2 कुरिन्थी 9
9
गातीकु के मदाईत कुपे
1एटाअ पबितर बिसवासीकु लःअय दान जा-जवार रेनअः बारे रे ईङ के आपे लःअय लि-लिखा रअः दरकार कनोआँ। 2एता लःअय हुंकू के मा-मदाईत लःअय आपे आला इकछा के पहिल तरअः गी पाड़ी किनिङ। “मकिदुनिया रेनअः जामा मंडली रे आपे बारे रे बड़ाई एकाय किनिङ” ची “अखाया पहटा रिनकु बिसवासीकु दान एमोअ लःअय तेयार एदान कुआ।” आपे आला जुरजुट के नेल केते ढेर बिसवासीकु के दान एमोअ लःअय इकछा हुयाव नेना। 3बकिर ईङ नुकू बोकोकु के कुलगोःड दिकुईङ आपे आला दान एमोअ बेरा ईङ आला घमन्ड आलु बेकार कोअ। जे लकान आपे बारे हुंकू लोः कंहड़ी थिलिईंग हिना लकान आपे दान एमोअ लःअय तेयार ताहिन पे। 4नोकान आलु हुयाव कोअ ची, थोड़ेक मकिदुनिया रिनकु बिसवासीकु नोःआँ नेलेकु, ची आपे दान एमोअ लःअय तेयार कनीपेआ, दो आले नोःआँ बारे रे आपे एड़े मुरुक भरोसा दोदोहो रअः चलते ईङ के आउर आपे के लाजिमोअ आलु पड़ाव कोअ। 5हिना लःअय ईङ नोःआँ आगम दरकार समझाव निनिंग ची नुई बोको पहिल रेगी आपे दुबाःड़े हिजोय। आउर आपे आला करार लअः अपन मरजी रे एम लअः दान पहिल तरअः गी जवारे। बकिर आपे दबाव रे कोवान बकिर खुला मन रे एमेपे।
6नोःआँ बात पाड़ीपे जे थोड़ेक केन हेरेआय हुनी थोड़हे ईर केआय, आउर जे ढेर हेरेआय हुनी ढेर ईर केआय। 7जामे झन जे कास्ट आउर दबाव रे कोवान बकिर हिमने एमेकु जेतना अपन मन रे ठनाव तदाय, एता लःअय ची खुसी मन रे एमोअ कु के परमेसर दुलार कुआय। 8आउर परमेसर आपे रे जामा बरन रेनअः बेस बराकाईत भरल-पुराल एम सकायाय। जेकर से ची आपे अपन दरकार रअः जामा जिनीस आपे दुबाःड़े ताहिन आउर जामा बेरा खुस ताही दाड़ी सकाअ पे, आउर बेस काम लःअय फिन आपे दुबाःड़े दरकार तरअः होः जादे ताही कोआ। 9#सिरिंग 112:9जे लकान ची परमेसर आला वचन रे लिखा लअः एदनाआ,
“हुनी खुला मन रे रांगेःग-तेंताङ कु के एमा कुआय,
हुनी आला धरम काम जुग-जुग याईद ताही कोआ।”
10 #
जसा 55:10
आउर परमेसर गी हे-हेर कु के बिहाईन, आउर जोजोमकु के घोटो एमा किकुआय, हुनी आपे के हे-हेर लःअय बिहाईन एमा केपेआय, आउर होना के हरा केआय आउर आपे आला धरमिकता रेनअः जोअ के फलाव-फुलाव केआय। 11आपे के जामा बात रे, जामा बरन रे धनगार केपेआय, जेकर से ची जामा बेरा दान एमोअ रे मड़ांग ताहिन पे। जब होड़ आले तरअः आपे आला दान के नामेआकु दो हुंकू परमेसर के धन्यवाद एमा कियाकु। 12एता लःअय ची दान तरअः नोःआँ सेवा तरअः पबितर होड़कु आला घटकमी भाईर का पुरायोआ, बकिर परमेसर आला धन्यवाद एमोअ लःअय ढेर होड़कु के आगवाई किकुआय। 13आपे आला सचे सेवा काम के नेल केते होड़कु परमेसर आला महिमा केआकु, एता लःअय ची आपे ख्रीस्त आला बेस खभाईर मोताबिक चलाआपे आउर हुंकू प्रति आउर जामे होड़कु प्रति खुला मन रे मदाईत कुआपे। 14हुंकू होः आपे लःअय तरसाआकु आउर बिनती केआकु एता लःअय ची आपे रे परमेसर आला मुरुक दया एदनाआ। 15परमेसर आबु के जे एम तदाय होना रेनअः बड़ाई आहा तरअः इरबु एम सकाया, होना लःअय परमेसर के धन्यवाद।
നിലവിൽ തിരഞ്ഞെടുത്തിരിക്കുന്നു:
2 कुरिन्थी 9: ASR
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 NLCI CC BY-NC-ND 4.0