Palamba’anna Pasuro’a I Yesus 15
15
Arung anak ulun maama i Yesus malola’ani parintana baki’ Musa atau na’an?
1Jaji andian ambata tau dari propinsi Yudea yang mondoken lo’a banua Antiokia laloang majar lo’a anak ulun maama i Yesus di banua dinen, “Na’ankin dakatio’ kole’a Alatala dari ukum dosaan ati’ na’an isunat awan di adata baki’ Musa,” ingka kenang jarumda’. Im. 12:3. 2Jaji dapadu pangajaranda’ dinen nanna bakarasen kole’a i Paulus nanna i Barnabas. Kapanjanganna sipaduna barik dapola kaputusan rabarik. I Paulus nanna i Barnabas nanna ambata tau banua Antiokia, dasuro’ lamba’ lo’a Yerusalem itiang pasijarumang soal dinen nanna ambata pasuro’a i Yesus nanna toa-toaan inang.
3Jaji dalola’ ira kole’a ambata anak ulun maamen di Antiokia, daantat lo’a baba’ dalanen. Jaji lamba’ ira malaloi Penisia nanna Samaria. Maira sengka’a, datutul kaparasaya’anna tau okanen Yahudi dinen yang parasaya’en barik lo’a Alatala. Jaji sasau nyawada’ ambata sairunen ilalam i Yesus mandalingaan.
4Maminna mondok lo’a Yerusalem rabarik, dasialoi nanna maamen kole’a anak ulun maama i Yesus nanna pasuro’a sarata toa-toaan. Jaji datutul barik lo’da’ ambata jalu danuun kole’a Alatala mamakaien lo’da’. 5Poangsi andian ambata tau dari gulungan Parisiin, tau parasaya’en lo’a i Yesus, yang akadengen laloang manjarum, “Ambata tau banua bokanen yang maminen parasaya’ arung dasunat. Arung isuro’ malola’ani kausa ambata Ukum Adata Alatala yang dapamondokangen malaloi baki’ Musa,” ingka kenang.
6Jaji barik kombong ambata pasuro’a i Yesus nanna toa-toaan, to’ pasijarumang soal dinen. 7Balaun jaji situkar pikiranda’ inang. Maminna dinen akadeng barik i Petrus laloang manjarum, “Arasairunku’kin, insa’-insa’ aso yang laloon daile’iak kole’a Alatala antaranin. Datugasak itiang manjarumang Dongo Maamen lo’a ambata tau okanen Yahudiin, mainto’ ira dinenpi dapat mandalinga laloang parasaya’. Itamuna bua ikin. PalPa. 10:1-43. 8Jaji Alatala datamu mamele ate tau. Dameang tanda lo’ka’ mamin kole’a Alatala kole’a daia mainya’ manarima’ lo’da’. Kole’a dameang ira Sumangat Bareseen awan bua yang dameangen lo’ka’. Yes. 56:6-8; PalPa. 2:4; 10:44. 9Kosan bedaka’ di arona Alatala. Ira dinenpi dabarese bua ateda’ kole’a kaparasaya’anda’. 10Arabaki’ka’ yang joloon palin aborat malola’anina lo’a ambata Ukuma baki’ Musa. Na’an bua dakule’. Daiki’pi na’an ikule’ iki’. Ai kenang maam-maam to’ ipanyanang jalu aboraten lo’a tau okanen Yahudi di’en. Daikin di’en malawankin lo’a panamuna Alatala, mangilalaikin lo’a. 11Na’an maam kenangen. Ilalam kaparasaya’anka’ daiki’ parasaya’ laloang dakatio’ki’ dari kuasa dosaan kole’a kamaamanna atena Paraampuanka’ Yesus. Ira dinenpi ka’ kenanga, sama bua awan iki’. Kenang ratina,” ingka kenang manjaruma i Petrus lo’da’ di Yerusalem.
12Jaji barik samua tau bakumpulen inang kosan unyina. Maneeng kausa manaantalingana lo’a tutulanna i Barnabas nanna i Paulus. Datutul jalu laan-laanen nanna panyunyua yang daanuun kole’a Alatala malaloi lo’da’ di banua tau okanen Yahudi. 13Maminna akaus tutulanda’, i Yakobus manjarum, “Arasairunku’kin, taanjo talinganin lo’ku’. 14Mamin datutul lo’ka’ kole’a i Simon akat pangasaanga Alatala yang dapayoangen lo’a ambata tau banua bokanen, sampai andian bua tau daile’iin antarada’ datiang padari anak katio’anna. 15Dinen sikule’ bua nanna jaruma ambata panjaruma Alatalajo. Kole’a andian datulisangen awan di’en,
16 Ona’ barik, daikin to’ kubalikikin. To’ kupamaami baru kangkamanna baki’ Raja Daud yang maminen arurun. Kusuro’ mole’ maam. 17Kenangku’ mainto’ samuana ambata gulungan mantuariin bokanen di duniaan mainya’ barik lo’ku’ Paraampuanna. Kutiang lo’a samuana ambata tau banua okanen Yahudi yang malaan asanku’ mainto’ manyarina barik lo’ku’, 18ingka kenang manjaruma Paraampuanka’ yang mamolaan basa dinen yang dapanamuangen lo’ka’ dari ijolo memen,
ingka kenang jarum datulisangen di Jaruma Alatala. Am. 9:11-12.
19“Jaji panamuku’ daiak,” ingka kenang manjaruma i Yakobus, “na’anki’ pande manyuro’ susa lo’a ambata tau okanen Yahudi yang maminen parasaya’ barik lo’a Alatala. 20Yang penting, arung ipolaang surat ipaawaang lo’da’. Ilalam surat dinen ipase’ang angkaan jalu maminen padari ajau’, jalu maminen dapamindaraang lo’a jaluun. Ipase’ang mamola basa sitindo’anen awan yang dapase’angen kole’a Alatala. Ipase’ang angkaan inatang yang mateen isakak, yang andianenpi dara’a.#15:20 Tamasok mate alamas, mate kule’ panyaka, mate kenang poang. Kole’a na’an maruar dara’a. Dinen dapase’ang Alatala malaloi i Musajo. Pal. 34:15-17; Im. 17:10-16; 18:6-23. 21Ratina ipase’anga awan dinen, kole’a mamin datamu dari jalu dabasaan ilalam sao sambayangen. Kole’a dari ijolo memen maira aso Sabaten maira tatak banuaan dabasa lapoang parintana Alatala yang dapamondokangen kole’a baki’ Musa. Jangka’a dinen jarumku’,” ingka kenang manjaruma i Yakobus lo’da’.#15:21 Tau Yahudiin dapase’ang sarilao’ nanna tau okanen Yahudiin yang na’anen paduli lo’a Alatala. Yang daasanen tau paduliin lo’a Alatala, tau mamakai adat taluun dinen. Baru’ na’an agaring tau Yahudiin sarilao’ nanda’. Jaji maksuta ira pasuro’a i Yesus, tau okanen Yahudi arung pakai adat taluun dinen mainto’ maunda tau parasaya’en sarilao’, kapi Yahudiin, kapi tau okanen Yahudiin. Gal. 2:1-10.
Dapaawaang surat lo’a anak ulun maama i Yesus yang okanen tau Yahudiin
22Maminna dinen ambata pasuro’a i Yesus nanna toa-toaan sarata kumpulan anak ulun maama i Yesus dinen, samuana mala kaputusan to’ maile’i tau dari antarada’ yang tau pandeen dasuro’ tamba nanna ari Paulus nanna i Barnabas lo’a banua Antiokia. Jaji barik yang daile’iin, i Silas nanna i Yudas, yang iasanen bea i Barsabas. Dua-duana dinen tau dapakaien antarana ambata arasairunen ilalam i Yesus di banua Yerusalem. 23Jaji dapawaang nanda’ sapusuk surat nanna unyina kenang,
Lo’in arasairunnam tau okanen barasal dari kanturunan Yahudi yang tau lalako’en di banua Antiokia, propinsi Siria, nanna propinsi Kilikia. Mase’kin samuanin dari nannam arasairunnin, ambata pasuro’a i Yesus nanna toa-toaan.
24Andian dongo idalingaan ikam, andianjo tau dari nannam lamba’en mangaruun lo’a pikiranin nanna pangajaranda’. Poangsi okan ikam manyuro’en. 25Ialalo barik daikam samuanam mala kaputusan, to’ maile’i taukam yang pandeen isuro’ tamba lo’a dinen nanna arasairunka’ i Barnabas nanna i Paulus di’en, yang ikasaangen ikam. 26Ira duaan di’en mamin arapat dadua’ jalu bahayaan kole’a jarum yang daawaan atas asanna Paraampuanka’ Yesus Kristus. 27Jaji yang isuro’ tambaan nanda’, ari Yudas nanna i Silas. Daikam manyuro’kam lo’da’ duaan di’en itiang pamondokang jarum sama awan yang itulisangen ilalam surat di’en.
28Jaji daikam nanna Sumangat Bareseen, irasa ikam labi maam na’an ipasusakin nanna bayu’ parintaan. Suma poang yang penting kalo’am, 29ada’ angkaanen lo’a jalu maminen dapamindaraang lo’a jaluun. Ada’ bea angkaanen dara’ atau inatang yang mateen dasakak. Ada’kin mamola basa sitindo’anen awan yang dapase’angen kole’a Alatala. Mandua’kin ti’kin babajao’ lo’a jalu awan dinenen. Jangka’a dinen jarumam barik lo’in,
ingka kenang dalam surat dapaawaangen nanda’. Im. 3:17; 7:27.
30Jaji tangkat barik ira yang dasuro’en lamba’ lo’a Antiokia. Mondok inang rabarik dakombongang ambata anak ulun maama i Yesus laloang daunjukang surat dinen lo’da’. 31Maminna barik dabasa surat dinen, sasau tapat nyawada’ kole’a jarum pamaamen lo’a nyawada’ dinen.
32Jaji i Yudas nanna i Silas dinen panjaruma Alatala bea. Jaji bayu’ bea jarumda’ manjarumiin lo’da’, yang pakarasangen lo’a arasairunna ilalam i Yesus inang. 33Maminna balaun lalako’a nanda’, dapamase’ ira yang mondoken laloang daparuarang mole’ lo’da’ ambata tau yang manyuro’en lo’da’ dari banua Yerusalem. 34[I Silas daia dalam kamainya’anna, to’ arantangpi.] 35I Paulus nanna i Barnabas daira arantangpi inang di Antiokia. Ira duaan nanna ambata arakawanna bokanen majar inang mawa Jaruma Paraampuanka’.
I Paulus nanna i Barnabas sipadu
36Jaji insa’-insa’ launna maminna dinen, manjarum barik i Paulus lo’a i Barnabas, “Se’ mole’ balikki’. Ilamba’i iki’ ambata arasairunka’ ilalam i Yesus sasara banuaan yang maminen ilamba’ijo mawa Jaruma Paraampuanen. Ibele iki’ kamajuanna kaparasaya’anda’ lo’a i Yesus,” ingka kenang. 37Jaji to’ mamakai pikiran dinen barik, i Barnabas daia baingin to’ mawa lo’a i Yohanes Markus. 38Poangsi i Paulus, daia marasa na’an maam ati’en daawa i Markus. Kole’a ijoloon dinen darantang unjang ira kole’a i Markus di Pampelia. Na’an lagi’ mamatang karajana. PalPa. 13:13. 39Jaji barik sipadu tapat i Paulus nanna i Barnabas.
Kapanjanganna sipaduna, silaan barik ira duaan. I Barnabas daia mawa lo’a i Markus laloang balayar lo’a pulau Siprus. 40I Paulus daia maile’i lo’a i Silas. Jaji maminna dado’aang kole’da’ di Antiokia, dasera lo’a kamaamanna atena Alatala, laloang tangkat ira i Paulus. 41Jaji i Paulus nanna i Silas mangulilingi propinsi Siria nanna Kilikia. Manjarum ira inang lo’a ambata anak ulun maama i Yesus manyuro’ insang sa kaparasaya’anda’.
നിലവിൽ തിരഞ്ഞെടുത്തിരിക്കുന്നു:
Palamba’anna Pasuro’a I Yesus 15: EBE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997
Palamba’anna Pasuro’a I Yesus 15
15
Arung anak ulun maama i Yesus malola’ani parintana baki’ Musa atau na’an?
1Jaji andian ambata tau dari propinsi Yudea yang mondoken lo’a banua Antiokia laloang majar lo’a anak ulun maama i Yesus di banua dinen, “Na’ankin dakatio’ kole’a Alatala dari ukum dosaan ati’ na’an isunat awan di adata baki’ Musa,” ingka kenang jarumda’. Im. 12:3. 2Jaji dapadu pangajaranda’ dinen nanna bakarasen kole’a i Paulus nanna i Barnabas. Kapanjanganna sipaduna barik dapola kaputusan rabarik. I Paulus nanna i Barnabas nanna ambata tau banua Antiokia, dasuro’ lamba’ lo’a Yerusalem itiang pasijarumang soal dinen nanna ambata pasuro’a i Yesus nanna toa-toaan inang.
3Jaji dalola’ ira kole’a ambata anak ulun maamen di Antiokia, daantat lo’a baba’ dalanen. Jaji lamba’ ira malaloi Penisia nanna Samaria. Maira sengka’a, datutul kaparasaya’anna tau okanen Yahudi dinen yang parasaya’en barik lo’a Alatala. Jaji sasau nyawada’ ambata sairunen ilalam i Yesus mandalingaan.
4Maminna mondok lo’a Yerusalem rabarik, dasialoi nanna maamen kole’a anak ulun maama i Yesus nanna pasuro’a sarata toa-toaan. Jaji datutul barik lo’da’ ambata jalu danuun kole’a Alatala mamakaien lo’da’. 5Poangsi andian ambata tau dari gulungan Parisiin, tau parasaya’en lo’a i Yesus, yang akadengen laloang manjarum, “Ambata tau banua bokanen yang maminen parasaya’ arung dasunat. Arung isuro’ malola’ani kausa ambata Ukum Adata Alatala yang dapamondokangen malaloi baki’ Musa,” ingka kenang.
6Jaji barik kombong ambata pasuro’a i Yesus nanna toa-toaan, to’ pasijarumang soal dinen. 7Balaun jaji situkar pikiranda’ inang. Maminna dinen akadeng barik i Petrus laloang manjarum, “Arasairunku’kin, insa’-insa’ aso yang laloon daile’iak kole’a Alatala antaranin. Datugasak itiang manjarumang Dongo Maamen lo’a ambata tau okanen Yahudiin, mainto’ ira dinenpi dapat mandalinga laloang parasaya’. Itamuna bua ikin. PalPa. 10:1-43. 8Jaji Alatala datamu mamele ate tau. Dameang tanda lo’ka’ mamin kole’a Alatala kole’a daia mainya’ manarima’ lo’da’. Kole’a dameang ira Sumangat Bareseen awan bua yang dameangen lo’ka’. Yes. 56:6-8; PalPa. 2:4; 10:44. 9Kosan bedaka’ di arona Alatala. Ira dinenpi dabarese bua ateda’ kole’a kaparasaya’anda’. 10Arabaki’ka’ yang joloon palin aborat malola’anina lo’a ambata Ukuma baki’ Musa. Na’an bua dakule’. Daiki’pi na’an ikule’ iki’. Ai kenang maam-maam to’ ipanyanang jalu aboraten lo’a tau okanen Yahudi di’en. Daikin di’en malawankin lo’a panamuna Alatala, mangilalaikin lo’a. 11Na’an maam kenangen. Ilalam kaparasaya’anka’ daiki’ parasaya’ laloang dakatio’ki’ dari kuasa dosaan kole’a kamaamanna atena Paraampuanka’ Yesus. Ira dinenpi ka’ kenanga, sama bua awan iki’. Kenang ratina,” ingka kenang manjaruma i Petrus lo’da’ di Yerusalem.
12Jaji barik samua tau bakumpulen inang kosan unyina. Maneeng kausa manaantalingana lo’a tutulanna i Barnabas nanna i Paulus. Datutul jalu laan-laanen nanna panyunyua yang daanuun kole’a Alatala malaloi lo’da’ di banua tau okanen Yahudi. 13Maminna akaus tutulanda’, i Yakobus manjarum, “Arasairunku’kin, taanjo talinganin lo’ku’. 14Mamin datutul lo’ka’ kole’a i Simon akat pangasaanga Alatala yang dapayoangen lo’a ambata tau banua bokanen, sampai andian bua tau daile’iin antarada’ datiang padari anak katio’anna. 15Dinen sikule’ bua nanna jaruma ambata panjaruma Alatalajo. Kole’a andian datulisangen awan di’en,
16 Ona’ barik, daikin to’ kubalikikin. To’ kupamaami baru kangkamanna baki’ Raja Daud yang maminen arurun. Kusuro’ mole’ maam. 17Kenangku’ mainto’ samuana ambata gulungan mantuariin bokanen di duniaan mainya’ barik lo’ku’ Paraampuanna. Kutiang lo’a samuana ambata tau banua okanen Yahudi yang malaan asanku’ mainto’ manyarina barik lo’ku’, 18ingka kenang manjaruma Paraampuanka’ yang mamolaan basa dinen yang dapanamuangen lo’ka’ dari ijolo memen,
ingka kenang jarum datulisangen di Jaruma Alatala. Am. 9:11-12.
19“Jaji panamuku’ daiak,” ingka kenang manjaruma i Yakobus, “na’anki’ pande manyuro’ susa lo’a ambata tau okanen Yahudi yang maminen parasaya’ barik lo’a Alatala. 20Yang penting, arung ipolaang surat ipaawaang lo’da’. Ilalam surat dinen ipase’ang angkaan jalu maminen padari ajau’, jalu maminen dapamindaraang lo’a jaluun. Ipase’ang mamola basa sitindo’anen awan yang dapase’angen kole’a Alatala. Ipase’ang angkaan inatang yang mateen isakak, yang andianenpi dara’a.#15:20 Tamasok mate alamas, mate kule’ panyaka, mate kenang poang. Kole’a na’an maruar dara’a. Dinen dapase’ang Alatala malaloi i Musajo. Pal. 34:15-17; Im. 17:10-16; 18:6-23. 21Ratina ipase’anga awan dinen, kole’a mamin datamu dari jalu dabasaan ilalam sao sambayangen. Kole’a dari ijolo memen maira aso Sabaten maira tatak banuaan dabasa lapoang parintana Alatala yang dapamondokangen kole’a baki’ Musa. Jangka’a dinen jarumku’,” ingka kenang manjaruma i Yakobus lo’da’.#15:21 Tau Yahudiin dapase’ang sarilao’ nanna tau okanen Yahudiin yang na’anen paduli lo’a Alatala. Yang daasanen tau paduliin lo’a Alatala, tau mamakai adat taluun dinen. Baru’ na’an agaring tau Yahudiin sarilao’ nanda’. Jaji maksuta ira pasuro’a i Yesus, tau okanen Yahudi arung pakai adat taluun dinen mainto’ maunda tau parasaya’en sarilao’, kapi Yahudiin, kapi tau okanen Yahudiin. Gal. 2:1-10.
Dapaawaang surat lo’a anak ulun maama i Yesus yang okanen tau Yahudiin
22Maminna dinen ambata pasuro’a i Yesus nanna toa-toaan sarata kumpulan anak ulun maama i Yesus dinen, samuana mala kaputusan to’ maile’i tau dari antarada’ yang tau pandeen dasuro’ tamba nanna ari Paulus nanna i Barnabas lo’a banua Antiokia. Jaji barik yang daile’iin, i Silas nanna i Yudas, yang iasanen bea i Barsabas. Dua-duana dinen tau dapakaien antarana ambata arasairunen ilalam i Yesus di banua Yerusalem. 23Jaji dapawaang nanda’ sapusuk surat nanna unyina kenang,
Lo’in arasairunnam tau okanen barasal dari kanturunan Yahudi yang tau lalako’en di banua Antiokia, propinsi Siria, nanna propinsi Kilikia. Mase’kin samuanin dari nannam arasairunnin, ambata pasuro’a i Yesus nanna toa-toaan.
24Andian dongo idalingaan ikam, andianjo tau dari nannam lamba’en mangaruun lo’a pikiranin nanna pangajaranda’. Poangsi okan ikam manyuro’en. 25Ialalo barik daikam samuanam mala kaputusan, to’ maile’i taukam yang pandeen isuro’ tamba lo’a dinen nanna arasairunka’ i Barnabas nanna i Paulus di’en, yang ikasaangen ikam. 26Ira duaan di’en mamin arapat dadua’ jalu bahayaan kole’a jarum yang daawaan atas asanna Paraampuanka’ Yesus Kristus. 27Jaji yang isuro’ tambaan nanda’, ari Yudas nanna i Silas. Daikam manyuro’kam lo’da’ duaan di’en itiang pamondokang jarum sama awan yang itulisangen ilalam surat di’en.
28Jaji daikam nanna Sumangat Bareseen, irasa ikam labi maam na’an ipasusakin nanna bayu’ parintaan. Suma poang yang penting kalo’am, 29ada’ angkaanen lo’a jalu maminen dapamindaraang lo’a jaluun. Ada’ bea angkaanen dara’ atau inatang yang mateen dasakak. Ada’kin mamola basa sitindo’anen awan yang dapase’angen kole’a Alatala. Mandua’kin ti’kin babajao’ lo’a jalu awan dinenen. Jangka’a dinen jarumam barik lo’in,
ingka kenang dalam surat dapaawaangen nanda’. Im. 3:17; 7:27.
30Jaji tangkat barik ira yang dasuro’en lamba’ lo’a Antiokia. Mondok inang rabarik dakombongang ambata anak ulun maama i Yesus laloang daunjukang surat dinen lo’da’. 31Maminna barik dabasa surat dinen, sasau tapat nyawada’ kole’a jarum pamaamen lo’a nyawada’ dinen.
32Jaji i Yudas nanna i Silas dinen panjaruma Alatala bea. Jaji bayu’ bea jarumda’ manjarumiin lo’da’, yang pakarasangen lo’a arasairunna ilalam i Yesus inang. 33Maminna balaun lalako’a nanda’, dapamase’ ira yang mondoken laloang daparuarang mole’ lo’da’ ambata tau yang manyuro’en lo’da’ dari banua Yerusalem. 34[I Silas daia dalam kamainya’anna, to’ arantangpi.] 35I Paulus nanna i Barnabas daira arantangpi inang di Antiokia. Ira duaan nanna ambata arakawanna bokanen majar inang mawa Jaruma Paraampuanka’.
I Paulus nanna i Barnabas sipadu
36Jaji insa’-insa’ launna maminna dinen, manjarum barik i Paulus lo’a i Barnabas, “Se’ mole’ balikki’. Ilamba’i iki’ ambata arasairunka’ ilalam i Yesus sasara banuaan yang maminen ilamba’ijo mawa Jaruma Paraampuanen. Ibele iki’ kamajuanna kaparasaya’anda’ lo’a i Yesus,” ingka kenang. 37Jaji to’ mamakai pikiran dinen barik, i Barnabas daia baingin to’ mawa lo’a i Yohanes Markus. 38Poangsi i Paulus, daia marasa na’an maam ati’en daawa i Markus. Kole’a ijoloon dinen darantang unjang ira kole’a i Markus di Pampelia. Na’an lagi’ mamatang karajana. PalPa. 13:13. 39Jaji barik sipadu tapat i Paulus nanna i Barnabas.
Kapanjanganna sipaduna, silaan barik ira duaan. I Barnabas daia mawa lo’a i Markus laloang balayar lo’a pulau Siprus. 40I Paulus daia maile’i lo’a i Silas. Jaji maminna dado’aang kole’da’ di Antiokia, dasera lo’a kamaamanna atena Alatala, laloang tangkat ira i Paulus. 41Jaji i Paulus nanna i Silas mangulilingi propinsi Siria nanna Kilikia. Manjarum ira inang lo’a ambata anak ulun maama i Yesus manyuro’ insang sa kaparasaya’anda’.
Copyright New Tribes Mission 1997