Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s">Sik ngay Mangena Tagufud Isus</div><div class="p"> 1Ay bandi tv Isus nalo nadaddalanan sa sangay fulan daul ay sa sangay fulan sirut, laman nanfoyung at Masine fag Barita sa baliwa Diyus nu gmagurang taw. Ay at Nasugu fag Labi Duwa wan tagufud anya. 2Ay anggan sik ngay mangena gufud yangay anya. Ka fag ngay mangena ebi at ke mafurat fag falad ay at kinfiya siginans daylan. At sadi sanya, Maria sik taw Magdala. Ebi fituk mafurat fag falad nalfas siginan anya. 3Ay at sadi Uana, Kusa mangena. Kusa fun Erudes at fanuguwan at sadi. Ay at sadi Susana, ay e tiba yayk mangena at nafabili at ngay nanuranan laman fanfon Isus at nayudanan ay anggan at ngay ufud.</div><div class="s">Isus At Fafaskudanan sa sik Tagfangukasan Fare</div><div class="r">(Mat. 13:1-9; Mar. 4:1-9)</div><div class="p"> 4Ay sik ngay taw ayuwayu siginan sangay fulan indasug sas Isus. Ay Isus nafoyung sik fafaskudanan te:</div><div class="p"> 5&#8220;Ebi e sik taw nu gtanum fare gfangukasan. Ay nu gfangukasan wan, at tiba ntong sa sangaba day dalan, ay sik ngay manuk tungud indasug ay nasinduk wan. 6Ay at tiba ntong sas wa batu, ay nu natugbung wan, inyango wa gugat, anway matat way sanya. 7Ay at tiba ntong sas wa madugi. Ay at madugi ndaul yangay ay nafaut at ngay fare. 8Ay at tiba ntong sat masine fag daga, ay natugbung ay nabuwadan, ay at buwadan mabaybay ayu daw.&#8221; Ay nu ntabu wan at fafaskudanan, kanya nauro te, &#8220;Nu nadungug tuwam amatangani tuwa!&#8221;</div><div class="s">Taw ro Isus at Fagfafaskudanun nu Gfoyung?</div><div class="r">(Mat. 13:10-17; Mar. 4:10-12)</div><div class="p"> 9Ay Isus at ngay tagadal nainto anya te, &#8220;Taw kanya am fafaskudanan at masuwad?&#8221; 10Ay Isus nabalus te, &#8220;Sa ayu nafon tuwa ay fagmaasafulun te, laman sumaful tuwam at masuksukan sa baliwas Diyus nu gmagurang taw. Ay sa tibak taw fafaskudanan wadi, laman kanya fag ngay taw dewa glinggat, wa glag, ay dewa gdungug, wa gsaful.&#8221;</div><div class="s">Isus Nafoyung at Fafaskudanan at Masuwad</div><div class="r">(Mat. 13:18-23; Mar. 4:13-20)</div><div class="p"> 11Katatuy ku fafaskudanan at masuwad. &#8220;Ka fag fare kata wa Diyus at longan. 12At kintong sa sangaba day dalan, kanya kata sik taw at nadungugan Diyus at longan. Ay rodi Satanas indasug ay nabul Diyus at longan siginan ka fag taw at amatanganan, laman kanya wa gafanud ay wa mbalabag. 13Ay at kintong sas wa batu, kanya kata sik taw taguseganan ay mafali gafanud kaduge gdungugan Diyus at longan. Ay katanya wayay, ya ntvngvd at amatanganan. Ay wa glugo nu gafanud, ay nu e gfaskud wa anya, at nadungug nalyam wan. 14Ay at kintong sas wa makmak madugi kata sik ngay taw gdungugan Diyus at longan. Ay roro matvngvd wayay ka fag ngay taw at fagafanawaun ste swa daga. Ay at fagamatanganun sa way at fagmabalanun. Nu katanya, we buwadan. 15Ay at tibak fare at kintong sat masine fag daga, kanya kata yangay Diyus at longan sa sik taw at nadungugan. Ay kanya gafanud tuwa ay gfaning tuwa Diyus at longan anway masine ay matuyan at amatanganan. Ay kanya nasungatan tuwa anggan inke buwadan.&#8221;</div><div class="s">Isus At Fafaskudanan sa sik Salung at Masukluban</div><div class="r">(Mar. 4:21-25)</div><div class="p"> 16&#8220;Sik taw nu nasulsul at salung, wa gsuklub, ay ate wa gfasat daga fagtiyugan. Sik taw nu nasulsul at salung gfatsa tuwas fagfatungkudan, laman tagsakbo glag tuwa. 17Katanya tuway, we masuksukan at yud umsure ban.</div><div class="p"> 18&#8220;Nu katanya, dungugani tuwa fiya fiya, anway sik taw nu gfaning tuwa sat matuyan, e famut yay ban sa anya. Ay sik taw at yud gfaning sat matuyan, e mul wa ban siginan anya, nus nga setaw sirut at nasaful.&#8221;</div><div class="s">Isus At Tina ay At ngay Fadugsay</div><div class="r">(Mat. 12:46-50; Mar. 3:31-35)</div><div class="p"> 19Ay rodi Isus at tina ay at ngay fadugsay indasug, ay roro at kayuwan at taw sanya wa maakbang sas Isus. 20Ay e nafoyung sas Isus te, &#8220;Am mina ay am ngay fadugsay snays day bale galagun emu.&#8221; 21Ay Isus nalong sa tiba te, &#8220;Nus nga sinu tagdungugan ay tagfaning Diyus at longan, kanya wan ku mina ay ku ngay fadugsay.&#8221;</div><div class="s">Isus Nafasiwang sik Bagyu</div><div class="r">(Mat. 8:23-27; Mar. 4:35-41)</div><div class="p"> 22Sik menit, Isus nasakay wa sa sik balutu gfaygaluwan at ngay tagadal, ay nalong te, &#8220;Bastam, suma watams dife lino.&#8221; 23Ay kaduge gsakay, Isus gtiyug. Ay rodi ndasug sik bagyu, ay arvs at safa gakapnuun sasad balutu ay gakalubgubun. 24Ay at ngay tagadal inkakbang sas Isus ay gfulo anya te, &#8220;Em Fun, em Fun! Afuloi wan. Umkafuy wa ro tam!&#8221; Ay rodi Isus infulo. Ay igsalag at tagmara ay anggan at tagbiya fag lumbak. Ay rodi tv, intuwas wan ay insiwang wan. 25Ay Isus nalong sat ngay tagadal te, &#8220;Dada wan ay fagafanudun?&#8221; Ay at ngay tagadal inlimu ay nadulawan. Ay igsulitanan te, &#8220;Sinu tuy fag taw dewa at tagmara ay at lumbak gfaning tuwa at longan?&#8221;</div><div class="s">Isus Nafafiya sik Ama at ke ngay Mafurat fag Falad</div><div class="r">(Mat. 8:28-34; Mar. 5:1-20)</div><div class="p"> 26Ay Isus ay at ngay tagadal gsakay yay gugat sis balutu anggan indasug sas dife lino sas taw Gerasa at talun. Sanya fag talun gfadiddifean Galiliya. 27Ay Isus nu nalfas wa siginans sad balutu, e nafablang anya sik ama at ke ngay mafurat fag falad siginans sad fulan. Ebi ataw kanya fag ama gbanwan tuwa si sik bale sad fulan. Ay katsi at fagbanwanan sa way sangay faglibingan fag luwib. Ay glugo wan nu glanuwanan. 28Ka fag ama nu nalag Isus, nauro ay inlub sas Isus akbang. Ay gbiya nu gelongan te, &#8220;Isus, Tiba Tungud fag Diyus at Baguwama. Taw ro am fagstiyeun sa angku? Lag long nangus gfauri angku!&#8221; 29At fagnalongun katanya, anway aro ataw Isus nalong wa sa ka fag mafurat fag falad, laman gubun ka fag ama. Ebi ngayu ginan wan ka fag mafurat fag falad nu gmagurang sanya fag ama. Ay dewa tibak taw nasiyuk at take ay darafa kadina ay e gulit anya, mafafalifung way. Ay ka fag mafurat fag falad nataban wa ka fag ama sas talun at yud e taw. 30Ay Isus ginto sa ka fag ama te, &#8220;Sinu am ngayan?&#8221; Ay kanya nabalus Isus te, &#8220;Ku ngayan Ngayu.&#8221; At fagnalongun katanya, anway ngayu at mafurat fag falad tagsi anya. 31Ay kanya matvngvd nu glong sas Isus te, &#8220;Lag gfafoli emi sa ka fag tabyu at yud e bangsi.&#8221;</div><div class="p"> 32Ay roro sanya sik ngay butan gfangudkudan si sangaba tubi. Ay matvngvd ka fag ngay mafurat fag falad nu glong sas Isus te, &#8220;Gfatsai way emi sa sangay butan.&#8221; Ay Isus nafaning wa fiya. 33Ay ka fag ngay mafurat fag falad nalfas wa fiya siginan ka fag ama, ay naalin wa fiya sa sangay butan. Ay rodi tv ka fag ngay butan fagayu nafangtosan way sigad sad abat. Ay fagayu inkafuy wa sasad lino.</div><div class="p"> 34Ay at ngay tagtanud butan nu nalag at kin-gurungan sanya, nafantarungan sas fulan ay sa sangay fulan sirut laman nanfamansulit at nalag. 35Ay nu katanya, ngayuk taw nalo sanya laman nanlag te, taw at kin-gurungan. Ay nu nkakbang wa sas Isus, nalag aro fag ama at ke ngay mafurat fag falad nu malunggung sis Isus day darafa, ay gbalukasan tuwa, ay masine wan at amatanganan. Ay ka fag ngay taw kalimu yay daw glag anya. 36Ay ka fag ngay ama at nalag nafamansulit sa tibak taw te, katanya nu gfafiya sanya fag ama at ke ngay mafurat fag falad. 37Ay fagayu taw siginans fulan Gerasa ay siginans tagsafungan fag ngay talun at ngay taw matvngvd nu gayan Isus te, &#8220;Loi wan, anway kalimu ami dawdaw.&#8221; Ay nu katanya, Isus nasakay wa sa sik balutu laman guli wan. 38Ay rodi tv aro fag ama at ke ngay mafurat fag falad, matvngvd nu get sas Isus te, &#8220;Galo kwa emu.&#8221; Ay roro Isus wa kaumsig, nalong way te, 39&#8220;Ulii wa sam bale, ay famansuliti sa am iba Diyus at nafagbulun sa emu.&#8221; Ay ka fag ama nalo wan. Ay nafamansulit wa fiya sas fagdaul fulan aro Isus at nafagbulun sa anya.</div><div class="s">Isus Nafafiya sik Mangena ay Nafaleleg sik Baguyna at Matean</div><div class="r">(Mat. 9:18-26; Mar. 5:21-43)</div><div class="p"> 40Ay Isus nu noli wan, at ngay taw nafablang anya, anway kanya fagayu gfanya dawdaw anya. 41Ay sik ama at ngayan Ayru nkakbang sas Isus. Ka fag ama sik tagmagurang sa sangay taw Udyu at bale fakafulan. Ay kanya nlub sas Isus akbang ay igseg. Ay matvngvd nu glong sas Isus te, &#8220;Sai yap ku bale. 42Anway ku baguyna sadi way, ay at banwa 12, ay kanya gakateun wan.&#8221; Ay Isus kaduge glo sas Ayru at bale ngayu way ngap at taw, arvs Isus kagit wan. 43Ay sanya e sik mangena, 12k banwa yud batang katuwas nu gfangigusan. Ay we taw at mafafiya anya. 44Ay kanya gin-gitan wa nalo sa tiba buknga anggan inkakbang sas Isus day guyuy. Ay kanya nated Isus at baringbingan balukas. Ay rodi tv, intuwas wan nu gfangigusan. 45Ay rodi Isus ginto te, &#8220;Sinu at nated angku?&#8221; Ay fagayu taw nafamayud. Ay Pedru nalong sas Isus te, &#8220;Em Fun, tuy wa fag ngay taw ayuwayu tagtudtuludan ay taggit emu.&#8221; 46Ay Isus nalong te, &#8220;E nated wa fiya angku, anway namatang aw ku fagmadaragangun nu nalfas siginan angku.&#8221; 47Ay ka fag mangena nu nasaful te, we kasuksuk, kanya kudkulugan inkakbang sas Isus ay inlub sas Isus akbang. Ay gina sis wa taw, nafoyung at fasadan at fagnatedun Isus, ay anggan at faginfiyaun mafali. 48Ay Isus nalong anya te, &#8220;Sena, am fagafanudun at nafafiya emu. Loi wa manabayan.&#8221;</div><div class="p"> 49Ay kaduge Isus gelongan, sik ama ndasug siginans Ayru bale ay nafoyung Ayru te, &#8220;Inkate wan am baguyna. Lag gfasalag tam takamoyung.&#8221; 50Ay Isus nu nadungug, nalong te, &#8220;Ayru, lag gafanawa. Afanudi wadi ay umleleg yay ro.&#8221; 51Ay Isus nu ndasug sas Ayru bale, we tibak taw at nafasakbo sasad bale, dasday Pedru, ay Uan, ay Santiagu, ay anggan ka fag baguyna at tama ay at tina. 52Ay ngay taw sanya guyway dawdaw anway inkate wan ka fag baguyna. Ay nu katanya, Isus nalong te, &#8220;Lag am guyway, kanya di nkate, gtiyug way.&#8221; 53Ay ka fag ngay taw nafangasean gafayudun sas Isus anway nasaful te, inkate wan. 54Ay Isus nated ka fag baguyna at daluwap, ay nalong te, &#8220;Nining, alunggungi.&#8221; 55Ay ka fag baguyna at engasan gdog yay infoli sa anya ay inlunggung wa daw. Ay Isus nasugu te, &#8220;Fafangoni anya.&#8221; 56Ka fag baguyna at magurang nadulawan dawdaw. Ay Isus nasalag te, &#8220;Lag am gfoyung sa tibak taw aro at kin-gurungan.&#8221;</div>
 </div>
 </div>
</div>

Ay bandi tv Isus nalo nadaddalanan sa sangay fulan daul ay sa sangay fulan sirut, laman nanfoyung at Masine fag Barita sa baliwa Diyus nu gmagurang taw. Ay at Nasugu fag Labi Duwa wan tagufud anya. Ay anggan sik ngay mangena gufud yangay anya. Ka fag ngay mangena ebi at ke mafurat fag falad ay at kinfiya siginans daylan. At sadi sanya, Maria sik taw Magdala. Ebi fituk mafurat fag falad nalfas siginan anya. Ay at sadi Uana, Kusa mangena. Kusa fun Erudes at fanuguwan at sadi. Ay at sadi Susana, ay e tiba yayk mangena at nafabili at ngay nanuranan laman fanfon Isus at nayudanan ay anggan at ngay ufud.


Ay sik ngay taw ayuwayu siginan sangay fulan indasug sas Isus. Ay Isus nafoyung sik fafaskudanan te:
“Ebi e sik taw nu gtanum fare gfangukasan. Ay nu gfangukasan wan, at tiba ntong sa sangaba day dalan, ay sik ngay manuk tungud indasug ay nasinduk wan. Ay at tiba ntong sas wa batu, ay nu natugbung wan, inyango wa gugat, anway matat way sanya. Ay at tiba ntong sas wa madugi. Ay at madugi ndaul yangay ay nafaut at ngay fare. Ay at tiba ntong sat masine fag daga, ay natugbung ay nabuwadan, ay at buwadan mabaybay ayu daw.” Ay nu ntabu wan at fafaskudanan, kanya nauro te, “Nu nadungug tuwam amatangani tuwa!”


Ay Isus at ngay tagadal nainto anya te, “Taw kanya am fafaskudanan at masuwad?” Ay Isus nabalus te, “Sa ayu nafon tuwa ay fagmaasafulun te, laman sumaful tuwam at masuksukan sa baliwas Diyus nu gmagurang taw. Ay sa tibak taw fafaskudanan wadi, laman kanya fag ngay taw dewa glinggat, wa glag, ay dewa gdungug, wa gsaful.”


Katatuy ku fafaskudanan at masuwad. “Ka fag fare kata wa Diyus at longan. At kintong sa sangaba day dalan, kanya kata sik taw at nadungugan Diyus at longan. Ay rodi Satanas indasug ay nabul Diyus at longan siginan ka fag taw at amatanganan, laman kanya wa gafanud ay wa mbalabag. Ay at kintong sas wa batu, kanya kata sik taw taguseganan ay mafali gafanud kaduge gdungugan Diyus at longan. Ay katanya wayay, ya ntvngvd at amatanganan. Ay wa glugo nu gafanud, ay nu e gfaskud wa anya, at nadungug nalyam wan. Ay at kintong sas wa makmak madugi kata sik ngay taw gdungugan Diyus at longan. Ay roro matvngvd wayay ka fag ngay taw at fagafanawaun ste swa daga. Ay at fagamatanganun sa way at fagmabalanun. Nu katanya, we buwadan. Ay at tibak fare at kintong sat masine fag daga, kanya kata yangay Diyus at longan sa sik taw at nadungugan. Ay kanya gafanud tuwa ay gfaning tuwa Diyus at longan anway masine ay matuyan at amatanganan. Ay kanya nasungatan tuwa anggan inke buwadan.”


“Sik taw nu nasulsul at salung, wa gsuklub, ay ate wa gfasat daga fagtiyugan. Sik taw nu nasulsul at salung gfatsa tuwas fagfatungkudan, laman tagsakbo glag tuwa. Katanya tuway, we masuksukan at yud umsure ban.
“Nu katanya, dungugani tuwa fiya fiya, anway sik taw nu gfaning tuwa sat matuyan, e famut yay ban sa anya. Ay sik taw at yud gfaning sat matuyan, e mul wa ban siginan anya, nus nga setaw sirut at nasaful.”


Ay rodi Isus at tina ay at ngay fadugsay indasug, ay roro at kayuwan at taw sanya wa maakbang sas Isus. Ay e nafoyung sas Isus te, “Am mina ay am ngay fadugsay snays day bale galagun emu.” Ay Isus nalong sa tiba te, “Nus nga sinu tagdungugan ay tagfaning Diyus at longan, kanya wan ku mina ay ku ngay fadugsay.”


Sik menit, Isus nasakay wa sa sik balutu gfaygaluwan at ngay tagadal, ay nalong te, “Bastam, suma watams dife lino.” Ay kaduge gsakay, Isus gtiyug. Ay rodi ndasug sik bagyu, ay arvs at safa gakapnuun sasad balutu ay gakalubgubun. Ay at ngay tagadal inkakbang sas Isus ay gfulo anya te, “Em Fun, em Fun! Afuloi wan. Umkafuy wa ro tam!” Ay rodi Isus infulo. Ay igsalag at tagmara ay anggan at tagbiya fag lumbak. Ay rodi tv, intuwas wan ay insiwang wan. Ay Isus nalong sat ngay tagadal te, “Dada wan ay fagafanudun?” Ay at ngay tagadal inlimu ay nadulawan. Ay igsulitanan te, “Sinu tuy fag taw dewa at tagmara ay at lumbak gfaning tuwa at longan?”


Ay Isus ay at ngay tagadal gsakay yay gugat sis balutu anggan indasug sas dife lino sas taw Gerasa at talun. Sanya fag talun gfadiddifean Galiliya. Ay Isus nu nalfas wa siginans sad balutu, e nafablang anya sik ama at ke ngay mafurat fag falad siginans sad fulan. Ebi ataw kanya fag ama gbanwan tuwa si sik bale sad fulan. Ay katsi at fagbanwanan sa way sangay faglibingan fag luwib. Ay glugo wan nu glanuwanan. Ka fag ama nu nalag Isus, nauro ay inlub sas Isus akbang. Ay gbiya nu gelongan te, “Isus, Tiba Tungud fag Diyus at Baguwama. Taw ro am fagstiyeun sa angku? Lag long nangus gfauri angku!” At fagnalongun katanya, anway aro ataw Isus nalong wa sa ka fag mafurat fag falad, laman gubun ka fag ama. Ebi ngayu ginan wan ka fag mafurat fag falad nu gmagurang sanya fag ama. Ay dewa tibak taw nasiyuk at take ay darafa kadina ay e gulit anya, mafafalifung way. Ay ka fag mafurat fag falad nataban wa ka fag ama sas talun at yud e taw. Ay Isus ginto sa ka fag ama te, “Sinu am ngayan?” Ay kanya nabalus Isus te, “Ku ngayan Ngayu.” At fagnalongun katanya, anway ngayu at mafurat fag falad tagsi anya. Ay kanya matvngvd nu glong sas Isus te, “Lag gfafoli emi sa ka fag tabyu at yud e bangsi.”
Ay roro sanya sik ngay butan gfangudkudan si sangaba tubi. Ay matvngvd ka fag ngay mafurat fag falad nu glong sas Isus te, “Gfatsai way emi sa sangay butan.” Ay Isus nafaning wa fiya. Ay ka fag ngay mafurat fag falad nalfas wa fiya siginan ka fag ama, ay naalin wa fiya sa sangay butan. Ay rodi tv ka fag ngay butan fagayu nafangtosan way sigad sad abat. Ay fagayu inkafuy wa sasad lino.
Ay at ngay tagtanud butan nu nalag at kin-gurungan sanya, nafantarungan sas fulan ay sa sangay fulan sirut laman nanfamansulit at nalag. Ay nu katanya, ngayuk taw nalo sanya laman nanlag te, taw at kin-gurungan. Ay nu nkakbang wa sas Isus, nalag aro fag ama at ke ngay mafurat fag falad nu malunggung sis Isus day darafa, ay gbalukasan tuwa, ay masine wan at amatanganan. Ay ka fag ngay taw kalimu yay daw glag anya. Ay ka fag ngay ama at nalag nafamansulit sa tibak taw te, katanya nu gfafiya sanya fag ama at ke ngay mafurat fag falad. Ay fagayu taw siginans fulan Gerasa ay siginans tagsafungan fag ngay talun at ngay taw matvngvd nu gayan Isus te, “Loi wan, anway kalimu ami dawdaw.” Ay nu katanya, Isus nasakay wa sa sik balutu laman guli wan. Ay rodi tv aro fag ama at ke ngay mafurat fag falad, matvngvd nu get sas Isus te, “Galo kwa emu.” Ay roro Isus wa kaumsig, nalong way te, “Ulii wa sam bale, ay famansuliti sa am iba Diyus at nafagbulun sa emu.” Ay ka fag ama nalo wan. Ay nafamansulit wa fiya sas fagdaul fulan aro Isus at nafagbulun sa anya.


Ay Isus nu noli wan, at ngay taw nafablang anya, anway kanya fagayu gfanya dawdaw anya. Ay sik ama at ngayan Ayru nkakbang sas Isus. Ka fag ama sik tagmagurang sa sangay taw Udyu at bale fakafulan. Ay kanya nlub sas Isus akbang ay igseg. Ay matvngvd nu glong sas Isus te, “Sai yap ku bale. Anway ku baguyna sadi way, ay at banwa 12, ay kanya gakateun wan.” Ay Isus kaduge glo sas Ayru at bale ngayu way ngap at taw, arvs Isus kagit wan. Ay sanya e sik mangena, 12k banwa yud batang katuwas nu gfangigusan. Ay we taw at mafafiya anya. Ay kanya gin-gitan wa nalo sa tiba buknga anggan inkakbang sas Isus day guyuy. Ay kanya nated Isus at baringbingan balukas. Ay rodi tv, intuwas wan nu gfangigusan. Ay rodi Isus ginto te, “Sinu at nated angku?” Ay fagayu taw nafamayud. Ay Pedru nalong sas Isus te, “Em Fun, tuy wa fag ngay taw ayuwayu tagtudtuludan ay taggit emu.” Ay Isus nalong te, “E nated wa fiya angku, anway namatang aw ku fagmadaragangun nu nalfas siginan angku.” Ay ka fag mangena nu nasaful te, we kasuksuk, kanya kudkulugan inkakbang sas Isus ay inlub sas Isus akbang. Ay gina sis wa taw, nafoyung at fasadan at fagnatedun Isus, ay anggan at faginfiyaun mafali. Ay Isus nalong anya te, “Sena, am fagafanudun at nafafiya emu. Loi wa manabayan.”
Ay kaduge Isus gelongan, sik ama ndasug siginans Ayru bale ay nafoyung Ayru te, “Inkate wan am baguyna. Lag gfasalag tam takamoyung.” Ay Isus nu nadungug, nalong te, “Ayru, lag gafanawa. Afanudi wadi ay umleleg yay ro.” Ay Isus nu ndasug sas Ayru bale, we tibak taw at nafasakbo sasad bale, dasday Pedru, ay Uan, ay Santiagu, ay anggan ka fag baguyna at tama ay at tina. Ay ngay taw sanya guyway dawdaw anway inkate wan ka fag baguyna. Ay nu katanya, Isus nalong te, “Lag am guyway, kanya di nkate, gtiyug way.” Ay ka fag ngay taw nafangasean gafayudun sas Isus anway nasaful te, inkate wan. Ay Isus nated ka fag baguyna at daluwap, ay nalong te, “Nining, alunggungi.” Ay ka fag baguyna at engasan gdog yay infoli sa anya ay inlunggung wa daw. Ay Isus nasugu te, “Fafangoni anya.” Ka fag baguyna at magurang nadulawan dawdaw. Ay Isus nasalag te, “Lag am gfoyung sa tibak taw aro at kin-gurungan.”

Сонсох Lukas 8