انجیلِ مَتی 15
15
دِلِ آیِم بایِس پاک با
1اوسِه قَری دِ علما فِرقَه فَریسی وَ معلم‌یا تورات دِ اورشلیم اُومان وِ تِه عیسی وَ گُتِن: 2«سی چی شاگردیا تو آداب وَ رسومِ مَشایخِمُو نِه می‌شکِنَن؟ وِنُو دَس‌یا خُوشُو نِه وِرَز خوراک حَردِه نِمی‌شورَن!» 3عیسی دِ جُئُو وِنُو گُت: «سی چی شِما سی حفظِ آداب وُ رسومِ خُوتُو حُکمِ خدا نِه می‌شکِنیت؟ 4سی یَکِه خدا گُتَه: ”بُوَه وَ داآ خُوتِه احترام کُو وَ دِشُو دَسگیری کُو" وَ هَم یَکِه”هَر کَه وِ بُوَه یا داآ خُوش گَنِ‌فاش بَکَه، بایِس بَکُشیئَه.“ 5اما شِما مُوئیت اَر کَسی وِ بُوَه وَ داآش بُوئَه: ”هَر کمکی کِه ممکن بی دِ مِه دریافت بَکیت، وَخمِ خدا موئَه،“ 6دِ ایی صورت، دَ وِش واجب نی بُوَه خُوشِه احترام بَکَه وَ دِش دَسگیری بَکَه. هِه چِنی شِما سی حفظِ آداب وُ رسومِ خُوتُو کلُومِ خدا نِه باطل می‌کیت. 7شِما اِ ریاكاریا! اِشعَیا نبی دِبارَه شِما چِه خو گُتَه، اوسِه که گُت:
8«”ایی قُوم وا لُویا خُوشُو مِه نِه احترام می‌کَن،
اما دِل‌یاشُو دِ مِه دیر اَ.
9عبادتِ وِنُو بیخُود آ،
وَ تعلیمِشُو چیئی غیرِ اَحکامِ بشری نی.“
10اوسِه او جماعتِ نِه هِنا کِرد وِ تِه خُوش وَ گُت: «وِ مِه گوش بَکیت وَ بَفَمیت. 11انسان وا او چیئی کِه مُوحُورَه نِجِس نِموئَه، بلكِم او چیئی كِه دِ گُپِ او دِرمیا، وِنَه‌آ کِه آیِمِ نِه نِجِس می‌کَه.» 12اوسِه شاگردیا اُومان وِ تِه‌ش وَ گُتِن: «دُونی کِه ایی قِصَه تو، سخت وِ علما فِرقَه فَریسی بَرحَرد؟» 13عیسی وِشُو جُئُو دَه: «هَر نِهالی كِه بُوَه آسمُونی مِه نكاشتوئَه، دِ ریشَه می‌کِنِئَه. 14وِنُو نِه بِئیلیت وِ حالِ خُوشُو. وِنُو رَهنِمایا کوری اَن. هِه کِه كوری عصاکَشِ کوری هَنی بوئَه، هَر دِک مِی‌فتَن دِ چاه.» 15اما پطرس گُت: «ایی مَثَلِ نِه سی اِیما توضیح بِه.» 16عیسی جُئُو دَه: «مَه شِما هَم هَنی درک نِمی‌کیت؟ 17مَه نُئُونیت كِه هَر چی دِ رَه گُپ مُوحُوریت، وِ گیَه مِی‌رَه وَ اوسِه دفع موئَه؟ 18اما او چیائی کِه دِ گُپ دِرمیا، دِ دِل سَرچَشمَه مِئی‌رَه، وَ یِنَه‌آ او چیئی کِه آیِمِ نِه نِجِس می‌کَه، 19سی یَکِه فکریا گَن، قتل، زِنا، بی‌عفتی، دُوزی، شاهادتِ دِرو وَ بُختُوم، دِ دِل سَرچَشمَه مِئی‌رَه. 20یِنُونَه کِه آیِمِ نِه نِجِس می‌کَه، نَه خوراک حَردِه وا دَسِ نَشُشتَه!»
ایمُونِ یه زِئنَه کنعانی
21عیسی اوچِه نِه ترک کِرد وَ رَت وِ دیارِ صور وَ صیدون. 22یِه رو زَنی كنعانی دِ اَهالی اوچِه اُوما وِ تِه‌ش وَ وا قارَه گُت: «اِ آقا، اِ کُرِ داوودِ نبی، وِ مِه رحم کُو! یِه دیو دختِرِمِه سخت اسیر کِردَه.» 23اما عیسی هیچ جُئُوی نَدَه تا یَکِه شاگردیا اُومان جِلو وَ دِ عیسی خواهِشت کِردِن، گُتِن: «او نِه مرخص کُو، سی یَکِه وا قارَه دِ دُمِ اِیما میایَه.» 24عیسی دِ جُئُو گُت: «مِه تَنیا سی کُوَه‌یا گُم بی‌یَه قُومِ اسرائیل کِل بیمَه.» 25اما او زَ اُوما دِ جِلو عیسی زُونی زَه وَ گُت: «اِ آقا، وِ مِه کمک کُو!» 26عیسی دِ جُئُو او زَ گُت: «دُرِس نی کِه نُو نِه دِ دَسِ بَچُو بَسُونیم وَ بُونیم وَرِ سِی‌یا.» 27او زَ گُت: «دُرِس اَ، آقا، اما سِی‌یا هَم دِ حیردَه‌یا خوراک كِه دِ سِفرَه صِحُوشُو مِی‌فتَه مُوحُورَن!» 28اوسِه عیسی وِ او زَ گُت: «اِ زَ، ایمُونِ تو عظیم اَ! هِه چِنُو کِه می‌حای سیت بوئَه!» وَ هِه دِ او دَم دختِرِ او شفا پیا کِرد.
خوراک دِئِه وِ چار هِزار نَفَر
29عیسی دِ اوچِه رَت وَ دِ لُوء دریاچَه جلیل اُفتا وِ رَه، رَسِس وِ تَپِه‌ای وَ نِشِس دِ بالا او تپَه. 30جمیعتِ زیادی اُومان وِ تِه‌ش وَ وا خُوشُو لَنگ‌یا وَ کوریا وَ اِفلیج‌یا وَ لال‌یا وَ مَریض‌یا هَنی نِه اُوِردِن جِلو پایا عیسی نِئان وَ عیسی وِنُو نِه شفا دَه. 31مردِم هِه کِه دیئِن کِه گُنگ‌یا قِصَه می‌کَن، اِفلیج‌یا سالِم موئَن، لَنگ‌یا رَه مِی‌رَن وَ کوریا مِئی‌نَن، بِلاجیشُو اُوما وَ خدای اسرائیلِ نِه جِلال دَن.
32عیسی شاگردیا خُوشِه هِنا کِرد وَ گُت: «دِلِم وِ حالِ ایی مردِم می‌سوزَه، سی یَکِه الان سه روز اَ کِه هان وا مِه وَ چیئی سی حَردِه نارَن. نِمی‌حام وِنُو نِه گُسنَه رائی بَکِم، نَکَه دِ رَه دِ پا دِران.» 33شاگردیاش گُتِن: «دِ چِنی جا دیر اُفتایِه‌ای اِیما دِ کجا تُونیم ایقَه نُو پیا بَکیم تا یِه چِنی جمعیتی بُحُورَن وَ سیر بان؟» 34عیسی پُرسی: «چَن نُو داریت؟» گُتِن: «هفت نُو وَ چَن ماهی كُچِک داریم.» 35عیسی وِ مردِم گُت تا ری زِمی بَنشینَن. 36اوسِه هفت نُو وَ چَن ماهی نِه گِرِت وَ دِما شُكرکِردِه، وِنُو نِه کُت کِرد، وِ شاگردیاش دَه وَ شاگردیا هَم وِ او جماعت دَن. 37گِرد حَردِن وَ سیر بییِن وَ شاگردیا هفت سَلَه هَم دِ حیردَه‌یا باقی‌مَنَه جمع کِردِن. 38تعدادِ کَسُونی کِه خوراک حَردِن، غیرِ زَنُو وَ بَچُو، چهار هزار پیا بییِن. 39دِما یَکِه عیسی مردِمِ نِه مرخص كِرد، سُوارِ قایق بی وَ رَت وِ دیارِ مَجَدان.
നിലവിൽ തിരഞ്ഞെടുത്തിരിക്കുന്നു:
انجیلِ مَتی 15: NLB
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیلِ مَتی 15
15
دِلِ آیِم بایِس پاک با
1اوسِه قَری دِ علما فِرقَه فَریسی وَ معلم‌یا تورات دِ اورشلیم اُومان وِ تِه عیسی وَ گُتِن: 2«سی چی شاگردیا تو آداب وَ رسومِ مَشایخِمُو نِه می‌شکِنَن؟ وِنُو دَس‌یا خُوشُو نِه وِرَز خوراک حَردِه نِمی‌شورَن!» 3عیسی دِ جُئُو وِنُو گُت: «سی چی شِما سی حفظِ آداب وُ رسومِ خُوتُو حُکمِ خدا نِه می‌شکِنیت؟ 4سی یَکِه خدا گُتَه: ”بُوَه وَ داآ خُوتِه احترام کُو وَ دِشُو دَسگیری کُو" وَ هَم یَکِه”هَر کَه وِ بُوَه یا داآ خُوش گَنِ‌فاش بَکَه، بایِس بَکُشیئَه.“ 5اما شِما مُوئیت اَر کَسی وِ بُوَه وَ داآش بُوئَه: ”هَر کمکی کِه ممکن بی دِ مِه دریافت بَکیت، وَخمِ خدا موئَه،“ 6دِ ایی صورت، دَ وِش واجب نی بُوَه خُوشِه احترام بَکَه وَ دِش دَسگیری بَکَه. هِه چِنی شِما سی حفظِ آداب وُ رسومِ خُوتُو کلُومِ خدا نِه باطل می‌کیت. 7شِما اِ ریاكاریا! اِشعَیا نبی دِبارَه شِما چِه خو گُتَه، اوسِه که گُت:
8«”ایی قُوم وا لُویا خُوشُو مِه نِه احترام می‌کَن،
اما دِل‌یاشُو دِ مِه دیر اَ.
9عبادتِ وِنُو بیخُود آ،
وَ تعلیمِشُو چیئی غیرِ اَحکامِ بشری نی.“
10اوسِه او جماعتِ نِه هِنا کِرد وِ تِه خُوش وَ گُت: «وِ مِه گوش بَکیت وَ بَفَمیت. 11انسان وا او چیئی کِه مُوحُورَه نِجِس نِموئَه، بلكِم او چیئی كِه دِ گُپِ او دِرمیا، وِنَه‌آ کِه آیِمِ نِه نِجِس می‌کَه.» 12اوسِه شاگردیا اُومان وِ تِه‌ش وَ گُتِن: «دُونی کِه ایی قِصَه تو، سخت وِ علما فِرقَه فَریسی بَرحَرد؟» 13عیسی وِشُو جُئُو دَه: «هَر نِهالی كِه بُوَه آسمُونی مِه نكاشتوئَه، دِ ریشَه می‌کِنِئَه. 14وِنُو نِه بِئیلیت وِ حالِ خُوشُو. وِنُو رَهنِمایا کوری اَن. هِه کِه كوری عصاکَشِ کوری هَنی بوئَه، هَر دِک مِی‌فتَن دِ چاه.» 15اما پطرس گُت: «ایی مَثَلِ نِه سی اِیما توضیح بِه.» 16عیسی جُئُو دَه: «مَه شِما هَم هَنی درک نِمی‌کیت؟ 17مَه نُئُونیت كِه هَر چی دِ رَه گُپ مُوحُوریت، وِ گیَه مِی‌رَه وَ اوسِه دفع موئَه؟ 18اما او چیائی کِه دِ گُپ دِرمیا، دِ دِل سَرچَشمَه مِئی‌رَه، وَ یِنَه‌آ او چیئی کِه آیِمِ نِه نِجِس می‌کَه، 19سی یَکِه فکریا گَن، قتل، زِنا، بی‌عفتی، دُوزی، شاهادتِ دِرو وَ بُختُوم، دِ دِل سَرچَشمَه مِئی‌رَه. 20یِنُونَه کِه آیِمِ نِه نِجِس می‌کَه، نَه خوراک حَردِه وا دَسِ نَشُشتَه!»
ایمُونِ یه زِئنَه کنعانی
21عیسی اوچِه نِه ترک کِرد وَ رَت وِ دیارِ صور وَ صیدون. 22یِه رو زَنی كنعانی دِ اَهالی اوچِه اُوما وِ تِه‌ش وَ وا قارَه گُت: «اِ آقا، اِ کُرِ داوودِ نبی، وِ مِه رحم کُو! یِه دیو دختِرِمِه سخت اسیر کِردَه.» 23اما عیسی هیچ جُئُوی نَدَه تا یَکِه شاگردیا اُومان جِلو وَ دِ عیسی خواهِشت کِردِن، گُتِن: «او نِه مرخص کُو، سی یَکِه وا قارَه دِ دُمِ اِیما میایَه.» 24عیسی دِ جُئُو گُت: «مِه تَنیا سی کُوَه‌یا گُم بی‌یَه قُومِ اسرائیل کِل بیمَه.» 25اما او زَ اُوما دِ جِلو عیسی زُونی زَه وَ گُت: «اِ آقا، وِ مِه کمک کُو!» 26عیسی دِ جُئُو او زَ گُت: «دُرِس نی کِه نُو نِه دِ دَسِ بَچُو بَسُونیم وَ بُونیم وَرِ سِی‌یا.» 27او زَ گُت: «دُرِس اَ، آقا، اما سِی‌یا هَم دِ حیردَه‌یا خوراک كِه دِ سِفرَه صِحُوشُو مِی‌فتَه مُوحُورَن!» 28اوسِه عیسی وِ او زَ گُت: «اِ زَ، ایمُونِ تو عظیم اَ! هِه چِنُو کِه می‌حای سیت بوئَه!» وَ هِه دِ او دَم دختِرِ او شفا پیا کِرد.
خوراک دِئِه وِ چار هِزار نَفَر
29عیسی دِ اوچِه رَت وَ دِ لُوء دریاچَه جلیل اُفتا وِ رَه، رَسِس وِ تَپِه‌ای وَ نِشِس دِ بالا او تپَه. 30جمیعتِ زیادی اُومان وِ تِه‌ش وَ وا خُوشُو لَنگ‌یا وَ کوریا وَ اِفلیج‌یا وَ لال‌یا وَ مَریض‌یا هَنی نِه اُوِردِن جِلو پایا عیسی نِئان وَ عیسی وِنُو نِه شفا دَه. 31مردِم هِه کِه دیئِن کِه گُنگ‌یا قِصَه می‌کَن، اِفلیج‌یا سالِم موئَن، لَنگ‌یا رَه مِی‌رَن وَ کوریا مِئی‌نَن، بِلاجیشُو اُوما وَ خدای اسرائیلِ نِه جِلال دَن.
32عیسی شاگردیا خُوشِه هِنا کِرد وَ گُت: «دِلِم وِ حالِ ایی مردِم می‌سوزَه، سی یَکِه الان سه روز اَ کِه هان وا مِه وَ چیئی سی حَردِه نارَن. نِمی‌حام وِنُو نِه گُسنَه رائی بَکِم، نَکَه دِ رَه دِ پا دِران.» 33شاگردیاش گُتِن: «دِ چِنی جا دیر اُفتایِه‌ای اِیما دِ کجا تُونیم ایقَه نُو پیا بَکیم تا یِه چِنی جمعیتی بُحُورَن وَ سیر بان؟» 34عیسی پُرسی: «چَن نُو داریت؟» گُتِن: «هفت نُو وَ چَن ماهی كُچِک داریم.» 35عیسی وِ مردِم گُت تا ری زِمی بَنشینَن. 36اوسِه هفت نُو وَ چَن ماهی نِه گِرِت وَ دِما شُكرکِردِه، وِنُو نِه کُت کِرد، وِ شاگردیاش دَه وَ شاگردیا هَم وِ او جماعت دَن. 37گِرد حَردِن وَ سیر بییِن وَ شاگردیا هفت سَلَه هَم دِ حیردَه‌یا باقی‌مَنَه جمع کِردِن. 38تعدادِ کَسُونی کِه خوراک حَردِن، غیرِ زَنُو وَ بَچُو، چهار هزار پیا بییِن. 39دِما یَکِه عیسی مردِمِ نِه مرخص كِرد، سُوارِ قایق بی وَ رَت وِ دیارِ مَجَدان.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company