If you have would like a copy of this version please contact info@davarpartners.org

Lango Old Testament

<div class="version vid1974 iso6393laj" data-vid="1974" data-iso6393="laj">
 <div class="book bkGEN">
 <div class="chapter ch44" data-usfm="GEN.44">
 <div class="label">44</div><div class="s1">Ikopo ame orwenyo</div><div class="p"> 1Yucepu ociko akan jami me ot ni, &#8220;Pik cam adwo&#331;, po&#331; icao a jonnono, ame gin twero yeyo; dok da&#331; ket lim a &#331;at acel acel i dog icao mere. 2Ket da&#331; ikopona me ryal i dog icao awobi atidi, karacel i limmere me wilo kal.&#8221; En otio kit ame Yucepu okobbe kede. 3Odiko ame piny do&#331; oru oko, olwoko jonnono owoto i kanegi. 4Kare ame gin do&#331; oya i boma cite mom ru owoto abor wok, Yucepu okobbi akan jami mere ni, &#8220;Lub do&#331; yo jo-nu, ka imakogi, kobbigi ni, &#8216;Pi&#331;o kara iculo wunu gin aber kede gin arac? Pi&#331;o ikwalo wunu ikopo ryalla oko? 5Mannono mom en ikopo ame rwotta tio kede me mat? Ikopo tyettere da&#331; mom ennono? I timo wunu rac me timo wunu gin acalo man.&#8217; &#8221;</div><div class="p"> 6Kare ame omakogi iyo, okobbigi koppono. 7Gin ogamo doge ni, &#8220;&#330;o omio adwonwa okobo kodi kop man? Wan omironi pe otwero timo tim acalo man! 8Ko&#331; inen lim ame rik wan onwo&#331;o i dog icaowa, rik obin odwogo ba&#331;i i Kanaan twal; wan dok otwero kwalo ryal onyo jabu i ot adwo&#331;&#331;i ni&#331;o? 9Adwo&#331;, ka ce ibino nwo&#331;o tye ba&#331; amironi moro iyi akinawa kan, myero en to, dok wan da&#331; obino bedo opiini.&#8221; 10En ogamo ni, &#8220;Wek wunu ko&#331; do&#331; bed kit ame ikobo wunu-nono: &#331;at ame abino nwo&#331;o ba&#331;e, en bino bedo opiina, ento jo ocele balloro gire bino bedo mom i wigi.&#8221; 11Oyotoyot &#331;at acel acel te ru cibo cao mere piny, te da&#331; ru yabo doge. 12En te cako yenyo ikopo kun cako i kom awobi adwo&#331; dwogo kede piny naka i kom awobi atidi, cite te nwo&#331;o ikopo i dog icao a Benjamin, 13Gin te yeyeco bo&#331;nigi, ote tweyo yecgi i &#331;e kanegi, ote dok cen i boma.</div><div class="p"> 14Ka Juda kede omego mere odok cen i ot a Yucepu, gin o&#331;uke kuno, ote ony ducu ryebere i nyime. 15Yucepu te kobbigi ni, &#8220;Pi&#331;o kara itimo wunu kodi tim acalo man? Mom i&#331;eo wunu ni dano acalo an-ni &#331;eo tyet?&#8221; 16Juda te gamo ni, &#8220;Amaa, adwo&#331;, kara wan otwero dok kobbi &#331;o ba? Gin a&#331;o ame dok otwero kobo? Otwero kwanyo kop i komwa ni&#331;o? Amaa adwo&#331;wa, Oba&#331;a gire do&#331; otyeko nwo&#331;o bal oko i komwa wan omironi, wan lu&#331; do&#331; opiini karacel i &#331;at ame onwo&#331;o ikopo iyi icao mere.&#8221; 17Cite Yucepu te gamo ni, &#8220;An gira mom atwero timo amannono kadi acel! &#330;at ame onwo&#331;o ikopo ba&#331;e, en ame bino bedo opiina, ento wun giwu wot ba&#331; papawu i kuc.&#8221;</div><div class="s1">Juda opido pi Benjamin</div><div class="p"> 18Juda owoto ba&#331; Yucepu te kobbe ni, &#8220;Adwo&#331;, tim ber iye an amironi akob kedi kopporo anonok, cunyi kur wa&#331; i koma an amironi atek ateka, pien yin i cal i Parao ikome. 19Adwo&#331;&#331;a rik obin openyowa ni, &#8216;Papawu tye, onyo ominwu?&#8217; 20Wan ote gamo dogi ni, &#8216;Papawa tye do&#331; oti oko, ominwa da&#331; tye obedo atinnere me cogo, ame en onywalo i tio mere; ominnere me toto yam oto oko, en do&#331; odo&#331; kene, dok pappere mare.&#8217; 21Rik yin ite kobbiwa ni, &#8216;Wot ikele wunu ba&#331;a me anene.&#8217; 22Cite wan ote kobbi ni, &#8216;Awobi atidi ca mom twero ya i &#331;et pappere, ka opokere i pappere, pappere to oko.&#8217; 23Ento yin rik ite kobbiwa ni, &#8216;Ka ce ominwu atidi mom obino kan karacel kedwu, mom dok ibino neno wunu wa&#331;a.&#8217; 24Kare ame wan odok paco ba&#331; papawa ame en amironi, wan otitte kop ame yin ikobo, adwo&#331;. 25Kare ame papawa okobbiwa ni, &#8216;Wot dok iwilla wunu cam aduno&#8217;, 26wan okobbe ni, &#8216;Wan giwa mom odok. Ka iye ominwa atidi owoto karacel kedwa, wan obino dok pien mom obino neno wan dano ca ka ominwa atidi mom tye i akinawa.&#8217; 27Amironi papawa te kobbiwa ni, &#8216;Wun i&#331;eo wunu ni dakona onywalo itino awobe aryo; 28acel oto oko, an yam do&#331; akobo ni, Ateteni lee tim yam do&#331; okikilo gire oko, mom dok abino nene atwal. 29Ka dok ikwanyo wunu man oko i ba&#331;a, eka ginnoro arac te timere i kome, ibino tero wunu lwar wia i lyel i twon cannoro a mom kobere.&#8217; 30Kwo mere ocu&#331; i kom atin awobi-ni, do&#331; ka ce abino dok ba&#331; amironi pappa abo&#331;o atin awobi-ni i akinawa, 31ka bino neno ni en mom tye i akinawa, en bino to oko, wan obino tero lwar wi papawa i lyel i twon cannoro a mom kobere. 32An rik ate miye ba&#331; pappa me gwoko atin man, kun akobbe ni, &#8216;Ka ce an mom abino dwoggo en ba&#331;i, ballere bino bedo i wia i nyim pappa pi kare me kwona lu&#331;.&#8217; 33Adwo&#331;, man en gin omio akwai, tim ber iye an amironi ado&#331; kaka awobi man, me an abed opiini; me atin man luny dok paco karacel kede omego mere. 34Pien atwero dok ba&#331; pappa paco ni&#331;o ka atin awobi-ni mom tye?&#8221;</div>
 </div>
 </div>
</div>

Lango Bible © United Bible Societies, 1978, 2019.

Yucepu ociko akan jami me ot ni, “Pik cam adwoŋ, poŋ icao a jonnono, ame gin twero yeyo; dok daŋ ket lim a ŋat acel acel i dog icao mere. Ket daŋ ikopona me ryal i dog icao awobi atidi, karacel i limmere me wilo kal.” En otio kit ame Yucepu okobbe kede. Odiko ame piny doŋ oru oko, olwoko jonnono owoto i kanegi. Kare ame gin doŋ oya i boma cite mom ru owoto abor wok, Yucepu okobbi akan jami mere ni, “Lub doŋ yo jo-nu, ka imakogi, kobbigi ni, ‘Piŋo kara iculo wunu gin aber kede gin arac? Piŋo ikwalo wunu ikopo ryalla oko? Mannono mom en ikopo ame rwotta tio kede me mat? Ikopo tyettere daŋ mom ennono? I timo wunu rac me timo wunu gin acalo man.’ ”
Kare ame omakogi iyo, okobbigi koppono. Gin ogamo doge ni, “Ŋo omio adwonwa okobo kodi kop man? Wan omironi pe otwero timo tim acalo man! Koŋ inen lim ame rik wan onwoŋo i dog icaowa, rik obin odwogo baŋi i Kanaan twal; wan dok otwero kwalo ryal onyo jabu i ot adwoŋŋi niŋo? Adwoŋ, ka ce ibino nwoŋo tye baŋ amironi moro iyi akinawa kan, myero en to, dok wan daŋ obino bedo opiini.” En ogamo ni, “Wek wunu koŋ doŋ bed kit ame ikobo wunu-nono: ŋat ame abino nwoŋo baŋe, en bino bedo opiina, ento jo ocele balloro gire bino bedo mom i wigi.” Oyotoyot ŋat acel acel te ru cibo cao mere piny, te daŋ ru yabo doge. En te cako yenyo ikopo kun cako i kom awobi adwoŋ dwogo kede piny naka i kom awobi atidi, cite te nwoŋo ikopo i dog icao a Benjamin, Gin te yeyeco boŋnigi, ote tweyo yecgi i ŋe kanegi, ote dok cen i boma.
Ka Juda kede omego mere odok cen i ot a Yucepu, gin oŋuke kuno, ote ony ducu ryebere i nyime. Yucepu te kobbigi ni, “Piŋo kara itimo wunu kodi tim acalo man? Mom iŋeo wunu ni dano acalo an-ni ŋeo tyet?” Juda te gamo ni, “Amaa, adwoŋ, kara wan otwero dok kobbi ŋo ba? Gin aŋo ame dok otwero kobo? Otwero kwanyo kop i komwa niŋo? Amaa adwoŋwa, Obaŋa gire doŋ otyeko nwoŋo bal oko i komwa wan omironi, wan luŋ doŋ opiini karacel i ŋat ame onwoŋo ikopo iyi icao mere.” Cite Yucepu te gamo ni, “An gira mom atwero timo amannono kadi acel! Ŋat ame onwoŋo ikopo baŋe, en ame bino bedo opiina, ento wun giwu wot baŋ papawu i kuc.”

Juda owoto baŋ Yucepu te kobbe ni, “Adwoŋ, tim ber iye an amironi akob kedi kopporo anonok, cunyi kur waŋ i koma an amironi atek ateka, pien yin i cal i Parao ikome. Adwoŋŋa rik obin openyowa ni, ‘Papawu tye, onyo ominwu?’ Wan ote gamo dogi ni, ‘Papawa tye doŋ oti oko, ominwa daŋ tye obedo atinnere me cogo, ame en onywalo i tio mere; ominnere me toto yam oto oko, en doŋ odoŋ kene, dok pappere mare.’ Rik yin ite kobbiwa ni, ‘Wot ikele wunu baŋa me anene.’ Cite wan ote kobbi ni, ‘Awobi atidi ca mom twero ya i ŋet pappere, ka opokere i pappere, pappere to oko.’ Ento yin rik ite kobbiwa ni, ‘Ka ce ominwu atidi mom obino kan karacel kedwu, mom dok ibino neno wunu waŋa.’ Kare ame wan odok paco baŋ papawa ame en amironi, wan otitte kop ame yin ikobo, adwoŋ. Kare ame papawa okobbiwa ni, ‘Wot dok iwilla wunu cam aduno’, wan okobbe ni, ‘Wan giwa mom odok. Ka iye ominwa atidi owoto karacel kedwa, wan obino dok pien mom obino neno wan dano ca ka ominwa atidi mom tye i akinawa.’ Amironi papawa te kobbiwa ni, ‘Wun iŋeo wunu ni dakona onywalo itino awobe aryo; acel oto oko, an yam doŋ akobo ni, Ateteni lee tim yam doŋ okikilo gire oko, mom dok abino nene atwal. Ka dok ikwanyo wunu man oko i baŋa, eka ginnoro arac te timere i kome, ibino tero wunu lwar wia i lyel i twon cannoro a mom kobere.’ Kwo mere ocuŋ i kom atin awobi-ni, doŋ ka ce abino dok baŋ amironi pappa aboŋo atin awobi-ni i akinawa, ka bino neno ni en mom tye i akinawa, en bino to oko, wan obino tero lwar wi papawa i lyel i twon cannoro a mom kobere. An rik ate miye baŋ pappa me gwoko atin man, kun akobbe ni, ‘Ka ce an mom abino dwoggo en baŋi, ballere bino bedo i wia i nyim pappa pi kare me kwona luŋ.’ Adwoŋ, man en gin omio akwai, tim ber iye an amironi adoŋ kaka awobi man, me an abed opiini; me atin man luny dok paco karacel kede omego mere. Pien atwero dok baŋ pappa paco niŋo ka atin awobi-ni mom tye?”

г сонсох Agege 44