<div class="version vid2622 iso6393oku" data-vid="2622" data-iso6393="oku">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt1"><span class="content">Se K&#603;&#603;te</span></div><div class="im"><span class="content">  </span><span class="bk"><span class="content">Sakgh&#603; &#399;bju&#331; ka Joon ne&#768; Nyakene</span></span><span class="content"> dine Jesus ka Gi&#603; &#601; Feyin, y&#603; &#603;y ne&#768; li&#603;n &#601;bghune wel e&#768; se chii &#603; gh&#603;sene m&#601;m (1.14) &#330;waale yine dine ge &#603;&#769; ne&#768; nyak sakgh&#603; vin se n&#603;&#603;y ge ghel gh&#603; &#603;&#769; ja&#331;en &#601;bghen beeme ge Jesus lu Mboyse y&#603; Feyine ne&#768; kaken, n&#603; lu wa&#769;n &#601; Feyin gese lu k&#603;n naa Feyin se wene nge&#331;, gese n&#603;&#768; ge lu k&#603;n &#603;ytem y&#603; ghene foon se wen w&#603; lo&#768;o&#769; ghene na&#769;a&#768; kiile &#603;ychii y&#603; &#603;y jia yi&#770; m&#603;y (20.31).</span></div><div class="ip"><span class="content">Ken&#601;&#601; k&#603; Joon dinen &#603; &#331;waale f&#603;n &#603; shii lu fom&#603; &#603;ychii y&#603; &#603;y jia yi&#770; m&#603;y y&#603; Jesus Christ foon se ghel gh&#603; &#603;&#769; beemen ge Jesus lu jii, lu &#601;bluuy gese lu &#603;ychii. &#330;waale Joon yine dine chia &#331;waale selee jii y&#603; Jesuse li&#603;n &#601;bfua w&#603;&#770; nch&#603;ke nch&#603;ke ka moo, keban, &#603;yban, nchiy &#601; bv&#601;yse ghene bv&#601;yse wene, gese n&#603;&#768; fekak ghene &#601;mtame ten se y&#603; dinte &#601;bn&#601;&#601; w&#603; kum Feyin so.</span></div><div class="iot"><span class="content">&#399;bn&#601;&#601; w&#603; &#601;b luun &#603; &#331;waale f&#603;n</span></div><div class="io1"><span class="content">Kesu&#331;nene kenk&#603;&#603;te 1.1-18</span></div><div class="io1"><span class="content">Joon nfoo moo n&#603;&#768; ghon &#603;yf&#603;l n&#601; Jesuse gh&#603;&#769; mbiye 1.19-51</span></div><div class="io1"><span class="content">&#400;yf&#603;le Jesus 2.1&#8211;12.50</span></div><div class="io1"><span class="content">&#399;bchii &#601; Jesus w&#603;&#770; kenl&#601;ysene &#603; Jolesalem 13.1&#8211;19.42</span></div><div class="io1"><span class="content">Jesus loole se &#603;ykuo e&#768; din nge&#331; &#601; wen 20.1-31</span></div><div class="io1"><span class="content">Kesu&#331;nene kenl&#601;ysen: Jesus din nge&#331; &#601; wen &#603; Galilee 21.1-25.</span></div>
      </div>
   </div>
</div>

Se Kɛɛte
Sakghɛ Əbjuŋ ka Joon nè Nyakene dine Jesus ka Giɛ ə Feyin, yɛ ɛy nè liɛn əbghune wel è se chii ɛ ghɛsene məm (1.14) Ŋwaale yine dine ge ɛ́ nè nyak sakghɛ vin se nɛɛy ge ghel ghɛ ɛ́ jaŋen əbghen beeme ge Jesus lu Mboyse yɛ Feyine nè kaken, nɛ lu wán ə Feyin gese lu kɛn naa Feyin se wene ngeŋ, gese nɛ̀ ge lu kɛn ɛytem yɛ ghene foon se wen wɛ lòó ghene náà kiile ɛychii yɛ ɛy jia yî mɛy (20.31).
Kenəə kɛ Joon dinen ɛ ŋwaale fɛn ɛ shii lu fomɛ ɛychii yɛ ɛy jia yî mɛy yɛ Jesus Christ foon se ghel ghɛ ɛ́ beemen ge Jesus lu jii, lu əbluuy gese lu ɛychii. Ŋwaale Joon yine dine chia ŋwaale selee jii yɛ Jesuse liɛn əbfua wɛ̂ nchɛke nchɛke ka moo, keban, ɛyban, nchiy ə bvəyse ghene bvəyse wene, gese nɛ̀ fekak ghene əmtame ten se yɛ dinte əbnəə wɛ kum Feyin so.
Əbnəə wɛ əb luun ɛ ŋwaale fɛn
Kesuŋnene kenkɛɛte 1.1-18
Joon nfoo moo nɛ̀ ghon ɛyfɛl nə Jesuse ghɛ́ mbiye 1.19-51
Ɛyfɛle Jesus 2.1–12.50
Əbchii ə Jesus wɛ̂ kenləysene ɛ Jolesalem 13.1–19.42
Jesus loole se ɛykuo è din ngeŋ ə wen 20.1-31
Kesuŋnene kenləysen: Jesus din ngeŋ ə wen ɛ Galilee 21.1-25.

Сонсох Jn Se Kɛɛte