Kesikpɛkpɛ Otugba Kibuiɛ
Otugba Kibuiɛ
Kinyeɛ gɛ bekulu asɛ Kesikpɛkpɛ nɔ esiɛ kɛlɛinu ɔsɛ "odekɔ." Keplukpa aɖɔaɖɔ nɛ kanɔnɔ mɛ tɛbhɛbhɛtɛ shu, banɔdzyrame odekɔ, ebuikpa bhɛbhɛtɛ kesikpɛkpɛ nɛ̀ bɔtɔɔ nɛ kanɔnɔ mɛ, nɛ Owusoso Akaa edzoɔ gɛ alɔkɔ akpà ishu aplɛnɔ banɔ. Bebu Kesikpɛkpɛ keplukpa akpɛ bɔwɔ̃pɛ tɔɔbhà mɛ:
1) Kɛtakpu ibuiɛ 1-11 Enu kanɔnɔ mɛ tɛbhɛbhɛtɛ nɛ̀ banɔdzyrameɛ balɛ odekɔ ebui. Ɛkɛlɛ baɖɔaɖɔ nɛ Aɖam nɛ̀ Eva, Kain nɛ̀ Abɛl, Noah nɛ̀ budekelĩɛ, nɛ̀ kitití buvũ dzudzu nɛ Babilɔn shu.
2)Kɛtakpu kibuiɛ 12-50 Enu atitì ebuiɛ gɛ bafɔnɔ nɛ Israelianɛ bashuĩnɔ gɛeputɔ shu. Agɛ yɛeputɔ yɛenu Abraham, anɔ gɛ betì yɛ nɛ yɛ tɛyɛyɛkɛŋã nɛ̀ batɔ̃lulu akɔ Owusoso Akaa shu. Kɛlɛ ideɛ bafɔnɔ ebui nɛ yɛeyianyɛ Isak nɛ̀ yɛeshui Yakɔb (gɛ bekulu tsyɛ asɛ Israeliɛ shu), nɛ̀ Yakɔ yɛ beyianyɛ lɔfɔ nɛ̀ taabha, bagɛ balɛ mɛ Israelianɛ egbogbo lɔfɔ nɛ̀ taabha edeɛ shu. Bebu awɔ̃ atɔɖɔ yɛeyianyɛ tenikpo shu, Yosɛf, nɛ̀ kɛgɛ kɔ so pɛ bagbana Yakɔb nɛ̀ yɛ beyianyɛ gɔgɔɛnɔ nɛ̀ balɛ bɔpã sɛ babazã Egipteɛ.
Gɛ keplukpa aɖɔaɖɔ nɛ banɔ shu tsyɛ, kɛgɛ Owusoso Akaa abhɛtɛ shu so pɛ bafɔnɔ kalɛ. Batɔɖɔ kɛklagbu nɛ kalɛ kesikpɛkpɛ ebui nabha sɛ Owusoso Akaa yɛabhɛtɛ kanɔnɔ mɛ, kɛlɛ ɔgɔgɔɛ ɔkɔ ɔɖɔ kibui tɔtɔɖɔ lu sɛ Owusoso Akaa abazã kɛlɛ abha azaplɛnɔ yɛanɔnɔ. Nɛ keplukpa petee mɛɛ, Owusoso Akaa shu baɖɔ kaɖɔ, anɔ gɛ ekulu kebhu pɛ aapɔ̃ baatɔ̃ akɔ bagɛ batá kesi, agbanà yɛanɔnɔ kɛlɛ aplɛnɔ alɛ, pɛ akɔ balɛ odekɔ ɔgɛ yala. Bafɔnɔ atitì keplukpa alɛ tɛ babakà banɔnɔ gɛ tɛyɛkɛŋã ebuiɛ tɛ kɛkɔ sɛ tɛyɛyɛkɛŋã ɛlɛ zã nɛkpã.
Keplukpa mɛ Ebuiɛ
Kanɔnɔ mɛ nɛ̀ banɔdzryame tɛbhɛbhɛtɛ (1.1—2.25)
Ebuikpa bhɛbhɛtɛ kesikpɛkpɛ nɛ̀ bɔtɔ mɔmɔ̃ (3.1-24)
Odenɔ Aɖam abha amanà Noah abha (4.1—5.32)
Noah nɛ̀ budekelĩ hohoeɛ (6.1—10.32)
Babilɔn kititì buvũɔ tidzudzu (11.1-9)
Odenɔ Shem abha amanà Abram abha (11.10-32)
Bashuĩ nɔ: Abraham, Isak, Yakɔb (12.1—35.29)
Esau yɛ bɔmɔ̃ɔ (36.1-43)
Josɛf nɛ̀ yɛadzalɛ (37.1—45.28)
Israelianɛ nɛ Egipte (46.1—50.26)
നിലവിൽ തിരഞ്ഞെടുത്തിരിക്കുന്നു:
Kesikpɛkpɛ Otugba Kibuiɛ: NYB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
2026 Ghana Institute of Languages, Literacy and Bible Translation GILLBT