि तिनुले भुत धपाउन्या छन्, नयाँ भासा बोल्या छन्, 18तिनुले स्याप समाउन्या छन् रे केइ बिसालु कुरा खाया लइ कसइ रितिले तिनरो हानि हुन्या आथिन्। तिनुले बिमारि मान्समि आफना हात राख्द्या छन् रे तिनु निका हुन्या छन्।”
प्रभु इसु स्वर्ग उठाइया
19तइपाछा यसेरि तिनुसित बोलिसक्यापाछा प्रभु इसु स्वर्ग उठाइ लइगिया, रे परमेस्वरका दाइनातिर बस्या। 20पइ तिनु सिस्या गइबर सप्पइ ठउँर प्रचार अर्यो। प्रभु तिनुसित होइबर काम अद्दइ रया, रे अचम्मका चिन्हबटहइ बचनलाइ सत्य पाड्यो।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2024 (Active), Mother Tongue Translators Society and Wycliffe Bible Translators, Inc. All rights reserved.