Palamba’anna Pasuro’a I Yesus 16
16
I Timotius tamba nanna i Paulus ira nanna i Silas
1Maminna dinen i Paulus daia lamba’ bapi sampai mondok lo’a banua Derbe, mamin dinen lamba’ lo’a banua Listra. Jaji mondok inang andian tau malola’en lo’a i Yesus, i Timotius asanna. Induna dinen tau Yahudiin yang tau maminen parasaya’ lo’a i Yesus Kristus. Poangsi amana dinen, tau Yunani, tau okanen Yahudi. 2Jaji maam asanna i Timotius antarana ambata sairunen yang lalako’en di banua Listra nanna banua Ikonium. 3Jaji barik i Paulus daia manyunat lo’a i Timotius dinen kole’a daia baingin to’ mawa lo’a di palamba’anna. Daia kenanga mainto’ na’anna ajau’ atena gulungan tau Yahudiin. Kole’a samua tau sasara banua yang to’ dalamba’iin, datamu kausa lo’a i Timotius kole’a amana dinen tau Yunaniin yang na’anen dasunat, na’an masok lo’a agama Yahudiin.
4Jaji lamba’ barik ira, maira tatak banuaan yang dalamba’iin kole’da’ dapamondokang jarum lo’a tau parasaya’en inang. Dajarumang kaputusanna ambata pasuro’a i Yesus nanna toa-toaan di Yerusalem, yang jalu dasuratangen de’i lo’a tau okanen Yahudi yang parasaya’en lo’a i Yesus. Jaji dasuro’ lo’da’ malola’ani poang ambata parintana ilalam surat dinen. 5Jaji barik anak ulun maama i Yesus dinen insang sa kaparasaya’anna, insang sikadanan bayu’a tau yang parasaya’en.
Andian jalu paitangen kalena lo’a i Paulus di banua Troas
6Jaji barik to’ manjarumang Jaruma Alatala di propinsi Asia, na’an daparuarang kole’a Sumangat Bareseen. Jaji lamba’ ira nanna i Paulus sasara propinsi Prigia nanna propinsi Galatia. 7Mamin dinen, mondok lo’a batasan Misia, to’ intama lo’a propinsi Bitinia, dapase’ang bapi kole’a Sumangata i Yesus. 8Jaji laloang poang ira lamba’en di propinsi Misia mondok lo’a banua Troas. 9Jaji waktu nanga samalama di Troas, andian jalu paitangen kalena lo’a i Paulus. Ilalam jalu dakitaan dinen, balu’-balu’ andian tau Makedonia akadengen ijolona yang mamitaan jaji, suro’ lamba’i kalena di Makedonia itiang manggulungi lo’da’ inang. 10Jaji maminna andianna jalu paitaangen kalena lo’a i Paulus dinen, bakamaskam itiang lamba’ lo’a Makedonia. Daawa tapat atenam lo’a dinen kole’a irasa Alatala dinen manyuro’ lo’am mawa Dongo Maamen lo’a tau inangen.#16:10 Jalu paan i Lukas, yang manulisen buku’ di’en, pasidua’ang kalena nanna ira i Paulus di banua Troas laloang tamba nanda’.
I Lidia padari parasaya’ lo’a i Yesus
11Maminna dinen irantang ikam banua Troas, laloang balayarkam laloang lo’a pulau Samotrake. Di aso seraan lo’a banua Neapoliskam. 12Dari inang lamba’kam lo’a banua Pilipi. Jaji Pilipi dinen banua yang dalalako’iin kole’a tau Roma, banua pentingen maro inang di propinsi Makedonia. Jaji insa’-insa’ aso poang lalako’am inang.
13Di aso Sabaten barik minsaluankam lo’a pakar banuaan, lamba’ lo’a biring kabangen. Kole’a irasa ikam andian inang kosan sambayang Yahudiin. Jaji adudukam inang sijaruman nanna ambata babainyeen yang maminen bakumpul di kosan dinen. 14Jaji barik andian antarada’ tau mandalingaan lo’am, tau badagangen yang mamet kain warna kakalamuntingen, kain palin baragaan. Asanna dinen i Lidia, tau barasal dari banua Tiatira, yang tau manyembaan lo’a Alatala. Jaji barik dapamiya’ kole’a Paraampuanen manyuro’ tabae’ atena lo’a jalu dajarumangen kole’a i Paulus. Jaji datarima’ jarum dinen. 15Laloang dabaptis i Lidia sarata samuana sama lalako’en ilalam saona. Maminna dabaptis dakampitangkam, “Ati’enkin tapat-tapat marasa lo’ku’ mamin parasaya’ lo’a i Yesus, arungkin samalam di saoku’,” ingka kenang manjaruma lo’am. Jaji mainya’kam barik.
Di sao ukumanen di Pilipi
16Jaji barik di aso dinen, daikam patanga’an lamba’am lo’a kosan bado’aan, sidua’kam barik nanna babainye seraan, pangkam tau. Babainye dinen dasarung kole’a sumangat ajau’en manyuro’ datamu mananung. Baraa kauntunganna tua’a kole’a mananunga dinen. 17Jaji lamba’ lapoang babainye dinen malola’ lo’am nanna i Paulus, sarata mamuko-muko, “Tau di’en, ira lalo suro’anna Alatala yang Palin Baraa’en! Daawa Dongo manjarumangen dalan pangatio’anen,” ingka kenang lapoang jaruma dapukoangen. 18Mairaso-mairaso dapukoang lapoang jarum dinen. Jaji barik na’an dakule’ dapanaat kole’a i Paulus, laloang dakoengang lindo’a manjarum lo’a sumangat dinen, “Mamuroak lo’u atas asanna i Yesus Kristus. Minsaluanko dari babainye din,” ingka kenang manjaruma. Sadinga poang barik, inyapa sumangat ajau’en dinen marantang lo’a babainye dinen.
19Jaji datamu barik kole’a tua’a babainye dinen akaus arapanna to’ mandua’ang duit dari panamuna dinen, datingkam barik i Paulus nanna i Silas. Dasorong sampai mondok lo’a paurus pamarinta Roma inang di pasar banuaan. 20Jaji manjarum, “Tau di’en tau dari Yahudi. Dakaru banuaka’ kole’da’. 21Dasuro’kam arung malola’ani adatda’ yang jalu na’anen patut ilola’ani iki’ tau banua Roma, silaloan nanna adatka’,” ingka kenang jaruma pangaduanda’.
22Maminna dinen, tamba bea tau bayu’en manyarang lo’a i Paulus nanna i Silas. Dasuro’ leka’ dinen kainna i Paulus nanna i Silas kole’a paurusen lo’a anak buana, dasuro’ maniang lo’da’ duaan. 23Maminna balasa datianga, datampeang barik ilalam sao ukumanen. Dasuro’ jagai maam-maam lo’a kapala’a panyagaien inang. 24Jaji barik daapis di sapat itanga’ jajiin di sao ukumanen. Kakida’ darangku’ ilalam loang kayuun, dakunsi.
25Jaji barik andian mo’i tanga’ malam, i Paulus nanna i Silas bado’a sarata banyanyi mamudi-mudi lo’a Alatala. Ambata tau yang itaanen di sao dinen mandalinga kausa lo’da’ banyanyiin. 26Jaji banyanyi inang, sadinga poang barik, tatagara tana’en nanna balasana sampai dudukan sao ukumanen tamba tatagar bua. Lenggang-lenggang siring sao ukumanen. Akaus tabae’ ambata mambanganna. Rantai basiinpi tabae’, laloang alao’ barik di tanganda’ yang tau idukumen samuana. 27Jaji kapala’ panyagaienpi asading barik, tatakau. Dabele mambanganen akaus tabae’, dasari pedanga, to’ uno’ kalena kole’a daasanang akaus arari mamin ambata tau dataanen dinen.#16:27 Ilalam adat Roma, ati’en dakule’ arari tau dataanen ilalam sao ukumanen, panyagaienpi dinen arung tanggung jawap. Daia arung dadua’ ukum yang samaan nanna tau arariin dinen. 28Poangsi i Paulus barik mamuko, “Ada’ uno’a kalenu! Andian kausam indi’angen,” ingka kenang.
29Jaji kapala’ panyagaien dinen manyuro’ alaang kalena sulo’en lo’a anak buana laloang arari. Kikirik tolanga ararina. Paraba’ kalena inang di kakina i Paulus nanna i Silas. 30Maminna dinen daawa insaluan dinen i Paulus nanna i Silas laloang manjarum, “Ama’, ama’e, ai lo’ku’ mainto’ dakatio’ku’ dari ukum dosaan?” ingka kenang lo’da’.
31Jaji dasauti, “Parasaya’ko lo’a Paraampuanka’ Yesus, baru’ko dakatio’, ikin nanna samuanin sama lalako’en ilalam saonu,” ingka kenang jarumda’ lo’a kapala’ panyagaien dinen. 32Jaji dajarumang Jaruma Paraampuanka’ lo’a tau dinen nanna ambata tau di saona inang. 33Di tanga’ malam dinen bua dabaresena ambata luka belean datianga ari Paulus nanna i Silas. Laloang ia nanna samuana isi’ saona dinen dabaptis kausana malam dinen. 34Maminna dinen daawa i Paulus nanna i Silas lo’a saona, dapangkaan. Sasau tapat nyawada’ kole’a maminna barik parasaya’ lo’a Alatala.
35Jaji imbara asoon dinen barik paurus Roma manyuro’ polisiin lamba’ lo’da’ mawa jarum, “Painsaluan dinen i Paulus nanna i Silas,” ingka kenang jaruma dapaawaangen.
36Jaji manjarum barik dinen kapala’ panyagaien lo’a i Paulus, “Na, daikin pandekin lamba’ barik. Ambata polisiin mamin paawaang jarum lo’a di’en, dasuro’ak painsaluan lo’in. Mase’kin,” ingka kenang manjaruma.
37Poangsi manjarum i Paulus lo’a ambata polisiin dinen, “Daikam tau warga negara Roma. Na’anpikam idurusi, itiangkam tajolo memen di arona tau bayu’en. Iapiskam ilalam sao ukumanen. Ai, to’ isuro’kam lamba’ barik sara na’anen datamu tau? Na’an patut kenang! Suro’ ambata paurusen dinen mondok diri’a lo’a di’en painsaluanen lo’am,” ingka kenang manjaruma i Paulus.
38Jaji dalapor barik jarum dinen kole’a polisiin lo’a ambata paurus pamarinta Roma dinen. Jaji dadalinga kole’da’ jarum dinen kole’a i Paulus nanna i Silas warga negara Roma, atakut tapat ira. 39Jaji lamba’ lo’a sao ukumanen dinen mamita ampon lo’a i Paulus nanna Silas. Maminna dinen daantat ira minsaluan lo’a sao ukumanen. Dapita lo’da’ arung lamba’ marantang banuada’ dinen. 40Maminna dapainsaluan dinen, lamba’ barik i Paulus nanna i Silas lo’a saona i Lidia, pasidua’ang kalena nanna ambata arasairunna ilalam i Yesus laloang manjarum pakarasang lo’a ateda’. Maminna dinen tarangkat barik ira marantang banua dinen.
നിലവിൽ തിരഞ്ഞെടുത്തിരിക്കുന്നു:
Palamba’anna Pasuro’a I Yesus 16: EBE
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright New Tribes Mission 1997
Palamba’anna Pasuro’a I Yesus 16
16
I Timotius tamba nanna i Paulus ira nanna i Silas
1Maminna dinen i Paulus daia lamba’ bapi sampai mondok lo’a banua Derbe, mamin dinen lamba’ lo’a banua Listra. Jaji mondok inang andian tau malola’en lo’a i Yesus, i Timotius asanna. Induna dinen tau Yahudiin yang tau maminen parasaya’ lo’a i Yesus Kristus. Poangsi amana dinen, tau Yunani, tau okanen Yahudi. 2Jaji maam asanna i Timotius antarana ambata sairunen yang lalako’en di banua Listra nanna banua Ikonium. 3Jaji barik i Paulus daia manyunat lo’a i Timotius dinen kole’a daia baingin to’ mawa lo’a di palamba’anna. Daia kenanga mainto’ na’anna ajau’ atena gulungan tau Yahudiin. Kole’a samua tau sasara banua yang to’ dalamba’iin, datamu kausa lo’a i Timotius kole’a amana dinen tau Yunaniin yang na’anen dasunat, na’an masok lo’a agama Yahudiin.
4Jaji lamba’ barik ira, maira tatak banuaan yang dalamba’iin kole’da’ dapamondokang jarum lo’a tau parasaya’en inang. Dajarumang kaputusanna ambata pasuro’a i Yesus nanna toa-toaan di Yerusalem, yang jalu dasuratangen de’i lo’a tau okanen Yahudi yang parasaya’en lo’a i Yesus. Jaji dasuro’ lo’da’ malola’ani poang ambata parintana ilalam surat dinen. 5Jaji barik anak ulun maama i Yesus dinen insang sa kaparasaya’anna, insang sikadanan bayu’a tau yang parasaya’en.
Andian jalu paitangen kalena lo’a i Paulus di banua Troas
6Jaji barik to’ manjarumang Jaruma Alatala di propinsi Asia, na’an daparuarang kole’a Sumangat Bareseen. Jaji lamba’ ira nanna i Paulus sasara propinsi Prigia nanna propinsi Galatia. 7Mamin dinen, mondok lo’a batasan Misia, to’ intama lo’a propinsi Bitinia, dapase’ang bapi kole’a Sumangata i Yesus. 8Jaji laloang poang ira lamba’en di propinsi Misia mondok lo’a banua Troas. 9Jaji waktu nanga samalama di Troas, andian jalu paitangen kalena lo’a i Paulus. Ilalam jalu dakitaan dinen, balu’-balu’ andian tau Makedonia akadengen ijolona yang mamitaan jaji, suro’ lamba’i kalena di Makedonia itiang manggulungi lo’da’ inang. 10Jaji maminna andianna jalu paitaangen kalena lo’a i Paulus dinen, bakamaskam itiang lamba’ lo’a Makedonia. Daawa tapat atenam lo’a dinen kole’a irasa Alatala dinen manyuro’ lo’am mawa Dongo Maamen lo’a tau inangen.#16:10 Jalu paan i Lukas, yang manulisen buku’ di’en, pasidua’ang kalena nanna ira i Paulus di banua Troas laloang tamba nanda’.
I Lidia padari parasaya’ lo’a i Yesus
11Maminna dinen irantang ikam banua Troas, laloang balayarkam laloang lo’a pulau Samotrake. Di aso seraan lo’a banua Neapoliskam. 12Dari inang lamba’kam lo’a banua Pilipi. Jaji Pilipi dinen banua yang dalalako’iin kole’a tau Roma, banua pentingen maro inang di propinsi Makedonia. Jaji insa’-insa’ aso poang lalako’am inang.
13Di aso Sabaten barik minsaluankam lo’a pakar banuaan, lamba’ lo’a biring kabangen. Kole’a irasa ikam andian inang kosan sambayang Yahudiin. Jaji adudukam inang sijaruman nanna ambata babainyeen yang maminen bakumpul di kosan dinen. 14Jaji barik andian antarada’ tau mandalingaan lo’am, tau badagangen yang mamet kain warna kakalamuntingen, kain palin baragaan. Asanna dinen i Lidia, tau barasal dari banua Tiatira, yang tau manyembaan lo’a Alatala. Jaji barik dapamiya’ kole’a Paraampuanen manyuro’ tabae’ atena lo’a jalu dajarumangen kole’a i Paulus. Jaji datarima’ jarum dinen. 15Laloang dabaptis i Lidia sarata samuana sama lalako’en ilalam saona. Maminna dabaptis dakampitangkam, “Ati’enkin tapat-tapat marasa lo’ku’ mamin parasaya’ lo’a i Yesus, arungkin samalam di saoku’,” ingka kenang manjaruma lo’am. Jaji mainya’kam barik.
Di sao ukumanen di Pilipi
16Jaji barik di aso dinen, daikam patanga’an lamba’am lo’a kosan bado’aan, sidua’kam barik nanna babainye seraan, pangkam tau. Babainye dinen dasarung kole’a sumangat ajau’en manyuro’ datamu mananung. Baraa kauntunganna tua’a kole’a mananunga dinen. 17Jaji lamba’ lapoang babainye dinen malola’ lo’am nanna i Paulus, sarata mamuko-muko, “Tau di’en, ira lalo suro’anna Alatala yang Palin Baraa’en! Daawa Dongo manjarumangen dalan pangatio’anen,” ingka kenang lapoang jaruma dapukoangen. 18Mairaso-mairaso dapukoang lapoang jarum dinen. Jaji barik na’an dakule’ dapanaat kole’a i Paulus, laloang dakoengang lindo’a manjarum lo’a sumangat dinen, “Mamuroak lo’u atas asanna i Yesus Kristus. Minsaluanko dari babainye din,” ingka kenang manjaruma. Sadinga poang barik, inyapa sumangat ajau’en dinen marantang lo’a babainye dinen.
19Jaji datamu barik kole’a tua’a babainye dinen akaus arapanna to’ mandua’ang duit dari panamuna dinen, datingkam barik i Paulus nanna i Silas. Dasorong sampai mondok lo’a paurus pamarinta Roma inang di pasar banuaan. 20Jaji manjarum, “Tau di’en tau dari Yahudi. Dakaru banuaka’ kole’da’. 21Dasuro’kam arung malola’ani adatda’ yang jalu na’anen patut ilola’ani iki’ tau banua Roma, silaloan nanna adatka’,” ingka kenang jaruma pangaduanda’.
22Maminna dinen, tamba bea tau bayu’en manyarang lo’a i Paulus nanna i Silas. Dasuro’ leka’ dinen kainna i Paulus nanna i Silas kole’a paurusen lo’a anak buana, dasuro’ maniang lo’da’ duaan. 23Maminna balasa datianga, datampeang barik ilalam sao ukumanen. Dasuro’ jagai maam-maam lo’a kapala’a panyagaien inang. 24Jaji barik daapis di sapat itanga’ jajiin di sao ukumanen. Kakida’ darangku’ ilalam loang kayuun, dakunsi.
25Jaji barik andian mo’i tanga’ malam, i Paulus nanna i Silas bado’a sarata banyanyi mamudi-mudi lo’a Alatala. Ambata tau yang itaanen di sao dinen mandalinga kausa lo’da’ banyanyiin. 26Jaji banyanyi inang, sadinga poang barik, tatagara tana’en nanna balasana sampai dudukan sao ukumanen tamba tatagar bua. Lenggang-lenggang siring sao ukumanen. Akaus tabae’ ambata mambanganna. Rantai basiinpi tabae’, laloang alao’ barik di tanganda’ yang tau idukumen samuana. 27Jaji kapala’ panyagaienpi asading barik, tatakau. Dabele mambanganen akaus tabae’, dasari pedanga, to’ uno’ kalena kole’a daasanang akaus arari mamin ambata tau dataanen dinen.#16:27 Ilalam adat Roma, ati’en dakule’ arari tau dataanen ilalam sao ukumanen, panyagaienpi dinen arung tanggung jawap. Daia arung dadua’ ukum yang samaan nanna tau arariin dinen. 28Poangsi i Paulus barik mamuko, “Ada’ uno’a kalenu! Andian kausam indi’angen,” ingka kenang.
29Jaji kapala’ panyagaien dinen manyuro’ alaang kalena sulo’en lo’a anak buana laloang arari. Kikirik tolanga ararina. Paraba’ kalena inang di kakina i Paulus nanna i Silas. 30Maminna dinen daawa insaluan dinen i Paulus nanna i Silas laloang manjarum, “Ama’, ama’e, ai lo’ku’ mainto’ dakatio’ku’ dari ukum dosaan?” ingka kenang lo’da’.
31Jaji dasauti, “Parasaya’ko lo’a Paraampuanka’ Yesus, baru’ko dakatio’, ikin nanna samuanin sama lalako’en ilalam saonu,” ingka kenang jarumda’ lo’a kapala’ panyagaien dinen. 32Jaji dajarumang Jaruma Paraampuanka’ lo’a tau dinen nanna ambata tau di saona inang. 33Di tanga’ malam dinen bua dabaresena ambata luka belean datianga ari Paulus nanna i Silas. Laloang ia nanna samuana isi’ saona dinen dabaptis kausana malam dinen. 34Maminna dinen daawa i Paulus nanna i Silas lo’a saona, dapangkaan. Sasau tapat nyawada’ kole’a maminna barik parasaya’ lo’a Alatala.
35Jaji imbara asoon dinen barik paurus Roma manyuro’ polisiin lamba’ lo’da’ mawa jarum, “Painsaluan dinen i Paulus nanna i Silas,” ingka kenang jaruma dapaawaangen.
36Jaji manjarum barik dinen kapala’ panyagaien lo’a i Paulus, “Na, daikin pandekin lamba’ barik. Ambata polisiin mamin paawaang jarum lo’a di’en, dasuro’ak painsaluan lo’in. Mase’kin,” ingka kenang manjaruma.
37Poangsi manjarum i Paulus lo’a ambata polisiin dinen, “Daikam tau warga negara Roma. Na’anpikam idurusi, itiangkam tajolo memen di arona tau bayu’en. Iapiskam ilalam sao ukumanen. Ai, to’ isuro’kam lamba’ barik sara na’anen datamu tau? Na’an patut kenang! Suro’ ambata paurusen dinen mondok diri’a lo’a di’en painsaluanen lo’am,” ingka kenang manjaruma i Paulus.
38Jaji dalapor barik jarum dinen kole’a polisiin lo’a ambata paurus pamarinta Roma dinen. Jaji dadalinga kole’da’ jarum dinen kole’a i Paulus nanna i Silas warga negara Roma, atakut tapat ira. 39Jaji lamba’ lo’a sao ukumanen dinen mamita ampon lo’a i Paulus nanna Silas. Maminna dinen daantat ira minsaluan lo’a sao ukumanen. Dapita lo’da’ arung lamba’ marantang banuada’ dinen. 40Maminna dapainsaluan dinen, lamba’ barik i Paulus nanna i Silas lo’a saona i Lidia, pasidua’ang kalena nanna ambata arasairunna ilalam i Yesus laloang manjarum pakarasang lo’a ateda’. Maminna dinen tarangkat barik ira marantang banua dinen.
Copyright New Tribes Mission 1997