जोहन जान-चिनहार
जान-चिनहार
जोहन रचित बुगिन खभेर नवां नियम रआ उना चाइरो पोथी रे ते मियाः हेके, जे मसी ईसु रआ जीवन चरितर रआ बाखान कनाय। उना रे ते हरेक मियाः बुगिन खभेर गामुः काना, जेकर ओरोथ हेके बुगिन खभेर। उना ईसु रआ गोजुः रआ तयोम मती, मरकुस, लूका अरो जोहन दोवासते ओल केना। जोहन रचित बुगिन खभेर कुल वनकु दोवासते मसी रआ जनम रआ लगेभगे 90 बरीस तयोम ओल केना। रेहोंगी पोथी रे कहीं-कहीं ओल एकाना चि नियां रिई ओओल वनीः जोहन हेकेय, मुदा नियां रआ ओनोल सयली जोहन रआ पहला चिट्ठी, दुसरा चिट्ठी अरो तीसरा चिट्ठी एते मिलाः-जुलाः काना। थोड़गन मुध ओओल वन उना समेय जोहन के इफिसुस रे तहीः वनीः उदुः कनाकु, बेचोट संभव हेनाःआं चि नियां रआ ओलुः इफिसुस रे होय्येना।
जोहन नियां पोथी ता ओओल रआ अपन उदेस निठा उदुः कनाय चि पड़हाःइकु सारिएकाकु चि ईसु गी जुवेत परमेसर रिई होपोन हेरेल हेकेय (20:31) अरो नुवां बिसवास कराव रआ दोवासते उनी रआ लुतूम एते जीवन नाम्मेकाकु। नियां पोथी रआ ओलुः जहुदी होर अरो गइर-जहुदी बनार रकम रेन पड़हाःइकु कथिर ओल एकाःआय। जोहन रआ बुगिन खभेर बेचोट मायने रे एटाः तीनों बुगिन खभेर एते अलग गिया। उनी ता खास रुप एते ईसु रआ दोवासते कराव वनाः आसचरज कामि रे धेयान एताय अरो उनी रआ कहनी रआ बबेत ढेर काय ओल। एटाः खास घटना जे लेका ईसु रआ बतिसमा अरो टोंगरी पोरदेस रे उनी रआ परीछा रआ बाखान हों नियां बुगिन खभेर रे का ओल एकाना।
रंग-रुप
1. जोहन बुगिन खभेर रआ एटेच कनाय (1:1–18)
2. अरो उनी ईसु रआ दोवासते कराव वनाः थोड़गन आसचरज कामि रआ बाखान कनाय (1:19—12:50)
3. नियां तयोम उनी ईसु रआ जीवन रे घटाव हरेक घटना रआ बाखान कनाय, जे मुडू रे उनी रआ गोजुः अरो जुवेत बिरीत सोझ बड़हाः काना (13:1—20:31)
4. जोहन बुगिन खभेर रआ मुचत ईसु रआ गोजुः रआ तयोम उनी रआ गोजुः एते जुवेत बिरीत अरो चेलाकु के दरसन एएम रआ घटना रे ते मियाः रआ बाखान कराव रआ दोवासते अरो नियां पोथी रआ ओओल रआ मूल ओरोथ ता ओओल रआ दोवासते कराव कनाय (21)
നിലവിൽ തിരഞ്ഞെടുത്തിരിക്കുന്നു:
जोहन जान-चिनहार: BIY
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0