लूका 20
20
ईसु रआ हक रे सवाल
(मती 21:23–27; मरकुस 11:27–33)
1मीः हिलोः नुंका होय्येना चि जोब उनी मरंग बिनती ओड़ाः रे होरकु के सिखाव कुकनकेनाय अरो बुगिन खभेर ओनाव वकुकेनाय, दो मुध जाजककु अरो धरम पोथी सिखाविकु, मुधकु लोः, हेनात हेच केते तिंगु एनाकु। 2अरो गापाम हेलावेनाकु, आले के उदुः वलेम, आम नियां कामि ता चिलि हक एते कराव कनाम, अरो उनी ओकोय हेकेय, जे ता आम के नुवां हक एम्मेकावाःमाय?
3ईसु ता उनकु के जबाब एमाःकुवाय, “इञ हों अपे के मियाः गानाम कुलि पेकानिञ, इञ के उदुः वञपे। 4जोहन रआ बतिसमा सोवाराग रआ सोझ एते तहिकेना चि मनवांकु रआ सोझ एते तहिकेना?”
5तोब उनकु अकु-अकु रे गापाम हेलावेनाकु, “जदि अबु गाम्माबुन सोवाराग रआ सोझ एते, दो उनी गाम्माय, रेदो अपे ता उनी रआ चिलिमेन कपे बिसवास लाःआ? 6जदि अबुन गाम्माबुन मनवांकु रआ सोझ एते दो सुबिन होर अबुन रे दिड़ी एते ठिनढेर बुनाकु, चिलिमेनचि उनकु सरिगी बिसवास कनाकु चि जोहन परमेसर सोझ एते नधनी वनीः तहिकेनाय।” 7इनाते उनकु ता जबाब एमाःदेयाकु, आले काले सारीइकाना चि जोहन के बतिसमा एएम रआ हक ओकोय रआ सोझ एते तहिकेना।
8ईसु ता उनकु एते गामवाःकुवाय, दो इञ हों अपे के कञ उदुःवापेया चि इञ नुवां कामि करा हक एते कराव कनिञ।
बयमान खेतयार रआ कहनी
(मती 21:33–46; मरकुस 12:1–12)
9 #
जसा 5:1
तोब ईसु होरकु एते नुवां कहनी उदुः हेलावेनाय, “जहय मनवां ता अंगुर बारगी लगावेताय अरो खेतयारकु के उना ठिका एमाःकुवाय अरो बेचोट हिलोः कथिर पोरदेस तोराया। 10जोब अंगुर जो रआ समेय रे उनी ता खेतयारकु ठिनुः मिहोर बन्धुवा के कुलेःदेयाय, चि उनी अंगुर बारगी रआ थोड़गन हिस जो रआ हिस्सा अगुयाय, मुदा खेतयारकु ता उनी के रु केते एकेन ती रुवाड़ कदेयाकु। 11अरो उनी ता मिहोर बन्धुवा के अरो कुलेःदेयाय, अरो उनकु ता उनी केहों रु केते, अरो उनी रआ बेमाइन केते एकेन ती रुवाड़ कदेयाकु। 12अरो उनी ता एटाः होर के कुलेःदेयाय अरो उनकु ता उनी केहों घावेल केते उडुङ कदेयाकु। 13तोब अंगुर बारगी रिई मुवार ता सोंचावेनाय, ‘इञ चिलियिञ? इञ रिई दुलार होपोन हेरेल के कुलेयिञ, होय सकाःका उनकु उनी के माइन इयाकु।’ 14मुदा जोब खेतयारकु ता उनी के नेलेःदेयाकु, दो अकु-अकु रे सलाह कराव हेलावेनाकु, नोय दो उनी रिई हकदार हेकेय, हिजुःपे नोय के गोजेयाबुन, चि अबुन रआ हक होयजोना। 15इनाते उनकु ता उनी के अंगुर बारगी रआ टांड़ी रे तावाः एदेयाकु, अरो गोजेः देयाकु।
“निमीः दो अंगुर बारगी रिई मुवार चिलियाय?” 16ईसु अरो गाम्मेताय, “उनकु खेतयार के नठाव कुवाय अरो अंगुर बारगी एटाःइकु के जिमा वकुवाय।”
ईसु रआ नुवां कहनी ओनाव केते उनकु ता गाम वदेयाकु, “नुंका केहयो ओलो होयुःका।”
17 #
सिरिञ 118:22
ईसु ता उनकु सोझ नेल केते गामवाःकुवाय,
“अरो नुवां चिलिकाः ओल एकाःआय, ‘जे दिड़ी ता राजमिसतिरिकु बेकामा ठहराव लाःआकु,
इनागी कोना रआ दिड़ी बाय्येना।’
18जहय नियां दिड़ी रे उयुःवोकु उनकु चकनाचुर वोःओकु, अरो जेकर रे उना दिड़ी उयुःवोः उनकु के रीत कुवाय।”
कयसर के मालगुजारी एएम
(मती 22:15–22; मरकुस 12:13–17)
19धरम पोथी सिखाविकु अरो मुध जाजककु ता इमिताः गी ईसु के सासप कथिरोः केनाकु, चिलिमेनचि उनकु सोमझावेनाकु चि, चि ईसु ता नुवां कहनी अबुन रआ बबेत रे गाम्मेताय। मुदा उनकु अरो होरकु एते बोरोय केनाकु। 20उनकु ईसु के ददाः कथिर तक रे तहिकेनाकु। उनकु ता उनी ठिनुः कुटनी कुलेःकुवाकु, जे एते उनकु धरमी होयुः रआ रुप रचाव केते ईसु के अपन गानाम रे दगेया अरो उनी के राजपाल रआ कबजा अरो हक रे एम दड़िवाःआ। 21कुटनी ता ईसु एते नुवां कुली एदेयाकु, “ए गुरु आले सारीइ कनाले चि आम बुगिन गाम कनाम अरो सिखाव कुकानाम अरो जहय रआ मीः तरफा कम नधनी काना, मुदा परमेसर रआ होरा सचाय एते उदुः कनाम। 22आले रआ नियम मोताबिक रोम महाराजा कयसर के मालगुजारी एएम आले कथिर उचित हेनाःआं चि बङा?”
23ईसु ता उनकु रआ छल कपट सारी केते उनकु एते गामवाःकुवाय, 24“मियाः टका इञ के उदुः वञपे। नियां रे ओकोय रआ छापा अरो लुतूम हेनाःआं।”
उनकु ता मेताःदेयाय, “रोम रिई महाराजा कयसर रआ।”
25ईसु ता उनकु एते मेताःकुवाय, “दो जे रोम रिई महाराजा रआ हेके, उना रोम रिई महाराजा कयसर के एमायपे अरो जे परमेसर रआ हेके उना परमेसर के एमायपे।”
26उनकु ता होरकु रआ हेनात नियां गानाम रे उनी के काकु साप दड़िवादेया, मुदा उनी रआ जबाब एते चकरीत केते हपे तहिएनाकु।
गोच वनकु रआ जुवेत बिरीत
(मती 22:23–33; मरकुस 12:18–27)
27 #
कु.कामि 23:8
अरो सदुकी जे गाम एकेनाकु, चि गोच वनकु रआ जुवेत बिरीतोः बनुः उतारा, उनकु रे एते हुडिञगन ता ईसु ठिनुः हेचकेते कुलिएदेयाकु। 28#नियम 25:5“ए गुरु, मूसा ता आले कथिर नुवां ओल एकाःआय चि, ‘जदि जहय रिई बोयहा आच रिई एरा तहीः रिगी बिन होपोन जनमाव रिगी गोजुःआय, दो उनी आच रिई बोयहा रिई रड़ियाही के बपला केते आच रिई बोयहा कथिर होपोन जनमाव कुवाय।’ 29सात बोयहा तहिकेनाकु, पेहलोट बोयहा बपला केते बिन बालबचा गोच्चेनाय। 30तोब उनी एते मेझला बोयहा तेः उनी एरा के बपला एदेयाय, 31अरो उनी रिई सेंझला बोयहा तहों उनी एरा के बपला एदेयाय। इनका एते सातो बोयहा बिन बालबचा गोच एनाकु। 32अखरी रे उनी एरा हों गोच एनाय। 33दो जुवेत बिरीतोःओकु रे उनी उनकु रे एते ओकोय रिई एरा होयुःआय, चिलिमेनचि उनी सातो बोयहा रिई एरा होय चुकाव केनाय।”
34ईसु ता उनकु के गामवाःकुवाय, नुवां जुग रेन कोरा कुरी रआ दो बपला होयुःका, 35मुदा जे होर गोच वनकु रे एते जुवेत बिरीत केते हिजुः वनाः जुग रे लाइख हेनाकुवा, उनकु रआ ओन्डो बपला का होयुःआ। 36उनकु अरो केहयो काकु गोजुःआ, उनकु दो सोवारागदूतकु लेका होयुःआकु अरो जुवेत बिरीत केते उनकु परमेसर रेन होपोन बाय कोःकानाकु। 37#उठ 3:6मुदा गोच वनकु रआ जुवेत बिरीत होयुः काना, चिलिमेनचि मूसा ता हों झुड़ रआ सेंगेल रआ बाखान कराव समेय रे नुंका, चि उनी परभु के अबराहम रिई परमेसर अरो इसहाक रिई परमेसर अरो जाकूब रिई परमेसर गाम लाःआय। 38परमेसर दो गोच वनकु रेन बङा, मुदा जुवेत वनकु रिई परमेसर हेकेय, चिलिमेनचि उनी रआ हेनात सुबिन जुवेत हेनाकुवा।
39तोब नुवां अयुम केते धरम पोथी सिखाविकु रे एते हुडिञगन ता नुवां गाम्मेताकु, “ए गुरु आम ता बुगिन गाम्मेताम।” 40अरो उनकु उनी एते जहन्नाः अरो कुली रआ ढिड़ का होय्येना।
मसी ओकोय हेकेय
(मती 22:41–46; मरकुस 12:35–37)
41अरो ईसु ता उनकु के कुलिवेःकुवाय, मसी के दाऊद रिई होपोन चिलका मेताय कनाकु? 42#सिरिञ 110:1 चिलिमेनचि भजन सहिंता रआ पोथी रे दाऊद आच गी गाम कनाय,
परभु परमेसर ता इञ रिई परभु एते गाम कनाय,
आम इञ रआ जोम ती सोझ रे दुरुपमी,
43जोब तक इञ आमरेन बइरिकु के आम रआ कबजा रे कइञ कुवा,
44नियां लेका दाऊद मसी के “परभु” मेताय कनाय, दो उनी, उनी रिई होपोन चिलका होय सकावोःकाय?
धरम पोथी सिखाविकु एते चेम्पोर तहीःपे
(मती 23:1–36; मरकुस 12:38–40)
45जोब सुबिन होर अयुम एकेनाकु, दो ईसु ता आचरेन चेलाकु के मेताःकुवाय, 46“धरम पोथी सिखाविकु एते चेम्पोर तहीःपे, जे जिलिंग-जिलिंग घंघरी किचरीः होरोः केते होनोर बुगिन अटकार कनाकु अरो होरकु एते बाजार रे जोहार इरीः पसिंद कनाकु अरो बिनती ओड़ाः रे मरंग-मरंग होर दुरुप ठांव रे दुरुप अरो भोज रे मरंग-मरंग होर दुरुप ठांव रे बुगिन अटकार कनाकु। 47उनकु रेड़याहिकु रआ ओड़ाः जोम केकानाकु अरो देखाव कथिर बेचोट देरी तक पराथना चित तहीः कनाकु, नोकु बेचोट गी दन्ड नाम्माकु।”
നിലവിൽ തിരഞ്ഞെടുത്തിരിക്കുന്നു:
लूका 20: BIY
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
