San Lucas 15
15
Oweja re'tewinünä̧ wȩnȩtü̧ ji'äwinü̧
(Mt 18.10-14)
1Ttü̧ja̧mä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü suronä̧ jȩpü̧ ttü̧ja̧'a̧ ukuotä'ijätü'i̧nä̧ o'katoi'ünä̧ Jesú jiäwa'a ttä̧ju̧kua̧ pä'ü ka̧ka̧kui̧nä̧tü̧. 2Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧:
—Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧. 3Pättä'chiyäku, ä̧ju̧ku̧ Jesú-mä̧ pa̧'a̧nü̧ wȩnȩtü̧ päinä̧u̧: 4¿Ditä ja̧'a̧jä̧ttü̧ ukututtü ya̧tȩ ciȩnü̧ oweja-tü̧rü̧ u̧ju̧nä̧ra̧'a̧ juätüttü ya̧tȩ toepomȩnä̧, juätürütä kku̧ni̧pü̧, to'epürü de'iyura̧'a̧ ü̧'o̧kui̧'o̧mȩbü päi'ünä̧ usú 'cho̧kü̧mä̧? 5Ja̧'wa̧nü̧ i̧'chä̧ja̧'a̧ po̧kui̧pü̧, u'upi'kanä̧ kä'eku wȩnä̧wi̧'ü̧, 6ojusodera̧'a̧ 'chä̧wi̧'ü̧mä̧, awaruwärü'i̧nä̧, ojusode ppeyänä̧ kka̧kuä̧tü̧rü̧'i̧nä̧ ka̧ka̧to̧'ü̧ pä'ü: Ttütäku eseäkuäwätukui, täkü chäjirümä̧ po̧kui̧pä̧ji̧sä̧, jü̧nä̧. 7Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.
Pä̧rä̧tä̧bi̧ toe'inä̧bi̧nä̧ wȩnȩtü̧ ji'äwinü̧
8¿Ja̧'wa̧ta̧nü̧, tajutä jä̧ttü̧ kkiäre pärätä to̧mü̧rȩ jäwä kku̧ju̧nä̧ra̧'a̧, ji̧bi̧tȩ toepomȩnä̧ ra̧pa̧ra̧ rȩdȩto̧'ü̧, kkü̧'o̧kui̧'o̧mȩbü päi'ünä̧, juatü ikú usokojumä̧? 9Ja̧'wa̧nü̧ jȩpü̧, kku̧'o̧kui̧'omȩnä̧, kkojusode ppeyänä̧ kka̧kuä̧tü̧rü̧'i̧nä̧, kkorotü kkawaruwä nä̧tü̧rü̧'i̧nä̧ ka̧ka̧to̧'ü̧ pä'äju: Ttüku eseäkuäwätukui, täkü pä̧rä̧tä̧bi̧ to̧ȩpä̧jä̧bi̧mä̧ po̧kui̧pä̧jä̧ju̧sä̧, jü̧nä̧ 10Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.
Ya̧tȩ i̧tti̧ ppa̧wä̧chi̧na̧'a̧ wȩnȩtü̧ ji'äwinü̧
11Jesú pi̧yȩnä̧'i̧nä̧ wȩnȩtü̧ ji'äwinü̧: Ya̧tȩ i̧tti̧mü̧ ta̧ju̧ru̧ kku̧nä̧ri̧nü̧. 12Juätüttü, rüjí ru̧wa̧ jä'orü pä'inü̧: Chä'o ttürü kuiya pä'ü 'kȩ'ȩpü̧ ku̧ju̧nä̧'i̧jü̧ iyittü, päku; jä'omä̧ ta̧ju̧kuäyotürü 'kȩ'ȩpü̧ iyinä̧u̧. 13Iyäja'attümä̧, a̧'u̧kua̧'a̧tä̧ mo̧ro̧ o'ka'a, o'kajuiyünä̧ ka̧ka̧ti̧'i̧pü̧, i̧tti̧ rüjí ru̧wa̧ päjimä̧, kkoro rȩjȩra̧'a̧ i̧wi̧'i̧nü̧; jua'attümä̧ o'kajuiyünä̧tä̧ be'eku ikuinü̧, pä̧wä̧rü̧ja̧'a̧ku̧tä̧ jȩpü̧ kkä̧nü̧. 14Ja̧'wa̧nü̧ jȩpü̧ o'kajuiyünä̧tä̧ be'eku ikuäji o'ka'a, juä̧jä̧ rȩjȩnä̧ ppäi ttu'u usurä ttȩmä̧u̧ rȩbȩä̧kuä̧wo̧mȩnä̧, jua̧u̧ru̧'i̧nä̧ rekuä rü̧jü̧ rȩbȩä̧kuä̧wi̧na̧'a̧. 15Ja̧'wa̧nü̧ jä̧ku̧, juä̧jä̧nä̧ttü̧ ya̧tȩrü̧ adita pä'ü jäepomȩnä̧, ku̧chi̧tü̧rü̧ tta̧'ä̧rü̧ adita pä'ütä weinä̧ku̧. 16Jua'attü rü̧ȩnä̧ ukua ppä̧i̧ri̧jä̧ku̧, ku̧chi̧tü̧ ttukú wo̧i̧'tä̧ttü̧#15.16 Algarroba wo̧i̧'tä̧ jä̧'i̧nü̧'a̧nü̧ jü̧. Pi̧yȩ tü'kümä̧ glosario-ra̧'a̧ räopa'a. ukua pä'anä̧, ya̧tȩ'i̧nä̧ ttiyokoku pinü̧. 17Ja̧'wa̧nü̧ jä̧ku̧, amükuädi'ü pä'inü̧: ¡Chä'o ojusodenä̧ aditätü, ttu̧kuȩmä̧ yoriso surojuoa'anä̧, pottümä̧, ppäittü 'korujuo'ächüsä! 18Chä'o ojusodera̧'a̧tä̧ ppa̧dä̧cha̧ttü̧, topümä̧ pa̧'a̧nü̧ pädarüjä̧: Chä'o, ttümä̧ Dio'i̧nä̧ weokü, uku'i̧nä̧ wekuokü, suronä̧ jȩpä̧ji̧sä̧, jü̧nä̧. 19Täkü kui̧tti̧ cha pä'ümä̧ jui̧'a̧sä̧, ku̧wo̧juȩtä̧u̧rü jȩ'kuä̧'i̧jü̧'a̧nü̧tä̧, ku̧mü̧wä̧ya̧ jü̧nä̧tä̧ juo'epittü. 20Ja̧'wa̧nü̧ amükuädü jä'o ojusodera̧'a̧ku̧ ppa̧'ä̧chi̧nü̧.
Ja̧'wa̧nü̧ jä̧ja̧'a̧, ji̧nä̧ otó icha'anä̧, jä'omä̧ topo'ü, rȩrü̧jü̧nü̧ amükuädü, jopächü, u̧ru̧pä̧'kȩnä̧ wa'adi'ü, 'chu̧'o̧pü̧ esewinä̧ku̧. 21Ja̧'wa̧nü̧ ja̧'a̧, jä'orü päinü̧: chä'o Dio'i̧nä̧ weokü, uku'i̧nä̧ wekuokü, suronä̧ jȩpi̧nü̧sä̧, täkü chi̧tti̧ pä'ümä̧ okuättü. 22Pä'anä̧ jä'omä̧, u̧mü̧wä̧yotürü pä'inü̧: 'ü̧'ka̧tä̧wä̧ta̧ adiwäta̧ttü̧ ȩmo̧po̧'ü̧ 'ka̧tä̧tu̧kui̧rü̧; üdo'che i̧so̧bü̧'i̧nä̧ rü̧nü̧, ü̧jä̧pü̧ isäya'i̧nä̧ kkü̧nä̧tu̧kui̧rü̧. 23Ja̧'wa̧ta̧nü̧ päkäyä mü̧ä̧ya̧rü̧ bä̧rȩpa̧ttü̧ kuä'ätukui, pä'käri jȩpü̧ teseäkuäwätukua. 24Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧. 25Ja̧'wa̧nü̧ 'kuäopa'anä̧ i̧tti̧ ä̧kuo̧mȩnä̧ ru̧wa̧mä̧, pättara̧'a̧ kkä̧ji̧'ka̧ isode tü'künä̧nü̧ ichi'ü ä̧ju̧kuo̧mȩnä̧, baira tütta'a música ukuokuina̧'a̧. 26Ja̧'wa̧nü̧ ä̧ju̧ku̧, jä'o umüwäyotüttü ya̧tȩrü̧ wopo'ü, däjé ja̧ pä'ü jä'epü ä̧ju̧kui̧nü̧. 27Jäepäku, adikuä i̧sa̧mä̧ jiäwinä̧ku̧: Jua'amä̧ kui̧jä̧wa̧ ppa̧wä̧chä̧ji̧yä̧ku̧; kuä'omä̧ päkäyä rü̧ȩnä̧ bä̧rȩpa̧ttü̧, kuätta pä'ü weäja'a ja̧'a̧, ji̧nä̧ toe'ächoka'a a̧di̧wa̧tä̧ ppawä̧chäji̧yä̧ku̧. 28Ja̧'wa̧nü̧ ä̧ju̧ku̧ ubüomä̧ rü̧ȩnä̧ ra̧wä̧ri̧pü̧, jakuojukumä̧ doächa päoka'a, jä'omä̧ doächa pä'ü ukuoku i̧'chi̧nä̧ku̧. 29Ja̧'wa̧nü̧ ukuokuäku, jä'orü pä'inü̧: Ttü ukú kuaditäwä rekuo mo̧ro̧ chaditä'ija'amä̧ wo̧jua̧jä̧, yoriso chütäwe'oka'a ja̧'wa̧nü̧ ja̧'a̧nä̧ päkäyä ji̧'ki̧cha̧wa̧rü̧'i̧nä̧, chawaruwäku chesewa pä'ümä̧, kuiyokoku pä'ijüsä. 30Ja̧'wa̧nü̧ ja̧'a̧nä̧, pide kui̧tti̧, pärätä nä̧tü̧ u̧mi̧ttü̧ja̧ku̧ be'eku ikuinü̧rü̧mä̧, päkäyä rü̧ȩnä̧ bä̧rȩpa̧ttü̧ kuä'äji̧jä̧. 31Päiyäku jä'omä̧ ädätinä̧ku̧: chi̧tti̧, ukumä̧ 'kuäopünä̧tä̧ ttütäku kkü̧jä̧, o'kajuiyünä̧ chu̧ju̧nä̧rü̧mä̧ ukutä kuiäre ja̧'a̧. 32Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.
നിലവിൽ തിരഞ്ഞെടുത്തിരിക്കുന്നു:
San Lucas 15: PNT13
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela
San Lucas 15
15
Oweja re'tewinünä̧ wȩnȩtü̧ ji'äwinü̧
(Mt 18.10-14)
1Ttü̧ja̧mä̧, Roma-ra̧'a̧ weäwä pärätä ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü suronä̧ jȩpü̧ ttü̧ja̧'a̧ ukuotä'ijätü'i̧nä̧ o'katoi'ünä̧ Jesú jiäwa'a ttä̧ju̧kua̧ pä'ü ka̧ka̧kui̧nä̧tü̧. 2Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧:
—Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧. 3Pättä'chiyäku, ä̧ju̧ku̧ Jesú-mä̧ pa̧'a̧nü̧ wȩnȩtü̧ päinä̧u̧: 4¿Ditä ja̧'a̧jä̧ttü̧ ukututtü ya̧tȩ ciȩnü̧ oweja-tü̧rü̧ u̧ju̧nä̧ra̧'a̧ juätüttü ya̧tȩ toepomȩnä̧, juätürütä kku̧ni̧pü̧, to'epürü de'iyura̧'a̧ ü̧'o̧kui̧'o̧mȩbü päi'ünä̧ usú 'cho̧kü̧mä̧? 5Ja̧'wa̧nü̧ i̧'chä̧ja̧'a̧ po̧kui̧pü̧, u'upi'kanä̧ kä'eku wȩnä̧wi̧'ü̧, 6ojusodera̧'a̧ 'chä̧wi̧'ü̧mä̧, awaruwärü'i̧nä̧, ojusode ppeyänä̧ kka̧kuä̧tü̧rü̧'i̧nä̧ ka̧ka̧to̧'ü̧ pä'ü: Ttütäku eseäkuäwätukui, täkü chäjirümä̧ po̧kui̧pä̧ji̧sä̧, jü̧nä̧. 7Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.
Pä̧rä̧tä̧bi̧ toe'inä̧bi̧nä̧ wȩnȩtü̧ ji'äwinü̧
8¿Ja̧'wa̧ta̧nü̧, tajutä jä̧ttü̧ kkiäre pärätä to̧mü̧rȩ jäwä kku̧ju̧nä̧ra̧'a̧, ji̧bi̧tȩ toepomȩnä̧ ra̧pa̧ra̧ rȩdȩto̧'ü̧, kkü̧'o̧kui̧'o̧mȩbü päi'ünä̧, juatü ikú usokojumä̧? 9Ja̧'wa̧nü̧ jȩpü̧, kku̧'o̧kui̧'omȩnä̧, kkojusode ppeyänä̧ kka̧kuä̧tü̧rü̧'i̧nä̧, kkorotü kkawaruwä nä̧tü̧rü̧'i̧nä̧ ka̧ka̧to̧'ü̧ pä'äju: Ttüku eseäkuäwätukui, täkü pä̧rä̧tä̧bi̧ to̧ȩpä̧jä̧bi̧mä̧ po̧kui̧pä̧jä̧ju̧sä̧, jü̧nä̧ 10Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.
Ya̧tȩ i̧tti̧ ppa̧wä̧chi̧na̧'a̧ wȩnȩtü̧ ji'äwinü̧
11Jesú pi̧yȩnä̧'i̧nä̧ wȩnȩtü̧ ji'äwinü̧: Ya̧tȩ i̧tti̧mü̧ ta̧ju̧ru̧ kku̧nä̧ri̧nü̧. 12Juätüttü, rüjí ru̧wa̧ jä'orü pä'inü̧: Chä'o ttürü kuiya pä'ü 'kȩ'ȩpü̧ ku̧ju̧nä̧'i̧jü̧ iyittü, päku; jä'omä̧ ta̧ju̧kuäyotürü 'kȩ'ȩpü̧ iyinä̧u̧. 13Iyäja'attümä̧, a̧'u̧kua̧'a̧tä̧ mo̧ro̧ o'ka'a, o'kajuiyünä̧ ka̧ka̧ti̧'i̧pü̧, i̧tti̧ rüjí ru̧wa̧ päjimä̧, kkoro rȩjȩra̧'a̧ i̧wi̧'i̧nü̧; jua'attümä̧ o'kajuiyünä̧tä̧ be'eku ikuinü̧, pä̧wä̧rü̧ja̧'a̧ku̧tä̧ jȩpü̧ kkä̧nü̧. 14Ja̧'wa̧nü̧ jȩpü̧ o'kajuiyünä̧tä̧ be'eku ikuäji o'ka'a, juä̧jä̧ rȩjȩnä̧ ppäi ttu'u usurä ttȩmä̧u̧ rȩbȩä̧kuä̧wo̧mȩnä̧, jua̧u̧ru̧'i̧nä̧ rekuä rü̧jü̧ rȩbȩä̧kuä̧wi̧na̧'a̧. 15Ja̧'wa̧nü̧ jä̧ku̧, juä̧jä̧nä̧ttü̧ ya̧tȩrü̧ adita pä'ü jäepomȩnä̧, ku̧chi̧tü̧rü̧ tta̧'ä̧rü̧ adita pä'ütä weinä̧ku̧. 16Jua'attü rü̧ȩnä̧ ukua ppä̧i̧ri̧jä̧ku̧, ku̧chi̧tü̧ ttukú wo̧i̧'tä̧ttü̧#15.16 Algarroba wo̧i̧'tä̧ jä̧'i̧nü̧'a̧nü̧ jü̧. Pi̧yȩ tü'kümä̧ glosario-ra̧'a̧ räopa'a. ukua pä'anä̧, ya̧tȩ'i̧nä̧ ttiyokoku pinü̧. 17Ja̧'wa̧nü̧ jä̧ku̧, amükuädi'ü pä'inü̧: ¡Chä'o ojusodenä̧ aditätü, ttu̧kuȩmä̧ yoriso surojuoa'anä̧, pottümä̧, ppäittü 'korujuo'ächüsä! 18Chä'o ojusodera̧'a̧tä̧ ppa̧dä̧cha̧ttü̧, topümä̧ pa̧'a̧nü̧ pädarüjä̧: Chä'o, ttümä̧ Dio'i̧nä̧ weokü, uku'i̧nä̧ wekuokü, suronä̧ jȩpä̧ji̧sä̧, jü̧nä̧. 19Täkü kui̧tti̧ cha pä'ümä̧ jui̧'a̧sä̧, ku̧wo̧juȩtä̧u̧rü jȩ'kuä̧'i̧jü̧'a̧nü̧tä̧, ku̧mü̧wä̧ya̧ jü̧nä̧tä̧ juo'epittü. 20Ja̧'wa̧nü̧ amükuädü jä'o ojusodera̧'a̧ku̧ ppa̧'ä̧chi̧nü̧.
Ja̧'wa̧nü̧ jä̧ja̧'a̧, ji̧nä̧ otó icha'anä̧, jä'omä̧ topo'ü, rȩrü̧jü̧nü̧ amükuädü, jopächü, u̧ru̧pä̧'kȩnä̧ wa'adi'ü, 'chu̧'o̧pü̧ esewinä̧ku̧. 21Ja̧'wa̧nü̧ ja̧'a̧, jä'orü päinü̧: chä'o Dio'i̧nä̧ weokü, uku'i̧nä̧ wekuokü, suronä̧ jȩpi̧nü̧sä̧, täkü chi̧tti̧ pä'ümä̧ okuättü. 22Pä'anä̧ jä'omä̧, u̧mü̧wä̧yotürü pä'inü̧: 'ü̧'ka̧tä̧wä̧ta̧ adiwäta̧ttü̧ ȩmo̧po̧'ü̧ 'ka̧tä̧tu̧kui̧rü̧; üdo'che i̧so̧bü̧'i̧nä̧ rü̧nü̧, ü̧jä̧pü̧ isäya'i̧nä̧ kkü̧nä̧tu̧kui̧rü̧. 23Ja̧'wa̧ta̧nü̧ päkäyä mü̧ä̧ya̧rü̧ bä̧rȩpa̧ttü̧ kuä'ätukui, pä'käri jȩpü̧ teseäkuäwätukua. 24Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧. 25Ja̧'wa̧nü̧ 'kuäopa'anä̧ i̧tti̧ ä̧kuo̧mȩnä̧ ru̧wa̧mä̧, pättara̧'a̧ kkä̧ji̧'ka̧ isode tü'künä̧nü̧ ichi'ü ä̧ju̧kuo̧mȩnä̧, baira tütta'a música ukuokuina̧'a̧. 26Ja̧'wa̧nü̧ ä̧ju̧ku̧, jä'o umüwäyotüttü ya̧tȩrü̧ wopo'ü, däjé ja̧ pä'ü jä'epü ä̧ju̧kui̧nü̧. 27Jäepäku, adikuä i̧sa̧mä̧ jiäwinä̧ku̧: Jua'amä̧ kui̧jä̧wa̧ ppa̧wä̧chä̧ji̧yä̧ku̧; kuä'omä̧ päkäyä rü̧ȩnä̧ bä̧rȩpa̧ttü̧, kuätta pä'ü weäja'a ja̧'a̧, ji̧nä̧ toe'ächoka'a a̧di̧wa̧tä̧ ppawä̧chäji̧yä̧ku̧. 28Ja̧'wa̧nü̧ ä̧ju̧ku̧ ubüomä̧ rü̧ȩnä̧ ra̧wä̧ri̧pü̧, jakuojukumä̧ doächa päoka'a, jä'omä̧ doächa pä'ü ukuoku i̧'chi̧nä̧ku̧. 29Ja̧'wa̧nü̧ ukuokuäku, jä'orü pä'inü̧: Ttü ukú kuaditäwä rekuo mo̧ro̧ chaditä'ija'amä̧ wo̧jua̧jä̧, yoriso chütäwe'oka'a ja̧'wa̧nü̧ ja̧'a̧nä̧ päkäyä ji̧'ki̧cha̧wa̧rü̧'i̧nä̧, chawaruwäku chesewa pä'ümä̧, kuiyokoku pä'ijüsä. 30Ja̧'wa̧nü̧ ja̧'a̧nä̧, pide kui̧tti̧, pärätä nä̧tü̧ u̧mi̧ttü̧ja̧ku̧ be'eku ikuinü̧rü̧mä̧, päkäyä rü̧ȩnä̧ bä̧rȩpa̧ttü̧ kuä'äji̧jä̧. 31Päiyäku jä'omä̧ ädätinä̧ku̧: chi̧tti̧, ukumä̧ 'kuäopünä̧tä̧ ttütäku kkü̧jä̧, o'kajuiyünä̧ chu̧ju̧nä̧rü̧mä̧ ukutä kuiäre ja̧'a̧. 32Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Sociedades Biblicas Unidas en Venezuela