Palamba’anna Pasuro’a I Yesus 14
14
I Paulus nanna i Barnabas daparinsa’i di banua Ikonium
1Jaji awan dinen bapi adarina di banua Ikonium. Mondok lo’a dinen, ari Paulus nanna i Barnabas lamba’ lo’a sao sambayang Yahudiin laloang manjarum inang. Mangasi tapat jarumda’, manyuro’ bayu’ barik tau Yahudiin nanna tau bokanen yang padariin parasaya’ lo’a i Yesus. 2Poangsi tau Yahudiin yang alibaken parasaya’ lo’a i Yesus, masuk-asuk barik lo’a nyawana tau yang okanen Yahudiin manyuro’ ajau’ nyawada’ lo’a arasairunka’ ilalam i Yesus.
3Jaji ari Paulus nanna i Barnabas balaun bua lalako’a di banua dinen. Barani bea ira manjarumang Paraampuanka’ lo’a tauen. Paraampuanka’pi dapakarasang dongo lo’a kamaamanna atena Alatala yang daawaan kole’da’. Dameang lo’a i Paulus nanna i Barnabas kuasada’ manyuro’ pande mamola panyunyuana nanna ambata jalu laan-laanen yang jalu na’anen kala’ dakita tau. Dinen yang padariin bukti kole’a jarum yang daawaan kole’da’ tapat. 4Poangsi ambata panduduk banua dinen na’an sikule’ pikiranna. Andian yang mangamuroangen lo’a tau Yahudiin, andian bea mangamuroangen lo’a pasuro’a i Yesus dinen.
5Jaji barik tau Yahudiin nanna panguluanna sarata gulungan tau okanen Yahudi, sipakat ira to’ parinsa’i lo’da’, to’ daparati nanna batuun sampai mate. 6Poangsi maminna barik datamuun kole’a pasuro’a i Yesus, mamalin ira duaan lo’a banua Listra nanna banua Derbe, nanna ambata banua akeke’en yang sibiringanen dinen. Samuana banua dinen propinsi Likaonia. 7Inang rabarik dajarumanga Dongo Maamen dinen.
I Paulus nanna i Barnabas to’ dapamindara kole’da’ di Listra nanna Derbe
8Jaji mondok lo’a banua Listra, andian babaka seraan yang na’anen dakule’ lamba’. Dari paranakanga memen alowe’ tapat kakina. 9Jaji aduduk tau dinen inang manaantalinga lo’a tutulanna i Paulus. Jaji barik dabele tau dinen kole’a i Paulus, darasa tau dinen pande maam padisa kole’a andian kaparasaya’anna. Jaji dabele unding-unding, 10laloang manjarum nanna unyi baraana, “Akadengko. Palolok kalenu,” ingka kenang. Jaji marajuk akadenga barik tau dinen, laloang lamba’.
11Jaji dabele jalu dakarajaan kole’a i Paulus dinen, mamuko barik tauen ilalam jarum Likaonia, “Tador lo’ka’ pan jalu isembaan iki’, mala bator mantuariin!” ingka kenang jarumda’ dapukoangen. 12Jaji barik daasan i Barnabas dinen i Seus, jalu dasembaan kole’da’. I Paulus daia daasan kole’da’ i Hermes, kole’a ialalo yang manjarumen. 13Jaji barik imam dari sao sambayang i Seus, sao mainso’en lo’a banuaan, daia mondok mawa ambata inatang sapi nanna ambata bungaan lo’a mambangan pakar banuaan. To’ dapamindara i Paulus nanna i Barnabas kole’da’ nanna tau bayu’en.
14Jaji datamu barik kole’a i Barnabas nanna i Paulus jalu to’ danuun kole’da’, daripak sapeda’ lasana susada’. Laloang arari ira itanga’ tau bayu’en inang sarata mamuko, 15“Ai ratina jalu to’ ianuun ikin di’en? Daikam di’en mantuari biasa bua, awan ikin! Mondokam indi’angen to’ manjarumang Dongo Maamen lo’in mainto’ idunjanga ikin jalu yang na’anen ararati dinen, laloang mondokkin rabarik lo’a Alatala yang tio’en. Ia yang mamolaan suanen nanna duniaan, jawaan nanna ambata isi’a. 16Ati’en ijoloon dabele poang kole’a Alatala ambata panamuna anak mantuariin maira banuaan. 17Poangsi andian bea bukti darantangen lo’ka’. Dameangki’ sauran dari suanen. Dameangki’ asel tana’en mondok di musima. Dameangki’ jalu kaan manyuro’ sasau nyawaka’,” ingka kenang jarumda’. 18Poangsi kapi nanna jarum dinen, badidit mamase’anga lo’a tauen. Kakapitpi na’an adari tauen mawa pamindara lo’da’ duaan.
I Paulus daparati nanna batuun
19Maminna dinen andian ambata tau Yahudiin mondoken di banua Antiokia di propinsi Pisidia nanna banua Ikonium, mondok lo’a banua Listra. Jaji mondok lo’a dinen dapat sipakat barik nanna tau bayu’en. Jaji dakamuroang tau Yahudiin dinen kole’a tau bayu’en laloang daparati i Paulus nanna batuun. Maminna dinen dasorong-sorong i Paulus insaluanna banuaan, daasanang mamin mate. 20Poangsi dabangkulungi kole’da’ tau parasaya’en inang kulilinga, sikadang kaya rabarik aduduka i Paulus laloang lamba’ intama bapi lo’a banuaan. Aso seraan barik tarangkat daia lo’a banua Derbe sarata nanna i Barnabas.
I Paulus nanna i Barnabas mole’ balik lo’a Antiokia di propinsi Siria
21Mondok lo’a banua Derbe, i Paulus nanna i Barnabas manjarumang Dongo Maamen inang. Jaji bayu’ tau daawaan malola’ lo’a i Yesus. Mamin dinen mole’ balik ira duaan malamba’i banua dalamba’iin joloon. Dalamba’i banua Listra, maminna dinen banua Ikonium, mamin dinen laloang lamba’ lo’a banua Antiokia di propinsi Pisidia. 22Di ambata banua dinen, dapakarasang atena ambata anak ulun maama i Yesus dasuro’ insang sa kaparasaya’anda’ lo’a i Yesus. “Arung bayu’ marinsa’ka’ irasaan tajolo, baru’ barik dapat irasa iki’ jalu maamen di kangkamanna Alatala,” ingka kenang pangajaranna. 23Jaji maira kumpulan anak ulun maama i Yesus, ari Paulus nanna i Barnabas manugas lo’a tauen itiang panuntuani kumpulanda’. Laloang bado’a ira bapuasa, kumpulanda’ dinen dasuro’ tuntuani lo’a Paraampuanda’ yang maminen daparasaya’iin.
24Maminna dinen i Paulus nanna Barnabas lamba’ sengka’ lola’ di propinsi Pisidia sampai mondok lo’a propinsi Pampelia. 25Maminna dajarumang Dongo Maamen di banua Perga, lamba’ bapi lo’a banua Atalia. 26Barik dari banua dinen, balayar ira mole’ lo’a Antiokia. Inang memenjo di Antiokia daserada’ duaan kole’a kumpulan anak ulun maamen lo’a kamaamanna atena Alatala. Dasuro’ malamba’ang tugasda’ yang ambataanpi akaus dinen. PalPa. 13:1-3.
27Maminna barik ira mondok lo’a banua Antiokia, laloang dakumpulang ambata anak ulun maama i Yesus dinen, laloang datutul kausa ambata jalu dapadariin kole’a Alatala malaloi lo’da’. Datutul sarana Alatala mamae’ang dalanna mainto’ ambata tau okanen Yahudi dapat parasaya’ bea lo’a i Yesus. 28Jaji balaun lalako’a i Paulus nanna i Barnabas di banua dinen nanna ambata anak ulun maama i Yesus inang.
നിലവിൽ തിരഞ്ഞെടുത്തിരിക്കുന്നു:
Palamba’anna Pasuro’a I Yesus 14: EBE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997
Palamba’anna Pasuro’a I Yesus 14
14
I Paulus nanna i Barnabas daparinsa’i di banua Ikonium
1Jaji awan dinen bapi adarina di banua Ikonium. Mondok lo’a dinen, ari Paulus nanna i Barnabas lamba’ lo’a sao sambayang Yahudiin laloang manjarum inang. Mangasi tapat jarumda’, manyuro’ bayu’ barik tau Yahudiin nanna tau bokanen yang padariin parasaya’ lo’a i Yesus. 2Poangsi tau Yahudiin yang alibaken parasaya’ lo’a i Yesus, masuk-asuk barik lo’a nyawana tau yang okanen Yahudiin manyuro’ ajau’ nyawada’ lo’a arasairunka’ ilalam i Yesus.
3Jaji ari Paulus nanna i Barnabas balaun bua lalako’a di banua dinen. Barani bea ira manjarumang Paraampuanka’ lo’a tauen. Paraampuanka’pi dapakarasang dongo lo’a kamaamanna atena Alatala yang daawaan kole’da’. Dameang lo’a i Paulus nanna i Barnabas kuasada’ manyuro’ pande mamola panyunyuana nanna ambata jalu laan-laanen yang jalu na’anen kala’ dakita tau. Dinen yang padariin bukti kole’a jarum yang daawaan kole’da’ tapat. 4Poangsi ambata panduduk banua dinen na’an sikule’ pikiranna. Andian yang mangamuroangen lo’a tau Yahudiin, andian bea mangamuroangen lo’a pasuro’a i Yesus dinen.
5Jaji barik tau Yahudiin nanna panguluanna sarata gulungan tau okanen Yahudi, sipakat ira to’ parinsa’i lo’da’, to’ daparati nanna batuun sampai mate. 6Poangsi maminna barik datamuun kole’a pasuro’a i Yesus, mamalin ira duaan lo’a banua Listra nanna banua Derbe, nanna ambata banua akeke’en yang sibiringanen dinen. Samuana banua dinen propinsi Likaonia. 7Inang rabarik dajarumanga Dongo Maamen dinen.
I Paulus nanna i Barnabas to’ dapamindara kole’da’ di Listra nanna Derbe
8Jaji mondok lo’a banua Listra, andian babaka seraan yang na’anen dakule’ lamba’. Dari paranakanga memen alowe’ tapat kakina. 9Jaji aduduk tau dinen inang manaantalinga lo’a tutulanna i Paulus. Jaji barik dabele tau dinen kole’a i Paulus, darasa tau dinen pande maam padisa kole’a andian kaparasaya’anna. Jaji dabele unding-unding, 10laloang manjarum nanna unyi baraana, “Akadengko. Palolok kalenu,” ingka kenang. Jaji marajuk akadenga barik tau dinen, laloang lamba’.
11Jaji dabele jalu dakarajaan kole’a i Paulus dinen, mamuko barik tauen ilalam jarum Likaonia, “Tador lo’ka’ pan jalu isembaan iki’, mala bator mantuariin!” ingka kenang jarumda’ dapukoangen. 12Jaji barik daasan i Barnabas dinen i Seus, jalu dasembaan kole’da’. I Paulus daia daasan kole’da’ i Hermes, kole’a ialalo yang manjarumen. 13Jaji barik imam dari sao sambayang i Seus, sao mainso’en lo’a banuaan, daia mondok mawa ambata inatang sapi nanna ambata bungaan lo’a mambangan pakar banuaan. To’ dapamindara i Paulus nanna i Barnabas kole’da’ nanna tau bayu’en.
14Jaji datamu barik kole’a i Barnabas nanna i Paulus jalu to’ danuun kole’da’, daripak sapeda’ lasana susada’. Laloang arari ira itanga’ tau bayu’en inang sarata mamuko, 15“Ai ratina jalu to’ ianuun ikin di’en? Daikam di’en mantuari biasa bua, awan ikin! Mondokam indi’angen to’ manjarumang Dongo Maamen lo’in mainto’ idunjanga ikin jalu yang na’anen ararati dinen, laloang mondokkin rabarik lo’a Alatala yang tio’en. Ia yang mamolaan suanen nanna duniaan, jawaan nanna ambata isi’a. 16Ati’en ijoloon dabele poang kole’a Alatala ambata panamuna anak mantuariin maira banuaan. 17Poangsi andian bea bukti darantangen lo’ka’. Dameangki’ sauran dari suanen. Dameangki’ asel tana’en mondok di musima. Dameangki’ jalu kaan manyuro’ sasau nyawaka’,” ingka kenang jarumda’. 18Poangsi kapi nanna jarum dinen, badidit mamase’anga lo’a tauen. Kakapitpi na’an adari tauen mawa pamindara lo’da’ duaan.
I Paulus daparati nanna batuun
19Maminna dinen andian ambata tau Yahudiin mondoken di banua Antiokia di propinsi Pisidia nanna banua Ikonium, mondok lo’a banua Listra. Jaji mondok lo’a dinen dapat sipakat barik nanna tau bayu’en. Jaji dakamuroang tau Yahudiin dinen kole’a tau bayu’en laloang daparati i Paulus nanna batuun. Maminna dinen dasorong-sorong i Paulus insaluanna banuaan, daasanang mamin mate. 20Poangsi dabangkulungi kole’da’ tau parasaya’en inang kulilinga, sikadang kaya rabarik aduduka i Paulus laloang lamba’ intama bapi lo’a banuaan. Aso seraan barik tarangkat daia lo’a banua Derbe sarata nanna i Barnabas.
I Paulus nanna i Barnabas mole’ balik lo’a Antiokia di propinsi Siria
21Mondok lo’a banua Derbe, i Paulus nanna i Barnabas manjarumang Dongo Maamen inang. Jaji bayu’ tau daawaan malola’ lo’a i Yesus. Mamin dinen mole’ balik ira duaan malamba’i banua dalamba’iin joloon. Dalamba’i banua Listra, maminna dinen banua Ikonium, mamin dinen laloang lamba’ lo’a banua Antiokia di propinsi Pisidia. 22Di ambata banua dinen, dapakarasang atena ambata anak ulun maama i Yesus dasuro’ insang sa kaparasaya’anda’ lo’a i Yesus. “Arung bayu’ marinsa’ka’ irasaan tajolo, baru’ barik dapat irasa iki’ jalu maamen di kangkamanna Alatala,” ingka kenang pangajaranna. 23Jaji maira kumpulan anak ulun maama i Yesus, ari Paulus nanna i Barnabas manugas lo’a tauen itiang panuntuani kumpulanda’. Laloang bado’a ira bapuasa, kumpulanda’ dinen dasuro’ tuntuani lo’a Paraampuanda’ yang maminen daparasaya’iin.
24Maminna dinen i Paulus nanna Barnabas lamba’ sengka’ lola’ di propinsi Pisidia sampai mondok lo’a propinsi Pampelia. 25Maminna dajarumang Dongo Maamen di banua Perga, lamba’ bapi lo’a banua Atalia. 26Barik dari banua dinen, balayar ira mole’ lo’a Antiokia. Inang memenjo di Antiokia daserada’ duaan kole’a kumpulan anak ulun maamen lo’a kamaamanna atena Alatala. Dasuro’ malamba’ang tugasda’ yang ambataanpi akaus dinen. PalPa. 13:1-3.
27Maminna barik ira mondok lo’a banua Antiokia, laloang dakumpulang ambata anak ulun maama i Yesus dinen, laloang datutul kausa ambata jalu dapadariin kole’a Alatala malaloi lo’da’. Datutul sarana Alatala mamae’ang dalanna mainto’ ambata tau okanen Yahudi dapat parasaya’ bea lo’a i Yesus. 28Jaji balaun lalako’a i Paulus nanna i Barnabas di banua dinen nanna ambata anak ulun maama i Yesus inang.
Copyright New Tribes Mission 1997