Palamba’anna Pasuro’a I Yesus 13
13
Sumangata Alatala maile’i lo’a ari Barnabas nanna i Saulus datiang mawa Dongo Maamen
1Jaji antarana ambata anak ulun maama i Yesus yang bakumpulen di banua Antiokia andian ambata panjaruma Alatala nanna tau yang majaren lo’a palola’a i Yesus. Andian ari Barnabas PalPa. 11:25-26. nanna i Simeon yang daasanen bea tau Kulit Nanarumen. Andian bea ari Lukius tau dari banua Kirene, nanna i Manean yang sarilao’enjo ikatio’a nanna Raja Herodes di saona. Andian bapi i Saulus. 2Jaji patanga’an manyembada’ lo’a Paraampuanen sarata bapuasa, andian Sumangat Bareseen manjarum lo’da’, “Se’, pasilaanang i Barnabas nanna i Saulus itiang mawa karaja dinen yang kusuro’angen lo’da’,” ingka kenang manjaruma Sumangat Bareseen.
3Jaji maminna bapuasa bado’a, dajalaang tanganna barik lo’a i Barnabas nanna i Saulus datiang manugas lo’da’. Laloang dasuro’ lamba’ ira duaan. Yak. 2:15-16.
I Barnabas nanna i Saulus sengka’ di pulau Siprus
4Maminna barik dasuro’ lamba’ kole’a Sumangat Bareseen laloang lamba’ ira duaan lo’a banua Seleukia. Dari Seleukia barik laloang balayar ira lo’a pulau Siprus. 5Rabarik mondok lo’a banua Salamis, dajarumang Jaruma Alatala di ambata sao sambayang Yahudiin. I Yohanes Markus tamba bea nanda’ awan panggulungida’.
6Jaji lamba’ kuliling ira di pulau dinen mondok lo’a banua Papos. Mondok inang barik sidua’ ira nanna tau Yahudi seraan yang iasanen Bar Yesus, tau balianen yang asanen kalena panjaruma Alatala, poangsi okan. 7Jaji i Sergius Paulus dinen, gubernur pulau dinen, daia kawan tapata tau balianen dinen. Gubernur dinen tau pintar, jaji dasuro’ mondok ari Barnabas nanna i Saulus, baingin to’ mandalinga ratina Jaruma Alatala. 8Poangsi mondok inang, dapadu barik kole’a balianen dinen, i Elimas. I Elimas asanna ilalam jarum Yunani. To’ dapase’ang gubernur dinen parasaya’ lo’a i Yesus. 9Poangsi i Saulus barik, yang iasanen bea i Paulus, dapakai tapat kole’a Sumangata Alatala. Dabele unding-unding balian dinen 10laloang manjarum, “E daiko, anaka i Pangabo. Pangayona gulungan jalu yang tapaten. Apano’ atenu nanna gulungan baranana basa makal-akalen nanna kajau’anen. Ulu’-ulu’ko to’ marakar-rakarang katatapanna Paraampuanen padari jalu pako-akoon. 11Na, bele. To’ daukumko kole’a Paraampuanen dapabautaiko. Na’anko maita barik jalu arawangen, insa’-insa’ aso poang launna,” ingka kenang manjaruma i Paulus lo’a tau balianen.
Sikadang kaya rabarik i Elimas dinen akabura matana. Araun poang jalu dabeleen. Jaji manasar poang lamba’a manyari tau itiang manangko’ tanganna. 12Jaji gubernurpi dinen, maminna dabele jalu adariin awan dinen, daia laloang parasaya’ lo’a i Yesus. Tatakau tapat daia lo’a ajaranna i Barnabas nanna i Paulus manjarumang Paraampuanka’ lo’a.
I Barnabas nanna i Paulus di banua Antiokia di propinsi Pisidia
13Dari banua Papos, balayar i Paulus nanna kawanna lo’a banua Perga di propinsi Pampelia. Mondok inang rabarik i Yohanes Markus marantang unjang lo’da’ laloang mole’ balik lo’a banua Yerusalem. 14Jaji lamba’ barik ira duaan dari banua Perga, mondok ira lo’a banua Antiokia di propinsi Pisidia. Maminna dinen, mondok aso Sabaten, lamba’ ira tamba aduduk di sao sambayangen.
15Jaji sambayang inang, maminna dabasa Ukuma Alatala nanna buku’a ambata panjaruma Alatala, ambata paurus sao sambayangen dinen manyuro’ tau matoani lo’a i Paulus nanna kawanna, “Arasairunka’, ati’ andian jalu to’ iajarang itiang pakarasang ate tauen, se’, manjarumkin,” ingka kenang manjaruma lo’da’. 16Jaji akadeng i Paulus laloang dagayangang tanganna manyuro’ maneeng lo’a tauen.
Maminna dinen manjarum, “Arasairunku’kin tau banua Israelen nanna samuanin tau bokanen yang paduliin lo’a Alatala, suba taantalinganin lo’ku’. Manutulakpi lo’a arabaki’ka’ ijoloon. 17Alatalaka’ yang isembaan iki’ tau banua Israel, daia mamin maile’i lo’a arabaki’ka’jo ijoloon dinen. Laloang waktu nanga lalako’da’ awan tau bokanen di negeri Mesir dapabayu’ kanturunanda’ padari banua palin baraa’en. Maminna dinen daawa ira minsaluan dari Mesir kole’a kuasana Alatala yang baraa’en. Pal. 1:7; 12:51.
18“Jaji mondok inang di kasik baraa’en, ampat pulo’ taun launna datuntuanina lapoang kole’a Alatala. Kapi poang kalakuanda’ yang ajau’en, tetap datuntuani. Ul. 1:31. 19Mondok lo’a negeri Kana’an rabarik, datampusi tuju suku urang Kana’an dinen. Laloang datawa’i tana’ dinen lo’a ambata anak katio’anna, padari banuada’ rabarik. Ul. 7:1. 20Ampat ratus lima pulo’ taun marungina, baru’ adari bayana Alatala lo’a arabaki’ka’ kanturunanna baki’ Israel dinen, baya negeri Kana’an to’ daseraan lo’da’. Hak. 2:16; 1Sam. 3:20.
“Maminna datawa’i ambata tana’ Kana’an dinen, daangkat barik ambata paurusen kole’a Alatala itiang mauluang lo’da’. Sisurang-surang dauluanga barik kole’a ambata paurusen sampai mondok lo’a paurus dinen, baki’ Samuel asanna, panjaruma Alatala. 21Jaji waktu nanga baki’ Samuel maurusiin dinen, nanga andianna jarumda’ manyuro’ lo’a Alatala mangkat raja itiang mangkam lo’da’, dalola’ani panamuda’. Daangkat barik baki’ Saul kole’a Alatala, anaka baki’ Kis, kanturunan dari nanna anaka baki’ Israel asan yang Benyamin. Baki’ Saul barik yang padari rajada’. Jaji daia mangkam lo’da’ ampat pulo’ taun launna. 1Sam. 10:17-21.
22“Maminna barik baki’ Raja Saul darabut lo’a kadudukanna kole’a Alatala, daangkatang barik baki’ Daud padari rajada’. Baki’ Daud lalo yang daasanen dinen tau dakamainya’iin kole’a Alatala. Awan bua jalu datulisangen ilalam Jaruma Alatala,
Kubele iak i Daud anaka i Isai dinen, ialalo tau saateen nanku’. Ai poang kamainya’anku’, tetap ona’ dalola’ani,
ingka kenangjo di Jaruma Alatala. 1Sam. 13:14; Msm. 89:21.
23“Jaji i Yesus lalo kanturunanna baki’ Daud yang dabayaangen dinen. Ia yang daangkatangen kole’a Alatala padari Raja Pangatio’en, yang matio’ lo’a banua Israel dari ukum dosaan. 24Nampina i Yesus malamba’ang tugasa, manjarum bea i Yohanes lo’a tau banua Israel, dasuro’ arung dabaptis itiang saksina kole’a to’ daunjang barik ambata pikiranna yang sala’en dinen. Lk. 3:3. 25Laloang barik, maminna to’ akaus karajana i Yohanes, daia manjarum lo’da’, Intainak kalo’in? Okan iak tau yang iarungiin ikin. Poangsi bele ona’! Andian ona’ mondoken imundiku’ tau baraa’en pakaina. Daiakpi na’anak patut mainso’i lo’a kole’a baraana dinen. Kapisi itiang maleka’ sandala, na’anak, ingka kenangjo i Yohanes,” ingka kenang tutulanna i Paulus. Yoh. 1:20,27.
26Jaji mansangpi manjaruma i Paulus lo’da’, “Arasairunku’e, kanturunanna baki’ Abraham, nanna samuanin tau bokanen yang paduliin lo’a Alatala. Dongo pangatio’anen di’en dapawaang lo’ka’ samuaka’. 27Na’anjo dakilala i Yesus di’en awan Raja Pangatio’en kole’a ambata tau Yahudiin di Yerusalem nanna ambata paurusda’ dinen. Na’an jaji datamu ratina baya dabasaan maira aso Sabaten, bayana ambata panjaruma Alatala manjarumangen jalu to’ adariin lo’a i Yesus. Poangsi kapi poang na’an datamu iana yang dabayaangen, waktu nanga daukum matena i Yesus, dapadari bua kole’da’ baya darantangen kole’a ambata panjaruma Alatala dinen. 28Dapita balik-balik lo’a i Pilatus dasuro’ maukum mate lo’a, kapisi kosan sala’a dadua’angen yang pandeen idukum mate.
29“Jaji maminna dapadari kole’da’ gulungan jalu dabayaangen memen lo’a i Yesus ilalam Jaruma Alatala, mamin akaus daparinsa’i, dapainyaung barik bangkayoanna dari salipa laloang dapalenga’ di loang batuun. Mat. 27:22-23,57-61. 30Poangsi Alatala daia matio’ balik lo’a. 31Mamin dinen barik, insa’-insa’ aso poang launna, arapat bua dakitana kole’a tauen. Dapayoang diri’a lo’a ambata kawan palamba’anen yang tau tambaanjo nanna lamba’ dari daerah Galilea lo’a banua Yerusalem. Ikamla yang padariin saksina jalu dinen lo’a urangka’. PalPa. 1:3. 32Jaji awandi’en daikam pamondokang Dongo Maamen di’en lo’in. Ijarumang lo’in kole’a jalu yang dabayaangen kole’a Alatala lo’a arabaki’ka’ dinen, 33mamin lalo adari lo’ka’ kanturunanna. Kole’a Alatala mamin matio’ balik lo’a i Yesus. Kole’a ilalam Masmur yang kaduaan andian datulisang,
Iko lalo anakku’. Aso di’en buako padariin anakku’,
ingka kenang ilalam Jaruma Alatala. Msm. 2:7.
34“Jaji lo’a soal matio’ balika Alatala lo’a i Yesus, laloang na’an barik padari bauruk, andianna memen bayana Alatala darantangen lo’ka’ ilalam jarum datulisangen di’en,
Lo’in kupamondokang jalu maamen yang pasti adariin, jalu kubayaangenjo lo’a baki’ Daud,
ingka kenangjo jalu datulisangen ilalam Jaruma Alatala. Yes. 55:3. 35Kenang bea di jarum datulisang bokanen darantang jarum di’en kole’a baki’ Raja Daud,
Yang Tau dong-dongen malola’aniin panamunu, na’an ipalaloang padari bauruk bangkayoanku’,
ingka kenangjo di Jaruma Alatala. Msm. 16:10. 36Jaji baki’ Raja Daud maminna akaus dakarajaan ambata karaja yang dasuro’angen lo’a kole’a Alatala ilalam tataka dinen, daia talalo mate. Mamin dakuburang inang ibiringa arabakina. Mamin padari bauruk bangkayoanna. 37Poangsi tau dinen yang dakatio’ baliken kole’a Alatala, daia na’an padari bauruk.
38“Na, arasairunku’e, ialalo penting itamuna ikin Dongo Maamen yang ijarumangen ikam lo’in, dongo kole’a kajau’an tau dapat daamponi malaloi i Yesus. 39Dosaka’ yang maminen datuntut di Ukum dapamondokangen kole’a Baki’ Musa na’an dapat daunjang malaloi Ukuma dinen. Poangsi intain parasaya’en lo’a i Yesus dapasutang barik dari samuana ambata tuntutan kajau’anna dinen. 40Jaji maam-maamkin. Ada’ adariin nannin awan jalu yang dajarumangen kole’a ambata panjaruma Alatalajo,
41 Na ikin tau mainya’en mangangara’, bele ona’ jalu kukarajaan. Padari tatakaukin mameleen, laloang mate! Kole’a di aso di’en kukaraja jalu na’anen isangka’ ikin. Kapi andian tau manjarumang lo’in memen jalu to’ kukarajaan di’en, na’ankin bua parasaya’,
ingka kenangjo panjaruma Alatala. Hab. 1:5. Kenang ratina arung ipikir maam-maam. Jangka’a dinen jarumku’ lo’in,” ingka kenang manjaruma i Paulus lo’da’.
42Jaji barik i Paulus nanna i Barnabas to’ marantang sao sambayang dinen, andian ambata tau di sao sambayang dinen mamita lo’da’, dasuro’ arung mondok di aso Sabat minggu seraan itiang manampungi jarum dinen. 43Barik maminna minsaluan tauen dari sao sambayangen dinen, dalola’ i Paulus nanna i Barnabas kole’a ambata tau Yahudiin nanna ambata tau banua bokanen yang maminen mamasoki agama Yahudiin. Jaji manjarum ira duaan lo’da’ manyuro’ manyandar poang lo’a kamaamanna atena Alatala.
44Jaji di aso Sabat minggu seraan bayu’ tauen, to’ mondok kausa banua dinen, manaantalingana lo’a Jaruma Paraampuanka’. 45Maminna dinen, dabele bayu’a tau mondoken kole’a tau Yahudiin, kapiayo tapat ateda’. Jaji dapajau’ barik i Paulus. Dalawan ambata jalu dajarumangen kole’a i Paulus. 46Poangsi insang barani barik i Paulus nanna i Barnabas. Manjarum terus terang poang barik, “Na, sabenara Jaruma Alatala arung ijarumang lo’in tajolo. Poangsi kole’a daikin na’annin manarima’ lo’a, daikin jalu pan na’an marasa kalenin patut pande manarima’ katio’an yang salaun-launnaan. Jaji daikam marantangkam lo’in, to’ lamba’kam barik lo’a tau okanen Yahudiin. 47Kole’a awan dinen lalo parintana Paraampuanka’ lo’am,
Daiak padari lo’in awan palita yang marawangiin lo’a ambata tau laan banuaan. Kupadarikin dalan pamondokang katio’anen lo’a tauen kausa duniaan,
ingka kenangjo jalu datulisangen ilalam Jaruma Alatala.” Yes. 49:6.
48Jaji dadalinga barik jarum dinen kole’a ambata tau okanen banua Yahudi, sasau tapat nyawada’ laloang dapudi Jaruma Paraampuanen. Jaji ambata tau yang daile’iin memen kole’a Alatala itiang mandua’ang katio’an yang salaun-launnaan, dinen barik yang laloang parasaya’.
49Maminna dinen Jaruma Paraampuanka’ dinen dapambarang sasara daerah dinen. 50Poangsi andian ira inangen, ambata babakaan yang tau baraa’en pakaina. Andian bea ambata babainyeen yang okanen tau Yahudiin dari gulunganna tau ipakaien di banua dinen, yang tau biasa tamba sambayang nanna tau Yahudiin. Ira dinen barik daasuk-asuk, dapakat kole’a tau Yahudiin, manyuro’ ajau’ nyawana lo’a i Paulus nanna i Barnabas sampai daparinsa’i. Laloang barik daburo ira duaan dari banuada’.
51Jaji to’ lamba’ barik dinen pasuro’a i Yesus, dapopoi ambata arebo’ tana’ dari kakida’ di arona tau banua dinen itiang tanda kajau’anda’. Laloang lamba’ barik ira duaan lo’a banua Likonium. Mat. 10:14. 52Jaji ambata panduduk banua Antiokia yang ambataanpi malola’ lo’a i Yesus dinen, sasau tapat nyawada’. Dapakai tapat ira kole’a Sumangat Bareseen.
നിലവിൽ തിരഞ്ഞെടുത്തിരിക്കുന്നു:
Palamba’anna Pasuro’a I Yesus 13: EBE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997
Palamba’anna Pasuro’a I Yesus 13
13
Sumangata Alatala maile’i lo’a ari Barnabas nanna i Saulus datiang mawa Dongo Maamen
1Jaji antarana ambata anak ulun maama i Yesus yang bakumpulen di banua Antiokia andian ambata panjaruma Alatala nanna tau yang majaren lo’a palola’a i Yesus. Andian ari Barnabas PalPa. 11:25-26. nanna i Simeon yang daasanen bea tau Kulit Nanarumen. Andian bea ari Lukius tau dari banua Kirene, nanna i Manean yang sarilao’enjo ikatio’a nanna Raja Herodes di saona. Andian bapi i Saulus. 2Jaji patanga’an manyembada’ lo’a Paraampuanen sarata bapuasa, andian Sumangat Bareseen manjarum lo’da’, “Se’, pasilaanang i Barnabas nanna i Saulus itiang mawa karaja dinen yang kusuro’angen lo’da’,” ingka kenang manjaruma Sumangat Bareseen.
3Jaji maminna bapuasa bado’a, dajalaang tanganna barik lo’a i Barnabas nanna i Saulus datiang manugas lo’da’. Laloang dasuro’ lamba’ ira duaan. Yak. 2:15-16.
I Barnabas nanna i Saulus sengka’ di pulau Siprus
4Maminna barik dasuro’ lamba’ kole’a Sumangat Bareseen laloang lamba’ ira duaan lo’a banua Seleukia. Dari Seleukia barik laloang balayar ira lo’a pulau Siprus. 5Rabarik mondok lo’a banua Salamis, dajarumang Jaruma Alatala di ambata sao sambayang Yahudiin. I Yohanes Markus tamba bea nanda’ awan panggulungida’.
6Jaji lamba’ kuliling ira di pulau dinen mondok lo’a banua Papos. Mondok inang barik sidua’ ira nanna tau Yahudi seraan yang iasanen Bar Yesus, tau balianen yang asanen kalena panjaruma Alatala, poangsi okan. 7Jaji i Sergius Paulus dinen, gubernur pulau dinen, daia kawan tapata tau balianen dinen. Gubernur dinen tau pintar, jaji dasuro’ mondok ari Barnabas nanna i Saulus, baingin to’ mandalinga ratina Jaruma Alatala. 8Poangsi mondok inang, dapadu barik kole’a balianen dinen, i Elimas. I Elimas asanna ilalam jarum Yunani. To’ dapase’ang gubernur dinen parasaya’ lo’a i Yesus. 9Poangsi i Saulus barik, yang iasanen bea i Paulus, dapakai tapat kole’a Sumangata Alatala. Dabele unding-unding balian dinen 10laloang manjarum, “E daiko, anaka i Pangabo. Pangayona gulungan jalu yang tapaten. Apano’ atenu nanna gulungan baranana basa makal-akalen nanna kajau’anen. Ulu’-ulu’ko to’ marakar-rakarang katatapanna Paraampuanen padari jalu pako-akoon. 11Na, bele. To’ daukumko kole’a Paraampuanen dapabautaiko. Na’anko maita barik jalu arawangen, insa’-insa’ aso poang launna,” ingka kenang manjaruma i Paulus lo’a tau balianen.
Sikadang kaya rabarik i Elimas dinen akabura matana. Araun poang jalu dabeleen. Jaji manasar poang lamba’a manyari tau itiang manangko’ tanganna. 12Jaji gubernurpi dinen, maminna dabele jalu adariin awan dinen, daia laloang parasaya’ lo’a i Yesus. Tatakau tapat daia lo’a ajaranna i Barnabas nanna i Paulus manjarumang Paraampuanka’ lo’a.
I Barnabas nanna i Paulus di banua Antiokia di propinsi Pisidia
13Dari banua Papos, balayar i Paulus nanna kawanna lo’a banua Perga di propinsi Pampelia. Mondok inang rabarik i Yohanes Markus marantang unjang lo’da’ laloang mole’ balik lo’a banua Yerusalem. 14Jaji lamba’ barik ira duaan dari banua Perga, mondok ira lo’a banua Antiokia di propinsi Pisidia. Maminna dinen, mondok aso Sabaten, lamba’ ira tamba aduduk di sao sambayangen.
15Jaji sambayang inang, maminna dabasa Ukuma Alatala nanna buku’a ambata panjaruma Alatala, ambata paurus sao sambayangen dinen manyuro’ tau matoani lo’a i Paulus nanna kawanna, “Arasairunka’, ati’ andian jalu to’ iajarang itiang pakarasang ate tauen, se’, manjarumkin,” ingka kenang manjaruma lo’da’. 16Jaji akadeng i Paulus laloang dagayangang tanganna manyuro’ maneeng lo’a tauen.
Maminna dinen manjarum, “Arasairunku’kin tau banua Israelen nanna samuanin tau bokanen yang paduliin lo’a Alatala, suba taantalinganin lo’ku’. Manutulakpi lo’a arabaki’ka’ ijoloon. 17Alatalaka’ yang isembaan iki’ tau banua Israel, daia mamin maile’i lo’a arabaki’ka’jo ijoloon dinen. Laloang waktu nanga lalako’da’ awan tau bokanen di negeri Mesir dapabayu’ kanturunanda’ padari banua palin baraa’en. Maminna dinen daawa ira minsaluan dari Mesir kole’a kuasana Alatala yang baraa’en. Pal. 1:7; 12:51.
18“Jaji mondok inang di kasik baraa’en, ampat pulo’ taun launna datuntuanina lapoang kole’a Alatala. Kapi poang kalakuanda’ yang ajau’en, tetap datuntuani. Ul. 1:31. 19Mondok lo’a negeri Kana’an rabarik, datampusi tuju suku urang Kana’an dinen. Laloang datawa’i tana’ dinen lo’a ambata anak katio’anna, padari banuada’ rabarik. Ul. 7:1. 20Ampat ratus lima pulo’ taun marungina, baru’ adari bayana Alatala lo’a arabaki’ka’ kanturunanna baki’ Israel dinen, baya negeri Kana’an to’ daseraan lo’da’. Hak. 2:16; 1Sam. 3:20.
“Maminna datawa’i ambata tana’ Kana’an dinen, daangkat barik ambata paurusen kole’a Alatala itiang mauluang lo’da’. Sisurang-surang dauluanga barik kole’a ambata paurusen sampai mondok lo’a paurus dinen, baki’ Samuel asanna, panjaruma Alatala. 21Jaji waktu nanga baki’ Samuel maurusiin dinen, nanga andianna jarumda’ manyuro’ lo’a Alatala mangkat raja itiang mangkam lo’da’, dalola’ani panamuda’. Daangkat barik baki’ Saul kole’a Alatala, anaka baki’ Kis, kanturunan dari nanna anaka baki’ Israel asan yang Benyamin. Baki’ Saul barik yang padari rajada’. Jaji daia mangkam lo’da’ ampat pulo’ taun launna. 1Sam. 10:17-21.
22“Maminna barik baki’ Raja Saul darabut lo’a kadudukanna kole’a Alatala, daangkatang barik baki’ Daud padari rajada’. Baki’ Daud lalo yang daasanen dinen tau dakamainya’iin kole’a Alatala. Awan bua jalu datulisangen ilalam Jaruma Alatala,
Kubele iak i Daud anaka i Isai dinen, ialalo tau saateen nanku’. Ai poang kamainya’anku’, tetap ona’ dalola’ani,
ingka kenangjo di Jaruma Alatala. 1Sam. 13:14; Msm. 89:21.
23“Jaji i Yesus lalo kanturunanna baki’ Daud yang dabayaangen dinen. Ia yang daangkatangen kole’a Alatala padari Raja Pangatio’en, yang matio’ lo’a banua Israel dari ukum dosaan. 24Nampina i Yesus malamba’ang tugasa, manjarum bea i Yohanes lo’a tau banua Israel, dasuro’ arung dabaptis itiang saksina kole’a to’ daunjang barik ambata pikiranna yang sala’en dinen. Lk. 3:3. 25Laloang barik, maminna to’ akaus karajana i Yohanes, daia manjarum lo’da’, Intainak kalo’in? Okan iak tau yang iarungiin ikin. Poangsi bele ona’! Andian ona’ mondoken imundiku’ tau baraa’en pakaina. Daiakpi na’anak patut mainso’i lo’a kole’a baraana dinen. Kapisi itiang maleka’ sandala, na’anak, ingka kenangjo i Yohanes,” ingka kenang tutulanna i Paulus. Yoh. 1:20,27.
26Jaji mansangpi manjaruma i Paulus lo’da’, “Arasairunku’e, kanturunanna baki’ Abraham, nanna samuanin tau bokanen yang paduliin lo’a Alatala. Dongo pangatio’anen di’en dapawaang lo’ka’ samuaka’. 27Na’anjo dakilala i Yesus di’en awan Raja Pangatio’en kole’a ambata tau Yahudiin di Yerusalem nanna ambata paurusda’ dinen. Na’an jaji datamu ratina baya dabasaan maira aso Sabaten, bayana ambata panjaruma Alatala manjarumangen jalu to’ adariin lo’a i Yesus. Poangsi kapi poang na’an datamu iana yang dabayaangen, waktu nanga daukum matena i Yesus, dapadari bua kole’da’ baya darantangen kole’a ambata panjaruma Alatala dinen. 28Dapita balik-balik lo’a i Pilatus dasuro’ maukum mate lo’a, kapisi kosan sala’a dadua’angen yang pandeen idukum mate.
29“Jaji maminna dapadari kole’da’ gulungan jalu dabayaangen memen lo’a i Yesus ilalam Jaruma Alatala, mamin akaus daparinsa’i, dapainyaung barik bangkayoanna dari salipa laloang dapalenga’ di loang batuun. Mat. 27:22-23,57-61. 30Poangsi Alatala daia matio’ balik lo’a. 31Mamin dinen barik, insa’-insa’ aso poang launna, arapat bua dakitana kole’a tauen. Dapayoang diri’a lo’a ambata kawan palamba’anen yang tau tambaanjo nanna lamba’ dari daerah Galilea lo’a banua Yerusalem. Ikamla yang padariin saksina jalu dinen lo’a urangka’. PalPa. 1:3. 32Jaji awandi’en daikam pamondokang Dongo Maamen di’en lo’in. Ijarumang lo’in kole’a jalu yang dabayaangen kole’a Alatala lo’a arabaki’ka’ dinen, 33mamin lalo adari lo’ka’ kanturunanna. Kole’a Alatala mamin matio’ balik lo’a i Yesus. Kole’a ilalam Masmur yang kaduaan andian datulisang,
Iko lalo anakku’. Aso di’en buako padariin anakku’,
ingka kenang ilalam Jaruma Alatala. Msm. 2:7.
34“Jaji lo’a soal matio’ balika Alatala lo’a i Yesus, laloang na’an barik padari bauruk, andianna memen bayana Alatala darantangen lo’ka’ ilalam jarum datulisangen di’en,
Lo’in kupamondokang jalu maamen yang pasti adariin, jalu kubayaangenjo lo’a baki’ Daud,
ingka kenangjo jalu datulisangen ilalam Jaruma Alatala. Yes. 55:3. 35Kenang bea di jarum datulisang bokanen darantang jarum di’en kole’a baki’ Raja Daud,
Yang Tau dong-dongen malola’aniin panamunu, na’an ipalaloang padari bauruk bangkayoanku’,
ingka kenangjo di Jaruma Alatala. Msm. 16:10. 36Jaji baki’ Raja Daud maminna akaus dakarajaan ambata karaja yang dasuro’angen lo’a kole’a Alatala ilalam tataka dinen, daia talalo mate. Mamin dakuburang inang ibiringa arabakina. Mamin padari bauruk bangkayoanna. 37Poangsi tau dinen yang dakatio’ baliken kole’a Alatala, daia na’an padari bauruk.
38“Na, arasairunku’e, ialalo penting itamuna ikin Dongo Maamen yang ijarumangen ikam lo’in, dongo kole’a kajau’an tau dapat daamponi malaloi i Yesus. 39Dosaka’ yang maminen datuntut di Ukum dapamondokangen kole’a Baki’ Musa na’an dapat daunjang malaloi Ukuma dinen. Poangsi intain parasaya’en lo’a i Yesus dapasutang barik dari samuana ambata tuntutan kajau’anna dinen. 40Jaji maam-maamkin. Ada’ adariin nannin awan jalu yang dajarumangen kole’a ambata panjaruma Alatalajo,
41 Na ikin tau mainya’en mangangara’, bele ona’ jalu kukarajaan. Padari tatakaukin mameleen, laloang mate! Kole’a di aso di’en kukaraja jalu na’anen isangka’ ikin. Kapi andian tau manjarumang lo’in memen jalu to’ kukarajaan di’en, na’ankin bua parasaya’,
ingka kenangjo panjaruma Alatala. Hab. 1:5. Kenang ratina arung ipikir maam-maam. Jangka’a dinen jarumku’ lo’in,” ingka kenang manjaruma i Paulus lo’da’.
42Jaji barik i Paulus nanna i Barnabas to’ marantang sao sambayang dinen, andian ambata tau di sao sambayang dinen mamita lo’da’, dasuro’ arung mondok di aso Sabat minggu seraan itiang manampungi jarum dinen. 43Barik maminna minsaluan tauen dari sao sambayangen dinen, dalola’ i Paulus nanna i Barnabas kole’a ambata tau Yahudiin nanna ambata tau banua bokanen yang maminen mamasoki agama Yahudiin. Jaji manjarum ira duaan lo’da’ manyuro’ manyandar poang lo’a kamaamanna atena Alatala.
44Jaji di aso Sabat minggu seraan bayu’ tauen, to’ mondok kausa banua dinen, manaantalingana lo’a Jaruma Paraampuanka’. 45Maminna dinen, dabele bayu’a tau mondoken kole’a tau Yahudiin, kapiayo tapat ateda’. Jaji dapajau’ barik i Paulus. Dalawan ambata jalu dajarumangen kole’a i Paulus. 46Poangsi insang barani barik i Paulus nanna i Barnabas. Manjarum terus terang poang barik, “Na, sabenara Jaruma Alatala arung ijarumang lo’in tajolo. Poangsi kole’a daikin na’annin manarima’ lo’a, daikin jalu pan na’an marasa kalenin patut pande manarima’ katio’an yang salaun-launnaan. Jaji daikam marantangkam lo’in, to’ lamba’kam barik lo’a tau okanen Yahudiin. 47Kole’a awan dinen lalo parintana Paraampuanka’ lo’am,
Daiak padari lo’in awan palita yang marawangiin lo’a ambata tau laan banuaan. Kupadarikin dalan pamondokang katio’anen lo’a tauen kausa duniaan,
ingka kenangjo jalu datulisangen ilalam Jaruma Alatala.” Yes. 49:6.
48Jaji dadalinga barik jarum dinen kole’a ambata tau okanen banua Yahudi, sasau tapat nyawada’ laloang dapudi Jaruma Paraampuanen. Jaji ambata tau yang daile’iin memen kole’a Alatala itiang mandua’ang katio’an yang salaun-launnaan, dinen barik yang laloang parasaya’.
49Maminna dinen Jaruma Paraampuanka’ dinen dapambarang sasara daerah dinen. 50Poangsi andian ira inangen, ambata babakaan yang tau baraa’en pakaina. Andian bea ambata babainyeen yang okanen tau Yahudiin dari gulunganna tau ipakaien di banua dinen, yang tau biasa tamba sambayang nanna tau Yahudiin. Ira dinen barik daasuk-asuk, dapakat kole’a tau Yahudiin, manyuro’ ajau’ nyawana lo’a i Paulus nanna i Barnabas sampai daparinsa’i. Laloang barik daburo ira duaan dari banuada’.
51Jaji to’ lamba’ barik dinen pasuro’a i Yesus, dapopoi ambata arebo’ tana’ dari kakida’ di arona tau banua dinen itiang tanda kajau’anda’. Laloang lamba’ barik ira duaan lo’a banua Likonium. Mat. 10:14. 52Jaji ambata panduduk banua Antiokia yang ambataanpi malola’ lo’a i Yesus dinen, sasau tapat nyawada’. Dapakai tapat ira kole’a Sumangat Bareseen.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997