Mothi 7
7
Dos sabaʹ bisoite cetʹaʹ
(Luk 6:37-38, 41-42)
1"Apedo eṭaonkhoiʹaʹ dos alo sendrabere takoape, jate apeyaʹ dos bang sab hoʹa, 2cekelaʹbang alka bicârre ape bicârape, enkagi apeho bicârre bicârsoʹpehaʹ, ar apete alka songketeʹ makoaʹpe engkagi apelaʹho song hoʹhaʹ.
3"Ar amren boihaoaʹ metʹre je ghansar menaʹa, anagi cekelaʹ leldam, kheʹ amaʹ nijeoaʹ metʹrigi je kuṛikaṭ menaʹa, anado ceklaʹ bang leldam? 4Othoco amte alkaketeʹ nijeren boiha metaikanam, 'Hijup Ingte amaʹ metʹ khoiʹ ghansar oṛoʹgiritâming?' Ar lelme, amaʹ nijeoaʹ metʹrigi kuṛikaṭ menaʹa. 5He bhonḍo! Palhere amaʹ metʹ khoiʹ kuṛikaṭ oṛoʹgirim, ar tâkhni amren boihaoaʹ met khoiʹ ghansar oṛoʹketeʹ isposṭo lelnammahaʹ.
6"Akaṭaʹ pobitrogiâ anado seta alo makoape. Apeyaʹ muktâ sukriaʹ lahare alo giṛiape, hoito ana angko jangate lebedkohaʹ ar âcurketeʹ ape ṭukrâ ṭukrâketeʹ oreʹ giṛipekohaʹ.
Koijong
7"Koipe, ape ma hoʹhaʹ, sendrepe nampehaʹ, duârre ṭhok ṭhokpe, ape laʹte jhiʹ hoʹhaʹ. 8Ar jahegi koie ânido name, eke sendreye âniho name, ar ekedo duârre ṭhok ṭhoke âni laʹdo duâr jhiʹ hoʹhaʹ.
9"Ape talare emon eke menaʹkoa jete aiʹren hopon piṭhâ koilekheʹ diri maiheʹ? 10Hako koikokheʹ bing maiheʹ? 11Kharap hoketeʹho judi apete aperen gidrâko manja manja jinis ma darekoape, tahale aperen sorgoren Baba, ekeko âniṭheʹ koiako, angkodo tiniʹgibang manja manja jinis makoheʹ.
12"Ape alka âdmikoṭheʹ khoiʹ koiape engkagi apeho angko salaʹ rikipe, karon niâgiâ nâbikoaʹ ar Mosiaʹ ânnaʹ sâri katha.
Sorgonaʹ ḍaharte caʹaʹ katha
13"Sakra ḍaharte bolonpe, cekelaʹbang aka ḍaharte dhongso hate idikoe ana ḍahardo marang ar osargiâ, ar aima horgi ana ḍaharte bolonako. 14Cekelaʹbang jiui ḍahardo sakragiâ ar duârho sakragiâ, ar thoṛa âdmigi ana ḍaharte bolodarenako.
15"Bhonḍo nâbikoaʹ bisoite sabdhanoʹpe, angkodo bhiṛioaʹ rupte hijuʹako ar angkoaʹ ontor tahentakoa rangeʹ ghenga târup laka. 16Angkoaʹ jiuire akaṭaʹ joʹa ana jotigi angkodo cinhu darekopehaʹ. Jaheki jânumjhâilâ khoiʹ ânggur jo, se bâblâ dare khoiʹ loa jo aṭeyako? 17Ṭhik engkagi manja darere manja jo ar kharap dareredo kharap jogi joʹa. 18Manja dareredo kharap jo bang joʹa, ar kharap dareredo manja jo bang joʹa. 19Aka darere manja jo bang joʹa ana daredo getʹketeʹ sengelre giṛigiri hoʹa. 20Apete angkoaʹ jotigi angko cinhu darekopehaʹ.
Alkankhoiʹ âdmi sorgore bolo darenkohaʹ
(Luk 13:25-27)
21"Ekekote Ing 'Probhu, probhu' menako angko je sanamkhoiʹ sorgo rajjore bolodarenkohaʹ anado bangkana, kheʹ ekeko Ingren sorgoren Babaoaʹ icchâ palonkohaʹ engkogi sorgore bolo darenkohaʹ. 22Anahiluʹ aima horgi menkohaʹ 'He probhu, he probhu, amaʹ nutumte ki ale bhobisotnaʹ katha bang lâikadale? Amaʹ nutumte ki kharap atta bang coṭaʹkaʹkoale? Amaʹ nutumte ki aima asarjo bang kâmikadale?' 23Tâkhni Ingte angko mocarigi metakoinghâʹ 'Ingte ape bang cinhupeing, odhormoren dol! Ingṭheʹ khoiʹ sâhingoʹpe.'
Bar lakaniʹ âdmi
24"Anate mening, jahegi Ingâʹ katha atene ar ana palone ânido miṭiʹ buddhiman âdmi laka ekedo diri cetanre oraʹ banokede. 25Tayomte daʹ hiʹna, ban hiʹna, ândhi hiʹna ar ana oraʹre lagoniʹ kheʹ bang râputʹlena, karon anado diri cetanre rodado bano tahelena.
26"Ar eke Ingâʹ sanam katha atenako kheʹ bang palonako âni miṭiʹ murkho âdmi laka, ekedo gitil cetanre oraʹ banokede. 27Tayomte daʹ hiʹna, ban hiʹna, ândhi hiʹna ar ana oraʹre lagoniʹ, anate ana oraʹ râputʹniʹ ar aimagi râputʹgena."
28Jisu jâkhni nako katha cabakede tâkhni âdmiko atenketeʹ asarjonako. 29Karon ânitedo khomota menaʹ ankankhoiʹ âdmi laka cetʹokosane kheʹ dhormo masṭarko lakado bang.
നിലവിൽ തിരഞ്ഞെടുത്തിരിക്കുന്നു:
Mothi 7: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Mothi 7
7
Dos sabaʹ bisoite cetʹaʹ
(Luk 6:37-38, 41-42)
1"Apedo eṭaonkhoiʹaʹ dos alo sendrabere takoape, jate apeyaʹ dos bang sab hoʹa, 2cekelaʹbang alka bicârre ape bicârape, enkagi apeho bicârre bicârsoʹpehaʹ, ar apete alka songketeʹ makoaʹpe engkagi apelaʹho song hoʹhaʹ.
3"Ar amren boihaoaʹ metʹre je ghansar menaʹa, anagi cekelaʹ leldam, kheʹ amaʹ nijeoaʹ metʹrigi je kuṛikaṭ menaʹa, anado ceklaʹ bang leldam? 4Othoco amte alkaketeʹ nijeren boiha metaikanam, 'Hijup Ingte amaʹ metʹ khoiʹ ghansar oṛoʹgiritâming?' Ar lelme, amaʹ nijeoaʹ metʹrigi kuṛikaṭ menaʹa. 5He bhonḍo! Palhere amaʹ metʹ khoiʹ kuṛikaṭ oṛoʹgirim, ar tâkhni amren boihaoaʹ met khoiʹ ghansar oṛoʹketeʹ isposṭo lelnammahaʹ.
6"Akaṭaʹ pobitrogiâ anado seta alo makoape. Apeyaʹ muktâ sukriaʹ lahare alo giṛiape, hoito ana angko jangate lebedkohaʹ ar âcurketeʹ ape ṭukrâ ṭukrâketeʹ oreʹ giṛipekohaʹ.
Koijong
7"Koipe, ape ma hoʹhaʹ, sendrepe nampehaʹ, duârre ṭhok ṭhokpe, ape laʹte jhiʹ hoʹhaʹ. 8Ar jahegi koie ânido name, eke sendreye âniho name, ar ekedo duârre ṭhok ṭhoke âni laʹdo duâr jhiʹ hoʹhaʹ.
9"Ape talare emon eke menaʹkoa jete aiʹren hopon piṭhâ koilekheʹ diri maiheʹ? 10Hako koikokheʹ bing maiheʹ? 11Kharap hoketeʹho judi apete aperen gidrâko manja manja jinis ma darekoape, tahale aperen sorgoren Baba, ekeko âniṭheʹ koiako, angkodo tiniʹgibang manja manja jinis makoheʹ.
12"Ape alka âdmikoṭheʹ khoiʹ koiape engkagi apeho angko salaʹ rikipe, karon niâgiâ nâbikoaʹ ar Mosiaʹ ânnaʹ sâri katha.
Sorgonaʹ ḍaharte caʹaʹ katha
13"Sakra ḍaharte bolonpe, cekelaʹbang aka ḍaharte dhongso hate idikoe ana ḍahardo marang ar osargiâ, ar aima horgi ana ḍaharte bolonako. 14Cekelaʹbang jiui ḍahardo sakragiâ ar duârho sakragiâ, ar thoṛa âdmigi ana ḍaharte bolodarenako.
15"Bhonḍo nâbikoaʹ bisoite sabdhanoʹpe, angkodo bhiṛioaʹ rupte hijuʹako ar angkoaʹ ontor tahentakoa rangeʹ ghenga târup laka. 16Angkoaʹ jiuire akaṭaʹ joʹa ana jotigi angkodo cinhu darekopehaʹ. Jaheki jânumjhâilâ khoiʹ ânggur jo, se bâblâ dare khoiʹ loa jo aṭeyako? 17Ṭhik engkagi manja darere manja jo ar kharap dareredo kharap jogi joʹa. 18Manja dareredo kharap jo bang joʹa, ar kharap dareredo manja jo bang joʹa. 19Aka darere manja jo bang joʹa ana daredo getʹketeʹ sengelre giṛigiri hoʹa. 20Apete angkoaʹ jotigi angko cinhu darekopehaʹ.
Alkankhoiʹ âdmi sorgore bolo darenkohaʹ
(Luk 13:25-27)
21"Ekekote Ing 'Probhu, probhu' menako angko je sanamkhoiʹ sorgo rajjore bolodarenkohaʹ anado bangkana, kheʹ ekeko Ingren sorgoren Babaoaʹ icchâ palonkohaʹ engkogi sorgore bolo darenkohaʹ. 22Anahiluʹ aima horgi menkohaʹ 'He probhu, he probhu, amaʹ nutumte ki ale bhobisotnaʹ katha bang lâikadale? Amaʹ nutumte ki kharap atta bang coṭaʹkaʹkoale? Amaʹ nutumte ki aima asarjo bang kâmikadale?' 23Tâkhni Ingte angko mocarigi metakoinghâʹ 'Ingte ape bang cinhupeing, odhormoren dol! Ingṭheʹ khoiʹ sâhingoʹpe.'
Bar lakaniʹ âdmi
24"Anate mening, jahegi Ingâʹ katha atene ar ana palone ânido miṭiʹ buddhiman âdmi laka ekedo diri cetanre oraʹ banokede. 25Tayomte daʹ hiʹna, ban hiʹna, ândhi hiʹna ar ana oraʹre lagoniʹ kheʹ bang râputʹlena, karon anado diri cetanre rodado bano tahelena.
26"Ar eke Ingâʹ sanam katha atenako kheʹ bang palonako âni miṭiʹ murkho âdmi laka, ekedo gitil cetanre oraʹ banokede. 27Tayomte daʹ hiʹna, ban hiʹna, ândhi hiʹna ar ana oraʹre lagoniʹ, anate ana oraʹ râputʹniʹ ar aimagi râputʹgena."
28Jisu jâkhni nako katha cabakede tâkhni âdmiko atenketeʹ asarjonako. 29Karon ânitedo khomota menaʹ ankankhoiʹ âdmi laka cetʹokosane kheʹ dhormo masṭarko lakado bang.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh