कुलवानकु.कामि 3
3
लंगड़ा कोकोय वनीः रआ बुगिन वोः
1पतरस आर जोहन तीन बजे पराथना रआ बेरा मरंग बिनती ओड़ाः रे सिनुः केनाकिन। 2होर मिहोर होर के इदिइ केनाकु, जे एंगा रआ होड़मो एते गी लंगड़ा तहिकेनाय। उनकु उनी के रोज हिलोः अगु केते मरंग बिनती ओड़ाः रआ “सुन्दर” लुतूम दुवेर ठिनुः दोहोय केनाकु जेकर एते उनी मरंग बिनती ओड़ाः रआ भीतरी सिनुः वान एते कोय कुवाय। 3जोब उनी पतरस अरो जोहन के मरंग बिनती ओड़ाः सिनुः एते नेलेःकिनाय, दो उनी ता जहन्नाः नमुः रआ ते गोहराव वेःकिनाय। 4पतरस अरो जोहन ता उनी सोझ धेयान एते नेल केते पतरस ता मेताःदेयाय “अलिञ सोझ नेलमी।” 5इनाते उनी उनकिन एते जहन्नाः नमुः रआ आसरा दोहो केते उनकिन सोझ तकाव हेलावेनाय। 6तोब पतरस ता उनी एते मेताःदेयाय, “चांदी अरो सोना दो इञ ठिनुः बनुःआं, मुदा जे इञ ठिनुः हेनाःआं उना आम के एएम कनिञ, नासरत लुतूम चट्टी रिई ईसु मसी रआ लुतूम एते सेन-बेराय।” 7अरो पतरस ता उनी रआ जोम ती साप केते बिरीत्तेदेयाय, अरो एनेनगी उनी रआ बाका अरो घुठी रे बोल हेच्चेना। 8उनी चुड़िर केते तिंगु एनाय अरो सेन-बेरा हेलावेनाय, आर सेसेन अरो निनिर, अरो परमेसर रआ इसतुति कराव वते उनी लोः मरंग बिनती ओड़ाः रे तोराया 9सुबिन होर ता उनी के सेन-बेरा अरो परमेसर रआ इसतुति कराव वते नेल केते। 10उनी के चिनहाव एदेयाकु चि नोंय उनी हेकेय जे मरंग बिनती ओड़ाः रआ “सुन्दर” लुतूम दुवेर रे दुरुप केते भीख कोय एकेनाय, अरो उना घटना एते, जे उनी लोः होय केना उनकु बेचोट चकरीत अरो भोय एनाकु।
मरंग बिनती ओड़ाः रे पतरस मनवांकु के सोमझाव कुकानाय
11जोब उनी पतरस आर जोहन रआ ती साप लाःआय, दो सुबिन होर बेचोट चकरीत केते उना ढाबा रे जे सुलेमान रआ मेनुःका, उना ठिनुः निर अगुएताय। 12नुवां नेल केते पतरस ता होरकु के मेताःकुवाय, “ए इसराइलिकु, अपे नुवां घटना एते चिलिमेन चकरीत वोः कनापे, आर आले सोझ चिलिमेन नुंका नेल कनापे, मोतलोब अलिञ गी अपन सोमोर्थ बङ रेदो भकती एते नोंय के सेसेन-बेरा लेका एकाः देयालिञ। 13#उठ 3:15 अबराहम आर इसहाक, जाकूब अरो अबुन रेन आपु-आजाकु रिई परमेसर ता आच रिई धंगोर ईसु रआ महिमा एताय, जेके अपे सापइरी लेदेयापे अरो जोब पिलातुस राजपाल ता उनी के बागी रआ फयसाला एताय, तोब अपे उनी ठिनुः उनी रआ इनकार एतापे। 14#मती 27:15–23; मर 15:6–14; लूका 23:13–23; जोह 19:12–15 अपे उनी पबितर अरो धरमी के इनकार एदेयापे, अरो अपे ता अपे कथिर नुंकन होर के बागी कथिर मांग एतापे जे गोगोच वनीः तहिकेनाय, 15अरो अपे जीव एएम वनीः के गोजेः देयापे, जे के परमेसर ता गोच वनकु रे एते जुवेतेदेयाय, अरो नुवां रआ आले गोवाह हेकेले। 16ईसु रआ लुतूम एते उना बिसवास रआ दोवासते जे ईसु रआ लुतूम रे हेनाःआं नोंय होर के जे के अपे नेलेय कनापे, अरो सारी कनापे सोमोर्थ एम एकावादेयाय। ईसु रे बिसवास एते गी नोंय के अपे सुबिन रआ सामने पुरापुरी चंगा एदेयाय।
17“ए बोयहाकु इञ सारी कनिञ चि नुवां कामि अपे अनजान रे नुंका एतापे, अरो उनका गी अपे रेन मुधकु तहों नुंका एताकु। 18मुदा जे गानाम ता परमेसर ता सुबिन परमेसर सोझ एते नधनी वनकु रआ मोचा एते पहिल गी उदुःवाःकुकेनाय, चि उनी रिई मसी दुख उठावियाय, उना उनी ता नुवां रिति एते पुरावेताय। 19इनाते, मोन रुवाड़ेपे अरो परमेसर सोझ रुवाड़ हिजुःपे चि अपे रआ पाप मेटावियाय, 20जेकर रे परभु ठिनुः एते सुख-चइन रआ समेय हिजुःआ, अरो परमेसर ईसु के कुलेयाय, जे अपे कथिर पहिल एते गी मसी ठहराव एकाःदेयाय। 21अरो ईसु के सोवाराग रे उना हिलोः तक तहीः हेनाःआं जोब तक चि सुबिन गानाम रआ काय सुधरावियाय, जेकर चरचा नंङ-सेदाय गी परमेसर ता आचरेन पबितर परमेसर सोझ एते नधनी वनकु रआ मोचा एते गाम लाःआय। 22#नियम 18:15,18चिलिमेनचि मूसा ता गाम लाःआय, चि अपे रिई परभु परमेसर अपे रेन बोयहाकु रे एते अपे कथिर इञ लेका परमेसर सोझ एते नधनी वनीः बिरीत कुवाय, जहन्नाः उनी अपे एते गाम्माय, उनी रआ अयुमपे। 23#नियम 18:19मुदा सुबिन होर जे उनी परमेसर सोझ एते नधनी वनीः रआ काकु अयुम्मीया, उनकु के परमेसर रेन होर एते हिगराव केते नठाव कुवाय, 24समुवेल एते लेयकेते उनी रआ तयनोम हेच वन सुबिन परमेसर सोझ एते नधनी वनकु ता नियां हिलोः रआ बबेत रे पहिल गी उदुः लाःआय। 25#एटे 22:18अपे परमेसर सोझ एते नधनी वनकु रेन खंदान। अरो उना वादा रआ भागी होयुःपे, जे परमेसर ता अपे रेन आपु-आजाकु एते तोल लाःआय। परमेसर ता अबराहम एते वादा लाःआय, आमरेन बोंस रआ दोवासते ओते रेन सुबिन होर आसरीबाद नाम्माकु 26परमेसर ता आच रिई धंगोर ईसु के सला केते पहिल अपे ठिनुः कुलेःदेयाय, चि अपे रे एते हरेक होर के कठिक कामि एते रुवाड़ अगु केते आसरीबाद एमाकुवाय।”
നിലവിൽ തിരഞ്ഞെടുത്തിരിക്കുന്നു:
कुलवानकु.कामि 3: BIY
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
