मती 5
5
टोंगरी रे ईसु रआ उपदेस
1ईसु ता होरकु के नेल केते टोंगरी रे रकाप केते दुरुपेनाय, दो चेला ईसु ठिनुः हेच्चेनाकु। 2इमिताः गी ईसु सिखाव वते मेताःकुवाय,
धेनया बचन
(लूका 6:20–23)
3“धेनया हेनापेया उनकु जे मोन रे रेंगेच-रबंङ अपे,
चिलिमेनचि सोवाराग राइज इनकु रआ हेके!
4 #
जसा 61:2
धेनया हेनापेया उनकु जे इयम कनापे;
चिलिमेनचि डिढ़ नम्मापे!
5 #
सिरिञ 37:11
धेनया हेनापेया उनकु जे सोझा हेनापेया,
चिलिमेनचि दिसुम रेन हकदार होयुःआपे!
6 #
जसा 55:1,2 धेनया हेनापेया उनकु धरम रआ रेंगेच तेतांङ हेनापेया; चिलिमेनचि उनकु बियुःआकु!
7धेनया हेनापेया उनकु जे दयालु हेकेपे,
चिलिमेनचि उनकु रे मयाय कनाय!
8 #
सिरिञ 24:3,4 धेनया हेनापेया उनकु जेकर मोन सुध हेनाःआं,
चिलिमेनचि उनकु परमेसर के नेलेयाकु!
9धेनया हेनापेया उनकु जे मेल-मिलाप कनापे,
चिलिमेनचि परमेसर रेन होपोन गामुःआपे!
10 #
1 पत 3:14
धेनया हेनापेया उनकु जे धरमिकता रआ चलते सताव पेकानाकु,
चिलिमेनचि सोवाराग राइज इनकु रआ गी हेके!
11 #
1 पत 4:14
“धेनया हेनापेया अपे जोब मनवा इञ रआ चलते अपे के बेमाइन पेयाकु अरो सताव पेयाकु अरो एकेन-मेकेन गाम केते अपे रआ खोनोस रे सुबिन रकम रआ कठिक गानाम गामवापेयाकु। 12#2 इति 36:16; कु.कामि 7:52रेहों खुस तहीःपे अरो आनाद मनावेपे, चिलिमेनचि सोवाराग रे अपे बुगिन इनाम नम्मापे। चिलिमेनचि अपे एते पहिल रेन परमेसर सोझ एते नधनी वनकु केहों नियां लेका गी सताव लेःकुवाकु।
बुलूंङ अरो मसकल
(मरकुस 9:50; लूका 14:34,35)
13 #
मर 9:50; लूका 14:34,35 “अपे ओते रेन बुलूंङ कनपे। अगर बुलूंङ रआ अपन सिबिल सिठा कोःओ रेदो उना चिलि जिनिस एते बुलूंङ लेका नोःओ, उना अबुन कथिर जहन कामि रे का हिजुःआ, इनाते नुवां टांड़ी रे गिड़ी का:आ अरो उना होर बका एते रेंवदाव इयाकु।
14 #
जोह 8:12; 9:5 “अपे दुनिया रेन मसकल हेकेपे। अरो जे टोंगरी रे बोसाव एकाना उना चट्टी का उकुना। 15#मर 4:21; लूका 8:16; 11:33होर डिबरी धराव केते मवनी रआ लातार रे काकु दोहोय काना; मुदा दिरखा रे दोहोय कनाकु आर ओड़ाः रेन सुबिन के मरसल एमाकुवाय। 16#1 पत 2:12मनवाकु रआ सामने अपे रआ मरसल नुंका चमकाव ओःचही, चि अपे रआ बुगिन कामि नेल केते अपे रिई आपु जे सोवाराग रेचाय उनी रआ बड़ाय इयाकु।
नियम रआ सिकछा
17“नुवां ओलोपे सोमझाव ओ:वो चि इञ मूसा रआ नियम अरो परमेसर सोझ एते नधनी वनकु रआ गानाम ता मेटाव कथिर हेच्चेकानिञ। मेटाव कथिर बङा, मुदा पुराव कथिर हेच एकानिञ। 18#लूका 16:17इञ अपे के सच गामवापे कनिञ चि जोब तक ओते अरो सिरमा तहिनोःओ, मूसा रआ नियम रआ मिमीः सबद बाय तहिनोःओ उना तोब तक बाय तहिनोःओ जोब तक उना सुबिन का पुराव वोःओ। 19नियां हुकूम रे एते हुडिञ एते हुडिञ हुकूम हों जहय तोड़ावियाकु अरो इनागी मनवाकु के सिखाव कुवाकु, उनकु सोवाराग राइज रे सुबिन एते हुडिञ बयुःआकु। अरो जहय हुकूम ता मनावियाकु इनागी सिखाव कुवाकु, इनकुगी सोवाराग राइज रे मरंग बयुःआकु। 20इञ अपे के गामवापे कनिञ, चि जोब तक अपे धरम पोथी सिखाविकु एते अरो फरीसिकु एते धरम रआ आचरेन एते लहा कपे बड़हाव ओ:वो, अपे सोवाराग राइज रे कपे बोलो दड़िवाःआ।
गोगोच अरो कोरोध रआ दन्ड
21 #
उठ 20:13; नियम 5:17 “अपे ओनाव चुकाव एकाःआपे, चि पुरखा रेन होरकु के गाम केना, चि ‘ओलोपे गोच कुवा; अरो जे जहय के गोच कुवाकु, उनकु दंड नाम्माकु।’ 22मुदा इञ अपे के नुवां गामवापे कनिञ चि जहय अपन बोयहा-मिसी के कोरोध इयाय उनी दंड नम्माय, अरो ‘जहय अपन बोयहा-मिसी तेः के तुछ गामवायाय!’ उनी मरंग पंचेत रे दंड नम्माय अरो जहय गाम्माय, ‘ए मुर्खाहा’ उनी नरक रआ सेंगेल रे दंड नम्माय।
23“जदि आम अपन दान थान रे रकाप कथिर अगु एकाःआम अरो ओन्डो आम ओयहर इयाम, चि आम रिई बोयहा-मिसी रआ मोन रे इञ परति खोनोस हेनाःआं, 24दो अपन दान एन्डेगी थान ठिनुः बागी केते, पहिल अपन बोयहा-मिसी लोः मिलाप कोः सिनुःमी, एन्डे हेच केते अपन दान रकापियाय।
25“कछेरी सिनुः घरीक गी होरा रे अपन मुदेय लोः सपालाह कोःबेन ताकि जहन्नाः ओलो होयुःका, चि उनी अबेन के हाकिम रआ ती रे ओलोय सोंपाव बेनकाय, हाकिम ता अबेन के सिपाही रआ ती रे ओलोय सोंपाव बेनकाय, अरो जेहेल ओड़ाः रे ओलोकु बोंध बेनका। 26इञ अबेन के सच गामवाबेन कनिञ, चि जोब तक अबेन किरी-किरी कबेन पेड़ेचिया तोब तक ओन्डो एते कबेन छुटाव दड़िवाःआ।
साप-जोटेत
27 #
उठ 20:14; नियम 5:18 “अपे ओनाव चुकाव एकाःआपे चि ओलोपे ‘साप-जोटेतकुवा।’ 28मुदा इञ अपे के सत गामवापे कनिञ जहन एरा के कठिक नजेर एते नेल कुकानाय दो इमिताः गी उनी अपन मोन रे उनी एरा एते साप-जोटेत एदेयाय। 29#मती 18:9; मर 9:47अगर आम रआ जोमती मेत आम कथिर पाप रआ कारन बयुः काना, रेदो उना उडुङ केते गिड़ीकाम! चिलिमेनचि आम कथिर नियागी भला मेनाःआं चि आम रआ होड़मो एते मियाः मेत नास ओ:वो मुदा आम रआ सुबिन होड़मो नरक रे संजोः एते बनचाव वोःका। 30#मती 18:8; मर 9:43अगर आम रआ जोमती आम कथिर पाप रआ कारन बयुः काना, रेदो उना खन्डा केते गिड़ीकाम! चिलिमेनचि आम कथिर नियागी भला हेनाःआं चि आम रआ होड़मो रआ मियाः ती नास ओ:वो मुदा आम रआ सुबिन होड़मो नरक रे संजोः एते बनचाव वोःका।
बपलाः रआ तोनोल
(मती 19:9; मरकुस 10:11,12; लूका 16:18)
31 #
नियम 24:1–4; मती 19:7; मर 10:4 “नियां हों गाम एकाना, ‘जहय अपन एरा के बागी कथिर ओःकनाय, रेदो उनी बागी रआ चिट्ठी एम्मेकाय।’ 32#मती 19:9; मर 10:11,12; लूका 16:18; 1 कुरु 7:10,11मुदा इञ अपे के गामवापे कनिञ चि जहय अपन एरा के साप-जोटेत ता बागी केते अरो जहन कारन एते बगियाय, दो उनी अपन एरा के साप-जोटेत वनीः बयेय कनाय अरो जहय बागी वनीः एरा के बपलायाय दो उनी हों साप-जोटेत कनाय।
किरया
33 #
लेवी 19:12;
लेखा 30:2; नियम 23:21 “अरो अपे अयुम चुकाव एकाःआपे चि पुरखाकु ता गाम अगु एकाःआकु, चि ‘एकेन-मेकेन रआ किरया ओलोपे जोम्मा, मुदा परभु कथिर अपन किरया ता पुरायपे।’ 34#जाकू 5:12; जसा 66:1; मती 23:22मगर इञ अपे के गामवापे कनिञ चि किरया केहयो ओलोपे जोम्मा, ना सोवाराग रआ, चिलिमेनचि उना परमेसर रआ राइज गदी हेके; 35#जसा 66:1; सिरिञ 48:2ना नुवां ओते रआ, चिलिमेनचि उना परमेसर रआ बका दोहो वनाः ठांव हेके, अरो ना जरुसलेम रआ, चिलिमेनचि महाराजा रआ चट्टी हेके। 36अरो ना अपन बोहोः रआ, चिलिमेनचि अपे मियाः उप हों पुंडी चहे हेंदे कपे दड़िवाःआ। 37मुदा अपे रआ गानाम, ‘हें रेदो हें’ अरो ‘बंङ रेदो बंङ’ एपे चिलिमेनचि जहन्नाः नुवां एते जादे होयुःका उना कुचड़ सयतान सोझ एते होयुःका।
बदला रआ भवना ओलोपे दोहोया
(लूका 6:29,30)
38 #
उठ 21:24; लेवी 24:20; नियम 19:21 “अपे अयुम एकाःआपे, चि गाम एकाना, ‘मेत रआ बदले मेत, अरो डाटा रआ बदले डाटा।’ 39मुदा इञ अपे के गामवापे कनिञ चि जहय बुराय होर रआ हों ओलोपे बिरोधिया। बलकी जदि जहय अपे रआ जोम ती जोहा रे चटाः पेयाकु, रेदो लेंगा ती जोहा हों उनी सोझ कपे। 40जदि जहय आम रे केंस केते आम रआ सोनोः इदी चहाःआकु, रेदो आम अपन पेछोरी हों एमाकुम। 41अरो जदि जहय आम के मीः कोस इदिमाकु, दो आम उनी लोः बार कोस हों सेन जोनमी। 42जदि जहय आम के जहन्नाः कोयमाकु, दो उना, उनकु के एमाकुम! जे आम एते उधरा अगु चहाःआकु, उनकु के ओलोम मनाकुवा।
दुसमानकु एते दुलार दोहोयपे
(लूका 6:27,28,32–36)
43“अपे ओनाव एकाःआपे: चि गाम एकाना, ‘अपे अपन आसे-पासे रेन के दुलार कुपे अरो बइरी एते बइर दोहोयपे।’ 44मगर इञ अपे के गामवापे कनिञ चि अपन बइरिकु एते दुलार कुपे अरो जे अपे के सताव पेकानाकु उनकु कथिर पराथनायपे, 45ताकि अपे सोवाराग रे तहीः वनीः अपन आपु रेन खंदान बाय दड़िवाःआपे चिलिमेनचि परमेसर बुराय कराव वन अरो बुगिन कराव वन सुबिन रे सिंगी बोंगा रआ मसकल चमकाव कनाय, अधरमिकु अरो धरमिकु सुबिन रे दाः गामाय कनाय। 46नुवां इञ इनाते गामवापे कनिञ चि जदि अपे अपन दुलार दोहो वनकु एते गी दुलार दोहोय कनापे रेदो अपे के चिलि फोल नमुःआं? चिलि नुंका दो मालगुजारी अगु वनकु हों काकु कराव काना? 47जदि अपे बोयहा-मिसी किगी माइन-मरजाद कुवापे दो अरोकु एते ढेर चिलि कराव कनापे? चिलि नुंका दो गइर-जहुदी हों काकु कराव काना? 48#लेवी 19:2; नियम 18:13इनाते सिध बयुःपे, जेलेका अपे रिई सोवारगिये आपु सिध मेनायां।
നിലവിൽ തിരഞ്ഞെടുത്തിരിക്കുന്നു:
मती 5: BIY
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0
