San Juan 9
9
Ä̧to̧ka̧ uwäpächinü̧rü̧, Jesú-mä̧ aditü ikuinü̧
1Jesú-mä̧ 'kuäopomȩnä̧, ya̧tȩ uwäpächinü̧tä̧ päi'ünä̧ ä̧to̧ka̧rü̧ topinü̧. 2Ja̧'wa̧nü̧ ji̧yä̧u̧ u̧wo̧juȩtä̧u̧mä̧ jä'epü ttä̧ju̧kui̧nä̧ku̧:
—Chu̧ru̧wa̧ ¿Tta̧'a̧nü̧ pä'ü pidemä̧ ä̧to̧ka̧ uwäpächinüjä̧ttü̧? ¿Jä'o jü̧ juiyüttümä̧, ja̧ju̧'i̧nä̧ jü̧ juiyüttümä̧, chutä surojü jȩi̧na̧'a̧ tä̧jí̧?
3Jesú ädätinä̧u̧:
—Chutä'i̧nä̧, jä'o'i̧nä̧, ja̧ju̧'i̧nä̧ surojü jȩtti̧na̧'a̧mä̧kü̧ ja̧'a̧; jua'amä̧ pärokuä Dio jȩü̧ jua̧u̧nä̧ i̧jȩkuä̧cha̧ pä'ü ja̧'a̧. 4Ji̧nä̧ mo̧ro̧ jä̧i̧tä̧, ttürü we'inü̧ aditäwämä̧ chadita pä'ü ja̧'a̧; täkü yodó juomȩnä̧mä̧ ya̧tȩ'i̧nä̧ aditü juiyünä̧ ja̧'a̧. 5Ji̧nä̧ pi̧jä̧nä̧ chü̧jä̧i̧mä̧, Ttütäsä pi̧jä̧ i̧tȩya̧u̧sä̧.
6Pi̧yȩ pä'ü kä'ädü, Jesú-mä̧ rȩjȩ su'opo'ü, ä isoyanä̧ redäwa päi'ünä̧ jȩpo̧'ü̧, ä̧to̧ka̧ i'äriyänä be'epü rü̧nü̧, 7Päinä̧ku̧:
Siroé ajiya akuo'tattü tükäu ikuäji, (Siroé pä'ümä̧: wȩ'ä̧wa̧ pä'ü päwä).
Weäjäku tükäu i̧wä̧ji̧'ka̧, täkü toünä̧ wa̧tä̧ ppa̧'ä̧chi̧nü̧. 8Ja̧'wa̧nü̧ ja̧'a̧, ojusode ppeyä kka̧kuä̧'i̧jä̧tü̧mä̧, ä̧to̧ka̧'a̧ topä'ijätü'i̧nä̧, pä'inä̧tü̧:
¿Pidemä̧ pärätä jä̧'ȩpä̧rü̧ pä̧'i̧jü̧mä̧kü̧?
9Yotukunä̧mä̧ pä'inä̧tü̧:
A̧ jua̧u̧tä̧ ja̧'a̧, kkorotümä̧ pä'ä'chinä̧tü̧:
Jua̧u̧mä̧kü̧, jua'akumä̧ jua̧u̧tä̧ta̧'a̧nü̧ 'kua̧ra̧ ja̧'a̧nä̧.
Pättä'chiyäku, chutämä̧, pä'inü̧:
A̧, ttütäsä.
10Pä̧i̧yä̧u̧, jä'epü ttä̧ju̧kui̧nä̧ku̧:
¿Ja̧'wa̧nü̧ jü̧ttü̧mä̧, jitämä̧ toku ja̧'a̧ topüjä̧ttü̧?
11Jua̧u̧mä̧ ädätinä̧u̧:
Chu, Jesú pättä'ijäku, redäwa päi'ünä̧ játopo'ü, chi'äriyänä̧ be'epü rü̧nü̧, Siroé ajiya iso̧'ta̧ttü̧ tükäwäji, päjäku. 'Chä̧ji̧'ka̧ chütükäwomȩnä̧, tochünä̧ pä'i'äjisä.
12Ji̧ä̧wä̧u̧, ¿Jua̧u̧mä̧ tó ü̧ja̧'a̧jä̧ttü̧?
—Pättäku:
—Jȩru̧pa̧sä̧ pä'inü̧.
Fariseo-mä̧ ä̧to̧kä̧ji̧rü̧ jä'epä̧ri̧nä̧tü̧
13Ä̧to̧kä̧ji̧ o̧'ka̧rü̧mä̧, fariseo wotü ttä'ka jo̧mȩ ȩpi̧nä̧tü̧. 14Ja̧'wa̧nü̧, ä̧to̧ka̧rü̧, Jesú redäwa jȩpü̧, tükäu ikuäji päinü̧ mo̧ro̧mä̧, 'kuä'ächi'ü pä̧mä̧dä̧kuä̧wä̧ mo̧ro̧ ji̧na̧'a̧. 15Ja̧'wa̧nü̧ ja̧'a̧, fariseo wotümä̧ toku to'kua'ajä̧ttü̧ jitämä̧ pä'ü jä̧ttȩpä̧ri̧nä̧ku̧. Juätürü ädätinü̧:
Chi'äriyänä̧, redäwa päi'ünä̧ jȩpo̧'ü̧, bä'epü ü̧nä̧ja̧'a̧, chütükäwomȩnä̧ tochünä̧ päi'äja'a.
16Fariseo wotümä̧ yotukunä̧ pä'inä̧tü̧:
—Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧.
Ja̧'wa̧nü̧ pätta'anä̧, kkorotümä̧ pä'inä̧tü̧:
—¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧?
Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧. 17Ja̧'wa̧nü̧ jä̧u̧, pä'äjita'anü̧ ä̧to̧ki̧nü̧ o̧'ka̧rü̧ jä'epü ä̧ju̧kui̧nä̧tü̧:
—Ukuru to'kunä̧ jȩä̧ja̧'a̧mä̧, ¿Toku päkua'ajä̧ttü̧, Jua̧u̧ ütü'kümä̧?
Pättäku ädätinä̧u̧:
—Ttümä̧, profeta ja̧'a̧, pä'üsä.
18Ja̧'wa̧nü̧ pä'anä̧, judío-mä̧ ä̧to̧kä̧ji̧ o̧'ka̧rü̧ esetü jui'ü, jä'orü'i̧nä̧, ja̧ju̧ru̧'i̧nä̧ wopinä̧tü̧. 19Juätürü, jä'epü ä̧ju̧kui̧nä̧tü̧:
—¿Pidetä kui̧tti̧tu̧ku̧, ä̧to̧ka̧ uwäpächinü̧mä̧? ¿Jitämä̧, toku ja̧'a̧ toa'ajä̧ttü̧?
20Ja̧'wa̧nü̧ pä̧ttä̧u̧ jä'o'i̧nä̧, ja̧ju̧'i̧nä̧ ädätinä̧tü̧:
—Pidemä̧, ti̧tti̧ ä̧to̧ka̧ uwäpächinü̧ pä'ümä̧ wo̧juä̧tü̧jä̧; 21ja̧'wa̧nü̧ ja̧'a̧nä̧ jitä i'äre toa'amä̧ ja̧'wa̧nü̧ jä̧ja̧'a̧ topü pä'ümä̧ jerupätüjä̧. Chutätä täkü büó, churutä jä'epü ä̧ju̧kuä̧tu̧kui̧rü̧, chutä jiäwätukuaku.
22Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧. 23Ja̧'wa̧nü̧ ji̧yä̧u̧ jä'o'i̧nä̧, ja̧ju̧'i̧nä̧ pä'inä̧tü̧: täkü büó, churutä jä'epü ä̧ju̧kuä̧tu̧kui̧rü̧, jü̧nä̧.
24Pä'äji jä̧ji̧ta̧'a̧nü̧ ä̧to̧ki̧nü̧ päjirü judío-mä̧ wopo'ü pättinä̧ku̧:
—¡Isopäi'ünä̧ Dio jäwä ja̧'a̧ pä'ü, Dio-rü esewi. Ujutumä̧, jua̧u̧ru̧mä̧ surojü kku̧nä̧rü̧ pä'ätüjä̧!
25Jua̧u̧mä̧ ädätinä̧u̧:
—Surojü jȩpä̧'i̧jü̧ pä'ümä̧ jȩru̧pa̧sä̧. Ttü chu̧wo̧juö̧mä̧, ä'kojimä̧ chä̧to̧ki̧na̧'a̧nä̧, jitämä̧ tochütä ja̧'a̧.
26Pä'äjita'anü̧ jättepinä̧ku̧:
—¿Däjé jȩä̧jä̧ku̧ttü̧? ¿Toku jȩä̧ku̧ttü̧ to'kua pä'ümä̧?
27Pättäku, ädätinä̧u̧:
—Täkü jidäwa'anä̧ esetokotü päjätüjä̧. ¿Tta̧'a̧nü̧ pä'ü, pä'äjita'anü̧ kuä̧ju̧kuä̧tu̧kua̧ päkuätukua'ajä̧ttü̧? ¿Ukutu'i̧nä̧ jua̧u̧ umüwäyotü kuätukua päkuätukua'a tä̧jí̧?
28Ja̧'wa̧nü̧ pä̧u̧, ra̧wä̧ri̧pü̧ pättinä̧ku̧:
—Ukutäjä̧, jua̧u̧ u̧mü̧wä̧ya̧mä̧; ujutumä̧ Moisé-tä umüwäyotüjä̧.
29Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.
30Jua̧u̧mä̧ ädätinä̧u̧:
—¡Isotä päkuätukuä! ukutumä̧ ichinomȩmä̧ kuieruwätukua'anä̧, ttürümä̧ chi'äre tochünä̧ aditü ikuäji. 31Ja̧'wa̧ta̧nü̧ wo̧juä̧tü̧jä̧, Dio-mä̧ surojü jȩpä̧tü̧rü̧mä̧ ä̧ju̧kuo̧kü̧ pä'ü; ja̧'wa̧nü̧ ja̧'a̧nä̧ Churutä ye'eku, ukuotäkuäwänä̧mä̧, ä̧ju̧ku̧ pä'ü. 32Yoriso ya'utenä̧'i̧nä̧ ä̧ju̧kuä̧kuä̧wo̧ka̧'a̧ jä̧'i̧ja̧'a̧; ya̧tȩ uwäpächinü̧tä̧ päi'ünä̧ ä̧to̧ka̧rü̧ aditü ikuäjido pätta'amä̧. 33Isopäi'ünä̧, Jua̧u̧ Dio-ttü ichoka'a ji̧nü̧ juiyüttümä̧, kkorojueimä̧ jȩpo̧kü̧ päji 'kua̧ra̧'a̧.
34Pä̧i̧yä̧u̧ pättinä̧ku̧:
—Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.
Epíritu jäwänä̧ ä̧to̧kä̧kuä̧wä̧ wȩnȩ
35Jesú-mä̧ ä̧ju̧kui̧nü̧: ä̧to̧kä̧ji̧ päjirü rä'epü ikuäjätüdo pätta'a; jua̧u̧nü̧ o'ka'a topümä̧, jä'epü ä̧ju̧kui̧nä̧ku̧:
—¿Ukumä̧, isopäi'ünä̧ Ubo I̧tti̧rü̧ esetüjä̧?
36Päku, ädätinü̧:
—Chu̧ru̧wa̧ tidejä̧ttü̧, ji'äwittü; ttü'i̧nä̧ jua̧u̧ru̧ cheseta.
37Jesú-mä̧ ädätinä̧ku̧:
—Täkü to'kuäku; ttütäsä, ukutäku ukuoku.
38Ja̧'wa̧nü̧ päku, päinä̧ku̧: Esetüsä, Chu̧ru̧wa̧, pä'ü, —iwe'kiyunä̧ pä̧mä̧dü̧, Jesú-ru esewinü̧.
39Jua̧u̧nü̧ o'ka'a Jesú-mä̧ pä'inü̧:
—Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.
40Pi̧yȩ ä̧ju̧ku̧, yotukunä̧ fariseo wotü, juȩnȩ kka̧kuä̧tü̧mä̧ pä'inä̧tü̧:
—¿Jua̧u̧ttü̧mä̧, ujutu'i̧nä̧ ä̧to̧kä̧tü̧jä̧?
41Jesú ädätinü̧ juätürü:
—Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.
നിലവിൽ തിരഞ്ഞെടുത്തിരിക്കുന്നു:
San Juan 9: PNT13
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela
San Juan 9
9
Ä̧to̧ka̧ uwäpächinü̧rü̧, Jesú-mä̧ aditü ikuinü̧
1Jesú-mä̧ 'kuäopomȩnä̧, ya̧tȩ uwäpächinü̧tä̧ päi'ünä̧ ä̧to̧ka̧rü̧ topinü̧. 2Ja̧'wa̧nü̧ ji̧yä̧u̧ u̧wo̧juȩtä̧u̧mä̧ jä'epü ttä̧ju̧kui̧nä̧ku̧:
—Chu̧ru̧wa̧ ¿Tta̧'a̧nü̧ pä'ü pidemä̧ ä̧to̧ka̧ uwäpächinüjä̧ttü̧? ¿Jä'o jü̧ juiyüttümä̧, ja̧ju̧'i̧nä̧ jü̧ juiyüttümä̧, chutä surojü jȩi̧na̧'a̧ tä̧jí̧?
3Jesú ädätinä̧u̧:
—Chutä'i̧nä̧, jä'o'i̧nä̧, ja̧ju̧'i̧nä̧ surojü jȩtti̧na̧'a̧mä̧kü̧ ja̧'a̧; jua'amä̧ pärokuä Dio jȩü̧ jua̧u̧nä̧ i̧jȩkuä̧cha̧ pä'ü ja̧'a̧. 4Ji̧nä̧ mo̧ro̧ jä̧i̧tä̧, ttürü we'inü̧ aditäwämä̧ chadita pä'ü ja̧'a̧; täkü yodó juomȩnä̧mä̧ ya̧tȩ'i̧nä̧ aditü juiyünä̧ ja̧'a̧. 5Ji̧nä̧ pi̧jä̧nä̧ chü̧jä̧i̧mä̧, Ttütäsä pi̧jä̧ i̧tȩya̧u̧sä̧.
6Pi̧yȩ pä'ü kä'ädü, Jesú-mä̧ rȩjȩ su'opo'ü, ä isoyanä̧ redäwa päi'ünä̧ jȩpo̧'ü̧, ä̧to̧ka̧ i'äriyänä be'epü rü̧nü̧, 7Päinä̧ku̧:
Siroé ajiya akuo'tattü tükäu ikuäji, (Siroé pä'ümä̧: wȩ'ä̧wa̧ pä'ü päwä).
Weäjäku tükäu i̧wä̧ji̧'ka̧, täkü toünä̧ wa̧tä̧ ppa̧'ä̧chi̧nü̧. 8Ja̧'wa̧nü̧ ja̧'a̧, ojusode ppeyä kka̧kuä̧'i̧jä̧tü̧mä̧, ä̧to̧ka̧'a̧ topä'ijätü'i̧nä̧, pä'inä̧tü̧:
¿Pidemä̧ pärätä jä̧'ȩpä̧rü̧ pä̧'i̧jü̧mä̧kü̧?
9Yotukunä̧mä̧ pä'inä̧tü̧:
A̧ jua̧u̧tä̧ ja̧'a̧, kkorotümä̧ pä'ä'chinä̧tü̧:
Jua̧u̧mä̧kü̧, jua'akumä̧ jua̧u̧tä̧ta̧'a̧nü̧ 'kua̧ra̧ ja̧'a̧nä̧.
Pättä'chiyäku, chutämä̧, pä'inü̧:
A̧, ttütäsä.
10Pä̧i̧yä̧u̧, jä'epü ttä̧ju̧kui̧nä̧ku̧:
¿Ja̧'wa̧nü̧ jü̧ttü̧mä̧, jitämä̧ toku ja̧'a̧ topüjä̧ttü̧?
11Jua̧u̧mä̧ ädätinä̧u̧:
Chu, Jesú pättä'ijäku, redäwa päi'ünä̧ játopo'ü, chi'äriyänä̧ be'epü rü̧nü̧, Siroé ajiya iso̧'ta̧ttü̧ tükäwäji, päjäku. 'Chä̧ji̧'ka̧ chütükäwomȩnä̧, tochünä̧ pä'i'äjisä.
12Ji̧ä̧wä̧u̧, ¿Jua̧u̧mä̧ tó ü̧ja̧'a̧jä̧ttü̧?
—Pättäku:
—Jȩru̧pa̧sä̧ pä'inü̧.
Fariseo-mä̧ ä̧to̧kä̧ji̧rü̧ jä'epä̧ri̧nä̧tü̧
13Ä̧to̧kä̧ji̧ o̧'ka̧rü̧mä̧, fariseo wotü ttä'ka jo̧mȩ ȩpi̧nä̧tü̧. 14Ja̧'wa̧nü̧, ä̧to̧ka̧rü̧, Jesú redäwa jȩpü̧, tükäu ikuäji päinü̧ mo̧ro̧mä̧, 'kuä'ächi'ü pä̧mä̧dä̧kuä̧wä̧ mo̧ro̧ ji̧na̧'a̧. 15Ja̧'wa̧nü̧ ja̧'a̧, fariseo wotümä̧ toku to'kua'ajä̧ttü̧ jitämä̧ pä'ü jä̧ttȩpä̧ri̧nä̧ku̧. Juätürü ädätinü̧:
Chi'äriyänä̧, redäwa päi'ünä̧ jȩpo̧'ü̧, bä'epü ü̧nä̧ja̧'a̧, chütükäwomȩnä̧ tochünä̧ päi'äja'a.
16Fariseo wotümä̧ yotukunä̧ pä'inä̧tü̧:
—Pi̧yȩ jȩpä̧ji̧mä̧, Dio wȩ'ä̧wa̧mä̧kü̧, sawaru mo̧ro̧'i̧nä̧ ukuotokü ja̧'a̧ttü̧.
Ja̧'wa̧nü̧ pätta'anä̧, kkorotümä̧ pä'inä̧tü̧:
—¿Toku pä'ü, surojü kku̧nä̧rü̧ ja̧'a̧nä̧, jua̧u̧ jȩtto̧kü̧ jueimä̧ jȩpü̧jä̧ttü̧?
Ja̧'wa̧nü̧ pä'ü, 'kä̧'ȩchä̧chi̧nä̧tü̧ ttukuokuttümä̧. 17Ja̧'wa̧nü̧ jä̧u̧, pä'äjita'anü̧ ä̧to̧ki̧nü̧ o̧'ka̧rü̧ jä'epü ä̧ju̧kui̧nä̧tü̧:
—Ukuru to'kunä̧ jȩä̧ja̧'a̧mä̧, ¿Toku päkua'ajä̧ttü̧, Jua̧u̧ ütü'kümä̧?
Pättäku ädätinä̧u̧:
—Ttümä̧, profeta ja̧'a̧, pä'üsä.
18Ja̧'wa̧nü̧ pä'anä̧, judío-mä̧ ä̧to̧kä̧ji̧ o̧'ka̧rü̧ esetü jui'ü, jä'orü'i̧nä̧, ja̧ju̧ru̧'i̧nä̧ wopinä̧tü̧. 19Juätürü, jä'epü ä̧ju̧kui̧nä̧tü̧:
—¿Pidetä kui̧tti̧tu̧ku̧, ä̧to̧ka̧ uwäpächinü̧mä̧? ¿Jitämä̧, toku ja̧'a̧ toa'ajä̧ttü̧?
20Ja̧'wa̧nü̧ pä̧ttä̧u̧ jä'o'i̧nä̧, ja̧ju̧'i̧nä̧ ädätinä̧tü̧:
—Pidemä̧, ti̧tti̧ ä̧to̧ka̧ uwäpächinü̧ pä'ümä̧ wo̧juä̧tü̧jä̧; 21ja̧'wa̧nü̧ ja̧'a̧nä̧ jitä i'äre toa'amä̧ ja̧'wa̧nü̧ jä̧ja̧'a̧ topü pä'ümä̧ jerupätüjä̧. Chutätä täkü büó, churutä jä'epü ä̧ju̧kuä̧tu̧kui̧rü̧, chutä jiäwätukuaku.
22Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧. 23Ja̧'wa̧nü̧ ji̧yä̧u̧ jä'o'i̧nä̧, ja̧ju̧'i̧nä̧ pä'inä̧tü̧: täkü büó, churutä jä'epü ä̧ju̧kuä̧tu̧kui̧rü̧, jü̧nä̧.
24Pä'äji jä̧ji̧ta̧'a̧nü̧ ä̧to̧ki̧nü̧ päjirü judío-mä̧ wopo'ü pättinä̧ku̧:
—¡Isopäi'ünä̧ Dio jäwä ja̧'a̧ pä'ü, Dio-rü esewi. Ujutumä̧, jua̧u̧ru̧mä̧ surojü kku̧nä̧rü̧ pä'ätüjä̧!
25Jua̧u̧mä̧ ädätinä̧u̧:
—Surojü jȩpä̧'i̧jü̧ pä'ümä̧ jȩru̧pa̧sä̧. Ttü chu̧wo̧juö̧mä̧, ä'kojimä̧ chä̧to̧ki̧na̧'a̧nä̧, jitämä̧ tochütä ja̧'a̧.
26Pä'äjita'anü̧ jättepinä̧ku̧:
—¿Däjé jȩä̧jä̧ku̧ttü̧? ¿Toku jȩä̧ku̧ttü̧ to'kua pä'ümä̧?
27Pättäku, ädätinä̧u̧:
—Täkü jidäwa'anä̧ esetokotü päjätüjä̧. ¿Tta̧'a̧nü̧ pä'ü, pä'äjita'anü̧ kuä̧ju̧kuä̧tu̧kua̧ päkuätukua'ajä̧ttü̧? ¿Ukutu'i̧nä̧ jua̧u̧ umüwäyotü kuätukua päkuätukua'a tä̧jí̧?
28Ja̧'wa̧nü̧ pä̧u̧, ra̧wä̧ri̧pü̧ pättinä̧ku̧:
—Ukutäjä̧, jua̧u̧ u̧mü̧wä̧ya̧mä̧; ujutumä̧ Moisé-tä umüwäyotüjä̧.
29Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.
30Jua̧u̧mä̧ ädätinä̧u̧:
—¡Isotä päkuätukuä! ukutumä̧ ichinomȩmä̧ kuieruwätukua'anä̧, ttürümä̧ chi'äre tochünä̧ aditü ikuäji. 31Ja̧'wa̧ta̧nü̧ wo̧juä̧tü̧jä̧, Dio-mä̧ surojü jȩpä̧tü̧rü̧mä̧ ä̧ju̧kuo̧kü̧ pä'ü; ja̧'wa̧nü̧ ja̧'a̧nä̧ Churutä ye'eku, ukuotäkuäwänä̧mä̧, ä̧ju̧ku̧ pä'ü. 32Yoriso ya'utenä̧'i̧nä̧ ä̧ju̧kuä̧kuä̧wo̧ka̧'a̧ jä̧'i̧ja̧'a̧; ya̧tȩ uwäpächinü̧tä̧ päi'ünä̧ ä̧to̧ka̧rü̧ aditü ikuäjido pätta'amä̧. 33Isopäi'ünä̧, Jua̧u̧ Dio-ttü ichoka'a ji̧nü̧ juiyüttümä̧, kkorojueimä̧ jȩpo̧kü̧ päji 'kua̧ra̧'a̧.
34Pä̧i̧yä̧u̧ pättinä̧ku̧:
—Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.
Epíritu jäwänä̧ ä̧to̧kä̧kuä̧wä̧ wȩnȩ
35Jesú-mä̧ ä̧ju̧kui̧nü̧: ä̧to̧kä̧ji̧ päjirü rä'epü ikuäjätüdo pätta'a; jua̧u̧nü̧ o'ka'a topümä̧, jä'epü ä̧ju̧kui̧nä̧ku̧:
—¿Ukumä̧, isopäi'ünä̧ Ubo I̧tti̧rü̧ esetüjä̧?
36Päku, ädätinü̧:
—Chu̧ru̧wa̧ tidejä̧ttü̧, ji'äwittü; ttü'i̧nä̧ jua̧u̧ru̧ cheseta.
37Jesú-mä̧ ädätinä̧ku̧:
—Täkü to'kuäku; ttütäsä, ukutäku ukuoku.
38Ja̧'wa̧nü̧ päku, päinä̧ku̧: Esetüsä, Chu̧ru̧wa̧, pä'ü, —iwe'kiyunä̧ pä̧mä̧dü̧, Jesú-ru esewinü̧.
39Jua̧u̧nü̧ o'ka'a Jesú-mä̧ pä'inü̧:
—Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.
40Pi̧yȩ ä̧ju̧ku̧, yotukunä̧ fariseo wotü, juȩnȩ kka̧kuä̧tü̧mä̧ pä'inä̧tü̧:
—¿Jua̧u̧ttü̧mä̧, ujutu'i̧nä̧ ä̧to̧kä̧tü̧jä̧?
41Jesú ädätinü̧ juätürü:
—Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela