Mothi 2
2
Jisu lelei laʹte punḍitko hiʹnako
1Jihudiâ oncolnaʹ Bethlehem ṭolare Jisuoaʹ janam holentaya. Tâkhni rajado tahekane Herod. Purub disâm khoiʹ koekṭeʹ punḍitko Jirusalemre hiʹketeʹ menkedako, 2"Jihudiren eke raja janamkane ânido akare? Purub hate sermare alete Âniaʹ janam cinhâ ipil lelketeʹ Âni seoaoilaʹ hiʹkanale."
3Na katha atenketeʹ Herod raja ar âni suliʹ Jirusalemren eṭaʹonkhoiʹho osthirnako. 4Ar Herod rajatedo sanam khoiʹ marang purohitko ar dhormo guruko ṭâhuketeʹ kulikeʹkoe "Khrisṭodo akare janamoʹheʹ?" 5Angkote âni metakidiako, "Jihudiânaʹ Bethlehem ṭolare Ânido janamoʹheʹ, karon nâbido na katha olṭhokade,
6'He Jihuda disâmnaʹ Bethlehem ṭola,
Jihudanaʹ eṭaʹ sanam marang sohorko khoiʹ, Amdo bang kâṭiʹam,
Karon am talakhoiʹgi emon miṭiʹ sasoniʹ hijuʹheʹ,
Eketedo Ingren jât Israyelko ḍahar uduʹokoheʹ.'"#Mikha 5:2
7Tâkhni Heroddo angko punḍitko suliʹ napamoʹ laʹte bai baite ṭâhukeʹkoe ar baṛekede ṭhik aka somai ipil lelnamlene. 8Ânitedo punḍitko niâ katha menketeʹ Bethlehem kolkeʹkoe, "Apedo aṛe caketeʹ manjate Âni gidrâ sendraipe. Jâkhnigi apete Âni sendra nameipehaʹ tâkhnigi ing baṛesongpehaʹ jate caketeʹ ingteho Âni seoa dareing."
9Punḍitko rajaoaʹ katha atenketeʹ canako. Angkodo purub hate eke ipil lellidiako âni ipildo angko laha lahate cane. Ar Gidrâ akare tahekane ana oraʹnaʹ cetanre bang aṭoʹ dhâbiʹ âni Ipildo caʹtigi tahene. 10Ipil lelnamketeʹ punḍitkodo aima hubnako.
11Niâ tayom angkodo oraʹ bhitri caketeʹ Âni gidrâ aiʹren engat Moriomṭheʹ lelnamkidiako. Tâkhni angkotedo Âni gidrâ ḍoboʹokidiâko ar seoaodiako ar akoaʹ bakso jhiʹketeʹ sona, kundru ar aso caboʹaʹ ran mesalonaʹ ânggurnaʹ pâurâ dan hisâbte makidiako. 12Na tayom Issorte sapnate angko sabdhankeʹkoe jate angko Herodṭheʹ bang âcur caʹako. Tâkhni angkodo eṭaʹ ḍaharte akoaʹ disâm âcur canako.
Raja Herodte Probhu Jisu sendralidie
13Punḍitko ca tayom Probhuren miṭiʹ sorgodut sapnate Josef metakidie, "Beretʹ, gidrâ ar âniren engat laite Misor disâm nirgen ar tiniʹdin Ing bang mening iniʹdin dhâbiʹ aṛegi tahan, karon gidrâ gojeilaʹte Herodte Âni sendraiheʹ."
14Tâkhnigi Josef beretʹketeʹ Âni gidrâ ar Âniren engat laite nindâgi Misor cane. 15Ar Herod bang gojoʹ dhâbiʹ aṛegi tahanâkin. Nado ghoṭona jate nâbiaʹ talate Probhu akaṭaʹ katha menlede ana puronoʹa, "Ingte Misor khoiʹ Ingren hopon ṭâhuketeʹ âgukâdiying."#Hoseo 11:1
Raja Herod Bethlehemren koragidrâ goiʹkeʹkoe
16Punḍitkote âni ṭhakokâdiako lelte Herod aima edrene. Ânite Bethlehem ar ana sorkoren bar bochor se ana khoiʹho kom boyosren sanam kora gidrâko goiʹkolaʹ hukum makeʹkoe. 17Niâte nâbi Jiromioaʹ talate akaṭaʹ katha men holena ana puronna,
18"Rama ṭolare aima raʹnaʹ saṛe atenoʹkana,
Rahelado aiʹren gidrâko laʹte raʹde,
Akalakaketeʹho bang thiruʹkane, Karon angkodo baco bânuʹkoa."#Jiromio 31:15
Israyelre âcur hiʹnako
19Herod goiʹ tayom Probhuren miṭiʹ sorgodutte Misor disâmre Josef sapnare metakidie, 20"Beretʹ, gidrâ ar âniren engat laite Israyel disâm âcur cap. Gidrâ ekekote goiʹgiriyilaʹ namsanako angkodo goiʹnako."
21Tâkhni Josef beretʹketeʹ Âni gidrâ ar Âniren engat laite Israyel disâm cane. 22Kheʹ Josef jâkhni atenkeʹe je Herodaʹ jagare âniren gidrâ Arkhilai Jihudiâ oncolren raja hokane, tâkhni âni aṛe âcur caʹte botorne. Tayomte ar miṭiʹ sapnate âni sabdhankidie, tâkhni âni Gâlil oncol âcur caketeʹ, 23Nasarot nutumte miṭiʹ ṭolare basoʹlaʹ lagone. Na ghoṭonado nâbiko talate aka katha men holena ana jate puronoʹa, Ânido Nasarotio menketeʹ ṭâhuikohaʹ.
നിലവിൽ തിരഞ്ഞെടുത്തിരിക്കുന്നു:
Mothi 2: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Mothi 2
2
Jisu lelei laʹte punḍitko hiʹnako
1Jihudiâ oncolnaʹ Bethlehem ṭolare Jisuoaʹ janam holentaya. Tâkhni rajado tahekane Herod. Purub disâm khoiʹ koekṭeʹ punḍitko Jirusalemre hiʹketeʹ menkedako, 2"Jihudiren eke raja janamkane ânido akare? Purub hate sermare alete Âniaʹ janam cinhâ ipil lelketeʹ Âni seoaoilaʹ hiʹkanale."
3Na katha atenketeʹ Herod raja ar âni suliʹ Jirusalemren eṭaʹonkhoiʹho osthirnako. 4Ar Herod rajatedo sanam khoiʹ marang purohitko ar dhormo guruko ṭâhuketeʹ kulikeʹkoe "Khrisṭodo akare janamoʹheʹ?" 5Angkote âni metakidiako, "Jihudiânaʹ Bethlehem ṭolare Ânido janamoʹheʹ, karon nâbido na katha olṭhokade,
6'He Jihuda disâmnaʹ Bethlehem ṭola,
Jihudanaʹ eṭaʹ sanam marang sohorko khoiʹ, Amdo bang kâṭiʹam,
Karon am talakhoiʹgi emon miṭiʹ sasoniʹ hijuʹheʹ,
Eketedo Ingren jât Israyelko ḍahar uduʹokoheʹ.'"#Mikha 5:2
7Tâkhni Heroddo angko punḍitko suliʹ napamoʹ laʹte bai baite ṭâhukeʹkoe ar baṛekede ṭhik aka somai ipil lelnamlene. 8Ânitedo punḍitko niâ katha menketeʹ Bethlehem kolkeʹkoe, "Apedo aṛe caketeʹ manjate Âni gidrâ sendraipe. Jâkhnigi apete Âni sendra nameipehaʹ tâkhnigi ing baṛesongpehaʹ jate caketeʹ ingteho Âni seoa dareing."
9Punḍitko rajaoaʹ katha atenketeʹ canako. Angkodo purub hate eke ipil lellidiako âni ipildo angko laha lahate cane. Ar Gidrâ akare tahekane ana oraʹnaʹ cetanre bang aṭoʹ dhâbiʹ âni Ipildo caʹtigi tahene. 10Ipil lelnamketeʹ punḍitkodo aima hubnako.
11Niâ tayom angkodo oraʹ bhitri caketeʹ Âni gidrâ aiʹren engat Moriomṭheʹ lelnamkidiako. Tâkhni angkotedo Âni gidrâ ḍoboʹokidiâko ar seoaodiako ar akoaʹ bakso jhiʹketeʹ sona, kundru ar aso caboʹaʹ ran mesalonaʹ ânggurnaʹ pâurâ dan hisâbte makidiako. 12Na tayom Issorte sapnate angko sabdhankeʹkoe jate angko Herodṭheʹ bang âcur caʹako. Tâkhni angkodo eṭaʹ ḍaharte akoaʹ disâm âcur canako.
Raja Herodte Probhu Jisu sendralidie
13Punḍitko ca tayom Probhuren miṭiʹ sorgodut sapnate Josef metakidie, "Beretʹ, gidrâ ar âniren engat laite Misor disâm nirgen ar tiniʹdin Ing bang mening iniʹdin dhâbiʹ aṛegi tahan, karon gidrâ gojeilaʹte Herodte Âni sendraiheʹ."
14Tâkhnigi Josef beretʹketeʹ Âni gidrâ ar Âniren engat laite nindâgi Misor cane. 15Ar Herod bang gojoʹ dhâbiʹ aṛegi tahanâkin. Nado ghoṭona jate nâbiaʹ talate Probhu akaṭaʹ katha menlede ana puronoʹa, "Ingte Misor khoiʹ Ingren hopon ṭâhuketeʹ âgukâdiying."#Hoseo 11:1
Raja Herod Bethlehemren koragidrâ goiʹkeʹkoe
16Punḍitkote âni ṭhakokâdiako lelte Herod aima edrene. Ânite Bethlehem ar ana sorkoren bar bochor se ana khoiʹho kom boyosren sanam kora gidrâko goiʹkolaʹ hukum makeʹkoe. 17Niâte nâbi Jiromioaʹ talate akaṭaʹ katha men holena ana puronna,
18"Rama ṭolare aima raʹnaʹ saṛe atenoʹkana,
Rahelado aiʹren gidrâko laʹte raʹde,
Akalakaketeʹho bang thiruʹkane, Karon angkodo baco bânuʹkoa."#Jiromio 31:15
Israyelre âcur hiʹnako
19Herod goiʹ tayom Probhuren miṭiʹ sorgodutte Misor disâmre Josef sapnare metakidie, 20"Beretʹ, gidrâ ar âniren engat laite Israyel disâm âcur cap. Gidrâ ekekote goiʹgiriyilaʹ namsanako angkodo goiʹnako."
21Tâkhni Josef beretʹketeʹ Âni gidrâ ar Âniren engat laite Israyel disâm cane. 22Kheʹ Josef jâkhni atenkeʹe je Herodaʹ jagare âniren gidrâ Arkhilai Jihudiâ oncolren raja hokane, tâkhni âni aṛe âcur caʹte botorne. Tayomte ar miṭiʹ sapnate âni sabdhankidie, tâkhni âni Gâlil oncol âcur caketeʹ, 23Nasarot nutumte miṭiʹ ṭolare basoʹlaʹ lagone. Na ghoṭonado nâbiko talate aka katha men holena ana jate puronoʹa, Ânido Nasarotio menketeʹ ṭâhuikohaʹ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh