Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Iigutsa Wandu Shiku Shitaanu</div><div class="r">(Mat 14:13-21; Mak 6:30-44; Luk 9:10-17)</div><div class="p"> 1Numa ya isho Yesu naleyenda molyolya o Nduwa ya Galyilaya iwekyelago Tiberia. 2Na kyisanzionyi kying'anyi kya wandu kyikamwosha, cha kyipfa walewona shi&#7775;iyisho alewutia wandu waluoe. 3Na Yesu ka&#7769;ooya fumvunyi, ka&#7769;amia pfo hamwi na wanalosho wakye. 4Na Pasaka, mfiri ung'anyi o Wayuda, uwekyeri kufuhi. 5Kyasia kyiyeri Yesu alewona &#7775;iima lying'anyi lya wandu lyechicha na kokye nalewia Filyipo, &#8220;Lugu&#7775;e kwi mkate kundu wandu-wa wai&#7769;ime ilya?&#8221; 6Na nale&#7769;e&#7769;a ku&#7769;o kundu namyeshe; cha kyipfa naweichi kyindo echiwuta. 7Filyipo kamgaluo, kagamba, &#8220;Mkate ya woguru wo dinari magana gawi gewashika maa kokooya orio umwi alya kyitung'tu-pfo.&#8221; 8Anderea, umwi o wanalosho wakye, mono-wama o Simion Petiro, kammbia, 9&#8220;Iha hawo&#7769;e mana awo&#7769;e mkate itanu na makunga gawi, kyaindi ishi ny'kyikyi ko wandu wafoi cha iwa?&#8221; 10Yesu kagamba, &#8220;Wienyi wandu wa&#7769;amie.&#8221; Na handu halya hawewo&#7769;e ma&#7775;a gafoi. Kyasia waso&#7775;o waka&#7769;amia, cha shiku shitaanu woose piu. 11Yesu kaira mkate iya, kaana, kagawia walya wawe&#7769;amie; kagawa na makunga galya taa chandu orio mndu alekunda. 12Nawo kyiyeri waleigu&#7769;a, nalewia wanalosho wakye, &#8220;Sanienyi shifunjoe-sho shatsugaa, kyila&#7769;ekye maa kyimwi.&#8221; 13Kyasia wakasania shifunjoe sha mkate iya itanu shiletsugaa wandu wamlye, wakaichu&#7775;a mkunja ikumi na iwi. 14Kyasia kyiyeri wandu walya walewona kyi&#7775;iyisho alewuta, walegamba, &#8220;Loi ichu nyi moonguo shisuku ulya aicha wuyanenyi.&#8221;</div><div class="p"> 15Naaho-ng'u, aichi kye wawekundi ichemmba&#7769;a kundu wamgaluo mangyi, nalelekana nawo, kayenda-se fumvunyi ala&#7769;u&#7769;anyi na mndu.</div><div class="s">Yesu Kachumia Wuye ya M&#7775;inga</div><div class="r">(Mat 14:22-33; Mak 6:45-52)</div><div class="p"> 16Kyiyeri kya kyukonyi wanalosho wakye wakasoka na kulya nduwenyi, 17waka&#7769;ooya ngalawenyi, wakawooka iamba&#7769;a iyenda Kaperinaumu. Napfo kuwemmba&#7769;a meema, kyaindi Yesu alekoamcha-pfo. 18Na nduwa ikawooka ifoika kyipfa mkuma ung'anyi uweikuma. 19Wanalosho walekowamuyenda cha mailyi tsi&#7775;aa&#7775;u tsiina kyiyeri walewona Yesu echumia wuye ya m&#7775;inga na itikyira kufuhi na ngalawa iya; wakaowuo. 20Na oe kawawia, &#8220;Nyi inyi, mulaowuoe.&#8221; 21Kyasia wakamwitsa na kulya ngalawenyi; na cha ilyi ngalawa iya ikashika uruka lulya waweiyenda.</div><div class="s">Wandu Wakapfula Yesu</div><div class="p"> 22Mfiri ulya uleosha kyisanzionyi kya wandu wawego&#7775;okyi molyolya o nduwa walewona kye kuwewo&#7769;e ngalawa ingyi kulya sile imwi tupu-pfo. Ngose&#7775;a walewona kye Yesu alei&#7769;a na kulya ngalawenyi hamwi na wanalosho wakye-pfo, indi wanalosho waleyenda wo wawenyi. 23(Kyaindi kukocha ngalawa tsingyi iwuka Tiberia m&#7775;asa kufuhi na handu halya walekowalyiia mkate, kyiyeri Mndumii Yesu aleana). 24Kyasia wandu wa kyisanzionyi, kyiyeri walewona kye Yesu akyeri pfo maa wanalosho wakye-pfo, walei&#7769;a na ngalawenyi wo wawenyi, wakayenda Kaperinaumu wechipfula Yesu.</div><div class="s">Yesu nyi Mkate o Moo</div><div class="p"> 25Na kyiyeri walemmbona molyolya o nduwa, walemmbia, &#8220;Rabi, iyoe nocha indi na iha?&#8221;</div><div class="p"> 26Yesu kawagaluo, kagamba, &#8220;Ny'kyaloi ngammbia, nyoe muingyipfula, chi kyipfa mulewona shi&#7775;iyisho-pfo, indi kyipfa mulelya mkate iya mukoigu&#7769;a. 27Mulapfu&#7775;ukane ipfula kyelya kyekyenyama&#7775;ika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe a&#7775;ingyishio nyi Ruwa kye nyi o sungusinyi.&#8221; 28Kyasia wakammbia, &#8220;Luwikye ku&#7769;a kundu lui&#7769;ime i&#7775;unda ma&#7775;unda ga Ruwa?&#8221; 29Yesu kagaluo, kawawia, &#8220;Ilyi nyilyo i&#7775;unda lya Ruwa, mumwi&#7769;ikyie ulya ale&#7769;umo nyi oe.&#8221; 30Wakammbia, &#8220;Kyasia nuiwuta kyi&#7775;ingyishio kyiha, kundu luwone lukui&#7769;ikyie? Nui&#7775;unda kyi? 31Waku wa&#7769;u walelya Manna kulya nukyenyi ngyiumu suwaa ilawo&#7769;e maa m&#7775;inga, chandu kyikyi&#7775;eie, &#8216;Nalewaenenga kyelya kya ruwewu kundu walye.&#8217; &#8221; 32Yesu kawawia, &#8220;Ny'kyaloi ngammbia, &#8216;Chi Mose alewaenenga kyelya kyilya kya ruwewu-pfo, indi Awu oko naimuenenga nyoe kyelya kya loi kyiwukyie ruwewu. 33Cha kyipfa kyelya kya Ruwa nyi kyilya kyisokyie iwuka ruwewu na ienenga wuyana moo o mlungana.&#8217; &#8221; 34Kyasia wakammbia, &#8220;Mndumii, mfiri yoose uluenengye kyelya-kyi.&#8221; 35Yesu kawawia, &#8220;Inyi nyi kyelya kya moo; ulya acha na koko echiicho njaa maa ale-pfo; na ulya angyii&#7769;ikyie echiwo&#7769;o nyi nyo&#7769;a-pfo. 36Kyaindi ngyilemmbia kye momngyiwona indi mui&#7769;ikyia-pfo. 37Walya Awu angyienenga wechicha na koko; maa kuwo&#7769;e mndu echicha na koko ngyimmbiyitse nja maa ale-pfo. 38Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyi&#7769;uma akundi. 39Na kyilya ulya alengyi&#7769;uma akundi nyi ikyi, kye kyii&#7769;i kya woose angyienengyie ngyila&#7769;etse maa umwi, indi ngyim&#7775;utse mfiri ulya o furumia. 40Cha kyipfa kyilya Awu oko akundi nyi ikyi, kye orio mndu mokusuria Mana na imwi&#7769;ikyia, nawa&#7769;e moo o mlungana; na inyi ngyechim&#7775;utsa mfiri ulya o furumia.&#8221;</div><div class="p"> 41Kyasia Wayuda wakamnunuwia, cha kyipfa nalegamba, &#8220;Inyi nyi kyelya kyilesoka iwuka ruwewu.&#8221; 42Wakagamba, &#8220;Ichu chi Yesu, mana o Yosefu, ulya luichi awuye na wamae? Wulalu naigamba ku&#7769;a, &#8216;Ngyilesoka iwuka ruwewu?&#8217;&#8221; 43Kyasia Yesu kagaluo, kawawia, &#8220;Mulanunuwiane nyoe wenyi ko wenyi. 44Kuwo&#7769;e mndu ei&#7769;ima icha na koko sile Ruwa ulya alengyi&#7769;uma amsongoya-pfo; na inyi ngyechim&#7775;utsa mfiri o furumia. 45Kyikyi&#7775;eie maloshonyi ga weonguo shisuku, &#8216;Na woose wekowamlosho nyi Ruwa.&#8217; Kyasia orio mndu aicho na ikulosha ko Awu nekyecha na koko. 46Chi kye mndu nawona Awu sile ulya awukyie ko Ruwa-pfo. Icho nyi oe alewona Awu. 47Ny'kyaloi ngammbia, &#8216;Ulya ai&#7769;ikyie nawo&#7769;e moo o mlungana.&#8217; 48Inyi nyi kyelya kya moo. 49Waku wanyu walelya Manna kulya nukyenyi ngyiumu suwaa ilawo&#7769;e maa m&#7775;inga, wakapfa. 50Indi ikyi nyi kyelya kyisokyie iwuka ruwewu, kye mndu kakyilya alapfe. 51Ikyi nyi kyelya kyiwo&#7769;e moo kyilesoka iwuka ruwewu; mndu kalya kyelya-kyo, nechiwa&#7769;a moo mlungana. Na kyelya ngyechienengyia inyi nyi mmbiu oko, kundu wuyana wuwa&#7769;e moo.&#8221;</div><div class="p"> 52Kyasia Wayuda kui nyashi walegaluana wo wenyi ko wenyi wechigamba, &#8220;Mndu-chu nei&#7769;ima ku&#7769;a iluenenga mmbiu okye luulye?&#8221; 53Naaho Yesu kawawia, &#8220;Ny'kyaloi ngammbia, mulandelye mmbiu o Mana o Adamu na inyo samu yakye, muwo&#7769;e moo mrimenyi konyu-pfo. 54Mndu alya mmbiu oko na inyo samu yako nawo&#7769;e moo o mlungana; na inyi ngyechim&#7775;utsa mfiri o furumia. 55Cha kyipfa mmbiu oko nyi kyelya kya loi, na samu yako nyi kyindo kyenyo kya loi. 56Mndu alya mmbiu oko na inyo samu yako nekyekaa kyii&#7769;i kyako na inyi ngyekyekaa kyii&#7769;i kyakye. 57Chandu Awu ai na moo alengyi&#7769;uma inyi, na inyi ngyiwo&#7769;e moo kyipfa kyakye, na wu&#7769;o taa ulya alya mmbiu oko echiwa&#7769;a moo kyipfa kyako. 58Ikyi nyikyo kyelya kyisokyie iwuka ruwewu; chi chandu waku walelya wakapfa-pfo; indi mndu alya kyelya-kyo nechiwa&#7769;a moo mlungana.&#8221; 59Mbonyi-tsi naletsionguo akyeri sinagoginyi, kyiyeri aweilosha, kulya Kaperinaumu.</div><div class="s">Mbonyi tsa Moo o Mlungana</div><div class="p"> 60Kyasia kyiyeri wandu wafoi kyii&#7769;i kya wanalosho wakye waleicho, walegamba, &#8220;Kyindo-kyi kyikyiumu; nyi wui ei&#7769;ima ikyii&#7769;ikyia?&#8221; 61Na Yesu aichi mrimenyi kokye kye wanalosho wakye walenunuwa kyipfa kya kyindo-kyo, kawawia, &#8220;Ngyesa kyindo-kyi kyimutewe iilacha ii&#7769;ikyia lyanyu? 62Kyechiwa-se ku&#7769;a kyiyeri mochiwona Mana o Adamu echi&#7769;o na ruwewu kulya-ndu awekyeri? 63Mumuyo o Ruwa nyi oe ekyeenenga wandu moo, pfinya ya mndu iwo&#7769;e kyii&#7769;a kyoose-pfo. Mbonyi-tsi ngamuongoya nyi Mumuyo, ngose&#7775;a nyi moo. 64Kyaindi kuwo&#7769;e wengyi kyii&#7769;i kyanyu walawo&#7769;e ii&#7769;ikyia.&#8221; Cha kyipfa Yesu nalemanya wookyia mawookyionyi nyi wakyi walawo&#7769;e ii&#7769;ikyia, na nyi wui echim&#7775;iinga. 65Kagamba, &#8220;Kyipfa kya ikyo ngammbia kye kuwo&#7769;e mndu ei&#7769;ima icha na koko sile Awu amwenenga wui&#7769;imi-pfo.&#8221;</div><div class="p"> 66Kyipfa kya isho wandu wafoi wanaloshonyi wakye wakawuya na numa, walaoshane na oe-se. 67Kyasia Yesu kawia walya ikumi na wawi, &#8220;Ngyesa na nyoe mukundi ilekana na inyi?&#8221; 68Simion Petiro kagaluo, kagamba, &#8220;Mndumii! Luyende ko wui? Iyoe nuwo&#7769;e ma&#7769;e&#7769;o ga moo o mlungana. 69Na soe lommba&#7769;a ii&#7769;ikyia; lyingyi-se lomanya kye iyoe nyi oe Mweele o Ruwa.&#8221; 70Yesu kawagaluo, kagamba, &#8220;Ngyesa ngyilemusambu&#7775;a nyoe ikumi na wawi kyaindi umwi onyu nyi Satana?&#8221; 71Nale&#7769;e&#7769;a mbonyi tsa Yuda, mana o Simion Isikariote; kyipfa icho nyi oe echim&#7775;iinga; na oe nyi umwi o walya ikumi na wawi.</div>
 </div>
 </div>
</div>

New Testament in Kivunjo © Bible Society of Tanzania, 1999.

Numa ya isho Yesu naleyenda molyolya o Nduwa ya Galyilaya iwekyelago Tiberia. Na kyisanzionyi kying'anyi kya wandu kyikamwosha, cha kyipfa walewona shiṟiyisho alewutia wandu waluoe. Na Yesu kaṙooya fumvunyi, kaṙamia pfo hamwi na wanalosho wakye. Na Pasaka, mfiri ung'anyi o Wayuda, uwekyeri kufuhi. Kyasia kyiyeri Yesu alewona ṟiima lying'anyi lya wandu lyechicha na kokye nalewia Filyipo, “Luguṟe kwi mkate kundu wandu-wa waiṙime ilya?” Na naleṙeṙa kuṙo kundu namyeshe; cha kyipfa naweichi kyindo echiwuta. Filyipo kamgaluo, kagamba, “Mkate ya woguru wo dinari magana gawi gewashika maa kokooya orio umwi alya kyitung'tu-pfo.” Anderea, umwi o wanalosho wakye, mono-wama o Simion Petiro, kammbia, “Iha hawoṙe mana awoṙe mkate itanu na makunga gawi, kyaindi ishi ny'kyikyi ko wandu wafoi cha iwa?” Yesu kagamba, “Wienyi wandu waṙamie.” Na handu halya hawewoṙe maṟa gafoi. Kyasia wasoṟo wakaṙamia, cha shiku shitaanu woose piu. Yesu kaira mkate iya, kaana, kagawia walya waweṙamie; kagawa na makunga galya taa chandu orio mndu alekunda. Nawo kyiyeri waleiguṙa, nalewia wanalosho wakye, “Sanienyi shifunjoe-sho shatsugaa, kyilaṙekye maa kyimwi.” Kyasia wakasania shifunjoe sha mkate iya itanu shiletsugaa wandu wamlye, wakaichuṟa mkunja ikumi na iwi. Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”
Naaho-ng'u, aichi kye wawekundi ichemmbaṙa kundu wamgaluo mangyi, nalelekana nawo, kayenda-se fumvunyi alaṙuṙanyi na mndu.


Kyiyeri kya kyukonyi wanalosho wakye wakasoka na kulya nduwenyi, wakaṙooya ngalawenyi, wakawooka iambaṙa iyenda Kaperinaumu. Napfo kuwemmbaṙa meema, kyaindi Yesu alekoamcha-pfo. Na nduwa ikawooka ifoika kyipfa mkuma ung'anyi uweikuma. Wanalosho walekowamuyenda cha mailyi tsiṟaaṟu tsiina kyiyeri walewona Yesu echumia wuye ya mṟinga na itikyira kufuhi na ngalawa iya; wakaowuo. Na oe kawawia, “Nyi inyi, mulaowuoe.” Kyasia wakamwitsa na kulya ngalawenyi; na cha ilyi ngalawa iya ikashika uruka lulya waweiyenda.

Mfiri ulya uleosha kyisanzionyi kya wandu wawegoṟokyi molyolya o nduwa walewona kye kuwewoṙe ngalawa ingyi kulya sile imwi tupu-pfo. Ngoseṟa walewona kye Yesu aleiṙa na kulya ngalawenyi hamwi na wanalosho wakye-pfo, indi wanalosho waleyenda wo wawenyi. (Kyaindi kukocha ngalawa tsingyi iwuka Tiberia mṟasa kufuhi na handu halya walekowalyiia mkate, kyiyeri Mndumii Yesu aleana). Kyasia wandu wa kyisanzionyi, kyiyeri walewona kye Yesu akyeri pfo maa wanalosho wakye-pfo, waleiṙa na ngalawenyi wo wawenyi, wakayenda Kaperinaumu wechipfula Yesu.

Na kyiyeri walemmbona molyolya o nduwa, walemmbia, “Rabi, iyoe nocha indi na iha?”
Yesu kawagaluo, kagamba, “Ny'kyaloi ngammbia, nyoe muingyipfula, chi kyipfa mulewona shiṟiyisho-pfo, indi kyipfa mulelya mkate iya mukoiguṙa. Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.” Kyasia wakammbia, “Luwikye kuṙa kundu luiṙime iṟunda maṟunda ga Ruwa?” Yesu kagaluo, kawawia, “Ilyi nyilyo iṟunda lya Ruwa, mumwiṙikyie ulya aleṙumo nyi oe.” Wakammbia, “Kyasia nuiwuta kyiṟingyishio kyiha, kundu luwone lukuiṙikyie? Nuiṟunda kyi? Waku waṙu walelya Manna kulya nukyenyi ngyiumu suwaa ilawoṙe maa mṟinga, chandu kyikyiṟeie, ‘Nalewaenenga kyelya kya ruwewu kundu walye.’ ” Yesu kawawia, “Ny'kyaloi ngammbia, ‘Chi Mose alewaenenga kyelya kyilya kya ruwewu-pfo, indi Awu oko naimuenenga nyoe kyelya kya loi kyiwukyie ruwewu. Cha kyipfa kyelya kya Ruwa nyi kyilya kyisokyie iwuka ruwewu na ienenga wuyana moo o mlungana.’ ” Kyasia wakammbia, “Mndumii, mfiri yoose uluenengye kyelya-kyi.” Yesu kawawia, “Inyi nyi kyelya kya moo; ulya acha na koko echiicho njaa maa ale-pfo; na ulya angyiiṙikyie echiwoṙo nyi nyoṙa-pfo. Kyaindi ngyilemmbia kye momngyiwona indi muiṙikyia-pfo. Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo. Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi. Na kyilya ulya alengyiṙuma akundi nyi ikyi, kye kyiiṙi kya woose angyienengyie ngyilaṙetse maa umwi, indi ngyimṟutse mfiri ulya o furumia. Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”
Kyasia Wayuda wakamnunuwia, cha kyipfa nalegamba, “Inyi nyi kyelya kyilesoka iwuka ruwewu.” Wakagamba, “Ichu chi Yesu, mana o Yosefu, ulya luichi awuye na wamae? Wulalu naigamba kuṙa, ‘Ngyilesoka iwuka ruwewu?’” Kyasia Yesu kagaluo, kawawia, “Mulanunuwiane nyoe wenyi ko wenyi. Kuwoṙe mndu eiṙima icha na koko sile Ruwa ulya alengyiṙuma amsongoya-pfo; na inyi ngyechimṟutsa mfiri o furumia. Kyikyiṟeie maloshonyi ga weonguo shisuku, ‘Na woose wekowamlosho nyi Ruwa.’ Kyasia orio mndu aicho na ikulosha ko Awu nekyecha na koko. Chi kye mndu nawona Awu sile ulya awukyie ko Ruwa-pfo. Icho nyi oe alewona Awu. Ny'kyaloi ngammbia, ‘Ulya aiṙikyie nawoṙe moo o mlungana.’ Inyi nyi kyelya kya moo. Waku wanyu walelya Manna kulya nukyenyi ngyiumu suwaa ilawoṙe maa mṟinga, wakapfa. Indi ikyi nyi kyelya kyisokyie iwuka ruwewu, kye mndu kakyilya alapfe. Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”
Kyasia Wayuda kui nyashi walegaluana wo wenyi ko wenyi wechigamba, “Mndu-chu neiṙima kuṙa iluenenga mmbiu okye luulye?” Naaho Yesu kawawia, “Ny'kyaloi ngammbia, mulandelye mmbiu o Mana o Adamu na inyo samu yakye, muwoṙe moo mrimenyi konyu-pfo. Mndu alya mmbiu oko na inyo samu yako nawoṙe moo o mlungana; na inyi ngyechimṟutsa mfiri o furumia. Cha kyipfa mmbiu oko nyi kyelya kya loi, na samu yako nyi kyindo kyenyo kya loi. Mndu alya mmbiu oko na inyo samu yako nekyekaa kyiiṙi kyako na inyi ngyekyekaa kyiiṙi kyakye. Chandu Awu ai na moo alengyiṙuma inyi, na inyi ngyiwoṙe moo kyipfa kyakye, na wuṙo taa ulya alya mmbiu oko echiwaṙa moo kyipfa kyako. Ikyi nyikyo kyelya kyisokyie iwuka ruwewu; chi chandu waku walelya wakapfa-pfo; indi mndu alya kyelya-kyo nechiwaṙa moo mlungana.” Mbonyi-tsi naletsionguo akyeri sinagoginyi, kyiyeri aweilosha, kulya Kaperinaumu.

Kyasia kyiyeri wandu wafoi kyiiṙi kya wanalosho wakye waleicho, walegamba, “Kyindo-kyi kyikyiumu; nyi wui eiṙima ikyiiṙikyia?” Na Yesu aichi mrimenyi kokye kye wanalosho wakye walenunuwa kyipfa kya kyindo-kyo, kawawia, “Ngyesa kyindo-kyi kyimutewe iilacha iiṙikyia lyanyu? Kyechiwa-se kuṙa kyiyeri mochiwona Mana o Adamu echiṙo na ruwewu kulya-ndu awekyeri? Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo. Kyaindi kuwoṙe wengyi kyiiṙi kyanyu walawoṙe iiṙikyia.” Cha kyipfa Yesu nalemanya wookyia mawookyionyi nyi wakyi walawoṙe iiṙikyia, na nyi wui echimṟiinga. Kagamba, “Kyipfa kya ikyo ngammbia kye kuwoṙe mndu eiṙima icha na koko sile Awu amwenenga wuiṙimi-pfo.”
Kyipfa kya isho wandu wafoi wanaloshonyi wakye wakawuya na numa, walaoshane na oe-se. Kyasia Yesu kawia walya ikumi na wawi, “Ngyesa na nyoe mukundi ilekana na inyi?” Simion Petiro kagaluo, kagamba, “Mndumii! Luyende ko wui? Iyoe nuwoṙe maṙeṙo ga moo o mlungana. Na soe lommbaṙa iiṙikyia; lyingyi-se lomanya kye iyoe nyi oe Mweele o Ruwa.” Yesu kawagaluo, kagamba, “Ngyesa ngyilemusambuṟa nyoe ikumi na wawi kyaindi umwi onyu nyi Satana?” Naleṙeṙa mbonyi tsa Yuda, mana o Simion Isikariote; kyipfa icho nyi oe echimṟiinga; na oe nyi umwi o walya ikumi na wawi.

Сонсох Yohane 6